אבזערוואציע האט געשריבן: ↑מאנטאג מאי 08, 2023 5:16 pm
שלמה הילדעסהיימער האט געשריבן: ↑מאנטאג מאי 08, 2023 3:51 pm
דיין ערשטע ביישפיל איז פון אן אימיגראנט א פארברעכער, האט גארנישט מיט אנטי אימיגראציע, אדער אנטי אנטי אימיגראציע (ווען ער זאל ווען צילן ווייסע). אגב, דארט וואו עס איז אריגינאל באריכטעט געווארן איז אויך דא א שטיקל אנטי אימיגראנטן בייעס. העמיר עס לאזן פאר א צווייטן מאל.
די צוויי אנדערע זענען גאנץ ווארשיינליך יא מאסן מארד באזירט אויף אנטי אימיגראנטן האס. פונקט ווי די עץ חיים שול מאסן מארד בשעתו.
סיטיס אין טעקסאס זענען אלע רעלאטיוו ליבעראל, און קאליפארניע איז אויך אזוי אנגעפילט מיט אימיגראנטן ווי טעקסאס. ניו יארק סיטי מאנגלט אויך נישט אין אימיגראנטן פון צענטראל און דרום אמעריקע. דאס בארעכטיגט נישט די האס, ליגנט און בילבולים וועלכע רעכטע מידיע פיטערט אירע צוהערער מיט טויטליכע רעזולטאטן.
קיינער אויף סי ען ען, עם עס ען בי סי, אדער סיי וואו איבער די מעינסטריעם צי ליבעראלע צי לינקע צי וואטעווער מידיע רופט נישט פאר טויט אדער אנארכיע, אדער נקמה קעגן רעכטע אמעריקאנער. סארי. קיינער העצט נישט קעגן ווייסע קריסטליכע אמעריקאנער אדער אייראפעער (כ'על דיר אויסזאגן א סוד, זיי זענען אלע אליינס ווייסע קריסטליכע אייראפעישע אמעריקאנער).
פארדאמען געזעצן און געזעצגעבער מיט וועלכע דו ביזט אומאיינשטימיג איז א חלק פון דעמאקראטיע, און איז אלץ געווען די נארם אין אונזער לאנד אויף ביידע זייטן. העצן אומאויפהערליך קעגן פארשידענע גרופעס און מינאריטעטן, ווי עס איז די סדר דורכאויס די רעכטע מידיע קאנאלן אין די לעצטע אכט יאר, איז נישט נארמאל אין א דעמאקראטיע און איז קיינמאל נישט געווען די נארם אין די פאראייניגטע שטאַטן פאר פאקס ניוז, און אויף א ערגערע שטאפל זינט טראמפ איז ארויף אויפן מאפע און טאקער ספעציפיש האט דאס גענומען אויף נאך א ווייטערע שטאפל.
(נעם דעם אלטער העניטי וואס פרעדיגט שוין דרייסיג יארן איבערן גארן לאנד, און ער ווערט נישט באשולדיגט אויף פארשפרייטן העצע דורכאויס זיינע שאוס.)
איבער טאקער אנרופן דעם אנטיפא יוגנטליכן אלס creep, האסטו דורכאויס פארפאסט מיין פונקט. איך וויל ארויסברענגען אז טאקער האט אים נישט באשולדיגט אין שלעגעריי. ער האט אים אנגערופן אנטיפא קריעפ און נישט אנטיפא טהאָג, אדער מאב אדער טעראריסט אד"ג.
די מעשה מיטן אימיגראנט, און די פאקט וואס דו שטעלסט אראפ אומבארעכטיגט אז ניו יארק מוטשעט זיך פונקט ווי טעקסעס (וואס איז א גרויסע ליגנט) ברענגט מיר צום זעלבן פונקט, די אלע שיסערייען וואס דו האסט אראפגעברענגט האט מיט אימיגראנטן און איז שוין א סיבה זיי פיינט צו באקומען, אויב דו האלטסט נישט מיט זיי דרייען איבער דעם שטאט.
די נעא נאצי האבן זיי געפילט פאר וויכטיג צו באטאנען אבער דאס אז ער איז א אימיגראנט נישט און מיר פארשטייען שוין אלע פארוואס טעקסיקאנער אריינגערעכנט ליבעראלן זענען קעגן די אימיגראנטן שטראם.
פליז אבער, לייקן נישט די העצע פון לינקע מידיע אנקעגן פרא לייף רעכטע און אלע אטאקעס אנטקעגן זיי, שווארצע ערמארדען ווייסע פונקט אזוי, ראסיזם? קען זיין.
