משיעורי ר' שרגא פליישמאן - אויפגעבן די אייגענע יכולת

פסיכאלאגיע און מעדיצינען

די אחראים: זייער נייגעריג,אחראי,thefact

אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

איז דא מענטשן וואס זענען גרייט צו פארציילן צי און וויאזוי דער מהלך האט געארבעט פאר זיי? (איך דארף עס פאר 'רעפערענס')?
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

קעניגזאן האט געשריבן: דינסטאג מארטש 14, 2023 2:07 pm
כ'ווייס נישט אויב עס באלאנגט דא, אבער איך אטעטש דא א קאפיטל איבערגעזעצט אין אידיש פון א פאפולערע בוך Letting Go - עס איז נאר פרק ב' פון די בוך, ווייל דאס איז די עיקר פון די גאנצע בוך.
אויב איך האב נישט קיין טעות, איז עס א שטארקע חיזוק פאר ר' שרגא'ס שיטה.
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

בעזרת השי"ת עושה שמים וארץ

מיר קוקט אויס אז די אלע שיעורים פון ר' שרגא נ"י ליגט שוין אין זיין ספר וואס ער האט ב"ה ארויסגעגעבן - לימודים לדעת. ער רעדט דארט פון 'יכולת' און פון 'עס עקזיסטירט שוין' און פון אלעם וואס ער פארקויפט.

אין זיין ספר רעדט ער פון 'יכולת' אבער ער רעדט אויך פון 'דמות'. ס'דא מענטשן, נפשות, וואס עכט ווייסן זיי נישט צופיל צו זאגן וועגן 'יכולת', זיי פילן נישט אזוי שטארק 'יכולת'דיג'. יא, עפעס 'יכולת' פילן זיי, אבער אויף גאנץ א קליינעם פארנעם. די ווארט 'יכולת' רעדט נישט צופיל צו זיי.

פונקט אזוי ווי ס'איז דא 'יכולת' איז דא 'דמות'. ער רעדט דארט פון נאך צוויי זאכן. ווייל ער רעדט דארט פון פיר זאכן. ער רעדט פון 1) הכרה, בעלות 2) חיות 3) התפשטות,יכולת 4) דמות. און איך וויל דא רעדן פון 'דמות'.

די ווארט 'יכולת' מיינט די געפיל פון "איך פיר אן מיין לעבן". ס'דא מענטשן וואס נישט דארט ליגט זייער עיקר נפש. נאר זייער עיקר נפש ליגט ענדערש ביי 'דמות', און 'דמות' מיינט "איך בין דאס און דאס". מ'איז פארנומען מיט 'דמות'. אזעלכע מענטשן זענען נישט דוקא אינטערעסירט צו האבן קאנטראל אויף זייער לעבן, און אפילו אויב זיי געבן אויף קאנטראל, זיי געבן אויף די אייגענע יכולת ווען עס קומט צו מעשים, מיינט דאס נאכנישט אטאמאטיש אז זיי האבן אויפגעגעבן אדער בעסער געזאגט טראנספארמירט זייער דמות.

פונקט אזוי ווי ביי יכולת, איז די עצה צו טראכטן אז פעולות קומט פון אויבן, די זעלבע ביי 'דמות' איז די עצה צו פארשטיין אז דמות האט נישט מיט'ן מענטש, נאר עס קומט פון אויבן, און עס האט נישט מיט מיר. פונקט אזוי ווי דער מענטש וואס לעבט מיט 'יכולת', דארף אויפגעבן אויף 'יכולת', אזוי אויך דער מענטש וואס לעבט מיט 'דמות' דארף פארשטיין די אמת פון דמות.

און דער אמת פון דמות קען מען פארשטיין ווען מ'פארשטייט אז מיין דמות האט נישט מיט מיר. ס'זאגט נישט וועגן מיר. איך האב עס געמאכט אז ס'זאל זאגן וועגן מיר, אבער ס'איז נאר מיין אייגענע געמאכאכץ, און עס האט נשיט מיט מיר.

פונקט אזוי ווי דער מענטש וואס לעבט מיט 'יכולת' האט נישט צופיל ווען ער פארשטייט דעם אמת פון 'דמות', אזוי אויך דער וואס לעבט מיט 'דמות' ווערט נישט אינגאנצן אויסגעהיילט וויפיל ס'איז שייך פון אויפגעבן אויף 'יכולת'. ווייל זיינע פראבלעמען קומען פון 'דמות'. און נישט נאר פון 'יכולת'.

די מענטשן וואס זייער נפש איז ארום 'דמות', זייערע שוועריגקייטן קומט מצד הדמות. און נישט אזוי ווייט מצד יכולת. אזעלכע מענטשן וועלן נישט אזוי שווער אויפגעבן אויף 'יכולת', אבער ביי דמות וועט זיי זיין א עבודה.

ר' שרגא נ"י רעדט זייער אסאך ארום אין זיין ספר פון 'דמות'. די וואס זייער נפש לויפט ארום 'דמות' איז זיי נישט שווער צו כאפן וואס 'דמות' מיינט. זיי ווייסן דערפון. דמות מיינט די געפיל פון "ווער בין איך, וואס איז מיין חשיבות, וואס איך בין מער ווי אנדערע" "בין איך יעצט געווארן ווייניגער ווי אנדערע, בין איך מער ווי אנדערע?" אדער סתם "איך בין דאס און דאס, און איך דארף דאס אנהאלטן"

ווען איך רעדט יעצט פון דמות, פאר די אלע וואס זייער נפש לויפט דארט, ווייסן פון וואס איך רעדט. דמות מיינט דיין פארנומענקייט מיט "ווער בין איך?"

די שוועריגקייטן, די חולי נפש, וואס קען ארויסקומען פון דמות איז, אז מ'ווערט נעגעטיוו, מ'ווערט דיפרעסד, מ'פילט אליין, מ'פילט אז מ'איז גארנישט ווערד, מ'פילט אז מ'לאכט פון דיר, מ'פילט אז נאר יענער איז עפעס, אבער איך בין גארנישט.

ביי דמות דארף מען אויך טראכטן, און פארשטיין, אז זאכן קומען מלמעלה צום מענטש.

די 'דמות' מענטשן זענען אזעלכע וואס זייער גאנצע נפש טוישט זיך נישט לויט די מעשים וואס זיי טוען, נאר לויט די געפילן און מחשבות וואס פון דעם שטעלט זיך זיי צאם א דמות, א "דאס און דאס בין איך". אזעלכע מענטשן פילן נישט אזוי ווייט אז מ'דארף עפעס טון פאר'ן לעבן, (כך נראה לי, ואדרבה, ווער ס'ווייסט אנדערש, נא להודיע לי) אלעס איז נאר ארום דמות. חוץ די וואס זיי האבן מער יכולת ווי דמות.

קומט אויס אז אנשטאטס טראכטן פון "וואס איז מיין יכולת" טראכט "וויאזוי געב איך צוריק צום באשעפער מיין דמות", "וויאזוי לאז איך גיין מיין נעכטיגע דמות, אדער מיין פאנטאזירטע דמות"

מיין אייגענע עקספיריענס מיט מיר אליין האט מיר געוויזן אז די עצה פאר דמות איז התחברות מיט חברים, כנסת ישראל. ווייל די רגע מ'טראכט "וואס בין איך חשוב" איז מען שוין אפגעטיילט נישט נאר פון כנסת ישראל, נאר אויך פון זיך אליין. סעלף עסטים קומט נישט פון טראכטן "וואס בין איך חשוב", עס קומט פון פילן גאנץ. און גאנץ פילט מען זיך ווען מ'פילט זיך מחובר. די רגע מ'טראכט "און איך, וואס בין איך חשוב?", איז מען שוין נישט חשוב. ווייל מ'טיילט זיך אפ פון זיך אליין, מ'ווערט א גארנישט. א מענטש איז נאר א חלק. דאס מיינט נישט אז מ'דארף זיך אינגאנצן מבטל זיין פאר יענעם, מ'איז דאך א מענטש פאר זיך. אבער מיט דעם אלעם וואס מ'איז פאר זיך, איז מען דאך מחובר.

ענדערש דארף מען ארבעטן צו פילן מחובר, צו פילן התחברות מיט כנסת ישראל, מיט חברים, עכטע התחברות, און פון דארט שיינט זיך ארויס די געפיל פון אייגענעם חשיבות. נישט ווייל יענער געט דיך א שמייכל, נישט ווייל מ'לויפט אוועק פון די אייגענע 'איך', נאר ווייל דאס איז מען. מ'איז א חלק. טראץ דעם וואס מ'איז א מענטש פאר זיך, איז מען א חלק, און טראץ דעם וואס מ'איז א חלק, איז מען א מענטש פאר זיך, צוזאמען ביידע. כך נראה לי. ענדערש דארף מען ארבעטן אויף פילן מחובר, און זיך פרעגן "פארוואס פיל איך נישט מחובר?".

ס'איז דא אזא זאך אז 'יכולת' איז ממוסך מיט 'דמות', על זה הדרך: איך האב א יכולת צו האבן מיין אייגענע דמות. אבער דער עיקר איז די דמות וואס מ'דארף פארשטיין אז ס'קומט מלמעלה.

והשם הטוב עוזר ויעזור
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

בעזרת השי"ת עושה שמים וארץ

איך וויל פרובירן נאך צו פארשטיין געבן וואס עס מיינט דמות. דמות טייטשט געשטאלט.

ווען א מענטש ווערט פארשעמט איז עס צוליב זיין דמות. ער פילט אז זיין דמות איז נישט ווי ער וואלט געוואלט, דערפאר ווערט ער פארשעמט. א מענטש האט א געוויסע דמות פון זיך אין זיין מיינד, און ער פילט אז דאס איז נישט די וועג וויאזוי זיין דמות דארף יעצט אויסקוקן.

