וויכי האט א סאך מעלות, איינס דערפון אז ער קוקט אפטימיסטיש אפילו ווען זאכן זענען אפשר נישט עכט אזוי אינגאנצן גוט..
פאר די וואס זוכן חיזוק, קודם זאלט איר ליינען וואס עולם האמת שרייבט, און באמת איז נישטא קיין סיבה צו זוכן חיזוק פון א דורעכפאל וואס אוקריינע האט, אויב נעמט מען דאס אזוי פערזענליך איז עס א צייכן אז מען האט נישט קיין שום ערענסטע דאגות ברוך השם.
דערנאך לאז מיר זאגן מיין פערזענליכע אבזערוואציע באזירט אויף פילע באריכטן דא און דארט, מיר זעט אויס אז זינט יוני דעם דרייצענטן איז אריין א טויש אין סטראטעגיע מצד אוקריינע, זיי וועלן ענדערש אנווענדן כוחות צו פארניכטן נאך א רוסישע אמנוציע סטאריזש ווי איידער צו כאפן נאך א אינטש, ווי איידער צו שיסן א טאנק, זיי שטעלן זיך מער איין דאס לעבן צו גיין אונטער די רוקן פון רוסלאנד און דארט שפיאנירן פאר וואפן סטראיזשעס, די מערב וועלט העלפט זיכער מער אוריס מיט שפיאנאזש אין די געביט פון ציהלן האוויצערס און וואפן סטאריזש, און די סיבה איז ווייל די מערב וועלט קען נישט ממש צושטעלן פאר אוקריינע די ארטילעריע וואס זיי ברויכן צו קענען געווינען רוסלאנד, פראבירן זיי אנטשטאט אונטערצומינעווען די אדווענטיזש וואס רוסלאנד האט מיט פייער זאפאסן, דאס אויסצופירן פארלאנגט זיך אנדערע טאקטיקן פון עמבוש אקציעס, און עס האט געדויערט א שטיק צייט אז די אוקריינער זאלן זיך אריענטירן, אבער עס זעט מיר אויס אז עס איז דא טיילווייז סוקסעס מיט די אקציעס אפצוהאלטן רוסלאנדס מעגליכקייטן צו באמבאדירן אנע חשבון.
און דערנאך עס איז דא גאר שטארקע סברות, זייער שטאקרע סברות אז די רוסן גייען נישט קענען מאכן מער פארשריט ווי דאנעטסק, די ארגומענטן נעמען אריין די ביישפילן וואס מען זעט איצט אויפ ןפראנט אז די רוסן קענען נישט פירן קיין ברייטע אפאראט, עס איז דא א סכום פון וויפייל זעלנער א אקאפירער מוז האבן ווען ער באצווינגט א צווייט לאנד קעגן די איינוואינער וואס וואוינען שוין דארט, די רוסן האבן נישט די ציפער צו אקאפירן צופיל ווייטער אויב זאל זיך פארמירן אזוינע פארטיזאנער גרופעס ווי מען זעט אין כערסאן, די פארטיזאנער גרופעס מאכן אויס נאר אויף אזויפיל אז די רוסן קענען נישט איבערלאזן די שטאט אויף הפקר, אויב זאל די רוסן איינעמען נאך צוויי כערסאנס וועלן זיי מוזן האבן נאך מער זעלנער צ באשיצן די יעניגע שטעט, אויב זאלן זיי האבן נאך פינעף כערסאנס וועלן זיי מוזן האבן נאכמער זעלנער אויפצוהאלטן די שטעט אונטער קאנטראל, שוין אפגערעדט אז די אפענסיווע'ס זענען נאך שווערער ווי בלויז אויפהאלטן.
נישט פארגעסן אז אין די צייט וואס די רוסן האבן געמאכט פארשריט אין סווערדינעטסק האבן אי דאוקריינער געמאכט פארשריט אין כארקיוו און גאר לייכטע פארשריט אין כערסאן.