נישטטא וואס צוצולייגן, אבער עס איז ווערט ארויסצוברענגן די פאקט אז ביי די שיסעריי ווייסט מען גלייך אז דער איז א ראסיסט און נעא נאצי אבער די שיסעריי אויף א קריסטליכע שולע האלט מען שוין וואכן דערנאך אבער די מאטיוו איז עפעס געבליבן אומבאקאנט. אבער מיר ווייסן יא, זי איז געווען אנגעהעצט מיט אנטי רעכטע אנטי רעליגיע העצע פון די לינקע מידיע.
לגבי creep נישט דאס האסטו געזאגט פון אנפאנג, קענסט עס נאך גיין פארעכטן.
דאס אז טאקער איז באשמוצט אלס העצער און הענעטי נישט ווייסמיר אלע, דו אויך. אנטי עסטעבלישמענט, און ער פארמאגט שיטות וואס ברענגט ארויף בייז בלוט, ער איז נישט אלעקס זשאונס און נישט וואפי גאלדבערג וואס רופט אויף הענגען רעכטע אקטיוויסטן (אבער די לינקע זענען וואויל).
איך עגרי זייער ווייניג מיט טאקער אבער איך האב רעספעקט פאר אים מיטן זאגן זאכן וואס קיינער דערוואגט זיך נישט, ער ברענגט מיר אויך ארויף בייז בלוט פון מאל צו מאל אבער מען ברויך וויסן ווי אפצוטיילן צווישן גוט און שלעכט, נישט זיין בלינד לטובת איין זייט.
דאס האבן זיי סוקסעסירט, אנצורופן טאקער רוסישע שפיאן און העצער פאר די אלע וואס הערן אים קיינמאל נישט אויס בכלל. און דאס איז פארוואס יעדע נארמאלע רעכטער האט אין אים געטראפן א געשמאקע רעדנער, און דאס איז פארוואס ער איז עקסטרעם פאפולער, איי קענט העלפ יו.
סאו דאס אז די אימיגראנטן געמיינדע האט געליטן פון צוויי טויטליכע אנטי אימיגראנטן אטאקעס אין א קורצע צייט איז גענוג א גוט סיבה פארוואס זיי פיינט צו באקומען?
און די רוסישע פאגראמטשיקעס צעבליטיגן אידן אין קעשינעוו איז גענוג א גוטע סיבה פאר וואס? און אז נאציס שיסן אידן?
מען טאר נישט פארגעסן אז דיינע זיידעס און באבעס אדער זייערע עלטערן האבן פארלוירן קרובים און געשוויסטער אויף א אינדוסטריאלע פארנעם קוים אכציג יאר צוריק. שרייב נישט אזא סטעיטמענט אין א אידישע פארום.
איך האב נישט געשריבן אז ניו יארק סיטי האט די זעלבע צאל דרום אמעריקאנער מיגראנטן ווי טעקסאס, נאר אז די סיטיס אין טעקסאס זענען אלע רעלאטיוו ליבעראל, אז קאליפארניע האט אן ענליכן צאל צו טעקסאס, און אז ניו יארק סיטי האט אויך א ריזיגע באפעלקערונג פון מיגראנטן. די קאליפארניע בירגער און די ליבעראלע מאיארטיטעטן אין טעקסאס שטעט האבן נישט די זעלבע סארט שנאה צו מיגראנטן ווי אסאך קאנסערוואטיוון, כאטש זיי זענען אסאך מער אויסגעשטעלט זיך צו באגעגענען מיט מיגראנטן פון דרום, ווייל זיי הערן זיך נישט אן מיט רעכטע אנטי-מיגראציע העצע אויף פאקס און פון זייערע ערוויילטע באאמטע.
בכלל, אין דיינע ערשטע דריי פאראגראפן זענען דיינע ערשטע זאצן נישט גענצליך פארשטענדליך וואס זיי האבן מיט די אויספיר.
אז מיין ניו יארק סיטי סיטי סטעיטמענט איז נישט ריכטיג, וועגן דעם איז פארשטענדליך פיינט צו האבן מיגראנטן?
הייבסט אן אז זיי האבן באטאנט נעא נאצי און נישט אימיגראנט איז געדרינגען פארוואס אפילו ליבעראלע טעקסיקאנער האסן די מיגראנטן שטראם?
לינקע העצע קעגן פרא לייף איז אומפארלייקנבאר = שווארצע מארדן ווייסע, ראסיזם?
מעגסט ווען שרייבן קלארער.
