אונזערע פראפעסיאנאלע קעכערס פון די קאך לעפעל, ווי אויך עטליכע ניקס אין אישי האבן מיר אנגעוויזן מיט רעכט אז איך האב געמאכט א שטיקל קוגל, לאמיר זיך פארבעסערן.
דערבארומדיג'ער האט געשריבן:פאר די וואס ווארטן אז היימארס זאל ראטעווען אוקריינע, אדער פאר די וואס מיינען אז די אמעריקאנער זענען גרייט צו טון אלעס אין די וועלט צו ראטעווען אוקריינע איז כדאי צו נעמען אין באטראכט די ארימע הילף וואס די מערב וועלט האט צוגעשטעלט פאר אוקריינע, עס איז שוואכע הילף קעגן זייער מעגליכקייט און עס איז שוואכע הילף קעגן די שטארקע פייער קראפט וואס רוסלאנד נוצט.
לגבי די M777 האוויצערס, קיינער מיינט נישט אז דאס גייט העלפן אוקריינע, מען האט שוין געשיקט די האוויצערס א לאנגע צייט צוריק און סווערידאנעטסק איז שוין געפאלן, און יעדער בר דעת וואלט נישט געדארפט טראכטן אז די קנאפע הונדרעט האוויצערס גייען איבערוועגן די רוסישע האוויצערס, לויט א סאך אנאליסטן האבן די רוסן געהאט א אויבערהאנט מיט די מעגליכקייט צו שיסן צען שעלס פאר יעדע שעל פון אוקריינע. אבער היות עטליכע האבן אנגעמערקט דערויף זעט אויס אז מיין לעצטע תגובה איז נישט געווען גענוג קלאר, אלזא לאמיר איבערזאגן, אויסער די היימארס האט אמעריקע שוין לאנג געשיקט נאך א גרויסע מספר פון M777 האוויצערס.
אבער איך מוז יא פאררעכטן דאס וואס מיין לעצטע תגובה האט אומריכטיג פארגליכן האוויצערס מיט היימארס, היימארס מיט האוויצערס זענען באמת בכלל נישט אין איין קאטעגאריע, די דייטשן און די פראנצויזן האבן געשיקט האוויצערס וואס זענען פיל בעסער פון די סאוויעטישע האוויצערס, אבער זיי זענען נאך אלץ אין איין קלאס מיט די האוויצערס, האוויצער שעלס דערגרייכן נישט אזוי ווייט ווי ראקעטן, און זיי זענען גאר ווייט פון די געמאסטענע פונקטליכקייט וואס די פארגעשריטענע היימארס קענען צושטעלן (געוואנדן אין די מיסל/ראקעטן מיט וואס מען לאדענט זיי אן) אין די פייער אויפרייס קראפט פון שעלס זענען פיל פיל שוואכער פון די געווענטליכע פייער קראפט וואס מען נוצט פאר די היימארס געשאסענע ראקעטן, אלזא צו רעדן בנשימה אחת פון די פופציג טויזנט רוסישע שעלס מיט די היימארס ראקעטן איז טאקע נישט צום זאך.
אבער די סכום פון 200 טויזענט שעלס איז נישט געשריבן געווארן איבער די היימארס ראקעטן/מיסלס, מען רעדט טאקע פון שעלס וואס מען נוצט פאר האוויצערס, איך האב איבערגעקוקט נאכאמאל די ציפער און עס האט שוין איצט לכאורה ביי ארום 270 טויזנט שעלס וואס אמעריקע האט מנדב געווען זינט די קריג האט זיך אנגעהויבן מיט פיר חדשים צוריק, דאס איז בערך וויפיל שעלס רוסלאנד האט פארנוצט אין איין וואך ביי די לעצטיגע שלאכטן אין סווערידאנעטסק.
די אנדערע נקודות האב איך האלבוועגס נאכגעשריבן פון מייק ווייקערס, ער איז געווען די העכסט ראנגיקער שפיאנאזש באאמטער אין די מיליטער אונטער די אבאמא אדמיניסטראציע, בעפאר דעם האט ער געשפילט א גרויסע ראלע און די פראגראם פון אמעריקע צו באוואפענען די אפגאניסטאנע באפעלקערונג קעגן די רוסישע אינוואזיע, זיינע ווערטער מעגן גענומען ווערן ערענסט ווען מען רעדט פון א פראגראם ווי אמעריקע באוואפענט אוקריינע קעגן רוסלאנד.