ווי אויך, די רוסן זענען נישט עכט אינטערעסירט איינצונעמען פארברענטע שטיקער ערד, סווערידאנעטסק האט זיי געקאסט זייער טייער, אבער עס איז געקומען געטריבן מיט מלחמה/נקמה/ ניצחון וכו', אבער זיי באקומען ממש פארברענטע שטיקער ערד, אויב קארפעט באמבאדירונגן איז זייער איינציגסטע מהלך צו געווינען טערעטאריע, איז עס א היבשע סיבה אפצוקילן די התלהבות, און עס איז דא א סיבה צו זאגן אז די רוסן וועלן זיך באגנוגן מיט זייער מעגליכקייט צו פראפאגאנדירן אז זיי האבן איינגענומען דאנבאס און דענאציפיקירט אוקריינע און באפרייט די רוסיש רעדענדע פאפיולאציע.
איבער אלעס, די רוסן מאכן טאקע פארשריט, אבער טאקע דא אינעם פארשריט זעציך קלאר אן זייער באגרעניצטע כוחות, און נישט פארגעסן אז די רוסן האבן זייער שווער געקענט אנפירן מיט לאגיסטיקס, איצט זענען זיי נעבן גרעניץ, ווי טיפער זיי גייען אריין אין אוקריינע אלץ ווייניגער באנען און בריקן און טראנספארטציע מיטלן וועלן זיין אוועילעבל פאר זיי
איבער אלעס, נישט פארגעסן אז אמעריקע און די וועלט האט עפעס אזא שטיקל שוואכקייט נישט איבערציציען דעם שטריקל מיט רוסלאנד, ביידן האט אפן געזאגט אז אויב רוסלאנד וועט פארכאפן נאר א קליין שטיק טערעטאריע איז עס נישט געפערליך, עס איז דא אזא מחשבה אונטערן באוואסטזיין, און ביי טייל איז עס אפילו באוואוסטזיניג אז "רוסלאנד זאל באקומען דאנבאס, מען זאל אנהייבן צוריקצוקויפן רוסישע אויל, און לאמיר ענדיגן די מלחמה און פערטיג!" דאס אלעס איז ביז דאנבאס, אינעם פענטאגן שלאפט מען זייער רואיג ווען אוקריינע זעלנער שטארבן, און מען האט אומדירעקט הנאה פון די לאנגע קריג ווי רוסלאנד'ס אמנוציע ווערט אויסגעליידיגט, זייער זעלנער שטארבן, זייער מיליטערישע סודות קומט ארויס אויפן שפיל פעלד, און די פענטאגן האט נישט קיין סיבה זיך צו יאגן מיט הילף ווי לאנג מען רעדט נאך פון א געווינס אין דאנבאס, אבער ווי מער די רוסן וועלן זיך פארשפרייטן און באדראען די מעגליכקייט פון אוקריינעס זעלבסשטענדיגקייט, אדער אויב וועט שוין זיין די מקום צו זאגן אז " די רוסן האבן אפגעהאלטן א מאסיווע געווינס" וועט די פענטאגאן זיך בעסער אונטערגארטלן און טאן מער צו העלפן אוקריינע.
מען רעדט אזוי סאך פון סווערידאנעטקס און מען קען מיינען אז "אוקריינע איז דערנאך" בעת וואס סווערידאנעטסק איז רעלאטיוו גאנץ קליין, און בעת וואס אפילו דאס איז עפעס וואס איז אנגעקומען ביטער שווער פאר די רוסן, און דאס איז שוין די דריטע אדער פערטע פארקערצערטע פלאן פון די רוסן, זייער ארגענעלע פלאן איז נישט געווען צו גיין פאפאסנע און ליימען, דאס איז שוין געווען א שטארקע רעדוקציע פון די רוסישע אמביציעס, זיי האבן קלאר איינגעזען אז זיי קענען נישט פארכפאן מער פון דעם, צו זאגן אז "די רוסן האבן געווינען אין אוקריינע האט פארלוירן" איז בלויז ריכטיג אויב די רוסישע ציהל איז געווען צו כאפן דאנבאס, אבער אויב די רוסן האבן געוואלט איינעמען אוקריינע, זיי זענען שוין געשטאנען ביים טויער פון קיעוו און זיי האבן אפגעצויגן מיט מאסיווע פארלוסטן, וויאזוי איז שייך צו זאגן אז די רוסן האבן דא געווינען?