די מיינד פון א מענטש מאכט א בילד פון זיך אליין. די מיינד פון א מענטש מאכט א בילד פון די אייגענע נפש. די מיינד פון א מענטש האט אין זיך א בילד פון זיך אליין. "דאס און דאס בין איך". דמות מיינט אזא בילד וואס די מיינד האט אין זיך פון די נפש. דמות איז נישט די גאנצע נפש. דמות איז א בילד וואס די מיינד מאכט פון די נפש. דמות איז א בילד וואס די מיינד האט אין זיך פון די נפש. "ווער בין איך, וואס בין איך, בין איך חשוב, וויפיל כוחות האב איך אין מיר"

סעלף עסטים קומט מצד הדמות. דארט רעדט ער פון סעלף עסטים.

חוץ פון די נפש האט א מענטש אין זיין מיינד א דמות פון זיין נפש. א מענטש קען פילן זיין נפש, ער קען פילן אז ער האט אינערליכע כוחות, ער קען פילן ווי ער וויל טון זאכן, און ער קען אויך ווערן באוואוסטזיניגט אויף "וואסערע בילד האט מיין מיינד אין זיך פון מיין נפש?"

ווען א מענטש שעמט זיך פון איינעם איז עס צוליב זיין דמות. בושה קומט מצד הדמות. א מענטש פירט זיך אויף אינדערהיים אויף א לייכטערע וועג, און ווען ער באמערקט אז איינער זעט אים, פילט ער אז זיין דמות איז געווארן פארשעמט. ווען א מענטש שעמט זיך זייער שטארק, איז עס ווייל ער פילט אז זיין דמות איז נישט פאסיג פאר די מצב.

שטעל דיך פאר ווי דו קומסט אריין צווישן מענטשן פון וועם דו שעמסטעך, די געפיל אז דו שעמסטעך קומט פון דיין דמות. קומט אויס אז ווען דו שעמסטעך, קענסטו פילן דיין דמות.

יעצט, לאמיר דיר פרעגן א שאלה, און ווען דו גייסט מיר וועלן ענטפערן, וועסטו מוזן קוקן אויף דיין דמות. אבער קודם א הקדמה. יעדער מענטש האט אין זיך א נפש. דו קענסט פילן דיין נפש? דו קענסט פילן אז אינעווייניג אין דיר איז דא אזא ענערגיע וואס וויל זאכן? בקיצור: א נפש? צי קענסטו פילן אז אין דיר איז דא א נפש? צי קענסטו פילן אז אין דיר איז דא געפילישע ענערגיע? אויב יא. און דו קענסט פילן דיין נפש. איז לאמיר דיר פרעגן: אט דער נפש איז א בכבוד'דיגע זאך, א חשוב'ע זאך, אדער ס'איז א סתם א גארנישט?

בשעת דו האסט געוואלט ענטפערן אויף דעם פראגע, האסטו געמוזט קוקן אויף דיין אייגענע דמות. דאס מיינט דמות. אויב דו פרובירסט צו פארשטיין צי דיין נפש איז חשוב, אדער נישט, מוזטו קודם האבן אין דיין מיינד א דמות פון דיין נפש.

טראכט אז דו באגעגנסט דיך מיט חשוב'ע מענטשן. און דו טראכסט פון זייער חשיבות, טראכסטו פון זייער דמות. זיי האבן א געוויסע דמות ביי דיר אין מיינד. אויב דו קוקסט זיי ארויף, האבן זיי ביי דיר א חשוב'ע דמות.

טראכט נאכאמאל פון חשוב'ע מענטשן, און טראכט פון זייער נפש. נישט פון זייער חיצוניות, נישט פון זייערע בגדים, נישט פון די וועג וויאזוי זיי פירן זיך אויף. טראכט פון זייער נפש, זייער אינעווייניג. איז עס חשוב, אדער נישט? בשעת דו ווילסט ענטפערן צי ס'איז חשוב אדער נישט, מוזטו טראכטן פון א דמות פון זייער נפש. דו מוזט האבן אין דיין מיינד א געוויסע דמות פון זייער נפש וואס דו שאצט אפ צי ס'איז חשוב, צי נישט.

א מענטש קען נאר טראכטן פון די דמות פון א זאך. א מענטש קען נישט טראכטן פון די עצם פון א זאך. יעדע זאך באשטייט פון א עצם און פון א דמות. מ'קען אבער נאר אויפכאפן די דמות פון א זאך, מ'קען נישט אויפכאפן די עצם פון א זאך.

טראכט נאכאמאל פון חשוב'ע מענטשן, פון זייער נפש וועם דו קוקסט ארויף. אלץ א חשוב'ע נפש. סאו, דו טראכסט פון זייער דמות. און יעצט טראכט "בין איך חשוב?" ווען דו טראכסט "בין איך חשוב?" טראכסטו פון דיין דמות.

לאמיר זאגן אז איין טאג פילסטו ווי דו ביסט סתם גארנישט, "ווער און וואס בין איך", און לאמיר זיך ווייטער פארשטעלן אז די קומענדיגע טאג לערנסטו צען שעה בעיון גדול גמ' רש"י תוספות ומפרשים, בעיון גדול מאוד. און דו פילסט אזא חשיבות אין דיר. "אה, יעצט בין איך עפעס ווערד" (נישט דאס איז די וועג וויאזוי א יוד דארף טראכטן, אבער איך נוץ עס נאר אלץ משל) ווען דו טראכסט "אה, יעצט בין איך עפעס ווערד, טראכסטו פון דיין דמות.

דמות איז א בילד אין דיין מיינד ווער דו ביסט. אדער וואס דיין נפש איז אלץ. ווען א מענטש זאגט פאר איינעם "ס'פאסט מיר נישט" ווען ער זאגט די ווארט 'מיר', טראכט ער פון זיין דמות. פאר די געוויסע דמות וואס איך האב פון מיר, פאסט עס נישט. ווען א מענטש איז פארנומען צי מ'האט ליב זיין נפש, צי נישט, טראכט ער פון זיין דמות.

טראכט יעצט ביי דיר אליין פון איינעם אויף וועם דו וואונדערסט דיך צי ער האט ליב דיין אינערליכקייט "ער האט מיך ליב, אדער נישט" בשעת דו פרעגסט דיך דעם פראגע טראכסטו פון דיין דמות. דו האסט אין דיין מיינד א געוויסע בילד פון דיר אליין. ס'דא מענטשן וואס זענען זייער פארנומען מיט דעם דמות. אדער "איך בין ווערד אז מ'זאל מיך ליב האבן, אדער נישט?" טראכסטו פון דיין דמות.

א צווייער, א דרייער און א פירער זייער נפש לויפט מער ארום דמות. אבער א פירער איז די מערסטע פארנומען מיט זיין דמות. א דרייער אויך. א צווייער נישט דירעקט.

א פירער טראכט "ווער בין איך, וואס בין איך, איך בין דאס, ניין איך בין ענדערש יענץ" ער איז פארנומען מיט זיין דמות. "ס'איז חשוב אדער נישט?" "ס'האט אין זיך א וועליו, אדער נישט?" א דרייער איז אויך פארנומען מיט זיין דמות. אבער מער אויף א אופן פון עס אהערשטעלן.

ס'איז דא ווען א מענטש ווערט סטאק, און ער טוט גארנישט, ווייל ער איז אגאנצן טאג פארנומען מיט זיין דמות. "מיך פאסט נישט סתם צו טון זאכן" "מיך פאסט נישט צו זיין נארמאל פונקט ווי יעדעם" "איך בין עפעס ספעציעל, איך קען נישט סתם אזוי זיין א פלעינע מענטש כאחד מן השורה" דאס קומט פון זיין פארנומען מיט דמות.

ס'קען זיך מאכן אז ער זאל אזוי שטארק ווערן פארנומען מיט זיין דמות, אז ער האט נישט קיין ספעיס צו טראכטן פון א צווייטן. זיין קאפ איז אגאנצן טאג פארנומען מיט אנהאלטן זיין דמות אז ס'זאל נישט צעפאלן.

ער קען נישט סתם אזוי טאנצן ביי א חתונה פונקט ווי יעדעם, ווייל די גאנצע דמות גייט צעפאלן. דא דארף ער אהערשטעלן עפעס אזא און אזא סארט מענטש, און דא וועט ער סתם אזוי טאנצן פונקט ווי יעדעם, די גאנצע דמות קען צעפאלן.

ביי אזעלכע מענטשן וועסטו אייביג זען אז זיי קענען נישט זיין ספאנטאן פונקט ווי יעדעם, נאר זיי האלטן קאפ אויף זייער דמות, און אזוי האלטנדיג קאפ רעדט ער מיט אנדערע. ער האלט קאפ אז ס'זאל נישט צעפאלן.

פונקט אזוי ווי ביי יכולת, דארף א מענטש טראכטן און פארשטיין אז ס'עקזיסטירט שוין, אזוי אויך קען מען אויפהייבן דמות. די עכטע אמת פון דמות איז אז די בילד וואס א מענטש האט פון זיך איז פאלש. ס'איז נישט אמת. איך קען נישט זאגן צופיל, אבער ס'איז צומאל א שטיק שקר. הייבט זיך נישט אן.

ס'איז סתם אזא: ער קומט אריין אין ביהמ"ד, און ער פירט זיך אויף אזא וועג, אבער ס'איז נישט אמת.

פונקט אזוי ווי ביי יכולת דארף מען קודם אויפכאפן אז מ'גייט מיט יכולת, די זעלבע ביי דמות, דארף מען קודם אויפכאפן אז מ'האלט קאפ אויף דמות.

יעדע בילד וואס א מענטש האט פון זיך איז אייגנצאמגעשטעלט. וואס איז געווען? איך האב געלערנט צען שעה, און דאס מיינט אז איך בין איך ווייס וואס? ווער האט מיך באשאפן, ווער האט מיר געגעבן כוחות צו לערנען צען שעה? ס'זאגט עפעס וועגן מיר? קומט אויס אז די דמות וואס איך האב יעצט אין מיין קאפ וועגן מיר, איז סתם פאלש. אלעס קומט פון אויבן.

אז ס'פאסט מיר נישט צו רעדן צו געוויסע מענטשן, ווייל וויאזוי קען איינער מיט אזא חשוב'ע דמות זיך אזוי אראפלאזן און רעדן? קען איך אנהייבן טראכטן אז מיין דמות איז סתם א דמיון. און לאזן פלאץ פאר א נייע דמות. די מענטשן וואס זענען פארנומען מיט דמות, האלטן אין איין באקומען בילדער פון זייער נפש, מ'דארף לעבן אינעם הווה. און נישט ווערן סטאק מיט א בילד אז דאס בין איך.

