זכרונות האט געשריבן:דארטען אין דער מאדערנער בית הכנסת 'אהל אברהם משכן יוסף' (א ייש"כ שטאפיק) איז פאר א שטיק צייט געווען אפגעדינגען בשעת'ן נישט דאווענען דער 'נייער' ישיבה דרך החיים פון הגאון הרב פלוטשאק. מיט יארען שפעטער האבען זיי געבויעט א נייע בנין אויף דער 16'טע עוועניו און 39 סטריט. דער ישיבה געדענק איך איז געווען א דבר חדש, ווייל ער האט דוקא גע'עפענט דער ישיבה פאר בחורים פון גאר מאדערנע און שוואכע היימען, און האט שטארק מצליח געווען. די בחורים געדענק איך פלעגען לערנען דארט בהתמדה (א שטיק צייט האב איך דארט געלערענט ביי נאכט מיט א חברותא, און מען האט מיר נישט געשטערט דארט זיין כאטש איך האב נישט באלאנגט צו דער ישיבה, און ביי מיר איז דאס געווען דאס ערשטע מאל ווי איך האב געזעהן ליטווישע (מאדערנע) בחורים אמת'דיג לערנען). ווען עס האט זיך גענויטיגט פאר זיי נאך א צימער האט זיי הרב פעלדער געלאזט ניצען זיין בית המדרש אויך.
איך האב אין דער ארגינעלער תגובה צוגעלייגט צום סוף די פאלגענדע זאץ:
ווען עס האט זיך גענויטיגט פאר זיי נאך א צימער האט זיי הרב פעלדער געלאזט ניצען זיין בית המדרש אויך, און פארשטייט זיך בחנם. ער האט עס געהאלטען פאר א זכיה אז אין מיטען טאג ווען דער ביהמ"ד איז ליידיג(ער), זאל דארט זיין א עולם מיט א קול תורה. א בחינה פון 'קיץ המזבח' וואס רש"י איז מפרש 'לקיץ המזבח: כשהוא בטל מנדרים ונדבות לוקחין עולות ומקריבין" (כתובות ק"ו ע"ב).
דער מאדערענע ביה"כ נעקסטע טיר איז געווען א אשכנזישער ביה"כ, און ווען הרב פעלדער האט אריין געמופט און געזעהן אז דער מחיצה דארט איז א שטארקע בדיעבד, האט ער געזאגט צום רב דארטען אז ער זאל נישט זיין ברוגז אז ער עפענט א ביהמ"ד נעקסטע טיר, און דער רב האט אים פארשטאנען און אים געזאגט אז ער קען גארנישט טוהן צו דעם, ווייל זייין עולם (א מאדערע אמעריקאנער עולם) וועט נישט לאזען טוישען. און טאקע האט הרב פעלדער אלע יארען געלעבט בשלום מיט דער אנדערע בית המדרש און עס איז בכלל נישט געווען קיין קאמפעטישען אדער בייז ווילען פון קיינעם. אז מען מיינט דער באשעפער שטייט מען גוט און ס'אויך דא שלום.