moishy56 האט געשריבן:הסרפד האט געשריבן:moishy56 האט געשריבן:ווער איז געוועהן ''דער Geni שקרן'' וואס האט זיך גערופן 'וועלוול מיללער'?
קען איינער אריינקומען מיט פרטים?
איין אינטערעסאנטער טיפ וואס האט זיך געבויט א ריזיגע בוים - פון טויזענטע מיטגלידער - וואס לא דובים ולא יער. געוועהן א גרויסער יחסן, כלומר'יש, אין א מחותן מיט יעדן היינטיגן רבי'שען שטוב - אדער בעסער געזאגט, מיט משפחות וואס זייערע פרטים שטימען מיט היינטיגע רבי'שע משפחות אויסער קליינע פרטים, למשל, אז אלע משפחות וואוינען אין א גרויסע חסידי'שע ישוב אין זוד-אפריקא! אויכעט, אלע שטאמען פון קינדער פון באקאנטע רבי'ס וואס האבן בעולמנו נישט חתונה געהאט אדער נישט געהאט קיין קינדער.
פארשטייט זיך ווען מען פרעפט א צו אויף Geni מאכט מען א merge, איז זיין ספינקער הורוביץ משפחה געווארן צוזאמען געשמאלצן מיט די עכטע, וכן זיין שאצער מאסקאוויטש משפחה, וכן מאלאוויצקי, וכו' וכו'.
און למעשה?
geni האט אים אין א שיינעם טאג פארשיקט?
ס'איז נישט געוועהן וועמן מען זאל פארשיקן. ווען מען האט געכאפט, איז יענעם שוין לאנג פארשווינדן געווארן. אויך איז עס זייער שווער צו באווייזן אז עס איז א זיוף במזיד, און נישט א פיקטיווער בוים וואס אנדערע האבן בטעות גענומן ערנסט.
מען האט אבער לעצטענס אויס געמעקט כמעט אלע זיינע פראפיילס (איך האב אביסל צו געהאלפן, בפרט אין מאכן א 'ויצעקו' אז כולו שקר, חאטשיק איך האב שפעטער געזעהן אז איך בין נישט דער ערשטער וואס האט עס געכאפט), אויסער דער מיעוט וואס איז געבויט גענוי אויף אמת'ער מענשן, מיטן אויס-שניידן די זוד-אפריקא שטותים.
א וויכטיגער נקודה פאר איינער וואס וויל האלטן איין אויג אז די שקר קריכט נישט אריין אין אנדערע ערטער: דער בריח התיכון פון דעם פאלשן בוים (עכ"פ דער חסידי'שער זייט - עס זענען געוועהן ליטווישער, ספרדי'שער, און יעקישער זייטן אויכעט!) איז אז עס איז פארהאן א המשך פון די רבי'סטיווע פון ראשקוב (נכדי ר' זלמינא, משפחת צוקערמאן) עד ימינו איבער דעם גאנצן חסידי'שען וועלט.