ר' שרגא נ"י רופט די חלק נפש וואס שאפט זיך פון דמות, רופט ער דעת התכבדות. ווייל דמות איז וואס שאפט פאר מענטש חשיבות, כבוד, גאווה, סעלף עסטים, אלעס קומט פון דמות.

אויב מ'הייבט אויף די דמות, קען מען ווערן באוואוסטזיניג אויף סך מער ווי סתם א ענגע 'איך'. די 'איך' ווערט סך ברייטער, עס ווערט מחובר צום אייבערשטן. עס ווערט איבערגעפרישט מיט א התחדשות.

והשם הטוב עזור ויעזור
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

צ'ק
איז נישט דער פאלגנער שטיקל תניא עפעס א סתירה?
להשתחחות.png
להשתחחות.png (92.39 KiB) געזען 1135 מאל
בנצי
שר העשר
תגובות: 35
זיך איינגעשריבן אום: דינסטאג דעצעמבער 03, 2019 3:33 pm

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך בנצי »

המברך יתברך האט געשריבן: זונטאג אפריל 02, 2023 6:15 am
צ'ק
איז נישט דער פאלגנער שטיקל תניא עפעס א סתירה?
להשתחחות
זיי מער מסביר
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

השתחוואה איז לכאורה וואס ר' שרגא זאגט, אז מ'געט אויף דעם אייגענעם יכולת און מ'איז משיג אז אנעם אייבערשטן איז גארנישט מעגליך. דא זעט אויס אז דאס קען נאר צוגיין דורך מסירת נפש, און אז אפילו אזוי, קען מען נישט געהעריג נאר במקום המקדש.
אוועטאר
נאר מיט א שמייכל
שר מאה
תגובות: 101
זיך איינגעשריבן אום: זונטאג יולי 05, 2020 10:07 pm

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך נאר מיט א שמייכל »

קען זיין איינער שוין געפרעגט...
אויפגעבן אייגענע רצונות איז אין מיינע אויגן גאר א הויכע מדריגה..
נאכמער ס'באקאנט מען מיז קודם האבן די שלא לשמה....
אויב איינער קען ביטע מסביר זיין...
עונג החיים
שר מאה
תגובות: 106
זיך איינגעשריבן אום: מיטוואך סעפטעמבער 28, 2022 12:57 pm

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך עונג החיים »

נאר מיט א שמייכל האט געשריבן: זונטאג אפריל 02, 2023 5:59 pm
קען זיין איינער שוין געפרעגט...
אויפגעבן אייגענע רצונות איז אין מיינע אויגן גאר א הויכע מדריגה..
נאכמער ס'באקאנט מען מיז קודם האבן די שלא לשמה....
אויב איינער קען ביטע מסביר זיין...
ר' שרגה רעדט נישט פון אויפגעבן רצונות קיינמאל
נאר אדרבה פארקערט.....
אֲנִי מַאֲמִין בֶּאֱמוּנָה שְׁלֵמָה. שֶׁהַבּוֹרֵא יִתְבָּרַךְ שְׁמוֹ הוּא בּוֹרֵא וּמַנְהִיג לְכָל הַבְּרוּאִים. וְהוּא לְבַדּוֹ עָשָׂה וְעוֹשֶׂה וְיַעֲשֶׂה לְכָל הַמַּעֲשִׂים:
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

אמת. ר' שרגא רעדט בכלל נישט וועגן אויפגעבן רצונות, נאר וועגן אויפגעבן דעם איינרעדעניש אז איך בין דער וואס שאפט עס.
דאס האט אבער גארנישט מיט די קושיא פון תניא.
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

@המברך יתברך

אדרבה, פון דעם שטיקל זעט מען פארוואס ס'איז אזוי וויכטיג צו שטענדיג ארבעטן צו אויפגעבן די אייגענע יכולת. מ'קומט טאקע נישט אן נאר מעט מזעיר אין ביהמ"ד, אבער כאטש ארבעטן דערויף. דער שטיקל מיינט אז ס'איז דא זמנים וואס מ'דארף מער נישט טראכטן פון אויפגעבן די אייגענע יכולת, עכ"פ דאס ביסל בחינה מעט מזעיר, ווייל עס געשעט שוין אטאמאטיש מיט אביסל מחשבה. אבער ביז דאן, דארף מען ארבעטן צו אויפגעבן די אייגענע יכולת, טאקע דערפאר. ווייל מיר האבן נישט א ביהמ"ק. אן א ביהמ"ק קען עס זיין מער "איך בין דער וואס ארבעט אויף אויפצוגעבן מיין יכולת, און איך בין מיך מבטל, איך בין דער וואס טוט דא עפעס". אין ביהמ"ק איז עס געווען אזוי פון אויבן, אז ס'איז גארנישט בייגעפאלן אז מ'האט זיך דא מבטל געווען.

פארשטייסט די חילוק? מ'קען אויפגעבן יכולת, אבער ס'איז דאך נישט דאס. ס'איז דאך נישט די אמת'ע ביטול, קוים א הכנה לקבל.
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

אמת, הונדערט פראצענט אז מ'דארף עס טון אלס חלק פון עבודת ה'. און נישט דאס איז די קושיא, די קושיא איז לגבי דעם חלק וואס ער טענה'ט אז מ'קען עס ניצן פאר עמאשענעל העלט.
בנצי
שר העשר
תגובות: 35
זיך איינגעשריבן אום: דינסטאג דעצעמבער 03, 2019 3:33 pm

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך בנצי »

דו ווייסט וואס מיינט אויפגעבן יכולת?
ווער פון אונז קען זאגן אז ער האט שוין טאקע אויפגעגעבן יכולת?
גייט דאס טאקע אזוי אז מ'געבט אויף יכולת, און שוין?
דאס איז א פראסעס וואס מ'דארף אויף דעם ארבעטן א גאנץ לעבן, און מ'קען שטייגן העכער און העכער אין דעם. און דאס איז די חילוק צווישן א פשוטע איד, א צדיק, און נאך א גרעסערער צדיק, וויפיל ער האט שוין אויפגעגעבן אויף זיין יכולת, ווי רבי שרגא זאגט אין זיינע שמועסן.
דאס אפס קצהו ומעט מזעיר וואס מיר קענען יא אין היינטיגע צייטן - ווי דער תניא שרייבט, איז אזוי מאכטפול און האט אזא קראפט, געזונט צו מאכן א מענטש און אים פשוט אויסהיילן פון זיינע חולאי נפש, יא. סאיז א מציאות.
ווען מיר וועלן זוכה זיין צו אמת'דיג אויפגעבן יכולת וועלן מיר זיין בהפשטת ההגשמה לגמרי ווי מלאכים, גרינג ווי א פעדער, מ'קאן זיך עס נישט אויסמאלן. און אויף דעם בעטן מיר ושם נעבדך ביראה כימי עולם וכשנים קדמוניות!
עכ"פ די השתוקקות און האפענונג אנצוקומען דערצו דאס קענען מיר האבן יעצט אויך.
זאלן מיר טאקע זוכה צום אור ליום י"ד בודקין את החמץ - יכולת, לאור הנר - צום ליכט פונעם כח הבורא וואס איז העכער און גרעסער פון אונז.
און מקיים זיין תשביתו שאור מבתיכם - מבטל זיין און אויפגעבן אלע מיני יכולת'ן מחדרי לבבינו.
און ארויסגיין פון מצריים - אלע חולאי הנפש און ענגשאפטן. אמן. (שיינע שבת הגדול דרשה?)
אמעסידטשפארכללישראל
שר חמש מאות
תגובות: 877
זיך איינגעשריבן אום: זונטאג מארטש 27, 2022 9:09 pm

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך אמעסידטשפארכללישראל »

אויב איינער וויל געוואר ווערן ר' שרגה'ס מהלך זאל ער הערן די שעורים פון אים, נישט קודם ליינען די אשכול.
אין צום לעצט, וואס איז דיין מעסידטש פאר כלל ישראל?
שפיי נישט אריין אין א ברינעם פון וואס די האסט געטרינקן.
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

ב"ה
הגוגעה האט געשריבן: זונטאג אפריל 30, 2023 9:18 pm
אמעסידטשפארכללישראל האט געשריבן: זונטאג אפריל 30, 2023 8:09 pm
הגוגעה האט געשריבן: זונטאג אפריל 30, 2023 5:17 pm
יעקב אבינו האט געשריבן: זונטאג אפריל 30, 2023 2:34 pm
אן א נאמען האט געשריבן: זונטאג אפריל 30, 2023 2:29 pm

אזאנע שטותים צו רעדן, קריגסט זיך אויף די גמרא? ברכות לב "ת"ר ד' דברים צריכים חיזוק, אלו הן תורה, ומע"ט, תפלה וד"א וכו'"
סדא א חילוק ווען סאיז צריכים חיזוק אדער addiction

ווענדט זיך ווי desperate די ביסט פאר עס
איך זיך איינעם וואס האט געהערט און געקאכט און די שיעורים "לשעבר" מיט א ברעיק פון צוויי יאר מינימום. (’חיזוק’ קען מען דאך נעמען פון אנדערע פלעצער...)
איך האב אים געהערט 100טער שעות סהאט געהאלפן אסאך בשעת לעבן און די געשמאקע הויכע געפיל אז "איך נעם פון אייבירשטען" "איך דארף נישט קיין יכולות"...
די געשמאקע הויכע געפילן קענען (צייטווייליג) צודעקן די אלע צוקלאפטקייטען אבער לעניית דעתי איז עס נישט א עכטע היילונג מיטעל פאר מענטשן וואס מיטשענען זיך.
איך האב אים אמאל געפרעגט אויף זיין סוקסעס רעיט, וויפיל יונגעלייט ווייסט ער וואס גייען אן מיט די מהלך, ער האט מיר נישט געקענט געהעריג ענפערן (ער האט געזאגט אז ער פרעגט זיך נישט נאך און די יונגעלייט קימען נישט צוריק מיט אפדעיטס).

