לאמבערלאנד, ניו יארק וואס געפונט זיך נישט ווייט פון מאנטיסעלאו איז פאר א תקופה - קרוב צו צוויי הונדערט יאהר צוריק, געווען באוואוינט מיט אידן.
איינע פון די אינטערעסאנטסטע אנדעקונגען וואס מיר האבן בעז"ה געפונען אין לויף פון די לעצטערע יאהרן וואס 'מורשת חכמי אמעריקא' טוט אפערירן, איז הויפטזעכליך די אפגעהיטענע באגרעבעניש ארט פון רבי נטל פרייסלעבען ז"ל אין די טיפעניש פון וואלד אין לאמבערלאנד.
נאך עטליכע יאהר פון העפטיגע זוכערייען איז אונז בעז"ה געלונגען צו טרעפן די פונקטליכע ארט, ווי דעטאלירט און אויספירלעך באשריבן אינעם 'מאמענט' מאגאזין, וואס איז ערשינען לכבוד די הונדערט און זיבעציגסטער יאהרצייט - כ' כסלו תשפ"ב.
ר' נטל, א חשובער איד פון פרישוי - בעהמען, האט זיך באזעצט אין לאמבערלאנד אינאיינעם מיט די פאמיליע אין יאהר תר"ב מיטן קלער צו מאכן דארט א שטיקל ישוב, אבער דאס איז צופאלען נאך זיין פריהצייטיגע פטירה אום כ' כסלו תרי"ב. מען האט איהם אויף זיין פארלאנג באערדיגט דארט אויפן ארט וואס איז דאן געווען א דריי פערטל מייל טיף אין וואלד. היינט איז דאס בערך דרייסיג פיס אריין פונעם אומגעפלאסטערטע טשעפין ראוד.
זיין מציבה וואס האט א קריגל אויפגעקריצט אויפן שפיץ צו סימבאליזירן אז ער איז געווען ממשפחת הלויים, לייענט זיך ווי פאלגענד:
פ'(ה)
ט'(מון)
איש ישר וירא אלהים החבר רבי נטל פרייסלעבן בן יאקב סגל מארץ בעימן מכפר פרישוי - הלך בדרך הישר כל ימיו ועשה טוב ומת בשם בטוב כ' כסליו תרי"ב ל' - בן חמשים ותשע שנה היה כשהלך למקום אשר בחר לשכן שמו שם.
די פונקטליכע GPS איז 41°33'52.8"N 74°47'43.0"W
https://goo.gl/maps/atA4TNbmp3HcwFyS7די קבר געפונט זיך אויף די בערגיגע זייט, מען דארף זייער אכטונג געבן ווען מען פארט אויפן אומאויסגעפלאסטערטע ראוד, עס איז זייער שמאל און אינמיטן פון א טיפער טאל.
אינעם בייגעלייגטער בילד זעהט מען די גענויע ארט אויף טשעפין ראוד, ווי מען דארף אריין קריכן אין וואלד עס צו געפונען - עס איז בערך דרייסיג פיס אריין אין וואלד.