מען ווייסט יא, בערך. יענע האט געלערנט אין די קריסטליכע שולע אלס קינד און געמארדעוועט ארטיגע אנוועזנדע פאר אנגעבליכע קריוודעס. איך געדענק נישט די איינצלהייטן, אבער אויב דו ווילסט וועל איך אפילו נאכגעבן אז מידיע קען האבן געהאט אן איינפלוס אויף די אטאקע. פארט נישט גלייך צו די צוויי אטאקעס קעגן מיגראנטן.
איבער טאקער'ס באנוץ פון די ווארט קריעפ. קענסט מיר אנצייגן וואו איך שרייב דאס אין אנפאנג, וואו איך שרייב אנגעבליך אנדערש?
@רעגנדיג, האסט אייביג די אפציע צו קליקן אויפן צווייטן לינק, ליינען די צווייטע סקרינשאט און פירן די שמועס ווייטער ווי א מענטש. אבער ס'איז נישט קיין מאסט.
פאר אנדערע.
אן איינוואוינער אין טעקסאס, אן אימיגראנט גראדע, האט אויסגע'שחט'ן א פאמיליע נאכדעם וואס מען האט אים געבעטן זיך צו האלטן אין די ראמען און נישט עקסערסייזן זיין פאלשע צווייטע עמנדמענט רעכט ווען א קליין קינד שלאפט אין די געגנט.
דאס איז א, ווי מען זאגט, quintessential אמעריקאנער פענאמענאן. האנדלט זיך איין וואפן אומלעגאל, ווערט גערעגט ווען איינער טוט אים א קריוודעלע און נוצט די געווער זיך צו פארטיידיגן קעגן זיינע באקריוודירער.
צייגט דאס אז די אמעריקאנער באציאונגען צו וואפן איז קראנק? ניין. דאס צייגט נאר אז מעקסיקאנער זענען פארברעכער. איי, ענליכע געשיכטעס פאסירן אין אמעריקע אפט, געווענליך דורך אמעריקאנער געבוירענע מענער, און פראפארציאנעל ווייניגער אין אנדערע לענדער אריינגערעכנט אין דרום און אין צענטראל אמעריקע וואו צוטריט צו וואפן איז אסאך מער באגרעניצט. ניין, דאס איז א געלעגנהייט צו באשמוצן אימיגראנטן אין אלגעמיין, אנשטאט קוקן אויפן עכטן פראבלעם אז פארברעכער און אומסטאבילע פארשוינען האבן צו גרינגע צוטריט צו וואפן.
א מענטש אין נארט דעקאטע האט געהאט א היציגע פאליטישע געפעכט מיט א צווייטן און יענעם דערנאך אומגעברענגט. איז דאס די זעלבע ווי אן אנטי מיגראציע עקסטרעמיסט וואס האט אויפגעזוכט מעקסיקאנער מיט וועלכע ער האט קיינמאל נישט אויסגעטוישט קיין ווארט, און אומגעברענגט א האלבע טוץ מענטשן? ניין, אבער צו מינימיזירן די געפאר פון אנטי מיגראציע העצע איז דאס מער ווי גענוג.
אבזערווירער האט געשריבן: ↑מאנטאג מאי 08, 2023 5:17 pm
רעגנדיג האט געשריבן: ↑מאנטאג מאי 08, 2023 2:06 pm
ווער רעדט נאך פון דעם גראבן שקר אז לינקע פראפאגאנדיסטן זענען מער איינגעהאלטן ווי די רעכטע.
עה, זיי העצן נישט יומם ולילה קעגן די מאגא עקסטרעמיסטן וואס ברענגען אונטער דאס לאנד אדער קעגן די ראסיסטו וואס נעמען צו פרויען רעכטן, חלילה. זיי זענען נאר מעורר מיט גאר איידעלע דברי מוסר אז מ'זאל זיך אכטונג געבן.
מיט א בלעכענעם פנים, ניטאמאל ווערט ער רויט.
עס נייגערט מיר צו הרב הילדעסהיימער שלאפט יעצט רוהיגער ביינאכט וויבאלד דאן לעמאן פארשפרייט שוין נישט זיין שעדליכע מסוכנ'דיגע האס איבער אמעריקע...
איך האב דעם לעמאן קיינמאל פארזוכט, אבער אז דו זאגסט אז ער פלעגט פארשפרייטן שעדליכע האס קעגן אמעריקא/נער, נו נו. עס איז אלץ גוט אז די מידיע געט נישט א פרייע האנט פאר פרעדיגער צו פארשפרייטן האס קעגן אנדערע.