ביטע נישט אננעמען מיינע ווערטער פארן עס דורכרעדען מיט א מבין שיש לו דעת תורה

לעניית דעתי דעיס אז א מענטש זאל נישט ווילען קיין שטאנד, און לעבן אזוי הויעך איז נישט געמאכט פאר פשוטע מענשטן. מ’זעהט אמת’ע ערליכע יודן און גרויסע תלמידי חכמים וואס דארפן א בית מדרש... עפעס א שטאנד... זענען געווארן פארווייטאגט ווען איינער האט זיך אריינגעריקט און גענימען א פאסטען וואס זיי האבן געוואלט...
לעניית דעתי דארף א מענטש זיין באקוועם מיט זיך און אונגאנצען מסודר מענטעל"י פאר מ'הייבט אן קאכן און מדריגות. אז נישט איז עס א צייטווייליגע דמיון.
לעניית דעתי, ע"מ שאקרא רב וכדו’ איז א ’לכתחילה’ פאר היינטיגע יונגעלייט... און רעד דיך נישט איין אז די האסט ’ר’ שרגא’ס מהלך’ און די ביסט העכער פון דעם... ידעתי אז ר’ שרגא טענה’ט אז רוב ספרי חסידות זענען זייער שארף אקעגען אזא שלא לשמה... אבער איך וואלט געוואלט הערן בשם א בעל דעת שיש לו דעת תורה א מיינונג איבער דעם.

#מיינונג פון איין מענטש
#מיין מיינונג יעצט...
דאס איז ממש וואס איך האב געפרעגט פון הרב פליישמאן פארן עס הערן. ער האט מיך אויך נישט געוואלט ענטפערן געהעריג. (איך בין אויך נישט געהעריג צוריק געגאנגען זאגן ווי שטארק איך האב נהנה געווען. איך דארף אים טאקע גיין זאגן.

דיין מיינונג וואס די שרייבסט דא איז פשוט ווייל די ווייסט נאכנישט וואס דאס איז. דאס למשל אז מ'הייבט אן 'קאכן אין מדריגות', אדער דאס גלייכן. דאס אז ערליכע אידן דארפן אויך א שטאנד, דאס איז טאקע די חורבן. אויף דעם האט מיר ר' שרגה געזאגט אז אסאך אידן איבער די זעכציג קומען אן צו אים אז זייער עבודת ה' האט געפלאצט, ווייל ס'איז נישט געווען עבודת ה', נאר עבודת הגאווה. אלע זייערע מצוות זענען געווען נאר צו קענען שפירן בעסער מיט זיך אליין. עס ארבעט נישט! פריער אדער שפעטער פילט מען די פאלשקייט דערין. אן עכטע ערליכע איד גייט נישט אן די אלע כבוד זאכן.

וועגן זיין מסודר מענטעלי, ס'איז נישטא קיין שום וועג צו זיין מסידר מענטעלי אן אויפגעבן די יכולות. וויאזוי דען? טעראפי אפשר? איך קים פין דארט, ס'ארבעט נישט. ס'איז פיל מיט סתירות און פאלשקייט. ווי ר' שרגה איז מסביר אזוי שיין אויף יעדע סארט טערפי באזינדער.

לויט ווי איך קען ערלכע אידן פון אמאל, אינקלאדינג מיין זיידע זאל זיין געזינט, און לויט ווי איך זעה אין אלע אמאליגע חסידישע ספרים זענען די זאכן אזוי פשוט, עס קוקט אויס ווי יעדע איד אמאל האט דאס געוויסט פאר א פשטות. נאר היינט איז מען אויפגעקימען אז ס'איז דא אזא זאך אז צו גלייבן מיטן גאנצן הארצן אין די דרייצן אני מאמאין איז עפעס הויכע מדריגות און א צייטווייליגע דמיון, און אז צו האבן אמתע בטחון אין דעםל עבן דארף מען זיין קודם מענטעלי מסידר. פארקערט, גיין צו טעראפי ווי מען לערנט זיך אריינצועסן אינם איך איז אויף הינדערט פראצענט א צייטווייליגע דמיון!

די צוקלאפקייטן וואס די רעדסט זענען טאקע דאס וואס ער אדרעסירט, און זאגט וואס די צוקלאפטקייט איז, און פין ווי עס קומט.
מיין פריינט. איך האב נישט געשריבן "קאכן אין מדריגות"... איך האב פשוט געלעבט מיט די געשמאקע געפיל מיט וואס די לעבסט יעצט ... אז איך האב געטראפן די ריכטיגע וועג..! איך ווייס וואס קיינער ווייסט נישט אז ’אלע גייסטישע פראבלעמען זענען פשוט יכולות’... און אז אסאך אידן איבער די זעכציג קומען אן צו אים אז זייער עבודת ה' האט געפלאצט, ווייל ס'איז נישט געווען עבודת ה', נאר עבודת הגאווה. אלע זייערע מצוות זענען געווען נאר צו קענען שפירן בעסער מיט זיך אליין. עס ארבעט נישט! פריער אדער שפעטער פילט מען די פאלשקייט דערין. אן עכטע ערליכע איד גייט נישט אן די אלע כבוד זאכן... ממש אזוי.

היינט האלט איך נישט אז א קינד וואס איז אויפגעוואקסען און א שווערע שטוב אדער איינער וואס איז דורך אסאך טראמא, איינער וואס פילט נישט באליבט, נישט ריספעקטעד, איינער וואס ליידט אויף ענקזייעטי, איינער וואס פעלט סאשעל סקילס איז די פראבלעם ’יכולות’. והא ראיה, די זעלבע מענטש וואלט ווען אויפגעוואקסען און א ווארימע געזונטע שטוב וואלט ער זיך בדרך כלל נישט געמיטשעט גייסטיש.
היינט האלט איך אז אויב דעי צוקלאפטע נפש'ל וועט זיך איינרעדן אז ער האט ’געטראפן די וועג’ זיך אנצופילען, און אז ער ’געט אויף אויף ’יכולות’ וועט עס נעמען צייט, אפשר א יאר, צוויי, דריי, ווי ער וועט זעהן ווי זיין יכולת וואקסט אים נעבעך ארויס און נעמט זיך מאנען דאס זייניגע... אונז זעמיר נישט אויף די מדריגה פון זיין אקעי און געזונט צוקלאפטערהייט און אראפגעקיקטערהייט.

עניוועי, מדארף דא אהער ברענגען דעת תורה שנעל.
ב"ה

מיין תירוץ אויף דעם איז, און לכאורה וועסטו אויך מסכים זיין, אז אויפגעבן אויף די אייגענע יכולת איז די וועג פון לעבן. צו וויסן און פילן אז אלעס קומט מלמעלה איז די געזונטהייט פון א מענטש. און אזוי דארף א יוד לעבן. ר' שרגא נ"י האט גארנישט מחדש געווען. אלעס שטייט שוין אין אונזערע ספרים. נאר מיט דעם אלעם דארף א מענטש טרעפן א וועג וויאזוי ער זאל אויפהערן זיין פארנומען אז ער איז צעקלאפט און אראפגעקוקט. ווייל ווילאנג א מענטש איז פארנומען אז ער איז צעקלאפט און אראפגעקוקט, וואס וועט אים העלפן אויפגעבן אויף יכולת? ווען ער געט נישט עכט אויף דערויף. ווען טיפער אין אים איז דא א יכולת וואס וויל יא פילן צעקלאפט און אראפגעקוקט. און דאס קען מען אפשר האפענטליך עררייכן מיט קאוהירנס טערעפי, אדער אנדערע טיפע טערעפי. אריינצוקריכן אין זיך צו פארשטיין וואס עס האלט אויף געוויסע יכולת'ער.

ר' שרגא נ"י מאכט נישט אוועק טראמא טערעפי. ער מאכט נישט אוועק טערעפי. איך האב עס אליין געהערט אויף זיינע שיעורים. ער מאכט נישט אוועק טערעפי. ער זאגט אז ס'דא אזא זאך ווי טראמא, וכו'. ער מאכט נאר אוועק טערעפי וואס גייען אויפצובויען די 'אייגענע יכולת' אין א מענטש. אבער ער מאכט נישט אוועק טערעפי. און מ'דארף קאמביינען ביידע. מ'דארף עס נעמען פון השי"ת.

וואס איז טראמא? טראמא איז א געוויסע יכולת וואס לעבט אינעם מענטש און לאזט אים נישט אנגיין.

דו שרייבסט אזוי: היינט האלט איך נישט אז א קינד וואס איז אויפגעוואקסן אין א שווערע שטוב, אדער איינער וואס איז דורך אסאך טראמא, איינער וואס פילט נישט באליבט, נישט ריספעקטעד, איינער וואס ליידט אויף ענקזייעטי, איינער וואס פעלט סאשעל סקילס, איז די פראבלעם ’יכולת’. והא ראיה, די זעלבע מענטש וואלט ווען אויפגעוואקסען און א ווארימע געזונטע שטוב וואלט ער זיך בדרך כלל נישט געמוטשעט גייסטיש.

ביסט גערעכט. אבער די סיבה דערצו איז, ווייל ווען א מענטש וואקסט אויף אין א שווערע שטוב, אנטוויקלט ער געוויסע יכולת'ער. טאקע וועגן דעם. טאקע וועגן יכולת. טראכט אליין און באטראכט מיט דיין דמיון א קינד וואס וואקסט אויף אין א געזונטע שטוב וואס לעבט מיט השי"ת, און דו קענסט באמערקן אז ער איז רואיג, ער פארלאזט זיך, ער איז מחובר, ער טראסט, ער איז קאנעקטעד. אין איין ווארט: ער האט נישט אזויפיל (אייגענע) יכולת אין זיך.

אבער טראכט יעצט פון א קינד וואס האט געדארפט פייטן פאר זיין לעבן. אזא קינד האט אין זיך אומצוטרוי, ער שלאגט זיך אגאנצן צייט פאר זיין ווערי עקזיסטענץ, ער איז איז דיסקאנעקטעד. אין איין ווארט: יכולת. ער לעבט מיט יכולת.

