א פעני האט געשריבן:גראדע איז די הלכה זקן ואינו לפי כבודו איז פטור וצ"ע
עס איז באוויסט א מעשה רב אז דער רב פון ירושלים עיה"ק הגאון רבי יוסף חיים זאנעפעלד זצ"ל האט אמאל געזעהן א קליין מיידעל טראגן שווערע פעק, האט ער אנגעכאפט עטליכע פעק און איר געפרעגט ווי זי וואוינט און דאס אהין געטראגן. דער מאמע פונעם קינד האט גע'עפענט די טיר און פאר איר שטייט דער רב פון ירושלים מיט פעק אין די הענט, האט זי זיך געשפירט נישט גוט און אנגעהויבן זיך פארענטפערן אז דער רב האט זיך נישט געדארפט מטריח זיין, אבער רבי יוסף חיים זאנענפעלד כדרכו בקודש זאגט איר "וואס ארט אייך אז איך האב אויך א מצוה".
ביי רבי יוסף חיים זאנעפעלד איז עס געווען א זקן ולפי כבודו. געזעהן דער שווערקייט פון א קינד, און דער הלכה וואס מען טוהט אין אזא פאל איז ביי אים געווען קלאר.
ביי די געלעגענהייט וויל איך יעדן באדאנקן פאר די אלע שיינע בילדער וואס מען האט דא געלייגט וואס הייבט כלל ישראל אין די אויגן פון אלע וואס זעהען זיי. מיר אלע ווייסן אז דאס איז נאר א אחד מיני אלף פונעם הערליכן בילד און שיינקייט פון כלל ישראל, און איך שפיר מיר די זכי' צו האבן גע'עפענט דער אשכול ב"ה וואס גיבט אונז א מקצת שבמקצת שבמקצת.
טייערע ברודער לייגטס ביטע נאך. אפילו וואס עטץ זענט נישט זיכער אז עס רעדט גאנצע 1000 ווערטער, אויך אויף א ספק ספיקא לייגט עס ביטע. א יישר כח.