kyshtiper האט געשריבן:קרית יואל פלייש האט געשריבן:טראכט נאר אביסל האט געשריבן:משכינו (1)_Page_5.jpg
מה שמיטה אצל הר סיני
וואס איז די צזאמשטעל פון קידיש החמה מיט אלטע ניגונים????
שטייט קלאר געשריבן
ווער עס איז געווען ביי יענעם היסטארישן קידוש החמה וועט דאס נישט פארגעסן.
געווען איז עס ערב פסח געיאגטערהייט ווען מיר זענען געשטאנען אינאיינעם מיט טויזענטער אנדערע סאטמארער חסידים אויף די בעדפארד גאסן העכער די הייוועי, ווען מ'האט געווארט אז די זון זאל זיך אנטפלעקן מזאל קענען זאגן די ברכה בשם ומלכות. מהאט אנגעהויבן זאגן די לשם יחוד מיט די איבריגע זאכן (אויב סאיז דא..) ביז די ברכה, און געווארט עס זאל ארויסקומען, היות אבער די זון איז געווען פארדעקט האט כ"ק אדמו"ר מהרי"י שליט"א געוויזן מזאל זינגען דעם ק-ל אדון ניגון מבית מדרשו של רבי, רביה"ק זי"ע, די משוררים וואס האבן זיך געפינען אינעם טראק פארנט פון ויואל משה האבן אנגעהויבן זינגען דעם ניגון, און מער צום סוף פונעם ניגון האט זיך דער זון אנגעהויבן אויפצודעקן.. רבינו שליט"א האט יענע יאר ביי די דרשה גערעדט וועגן קדושת הנגינה אין גענוצט די מעשה אלס א ראי', עס איז געווען דעמאלטס א שטארקע אויפוואכונג ביי חתונות פון תלמידי הישיבה גדולה..
איך דענק אז פארנט פון מיר איז געשטאנען א אינגערמאן און ווען די זון האט זיך אנגעהויבן אויפדעקן און די טויזענטער סאטמארע חסידים האבן געווארט אז די רבי זאל זאגן קודם, און דערנאך דער ריזן ציבור, האט זיך יענער אנגערופן, איך וועל נישט ווארטן ביז די רבי וועט זאגן ווייל אפשר דעמאלטס וועט די זון זיך ווידערמאל באהאלטן, און ער האט געמאכט די ברכה אויף א האלב אויפגעדעקטע זון, למעשה איז אריבער א מינוט און די זון האט זיך אנטפלעקט במלא הדרה, און דאן האט אפגעהילכט די פייערדיגע ברכה בשם ומלכות אויף א שיינענדע זון דורכן רבין און דערנאך די טויזענטער פארזאמלטע וינועו אמות הסיפים.. יענער האט חרטה געהאט פאר זיין יאגעניש, זאגענדיג אז אין 28 יאר ארום וועט ער יא אויסווארטן...
עס איז גראדע דא א שיינע בילד פון רבין שליט"א מיט די קינדער אנגעטון בבגדי שבת, בצהלת פנים, ווען די זון אנטפלעקט זיך, אויב איינער קען ארויפלייגן ביטע. ייש"כ.
די איבריגע 'ע' אין מיין ניק איז א פראסטע טעות..