און דו שרייבסט ווייטער: היינט האלט איך אז אויב דעי צוקלאפטע נפש'ל וועט זיך איינרעדן אז ער האט ’געטראפן די וועג’ זיך אנצופילען, און אז ער ’געט אויף אויף ’יכולות’ וועט עס נעמען צייט, אפשר א יאר, צוויי, דריי, ווי ער וועט זעהן ווי זיין יכולת וואקסט אים נעבעך ארויס און נעמט זיך מאנען דאס זייניגע... אונז זעמיר נישט אויף די מדריגה פון זיין אקעי און געזונט צוקלאפטערהייט און אראפגעקיקטערהייט.

שרייבסטעך אזוי גוט. דאס זאגט ר' שרגא נ"י. געב אויף אויף יכולת. דאס מיינט געב אויף אויף יכולת. הייל אויס די יכולת וואס עס איז אין דיר. און דאס קען מען עררייכן דורך טערעפי וואס טרעפט די יכולת וואס פייט אין א מענטש.

והשם הטוב עוזר ויעזור.
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

וועלטס מבין האט געשריבן: מאנטאג מאי 01, 2023 5:19 pm
פון ר עזריאל טויבער ע"ה האב איך געהערט זאגן, דאכט זיך אויף די מהלך החיים סעריע. קוואוט "דער אייבישטער איז נישט קיין טרענקולייזער" אנקוואוט.
אויב ווילסטו נאנט ווערן צום אויבירשטן בי מיי געסט, אבער אז די ניצט עס פאר א היילינג מעטאד ווארט מיר ביי די קארנער.
ב"ה

איך ווייס נישט פונקטליך וואס ר' עזריאל טויבער ז"ל האט געזאגט, און איך האב דיר שוין געשיקט אין 'פריוואט' א אנפראגע צו פארשטיין וואס ער האט געזאגט.

אבער מ'קען מסביר זיין ר' עזריאל טויבער'ן אזוי. וואס מיינט "נוצן דעם אייבערשטן אלץ א היילונג מעטאדע"? וואס מיינט דאס אז א מענטש וויל נוצן דעם אייבערשטן אלץ א היילונג מעטאדע? מ'רעדט דא פון א מענטש וואס האט נפשיות'דיגע שוועריגקייטן, און ער וויל נוצן דעם אייבערשטן אלץ א היילינג מעטאדע. וויאזוי וויל ער נוצן דעם אייבערשטן אלץ א היילונג?

וואס קען זיין? וואסערע מינע שוועריגקייטן זאל א מענטש קענען נוצן דעם אייבערשטן אלץ א היילונג? וואסערע מין שוועריגקייטן זאל א מענטש מיט דעם אביסל ארויסגיין פון זיינע שוועריגקייטן?

איך קען נאר טראכטן, און זאג מיר צי איך בין גערעכט. אז מ'רעדט דא פון א מענטש וואס זיין נפש לויפט אים אנדערש ווי נארמאל. אנדערש ווי א נארמאלע מענטש. און אנשטאטס ער זאל אריינקריכן אין זיך, און אדרעסירן וואס עס דרוקט אים, "פארגלייזט ער זיך די אויגן, און ער פליהט ארויף אין הימעל, און שרייט אז ער לעבט מיט'ן באשעפער, און שוין".

צום ביישפיהל א מענטש האט פאניק אטאקעס און ער נוצט דעם אייבערשטן אלץ א וועג צו אנטלויפן פון זיינע שוועריגקייטן. אבער ווען א מענטש קריכט אריין אין זיך און ער טרעפט וואו ער לעבט מיט אייגענע יכולת, דאס מיינט גענוצט דעם אייבערשטן אלץ א היילונג?

אויב זאג איך אז די גאנצע פראבלעם פון וואס דער מענטש ליידט, אויב איז די גאנצע פראבלעם ווייל ער איז אפגעהאקט פון רבש"ע, אויף עפעס א אופן, ווייל ער נוצט נישט געהעריג זיין נפש אויף די ריכטיגע אופן, וואס די ריכטיגע אופן איז צו זיין נאנט צום אייבערשטן. אויב איז דאס די פראבלעם, נו, דאס מיינט נישט אז ער נוצט דעם אייבערשטן אלץ א היילונג. דהיינו: אלץ א אנטלויף מיטל.

אויב זאג איך אז די גאנצע 'מחלה' ווייל ער איז ווייט פון לעבן מיט'ן אייבערשטן, אויב איז דאס פון וואס ער ליידט, און ער קריכט אריין אין זיך, און ער טרעפט וואו ער איז ווייט פון אייבערשטן. דאן דאס מיינט נישט אז ער נוצט השי"ת אלץ א טרענקולייזער.

ר' עזריאל טויבער ז"ל האט נישט געזאגט אנדערש ווי דער מענטש וואס זאגט: אויב פרנסה איז במילא פון הימעל, דאן וועל איך גארנישט טון. מ'דארף זיכער טון פאר רפואת הנפש.

איינער וואס נוצט די שיעורים פון ר' שרגא אויף א אופן פון "איך האב נישט קיין שוועריגקייטן, איך לעב מיט'ן אייבערשטן און שוין", אויב ער נוצט עס צו אנטלויפן פון טרעפן וואו ער נוצט די תאווה פון אייגענע יכולת, דאן דאס מיינט ער צו זאגן אז 'ווארט מיר ביי די קארנער'.

נאכאמאל. איך וואלט געקענט באשטיין צו הערן מער פרטים. אבער אז מ'טראכט גוט אריין, זעט מען אז ר' עזריאל האט געמיינט צוזאגן ווען א מענטש אנטלויפט פון קומען פנים אל פנים מיט זיין 'יכולת'. אויב איך זאג אז דאס איז די שורש פון אלע נפשיות'דיגע פראבלעמען. אויב דו גייסט מיט דעם אז אלע פראבלעמען קומט פון האבן עפעס א אינערליכע אייגענע יכולת וואס נוצט זיך.

ר' שרגא נ"י זאגט דאס אויך אין זיין ספר לימודים לדעת. והנה אי אפשר לשלוט על הנפש מבלי הבחנה בה. אז מ'קען נישט דרייען דעם נפש, אן מבחין זיין אין עס. ומוטל על האדם ליהיות ער ומודע למצב נפשו ודעתה. להבחין הענינים שנתפשה בהם, כדי להעלותה ולכוונה כראוי. אז א מענשט דארף זיין וואך, און כאפן די געלויף פון זיין נפש, כאפן וואו זיין נפש איז סטאק, כדי דאס ארויפצוברענגען.

און קוק אין הערה שב. אז נאטורליך זוכט א מענטש דאס גרינגסטע. און ער איז מסיח דעת פון וואס עס איז שווער. ער מיינט צו זאגן: רעד נישט אייין אז "איך געב אויף יכולת, און איך לעב מיט'ן אייבערשטן, און שוין". דאס פאדערט עבודה. דאס פאדערט אז מ'זאל זיך גוט נאכקוקן, און כאפן וואס ס'גייט פאר. און דאס מיינט ר' עזריאל צו זאגן

דער 'טבעי הוא באדם לבקש עבודה קלה, ולהסיח דעתו ממה שקשה עליו'. איז די זעלבע וואס ר' עזריאל טויבער ז"ל האט געזאגט. נוץ נישט דעם "אייבערשטן" אלץ א וועג זיך ארויסצודרייען פון ארבעטן אויף דיין נפש.

ער האט דארט א גאנצע קאפיטל וועגן דעם ענין.

אויב עס צו גרינג געווען צו אויפגעבן אויף די אייגענע יכולת, און מ'האט זיך נישט אנגעשטויסן מיט שוועריגקייטן, אפשר קומט דאס ווייל מ'אנטלויפט. איך זאג נישט אז דאס איז ביי יעדע זאך! אבער ס'פאדערט עבודה.

והשם הטוב עוזר ויעזור
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

לענ"ד פארשטייען גאר אסאך מענטשן זייער שלעכט, וואס ר' שרגא מיינט באמת צו זאגט. איך זע עס סיי דא און סיי אויף דער עכטער וועלט.
עס איז שווער אויסצושמועסן, ווייל מענטשן זענען נישט באמת אפן מיט זייערע געפילן.

און ווי נשמה דערמאנט, פאדערט ר' שרגא קלאר אז מ'זאל זיין זייער אפן מיט אלע אייגענע געפילן און אויך זיין זייער אמת'דיג און קלאר מיט אלע פראבלעמען וואס מ'האט. ווען א מענטש קומט צו אים, און ר' שרגא פילט אז דער מענטש איז נישט 100% אפן מיט זיך, וועט ער אים אריינשניידן מיט א שארפע מעסער. דער מענטש וועט זיכער פילן שלעכט אויפ'ן פלאץ, אבער מיט דער צייט, אויב ער גייט צוריקקומען נאכאמאל און נאכאמאל, וועט ער הערשט אנפאנגען צו כאפן, וויאזוי ער איז געהאלפן געווארן דורכדעם וואס ר' שרגא האט געטון.

בקיצור וואס איך מיין צו זאגן איז, אז לענ"ד קען מען נישט זאגן אז מ'טוט ווי ר' שרגא, נאר אויב מ'גייט טאקע צו אים ווען מ'האט א פראבלעם.

און דאס איז לגבי די וואס האלטן מיט ר' שרגא, אבער זיינע טענות קענען נאך ווערן דיסקוסירט. און ווען מ'האט קלאר ארויס ביידע זייטן, הערשט דאן פארשטייט מען סיי וואס ר' שרגא זאגט, און סיי וואס אן ערליכער געניטער טעראפיסט זאגט.

ביני לביני וויל איך מעתיק זיין א שטיקל אוהב ישראל, אין צוגאב צום אויבנדערמאנטן שטיקל תניא:
אוהב ישראל.png
אוהב ישראל.png (287.32 KiB) געזען 681 מאל
לעצט פארראכטן דורך המברך יתברך אום מאנטאג מאי 01, 2023 9:53 pm, פארראכטן געווארן 1 מאל.
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

המברך יתברך האט געשריבן: מאנטאג מאי 01, 2023 7:24 pm
לענ"ד פארשטייען גאר אסאך מענטשן זייער שלעכט, וואס ר' שרגא מיינט באמת צו זאגט. איך זע עס סיי דא און סיי אויף דער עכטער וועלט.
עס איז שווער אויסצושמועסן, ווייל מענטשן זענען נישט באמת אפן מיט זייערע געפילן.

