די דניעפער וואסער מיט די קאנאלן האט עס אוועקגעשטעלט אלץ א גאר פראדוקטיווע אגריקולטורע ראיאן. אבער עס איז א לעצטיגע זאך. עס איז נישט אלץ אזוי געווען.
די קאנאלן זענען געבויט געווארן דורך די סאוויעטן אין די 1950'ער -1980'ער יארן. בעפאר דעם איז די שטח געווען א הייסער שטויביגער געגענט. עס האט געליטן יעדע עטליכע יאר פון ערענסטע טריקענישן און זאמד שטורעמס.
אן אלטער פאסט מארקע פייערט דאס עפענונג פון די קאנאלן
- 20230607_192427_67.jpg (296.17 KiB) געזען 4516 מאל
אין די היסטאריע ביכער איז פארשריבן מיט הונדערטע יארן צוריק ווען די רוסישע ארמייען האבן זיך געשלאגן אויף די שטחים האבן זיי געדארפט זיך צוריק ציען מיט שווערע צענדליגער טויזנטער פארלוסטן. פשוט עס איז נישט געווען קיין גראז פאר די פערדן צו עסן. עס איז נישט געווען געניג וואסער צו באפלאנצן די פעלדער אין כערסאן, זאפאריזשע און ניקאלייעוו.
די וואסער דאמבע וועט ווארשיינלעך נישט אזוי שנעל ווערן צוריק געבויט בשעת עס געפינט זיך אין א שלאכט פעלד. דאס וועט שטארק אפעקטירן די אגריקולטורע עקענאמיע אין די ראיאן און צוריק דרייען די פארשריט וואס איז געמאכט געווארן דורכאויס די יארן.
בלויז א ביישפיל ווי דראסטיש עס קען זיך טוישן. ווען רוסלאנד האט פארכאפט די קרים האלב-אינזל אין 2014 האבן די אוקריינער בלאקירט די צפון קרים קאנאל צו אפהאלטן די טרינק וואסער פאר די קרים האלב-אינזל. (דאכצעך פון די ערשטע זאכן וואס די רוסן האבן צוריק געשטעלט ווען זיי זענען אנגעקומען אויפן שטח פאריאר)
קרים אין א גרינע דינסטאג אין 2016...
- 20230607_193543_67.jpg (330.27 KiB) געזען 4516 מאל
קרים אין א בלאסע אראנדזשער מיטוואך אין 2018...
- 20230607_193544_67.jpg (246.62 KiB) געזען 4516 מאל
דאס איז אין א קארגע צוויי יאר אפשניט.