ביים באן סטאנציע

[טינט]

מיט א טרער, האט זי באטראכט דעם רויך קנויל,
פונעם באן וואס פארט אפ ווייט,
איר געזיכט צו די פענסטער זייט,

א מאמע וואס בענקט,
א געבעטעלע שענקט,
ער זאל וואקסן צו גאט און צו לייט,


שטיל זי שעפשעט צו גאט'ס אויער, פון מיין מויל,
ביזן נאכן לעצטן וואגאן זי שטייט,
צובראכן, אבער פרייליכערהייט,

א מאמע אלץ געדענקט,
דאס תהילימל שווענקט,
א ישיבה בחור, א הייליג באדייט,


ס'זאל דיר אלעמאל מיין שעפעלע, זיין נאר וואויל,
שטאטליך צוריק אהיים זי גייט,
צו גיין שאפן פרנסה איז גרייט,

אוי, הונגער קרענקט,
דחקות דערטרענקט,
אבער זי האלט די גאלדענע קייט,


א אלמנה אויף די וועלט אזוי אליין,
ווער קען טרייסטן איר געוויין,
נאר די איין געדאנק,
אז דארט ביים שאנק,
טוט איר זיס אינגעלע שטיין,
און אטעמט אותיות הייליג און ריין,

בלייב דארט, טייער שעפעלע מיין,
ווען דו שאקלסט דיך שיין,
אויף די תורה באנק,
דאס איז מיין געשאנק,
אויף איין זאך נאר איך וויין,
מיין אייגן תלמיד חכם'ל זאלסטו זיין,


.......


מיט א זעמל, און אביסל וואסער אין זיין האנט,
זיצט שטיל א בחור'ל וואס ווייסט,
מער ווי די בענקעניש אזוי רייסט,

די חשק וואס ברענט,
גמרא'לע אין די הענט,
ברענגט האפענונג, און טרייסט,


מיין זיסע מאמע, אלעמאל אונטערגעלאנט,
ליבליך געשטארקט מיין גייסט,
נעמט וואס פון אויבן מ'הייסט,


די גוטס נאר דערקענט,
די ווארעמע פיר ווענט,
איר ווינקעלע, געשיצט דרייסט,


א נייע שטאט, טונקעלע גאסן אומבאקאנט,
אבער טייערינקער וואו דו שטייסט,
געדענק, דעם טאטן דערפרייסט,

אין טאש קוים צוויי צענט,
זיין קעפעלע אנגעלענט,
אין א תוספות זיך טיף צוגעפלייסט,




א יתום'ל אויף די וועלט אזוי אליין,
ווער קען טרייסטן זיין געוויין,
נאר די איין געדאנק,
אז דארט ביים שאנק,
טוט ער שעות לאנג שטיין,
און אטעמט אותיות הייליג און ריין,

איך בלייב דא טייערע מוטער מיין,
צו די אייביג ליכטיג שיין,
אויף די תורה באנק,
דאס איז מיין געשאנק,
וויש אפ מאמע דיין געוויין,
דיין אייגן תלמיד חכם'ל וועל איך זיין,

[Bissli]

נאכנישט גענדיגט ליינען.
איי קענט. פליז.
וויפול פעין קען ליגן אין אפאר שורות?

[בעל מנוחה]

@טינט
איך האף אז מיינע באקן זענען נישט באשמירט מיט טינט,
ווייל זיי שפירן זיך נאס

גיי אן מיט דיינע טיפע שורות מיט הארץ שפראך באגאסן

[כינור]

איך האב עס אנגעהויבן ליינען און אויפגעהערט. דו שאקעלסט מיין קליין הערצעלע צו שטארק
מארגן ממשיך זיין

[Bissli]

יעצט גענדיגט.









(נישטא קיין ווערטער)

[כינור]

יעצט גע׳ענדיגט. Wow ווי נאר טינט קען! (ליין אפאר תגובות צוריק פאר דער וואס כאפט נישט)

[שלמה מולכו]

אוטש.