און ווי נשמה דערמאנט, פאדערט ר' שרגא קלאר אז מ'זאל זיין זייער אפן, מיט אלע אייגענע געפילן און אויך זיין זייער אמת'דיג און קלאר מיט אלע פראבלעמען וואס מ'האט. ווען א מענטש קומט צו אים, און ר' שרגא פילט אז דער מענטש איז נישט 100% אפן מיט זיך, וועט ער אים אריינשניידן מיט א שארפע מעסער. דער מענטש וועט זיכער פילן שלעכט אויפ'ן פלאץ.
ב"ה

ביי יעדעם וואס איז נישט אפן הונדערט פראצענט - טוט ער אזוי?
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

ניין, ער איז נישט משוגע. ער איז דווקא א קלוגער מענטש, און כאפט אין רגעים מיט וועמען ער האנדלט.

אויב וואס יענער דארף פאר יעצט, פאדערט נאר אביסל אפנקייט, און דער מענטש איז גרייט צו ארבעטן צוביסלעך, און ס'פאדערט זיך נאר צוביסלעך, וועט ער אנפאנגען. אבער אויב דער מענטש לעבט אין אסאך דמיון, ומאידך גיסא דארף ער עמערדזשענסי אסאך הילף, דעמאלט וועט ער עס געווענליך יא טון.

באמת דארף איך נישט רעדן פאר אים, איך האב פריער נאר געוואלט ארויסברענגען דער נקודה.
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

המברך יתברך האט געשריבן: מאנטאג מאי 01, 2023 9:50 pm
ניין, ער איז נישט משוגע. ער איז דווקא א קלוגער מענטש, און כאפט אין רגעים מיט וועמען ער האנדלט.

אויב וואס יענער דארף פאר יעצט, פאדערט נאר אביסל אפנקייט, און דער מענטש איז גרייט צו ארבעטן צוביסלעך, און ס'פאדערט זיך נאר צוביסלעך, וועט ער אנפאנגען. אבער אויב דער מענטש לעבט אין אסאך דמיון, ומאידך גיסא דארף ער עמערדזשענסי אסאך הילף, דעמאלט וועט ער עס געווענליך יא טון.

באמת דארף איך נישט רעדן פאר אים, איך האב פריער נאר געוואלט ארויסברענגען דער נקודה.
פון וויפיל מענטשן האסטו געהערט אז ער האט אזוי געטון צו זיי? איינמאל, איין מענטש, איז נאכנישט קיין ראי'.
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

לגבי דעם שמועס וועגן נוצן דעם אייבערשטן, אויב איך מעג עפעס צולייגן, וואלט איך געזאגט אזוי (יא, א שטיקל תורה-דרשה, לכבוד פתיחת הזמן).

מיר זאגן ביי תפילת שמונה עשרה "אלקי אברהם, אלקי יצחק, אלקי יעקב", און לכאורה קען מען דאך בכלל נישט פארשטיין דער כוונה דערפון, הלמאי?! דער פסוק זאגט "מי כה' אלקינו כו' בכל קראינו אליו", אויך זאגן מיר "כי אתה שומע תפלת כל פה". און יעצט שטעלן מיר זיך דאווענען צום מלך מלכי המלכים אליין, ער שטייט פאר אונז און ער איז גרייט אויסצוהערן אונזערע בקשות. קומען מיר זאגען "אלקי אברהם אלקי יצחק אלקי יעקב"? מיר פאנגען צו דרייען מיט פראטעקציע? וואס טוט זיך דא?!

נאר מיט'ן א"ד שמועס, פארשטיי איך עס שוין גאר גוט. מיר שטעלן זיך דאווענען און מיר ווילן בעטן אלע מיני זאכן וואס מיר ווילן. מיר מיינען אז מיר דארפן עס, און מיר ווילן אים צווינגען עס צו געבן אזויווי מיר ווילן עס. יא, מיר זענען בשר ודגים, און מיר מיינען אז מיר ווייסן וואס איז גוט פאר אונז. מיר האבן זיך אונזערע רצונות, און מיר ווילן אויפגעבן יכולת, נישט אויפגעבן יכולת וכו' וכו'. אונז זעמיר אלע פעסט איינגערעדט! נישט מיר ווייסן וואס מיר ווילן, נישט מיר ווייסן וואס אונזערע פראבלעמען זענען. בשעת מיר דאווענען ווילן מיר נאך זיין אן עובד אויך צו אלע צרות, מיר ווילן אויך זיכער מאכן אז יעדער זעט וויאזוי מיר דאווענען ערליך....

יא, דאס זענען מיר פשוט'ע מענטשן.

און איינער האט געזאגט דא אז אויפגעבן יכולת איז א מדריגה. ניין?

סוי אונז גיימיר נאך ווערן בעלי מדריגה אויך, נישט קיין פשוט'ע נארישע עובדים וואס מיינען נאר זיך.

ווייל איך מיין עס עכט....

און ממילא דארף איך זיין דער ראש הקהל, דער רבי'ש אייניקל, דער מרנן ורבנן, מיט דער איך ווייס וואס נאך...

אבער דער רבונו של עולם וויל עפעס אנדערש....

מיר דארפן זאגן "אלקינו ואלקי אבותינו", ווייל מיר ווייסן גאנץ גוט who is running the show. און אויב ווייסן מיר עס נישט, וועט עס מוזן קאסטן טייער, אבער סוף כל סוף וועלן מיר עס געוואר ווערן. ווען מ'מאכט חתונה קינדער, ווערט מען עס שוין געוואר. איך רעד דאך נישט פון די וואס האבן דעם אייבערשטן אין טאש, אבער דער אייבערשטער איז גרעסער פון אונזער טאש.

אויפגעבן יכולת?

איז בכלל שייך אזא זאך? עפעס א מדריגה?

זאג מיר, דו קענסט עפעס?

דו האסט וואס אויפצוגעבן?

דו זאגסט "אלקינו ואלקי אבותינו". דו וואגסט דיך ארויסצוזאגן די ווערטער פון מויל?

דו קענסט אפילו רעדן?

אה, יעצט האב איך שוין אויפגעגעבן יכולת.... יעצט קען איך שוין זאגן אלקינו ואלקי אבותינו.

ניין, אפשר דו קענסט יא, אבער איך קען נישט.


שוין.

אלקי אברהם אלקי יצחק ואלקי יעקב.

זיי האבן געהאט יכולת, און דאך האבן זיי באמת אנערקענט אז נאר השי"ת קען.

און דערפאר האט השי"ת זיי געהיטן אין יעדע טריט און שריט, ווייל זיי האבן נישט מסיח דעת געווען פון השי"ת קיין איין רגע. זיי האבן גוט געוואוסט אז אנעם אייבערשטן קען מען גארנישט.

אפילו מאכן א ניק אויף אייוועלט....
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

נשמה האט געשריבן: מאנטאג מאי 01, 2023 9:58 pm
המברך יתברך האט געשריבן: מאנטאג מאי 01, 2023 9:50 pm
ניין, ער איז נישט משוגע. ער איז דווקא א קלוגער מענטש, און כאפט אין רגעים מיט וועמען ער האנדלט.

אויב וואס יענער דארף פאר יעצט, פאדערט נאר אביסל אפנקייט, און דער מענטש איז גרייט צו ארבעטן צוביסלעך, און ס'פאדערט זיך נאר צוביסלעך, וועט ער אנפאנגען. אבער אויב דער מענטש לעבט אין אסאך דמיון, ומאידך גיסא דארף ער עמערדזשענסי אסאך הילף, דעמאלט וועט ער עס געווענליך יא טון.

באמת דארף איך נישט רעדן פאר אים, איך האב פריער נאר געוואלט ארויסברענגען דער נקודה.
פון וויפיל מענטשן האסטו געהערט אז ער האט אזוי געטון צו זיי? איינמאל, איין מענטש, איז נאכנישט קיין ראי'.
וואס מיינסטו צו זאגן?

דו האלטסט אז ס'איז עפעס שלעכט אויב ער טוט אזוי?
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

המברך יתברך האט געשריבן: מאנטאג מאי 01, 2023 10:16 pm
נשמה האט געשריבן: מאנטאג מאי 01, 2023 9:58 pm
המברך יתברך האט געשריבן: מאנטאג מאי 01, 2023 9:50 pm
ניין, ער איז נישט משוגע. ער איז דווקא א קלוגער מענטש, און כאפט אין רגעים מיט וועמען ער האנדלט.

אויב וואס יענער דארף פאר יעצט, פאדערט נאר אביסל אפנקייט, און דער מענטש איז גרייט צו ארבעטן צוביסלעך, און ס'פאדערט זיך נאר צוביסלעך, וועט ער אנפאנגען. אבער אויב דער מענטש לעבט אין אסאך דמיון, ומאידך גיסא דארף ער עמערדזשענסי אסאך הילף, דעמאלט וועט ער עס געווענליך יא טון.

באמת דארף איך נישט רעדן פאר אים, איך האב פריער נאר געוואלט ארויסברענגען דער נקודה.
פון וויפיל מענטשן האסטו געהערט אז ער האט אזוי געטון צו זיי? איינמאל, איין מענטש, איז נאכנישט קיין ראי'.
וואס מיינסטו צו זאגן?

דו האלטסט אז ס'איז עפעס שלעכט אויב ער טוט אזוי?
קודם דארפסטו מיר זאגן פון וויפיל מענטשן דו האסט געהערט אז ער איז זיי שארף אריינגעפארן. מיט א "שארפע מעסער" און זיי האבן זיך געפילט שלעכט. ווייל טערעפי איז נישט געמאכט געווארן צו פילן שלעכט. סאו, פון וויפיל מענטשן האסטו דאס געהערט? דעם אמת.
אוועטאר
המברך יתברך
שר שבעת אלפים
תגובות: 7981
זיך איינגעשריבן אום: מוצ"ש מארטש 04, 2023 9:44 pm
לאקאציע: מאנסי נוא יארק

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך המברך יתברך »

3, און דווקא די זענען געהאלפן געווארן ביי אים ב"ה.