פאר אילוסטראציע, די מאפע צייגט גאנץ אוקריינע, די רויטע איז די טערעטאריע וואס די רוסן האבן פארכאפט דורעכאויס די קריג, די בלויע איז וואס די אוקריינער האבן צוריק געכאפט און ארויסגעווארפן רוסלאנד פון דארט, די געלע איז די איבריגע אוקריינע ווי רוסישע שטיוול האט קיינמאל נישט באטרעטן, די פערפעל איז די חלק וואס מען קריגט זיך ארום אין די לעצטע פינעף וואכן.
צו זאגן אז די אויסקום פון די שלאכטן וואס מען זעט איצט אין די פערפעל פלעקן איז א אנדייטער אויף די צוקנופט פון אוקריינע אדער א באווייז אויף די רוסישע נצחונות, איז ממש אבסורד!
מען רעדט טאקע פון גאר העפטיגע שלאכטן, אבער די סיבה פארוואס מען קען זיך נישט אפרייסן פון מקוה נישט ווייל די נייעס פון רוסישע נצוחונות זענען שטוינענד ווינדערליך, נאר ענדערש ווייל די אוקריינער קעמפן זייער העלדיש אונטער גאר שווערע אומשטענדן, אט דאס איז די נייעס, אט דאס איז די סיבה פארוואס מען רעדט אזוי שטארק פון סווערידאנעטסק, נישט ווייל סווערידאנעטסק איז עפעס א ריזיגע מעכטיגע שטאט וואס סימבאליזירט אוקריינע, אט די קליינע פערפעל פלעקן איז די ארט ווי די רוסן האבן אריינגעהויבן שווערע פארלוסטן, אין בילהאריווקע און אין פאפסנע און ווי נישט, אט די קליינע ארט האבן זיי נישט געקענט בייקומען פאר איבער זעקס וואכן, אט דאס איז די ארט ווי די רוסן האבן אויפראבירט א נייע מהלך און איבעראשט די מערב וועלט מיט זייער מאסיווע ארטילריע פייער, און עס האט געדויערט עטליכע וואכן אז די מערב וועלט זאל זיך אריענטירן און ארויסהעלפן אוקריינע פאר די נייע סארט פראנט, און מיט דעם אלעם איז עס געגאנגן אזוי שווער.
אפשר פאר די צדיקים פון אייוועלט זעט עס אויס ווי הר קשה, אבער פאר מיר זעט גאנץ סווערידאנעטסק אויס ווי אן עטוואס גרויסע חוט השערה... און אזוי שווער איז עס געווען בייצוקומען!
איין זאך איז אבער יא ריכטיג, די געגענט האט געהאט עטליכע מעלות פאר די אוקריינע, זיי האבן עס גאר גוט באפעסטיגט פאר די לעצטע אכט יאר, און אויב איז די אומגעגענט העכער ווי די רוסישע פאזיציעס, טאקע א אדווענטיזש, אבער צו זאגן אז די אדווענטיזש האט געשפילט די הויפט ראלע איז זיכער נישט ריכטיג, אויב די אוקריינער האבן געקענט אהערשטעלן אזא מעכטיגע ווידערשטאנד קעגן אזא פארפלייצונג פון רוסישע זעלנער אויף אזא קליינע ארט, איז נישט דא א סיבה צו זאגן אז פון איצט און ווייטער וועלן זיי מער נישט קענען טאן אזוינס.
אויסגעשעפט זענען ביידע זייטן, פארלוירן די בעסטע קעמפער האבן ביידע זייטן, ס'איז נישט דא א סיבה צו זאגן אז די וואגשאל האט זיך איבערגעבויגן אויף איין זייט, אויסער א שטארק מאראלישע בוסט וואס די רוסן וועלן איצט באקומען או ןמיט רעכט, זיי האבן טאקע עררייכט עפעס נאך א לאנגע צייט קעמפן ביטער שווער, עס קען זיי געבן מאמענטום, אבער דעטס איט.
זקן מלא רחמים.