זיסע פיש האט געשריבן:יואל שרייבער האט געשריבן:היכי תמצא האט געשריבן:און אמעריקע טוישט זיך די פרעזידענטליכע בענקל יעדע פיר-אכט-צוועלעף יאר, מיינענדיג אז די כסא המלוכה טוישט כסדר פארטייען (אין די גאנצע היסטאריע פון אמעריקע, די לענגסטע צייט וואס איין פארטיי האט געהאלטן דאס כסא איז געווען אכט און צוואנציג יאר, 1801-1829. דאס לעצטע מאל וואס דריי פרעזידענטן פון דער זעלבע פארטיי זענען ערוויילט געווארן איינס נאכן צווייטן איז געווען 1921-1933, און דאס האט פאסירט ווייל אײנער איז געשטארבן אינמיטן זיין טערמין). דער קאנגרעס טוישט זיך יעדע צוויי-פיר-זעקס יאר, און אפילו אז די פארטייען געווינען נישט די מאיאריטעט יעדע צוויי יאר, פארלירט-געווינט איין פארטיי לכה"פ אפאר בענקלעך אין ביידע הייזער. דאס האט נישט צוטאן מיט דער קאנסטיטוציע אדער סתם דינים, נאר פשוט ווייל די אמעריקאנע בירגער (אריינגערעכנט אידן) ווילן כסדר טוישן די מאכט פון די פארטייען, און דאס האלט אן א שיינעם באלאנס (לענ"ד).
דאס אלעס איז אוואדאי פאר דיר נישט קיין נייעס. אלזוי, וואס איך פראביר ארויסצוברענגען איז אז איין פארטיי רודפט דאס צווייטע, און מענטשן ווערן טאקע גערודפט אבער זיי האבן מאכטפולע באשיצער, און די אנדערע זייט רודפט צוריק, אדער ווען די אנדערע צד באקומט די מאכט לייזן זיי אויס זייערע פאנדלעך. (ס'גייט שוין ארויס פון גרעניץ, איך מיין אז פון יעצט אן וועט מען פרובירן אימצופיטשען יעדן פרעזידענט... אפשר אפילו צוויי דריי מאל...).
משע"כ אין רוסלאנד זיצט שוין פוטין אויפן בענקל צוואנציג יאר (נישט אריינגערעכנט זיינע מעשים בשעת די סאוויעטישע צייטן). דערפאר קען קיינער אים נישט צוריק רודפן, און ווער ס'פרובירט טרעפט זיך אין תפיסה. ווי לענגער ער זיצט אויפ'ן בענקל אלץ מער ארעסטירט ער און ער קומט מער מאכט. לעצטע חודש האט ער געמאכט א נייע הלכה (מיט די באשטעטיגונג פון דער דומא...) וואס וועט אים לאזן זיצן אויפ'ן בענקל ביז 2036! מ'קען דאס נישט פארגלייכן צו די אמעריקאנע "איך טשעפע-דיך-דו-טשעפעסט-מיך" שפילעריי.
דו רעדסט נאר פון איין חלק פון די אמעריקאנער גאווערמענט, עס איז דא נאך א חלק פון די אמעריקאנער גאווערמענט וואס טוישט זיך קיינמאל נישט, און פייפט אן די אמעריקאנער בירגער פונקט ווי לוקאשענקא, עדווארד סנאודען איז געווען אן אקטיוויסט צו דעמאקראטיזירן יענע חלק פון די אמעריקאנער גאווערמענט, און דערפאר האבן זיי געצווינגען א באליוויער עראפלאן צו לאנדן אין עסטרייך אים צו קענען כאפן.
די האלסט טאקע פון דער פארגלייך וואס די האסט דא געמאכט, די האלסט טאקע אז די חלק פון דער אמעריקאנע רעגירונג פירט זיך אויף פינקט ווי לוקאשענקא?!!!,
עס קען זיך געהיריג דאכטן פון אייך, אז די ען עס עי, איז געווארן אויף געשטעלט דורך א לאנג יעריגע דיקטאטאר וואס האט געוואלט אינטער הערן צו איינע פון זיינע בירגער רעדן עפעס א קרים ווארט אקעגען עם.
עדווערד סנאודן איז געווען א קרימענאל, דער ען עס עי, האט זיך אפ געגעבן מיט באשיצן דער אמעריקאנער פאלק, קען זיין זיי האבן געטיען געוויסע אומאויסגעהאלטענע זאכן, אבער עס איז דא א וועג ווי אזוי מען באהאנדלט אזאלעכע זאכן, נישט גיין אוספויקן פאר דער גאנצע וועלט, ווען ער האט געשוואוירן אז ער גייט זיין געטריי.
די ווייסט פון א פאל וואס די ען עס עי האט שפאנירט אויף די אייגענע בירגער צוליב פאליטעשע אינטערעסן? איך מיין ווי אזוי פארגלייכסטו עדווארד סנאודען צו פראטאסעוויטש.
און ווען אמעריקע כאפט סנאודען גייט ער נישט ווערן געפייניגט און אויך נישט הינגעריכטעט, און ווען בעלעראוס האט עם געכאפט שטייט ער אויס פייניגאונגען, און צו הינגעריכטעט.
און דער נערישע פארגלייך וואס געוויסע האבן געמאכט אז אמעריקע איז פונקט ווי רוסלאנד, צוליב די אויספארשינג אויף טראמפ, לייגט זיך ממש נישט אויפן שכל, איך מיין וויפל רעפובליקאנע אקטעוויסטן זענען אימגעברענגט געווארן און די לעצטערע יארן?, וועלעכע קאנסערוועטיווע TV טשענעל איז געווארן אפגעשפארט?
עס איז ממש פונקט ווי ראוסלאנד? די ווייסט איינער וואס האט מורא צו שרייבן עפעס אויף טוויטער, אדער פאוסטן עפעס אויף סיי וועלכע פלאטפארמע, צוליב ער זאל נישט באקימען א קאל און קאפ?
עס קען זיין אמעריקע האט געוויסע פראבלעמען, אבער צו פארגלייכן צו רוסלאנד איז גאר א שלעכטע פארגלייך.