טעראפי איז נישט קיין קענדי, עס איז געצילט צו שטעלן א מענטש אויף די פיס, כדי אז שפעטער זאל אים גוט זיין בעז"ה.
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: משיעורי ר' שרגא פליישמאן - אויפגעבן די אייגענע יכולת

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

בס"ד

איך וויל דא אראפשרייבן וואס ר' שרגא זאגט אין די צוויי און צוואנציגסטע שיעור בנוגע טערעפי. (ער איז נישט קיין רב און א דיין, אבער איך רעד וואס ער האלט לגבי טערעפי) ס'איז דא נאך פלעצער וואו ער רעדט פון טערעפי. אבער דא אויך. און זאל מען זיך איבערצייגן צי די מעסעדש איז "איך האלט נישט פון גיין צו א טערעפיסט אפילו אויב מ'פילט אז מ'נעמט עס פון אייבערשטן".

וועל מיר רעדן פון טערעפיס. און מיר וועלן נאר קענען רעדן באופן כללי. און מיר וועלן נישט קענען רעדן ממש פון יעדע סארט טערפי. נאר מיר וועלן רעדן פון קלאסן פון טערעפי. אזעלכע מינע, אזעלכע מינע. און וואס זיי זענען מדגיש.

וועל מיר רעדן פון די וואס איז יא דא עפעס תועלת פאר מענטשן. ס'דא טערעפיס וואס האבן א תועלת פאר מענטשן. און וועל מיר רעדן אויך פון אסאך טערעפיס וואס זענען ליידער שכיח וואס אסאך פון זיי זענען גרויסע מזיקים. אז מ'זאל וויסן זיך צו היטן.

אבער קודם וויל איך נאר מאכן א שטיקל הקדמה אין דעם גאנצן ענין פון טערעפיס. אז מענטשן קוקן עס אן אזוי ווי סייענס. חכמה בגוים תאמין. מיר זעען דאך אז זיי האבן טאקע [חכמה]. דער אייבערשטער האט זיי מגלה געווען חכמה, נישט אזויפיל וויפיל זיי ווילן זיך אויפטון אז זיי האבן, אבער עכ"פ, ס'דא א געוויסע חכמה וואס מ'האט זיי מגלה געווען.

חכמת הטבע, אטאמען, צעלן, חכמת הרפואה אין גוף. אבער די אלע זאכן איז מען נאר מגלה פאר גוים, און ס'איז יתכן אז אויף דעם גייט חכמה בגוים תאמין. תאמין איז די פיזישע זאכן וואס מ'האט זיי געגעבן. ווען עס קומט אבער צו עניני השקפה און דעת. (דהיינו, דארט וואו עס בארירט די השקפה פון א מענטש, און דעת), האבן זיי בכלל נישט אזא גרויסע חכמה.

זיי קענען קומען פון קאלידשעס, פון אוניווערזיטעט, זיי קענען האבן אותיות אויף זייער נאמען. און מ'האט שטודירט, מ'איז געזעצן, מ'האט אויסגעהערט, אלע מינע שטותים מיט הבלים, אלע מינע פאנטאזיעס, וואס דער גוי האט געזאגט, דער [אנדערער] גוי האט געזאגט.

אסך מאל איז דא אמת'ע זאכן וואס זיי זאגן. סוף כל סוף האבן זיי שכל ווי א צווייטער. אבער זיי האבן נישט מער ווי א צווייטער. זיי האבן דעם שכל וואס זיי האבן. וויפיל א גוי האט שכל. אז ער איז א בר שכל קען אמאל זאגן א שכל'דיגע זאך.

און אז ער זאגט א שכל'דיגע זאך, קען זיין אז מ'מעג עס אננעמען, מ'מעג עס הערן. אויב ס'איז על פי תורה, ס'איז שכל'דיג. יא, יתכן אז מ'קען האבן פון דעם. אבער ס'איז נישט ווייל ער קומט פון א יוניווערזיטעט, ווייל ער האט אותיות אויף זיין נאמען, ווערט ער פלוצלינג קלוגער ווי א צווייטער. דאס איז בכלל נישט אמת.

אסאך מאל זענען זיי גרעסערע שוטים ווי א צווייטער.

ר' אביגדור מילער זכרונו לברכה פלעגט זאגן אזוי. בימיו. אז אויב דו ווילסט א עצה אויף נפשיות'דיגע זאכן, וועסטו שנעלער באקומען א עצה אז דו וועסט פרעגן דיין פלאמבער וואס איז א איש ישר, א פשוט'ע בר שכל'דיגע מענטש, ווי דו וועסט טרעפן ביי די פסיכאלאגן, ביי די סקייאטריסטן. אזוי פלעגט ער זאגן.

איז היינט איז אפשר אביסל בעסער געווארן די מצב. רעדן זיי אביסל מער צו די זאך ווי בימיו פון ר' אביגדור מילער זצ"ל, אבער נאך אלץ, ס'איז נישט ווייל זיי זענען געווען אין יוניווערזיטעט, זענען זיי פלוצלינג חכמים, ס'איז אינגאנצן נישט דומה צו פיזישע סייענס.

פיזישע סייענס איז טאקע דא זאכן וואס זיי ווייסן. וואס איינער וואס האט דאס נישט שטודירט, ווייסט דאס נישט. אבער ווען ס'קומט צו די ענינים פון נפשיות'דיגע זאכן, וואס נפשיות'דיגע זאכן און טערעפי, זענען געבויט אויף יסודות פון השקפה. וויאזוי זיי קוקן אן השקפת החייים. (דא האט ער אראפגעשטעלט דעם יסוד אז דער עיקר נקודה וויאזוי מ'איז דן צי טערעפי איז יא גוט, צי נישט, איז ווען מ'קוקט אויף די השקפה און דעת וויאזוי דאס איז געבויט געווארן)

ס'איז נאר טעאריעס. ס'איז נישטא קיין שטודיעס וואס מ'קען ווייזן בחוש אזוי ווי ווען מ'זאגט ווען מ'שטודירט א פיזישע זאך. אז מ'קען עס ווייזן בחוש. ס'איז נאר לויט ווי יעדער איינער טראכט. וויאזוי עס זעט אים אויס. אמאל איז ער מכוון מער צום אמת, אמאל איז ער מכוון ווייניגער צום אמת.

אבער ער איז נישט מער חכם ווי סיי ווער אנדערע מענטש וואס איז א חכם, וואס קען טראכטן. און ווייל ער איז א גוי, און ער האט געוויסע גוי'אישע יסודות...

דאס איז נישט מער חשוב, ווייל ס'איז געווענליך ווייניגער חשוב.

ס'איז געווענליך אסאך זאכן וואס זענען באמת נישט שכל'דיג און היפך האמת, ס'זעט אויס אין אנהייב אביסל אמת, אזוי זעט עס אויס, אבער ס'איז דא א מאמר פון הייליגן חובת הלבבות

אז סיי וועלכע עצה, סיי וועלכע ענין, וואס דו וועסט הערן, וואס די קדמונים האבן נישט עומד געווען דערויף, און מ'רעדט פון עניני השקפה. עניני דעת, עניני הנפש. זאלסט עס נישט גלייבן. און אפילו ס'זעט אויס אז ס'איז דא עפעס א תועלת אין דעם. זאגט ער די פריערדיגע האבן אויך געוואוסט וואס זיי זאגן, און זיי האבן אויך געזען די תועלת, אבער זיי האבן אויך געזען די שאדן וואס קען ארויסקומען פון די זאכן. וואס זיי זענען מחדש

און במילא זאלסטו דיך נישט איינרעדן אז ס'איז דא עפעס נייעס וואס מ'איז געוואויר געווארן. אויב ס'איז דא עפעס נייעס. דארף מען זייער אבאכט געבן וואס עפעס, וואס עפעס האבן די פריערדיגע נישט געוואוסט. אין ענינים פון השקפה. אין ענינים פון דעת, ענינים פון נפש. וואס נפש איז דאך א ענין פון דעת.

דא געט ער א דוגמא פון סעלף עסטים. אז די השקפה זייערע איז אנדערש ווי די יודישע השקפה. ווייל די תכלית פון א גויאישע חינוך איז אויסצואוואקסן בעלי גאווה, און די תכלית פון א יוד איז אויסצואוואקסן בעלי הכנעה. (ער מיינט נישט די געפיל פון חשיבות אז מ'איז א יודיש קינד) (איך לאז אויס ווען ער רעדט פון סעלף עסטים)

און במילא זעט מען דאך דא. אז א זאך וואס זעט אויס לכאורה אויבן אויף, אז מ'ארבעט אויף זיך, אז איך בין שטארק ביי זיך, און איך האלט פון זיך, קען איך טון, און איך קום אן, און איך ברענג ארויס כוחות, פארשידענע תירוצים וואס מ'זעט.

אבער למעשה האבן דאס אמאליגע יודן נישט געפאמפט, מ'האט נישט גערעדט פון אזעלכע זאכן. מ'האט גערעדט פארקערט: די מעלה פון וויסן אז מ'איז גארנישט. אויב מ'איז יא עפעס, איז מען עפעס נאר ווייל מ'איז בני אברהם יצחק ויעקב, וואס יעדע איז, די חשיבות פון זיין א יוד. דאס איז עפעס אנדערש.

אבער די פערזענליכע געפיל אז איך בין גארנישט. אדרבה. הלוואי, מ'דארף ארבעטן אויף דעם, דאס צו פילן. הלוואי.

אבער על כל פנים. זעט מען וואס זיי זאגן, עס קען אויסזען געוואלדיג, אבער ס'איז גארנישט מיט גארנישט. נישט על פי תורה, און נישט על פי יודישקייט, זיכער נישט. דאס איז נאך מזיק. און אפילו די גוים אליין, די קלוגערע פון זיי, די מערערע בעלי שכל אנערקענען אז ס'איז מזיק.

