תשעה באב בענקל

[גם אתה יכול]

אויף די ערד זיך זעצן
מיט טרויעריגע לעפצען
ארויסלאזן קרעכצען
דערמאנען די שמערצן

אין לאנגע גלות
מיט ווינציג התגלות
שוין אזוי לאנג בדלות
מיט שווערע שאלות

שוין 2000 יאר
אזוי אומקלאר
אין גלות בלא"ר
מיר ווארטן לאור

די הארץ בענק'
צו די לוים זינג
די פייער פון הימל א ווינק
די פלאץ קיינמאל ענג

אשרי מי שראה
זיך אנגעשעפט השראה
פונעם אויבערשטן יראה

די מזבח געשטאנען גרייט
שטח גרויס און ברייט
די כהנים שעכטן מיט פרייד

די בלוט שפריצן
אויף די מזבח שפיצן
די קרבן ארויף אין היצן

כהנים חטאת עסן
עבירות ווערן פארגעסן
דער מענטש געלערנט א לעס"ן

די לעכטיגע מנורה
געווארפן אורה
הייליג טהורה

די כהן גדול געצינדן
ביז זעען די פלאמעדיגע צינגן
מיט התלהבות געשפרינגן

די בעכערלעך טעגליך אויסגעפיצט
פון א יעדע קליינע קריץ
ס'איז נישט פאר פשוטע באנוץ

שבת אינדערפרי די צייט
ווען די כהנים לייט
מיט די ברויט צעטיילט

ווען יו"ט איז אנגעקומען
זענען אלע געקומען צו שווימען
א לעכטיגקייט יעדעם באנומען

לאנגע שטרעקעס זיך געשלעפט
די שמחה נישט אויסגעוועפט
פרישע כוחות זיך אנגעשעפט

אלע אידן געווען באחדות
נישט מיט קיין התנגדות
נישט מיט קיין הקפדות

קינדער פון איין טאטע
דערוועלטע אתה בחרת
ארויס פון דארט זאטע

ט' באב די שווערסטע טאג
פארביטערט מיט פלאג
שווער געמאכט די וואג

אין פייער פארברענט
די הייליע ווענט
די לעכטיגקייט געקומען צו אן ענד

זינט דאן אזוי דערווייטערט
געפאלן ביז צו די ערד
פינסטער און אויסגעמאטערט

עס פעלט די נאנטשאפט
עס פעלט די שמחה קראפט
עס פעלט די ווארהאפט

אין גלות צומישט
אין גלות צו'חוש'ט
א ליידיגקייט הערשט

באשעפער באניי דיין הויז
לייז אונז שוין אויס
צוריק אויף דיין שויס

מיט די פייערדיגע היים
אין ירושלים
אונז זיין מנחם

[שאראש-פאטאק]

זייער שיין

[נו גוט נו שוין]

אוי ווי שטארק עס בענקט
צום הויז האסט אונז געשענקט
ארויסגעברענגט דעם געפיל
דער מייסטער @גם אתה יכול

[גרינע בלעטעלע]

שיין שיין

[Bissli]

טויגסט דאך יא!

[עולם האמת]