ער האט זיך לעצטענס אויסגערעדט זאגענדיג אז אמעריקע אליינס האט 400 היימארס סיסטעמען אין אמעריקע, און אויסער דעם איז דא נאך עטליכע הונדרעט דערפון וואס אמעריקע האט פארקויפט/פלאצירט אין אנדערע לענדער, אלזא מען רעדט פון א קיימא לן פון כאטש 600 היימארס סיסטעמען, און אלעס וואס אמעריקע האט געקענט שיקן פאר אוקריינע איז בלויז אכט שטיק? אכט פון זעקס הונדרעט?
און ער האט זיך באווארענט פון די וואס זאגן איבער די אויסגעדראשענע פענטאגאן סלאגאן אז " עס דויערט זייער לאנג ביז מען קען זיך גוט טרענירן וויאזוי צו נוצן די היימארס" שרייט ער אז מען איז שוין פיר חדשים אריין אין די מלחמה, מען איז שוין זעקס חדשים זינט אמעריקע האט געזאגט אז רוסלאנד וועט אבסעלוט זיכער אינוואדירן אוקריינע, און נאך אלץ הערט מען אז עס דויערט צו לאנג צו טרענירן? נאכמער, די היימארס דארף בלויז א דריי וואכן קורס, איינער וואס קען שיסן מיט אנדערע ראקעטן דארף נישט מער וויי 3 וואכן זיך צו לערנען וויאזוי מען אפערירט דעם היימארס סיסטעם! וואס פאר א תירוץ איז דאס אז עס דויערט צו לאנג טרענירן?
און פארוואס געוואלד האט מען באגרעניצט אוקריינע צו בלויז די מיסל'ס וואס קען גיין ביז 80 ק''מ? איינער האט געמיינט אז אוקריינע גייט אפשר וועלן האבן פאן און זיך נעמען שיסן אין רוסלאנד אבי געשאסן? נאר וואס דען, מען וויל אז זיי זאלן נישט קענען שיסן אפילו אויף מיליטערישע ציהלן אין רוסלאנד? פארוואס? פארוואס מעג רוסלאנד שיסן איבער גאנץ אוקריינע און אוקריינע טאר נישט באמבאדירן א וואפן סטאריזש וואס איז 200 ק''מ טיף אין רוסלאנד?
ע''כ פון דעם ווייקערס.
יעצט לייג צו א מעלדונג פון ביידן מיט בלויז 5 וואכן צוריק, ווען מען האט אנגעפאנגן צו רעדן פון שיקן היימארס קיין אוקריינע, האט ביידן געזאגט אז אמעריקע וועט נישט שיקן קיין וואפן וואס קען אריינפליען אין רוסישע שטחים, און די קרעמלין האט אויסגעלויבט אמעריקע דערפאר, און אויב וועט איינער זאגן אז ביידן האט סתם געמאכט א טעות, א פליטת הפה, זאל ער פארענטפערן פארוואס מען האט למעשה באשלאסן צו באגרעניצן אוקריינע צו בלויז 80 ק''מ, און ביידן האט עס אין אמת אריין אויך געשריבן אין א אפ עד אין די ני''ט, די אפ עד איז זיכער איבערגעקוקט געווארן פארן אריבערשיקן צו די ני''ט, און די אדמיניטראציע האט עס זייער קלאר געשטעלט פילע מאל אז זי איז נישט מסכים אז מען זאל נוצן אירע וואפן צו אטאקירן אין רוסישע טערעטאריע.
יעצט רעכן וויפיל טאנקן אמעריקע האט געשיקט פאר אוקריינע, אמעריקע האט טויזענטער טאנקן, וויפיל האבן זיי געשיקט? וויפיל זאכליכע מיליטערישע דראונס האבן זיי געשיקט? איז טאקע דא איינער וואס מיינט עכט אז אמעריקע "פייפט זיך אן אין פוטין"? פארוואס ווייל מען האט געשיקט 4 היימארס סיסטעמען ווען עס איז שוין געווען היבש נאנט צו א רוסישע זיג דאנבאס?
און וויפיל קענען די אכט היימארס טוישן די פראנט? מען קען נישט שיסן סתם אזוי א ראקעט, עס איז נאר געאמכט געווארן צו שיסן ווען מען ווייסט אז אויפן ציהל פונטק געפינען זיך א גרויסע גרופע זעלנער, אדער א ערענסטע סכום פון טאנקן/וואפן, אכט אזוינע סיסטעמען זענען ווערט, עס מאכט א חילוק, אבער פון דא ביז א סוקסעספולע קאונטער אטאקע צו פארכאפן דאנבאס איז פאלג מיר א גאנג, אבער די שמועס איז נישט פאר יעצט.
זקן מלא רחמים.