און במילא סתם ווייל זיי קומען פון א קאלידש, פון א יוניווערזיטעט, זיי האבן אותיות אויף די נאמען, דארף מען צו וויסן אז זיי האבן נישט קיין שום ספציעלע נאמנות מיט וואס זיי זענען. אויב זיי זאגן עפעס א גוטע זאך, און ס'איז אמת, און ס'שטומט מיט וואס אמאליגע האבן געהאלטן, נאר אפשר זענען זיי (די וואס מ'גייט צו זיי) עס מסביר אויף א אופן וואס מ'קען עס אביסל בעסער דעהערן, לאמיר זאגן. נו, קען מען עס נאך אננעמען, קען מען זאגן אז ס'דא עפעס אין דעם

אבער אויב נישט, אויב זיי קומען אן מיט נייע זאכן. און סתם מ'דארף זיי גלייבן, מיט אמונה אין זיי, ווייל זיי קומען פון א קאלידש, דאס איז אלץ הבל וריק ממש.

וועל מיר איצט אדורכגיין טערעפיס וואס האבן על כל פנים א געוויסע תועלת. און נאכדעם וועלן מיר רעדן פון די וואס זענען מזיק.

איז אזוי

באופן כללי איז דא אזוי. ס'איז דא א געוויסע קלאס פון טערעפיס, מ'רופט עס... ער גייט דא אריין אין די טערעפיס וואס עס איז געבויט אויף דעם יסוד, אז מ'רעדט זיך אויס צו א צווייטן.

און דאס איז א ריכטיגע זאך. חז"ל זאגן: דאגה בלב איש ישיחנה לאחרים. די צווייטע פשט איז אז מ'קען באקומען א עצה אויך. פיין. אבער די עצם זאך אז מ'רעדט עס אויס, בארואיגט עס, אז א צווייטער פארשטייט מיך. מ'קען דאס טון מיט א חבר אויך, איך ווייס נישט וואס דאס איז אזא גרויסע חכמה אין טערעפי. אבער ס'איז דא אסאך טערעפיסטן וואס האבן דאס געמאכט זייער ענין, דער עיקר פארשטיין, און מיטפילן. פיין

די פראבלעם דערמיט איז, אז ס'ווערט אין לדבר סוף, ער פילט זיך גוט, אז ער האט זיך אויסגערעדט, ער גייט נאכאמאל און נאכאמאל, און נאכאמאל, און ער ענדיגט נישט. און די גוטע געפיל וואס ער באקומט אז ער רעדט זיך אויס, ווערט שוין נאכדעם צו סוף א געוויסע תאווה, מ'קען זיצן אויף דעם חדשים און יארן, צאלן אויף דעם ממון ודמים, אבער על כל פנים גוט, זאל זיין, ער פילט זיך בעסער. מ'קען הערן אין דעם א געוויסע תועלת.

נאכדעם איז דא אנדערע טערעפיס וואס איז ארויסגעקומען אין די שפעטערע יארן ביי די גוים. וואס איז געבויט אויף שכל. מחשבה. אויסגראדן דעם שכל. CBT איז א באקאנטע טערעפי. RBT איז אויך דא א טערעפי וואס איז א קלאס פון CBT. וואס איז גאנץ שטארק שכל'דיג.

ס'האט גראדע געוויסע שטארקע תועלת'ער. צו מסביר זיין א מענטש וויאזוי ער זאל זיך נישט איינרעדן אויפבלאזן געוויסע זאכן. אז ער זאל זיין ביזי מיט זיין חשיבות. זיי זענען קעגן סעלף עסטים. ביזי אז איך בין יא חשוב, איך בין נישט חשוב, אלע זאכן וואס עס ברענגט נישט קיין תועלת פאר א מענטש.

זיי גייען מיט'ן שכל, און באופן יסודי וואס זיי זאגן, קען שטומען מיט די תורה, ס'איז שכל'דיג. ... עס ווענד זיך צו וועם מ'גייט. אבער אז מ'גייט צו א ערליכע יוד וואס איז נזהר אין דעם, ער איז נאר מסביר די שכל אין דעם, נו, קען מען הערן אפשר א תועלת אין דעם.

סאו דאס איז טערעפיס געבויט אויף שכל, מח שליט על הלב. טראכט שכל'דיג אויף א זאך. וועסטו ווערן רואיגער. מ'וועט דיך ווייזן אלע מינע קרומקייטן וואס קומען אריין אין א מענטש, ווען ער איז צערודערט.

נאכדעם איז דא טערעפיס. ACT איז א טערעפי וואס איז ארויפגעקומען די לעצטע יארן. וואס לייגן א דגוש אויף מקבל זיין זאכן. נישט זיך ארומקריגן מיט זאכן, אננעמען זאכן. סיי נישט אויפבלאזן זאכן, ווייל ס'איז נישט שכל'דיג, אבער אויך, נישט שלאגן מיט זאכן. און מער לייגן א דגוש אויף גוטע זאכן אין לעבן וואס מ'קען טון. און נישט זיין אזוי פארנומען מיט אלע פראבלעמען וואס מ'האט, און זיך שלאגן דערמיט, ווייל מ'ווערט נאר מער מקושר צו דעם. ס'איז שכל'דיג. מקבל זיין יסורים. מקבל זיין שוועריגקייטן. און אננעמען, און נישט זיך קריגן מיט דעם, איז תורה'דיגע זאכן.

אוודאי על פי תורה איז דאס פאר א העכערע סיבה אז מ'איז מקבל, ס'קומט פון בורא כל עולמים.

אבער זיי זענען מסביר אז ס'לוינט זיך אפילו על פי שכל. על פי פשטות. על פי געזונט פאר א מענטש. פיין, גאנץ גוט, לאמיר זאגן. מ'קען האבן תועלת פון דעם.

נאכדעם איז דא א גרויסע קלאס פון טערעפי וואס זענען ביזי, לעצטענס איז געווארן א גאנצע עסק, וואס אסאך פון די היימישע זענען פארנומען מיט דעם. די ענין פון טראמא. מ'האט טראמא. מ'האט געהאט עפעס אזאך וואס איז געשען אין די יוגנט, אלץ בחור, אלץ קינד. און ס'איז געווען זייער שטארקע יסורים. פארשטייט זיך די יסורים זענען אויך פארבינדן ווייל מ'האט מיך מבזה געווען, מ'האט מיך צעקלאפט, ס'איז פארבינדן מיט די חשיבת האדם, פיין.

און, די טראמא איז געבליבן, דער מענטש פילט וועגן דעם א גאנצע טראמא אין זיין לעבן, און ער פרובירט זיך צו שיצן, און זיך צו באהאלטן פונעם טראמא, און במילא לעבט ער אויף א וועג אז ער זאל נישט שפירן די אלע טראמאס. און ער לעבט אויף א אומגעזונטע אופן, ווייל ער שלאגט זיך מיט די טראמא. אזוי זענען זיי מסביר.

און אלע פראבלעמען קומען פון דעם, ווייל ער וויל זיך שיצן פון טראמא.

איצט אויף דעם ענין איז דא אביסל אמת אין דעם. ס'איז דא גאנץ אפט, מאכט זיך מענטשן וואס א חלק פון זייער פראבלעם מאכט זיך טאקע אז זיי האבן טאקע געהאט טראמא'דיגע זאכן וואס האט זיי צעקלאפט. און טאקע ווייל זיי ווילן עס נישט אנערקענען דעם טראמא, זיי ווילן נישט צוריקגיין אהין, זיי ווילן נישט טראכטן דערפון, טוען זיי זאכן וואס דעקט איבער די טראמא, כדי זיך צו באהאלטן פון דעם.

במילא לעבן זיי אויף א אומגעזונטע אופן. און אויב מ'קען מגלה זיין וואס די טראמא איז געווען, מ'קען דאס ארויסברענגען לאור עולם, פארלירט דאס די כוח אויפן מענטש. ווערט ער בארואיגט, זעט ער אז ס'איז נישט אזוי געפערליך. מ'קען עס פארנעמען מער. ווילאנג ער באהאלט זיך דערפון, האט עס מער א כוח אויף אים.

ס'דא. אויך פון דעם איז דא אמת.

א חלק פונעם שקר וואס זיי זאגן איז אז אייביג איז עס טראמא. ס'איז בכלל נישט אמת. ס'איז נישט ריכטיג. בדרך כלל איז עס נישט אזוי. אסאך טערעפיס האלטן, און איך האלט אז זיי זענען גערעכט, אז ס'איז פשוט די טראמא פונעם לעבן. די לעבן גייט נישט וויאזוי מ'וויל. מ'קען נישט אננעמען זאכן... אז א מענטש האט זיך פארגעשטעלט אז ס'דארף גיין אזוי, און אז ס'גייט נישט וויאזוי ער וויל ווערט ער צערודערט, ווערט ער גערעגט. דאס איז די טראמא. איך האלט אז זיי זענען מער נוטה אל האמת.

אבער דארט וואו עס איז א געווען א טראמא, און מ'ברענגט עס ארויס לאור עולם, קען איך הערן א תועלת אין דעם.

דא גייט ער אריין אין די אופנים פון טערעפי וואס מ'דארף זיך דערווייטערן. און פארוואס מ'דארף זיך דערווייטערן.

והשם הטוב עוזר ויעזור.

עכ"פ, מ'קען זען אז ער איז נישט קעגן טערעפי. ער איז נאר קעגן די אופן וואס איז כנגד התורה. און בעיקר ווילאנג א טערעפי ברענגט אז מ'זאל אויפגעבן אויף די אייגענע יכולת, איז דאס זייער געוואונטשן.

און מ'דארף געדענקען אז איך בין נישט ר' שרגא נ"י. און ביטע איך בין דא נאר צו שרייבן די עמקות פון אויפגעבן די אייגענע יכולת, ווי ווייט דאס קען העלפן, ווי ווייט דאס טוישט אינערליך. איך בין נישט דא צו זאגן יא טערעפי, נישט טערעפי. איך ברענג נאר נאך וואס ר' שרגא נ"י זאגט.
לעצט פארראכטן דורך נשמה אום דינסטאג מאי 02, 2023 9:36 am, פארראכטן געווארן 3 מאל.
שרייב תגובה

צוריק צו “תורת הנפש”