באיאן: היינט קומט פאר די היסטארישע שמחת החתונה פונעם חתן יונגסטע זון פון כ"ק אדמו"ר מבאיאן שליט"א, מיט די כלה א טאכטער פון הגה"צ ר' חיים וואגשאהל שליט"א, זון פון הגה"צ ר' הערשל וואגשאהל שליט"א משפיע בחצה"ק ערלוי, און איידעם ביי כ"ק אדמו"ר מסטרעטין זצ"ל. - די שמחת החתונה קומט פאר אין א ריזן זאל אין מעלה אדומים.
טשערנאביל - פשעווארסק - ברעזאן - ראדומישלא: היינט קומט פאר די שמחת החתונה פון א אייניקל ביי כ"ק אדמו"ר מטשערנאביל שליט"א, די חתן א זון פון זיין איידעם כ"ק אדמו"ר מברעזאן שליט"א, זון פון הגה"צ גאב"ד ראדומישלא רמות שליט"א, מיט די כלה א אור אייניקל פון כ"ק אדמו"ר מפשעווארסק שליט"א, אייניקל פון זיין איידעם הגה"צ ר' משה שמואל ראטטענבערג שליט"א אבד"ק קאסאני וומס"ב, א טאכטער פון זיין זון הגה"צ ר' אלטר יצחק ראטטענבערג שליט"א, איידעם ביי הגה"צ ר' יעקב מרדכי טווערסקי שליט"א אבד"ק טשערנאביל אלעד, איידעם ביי הגה"צ גאב"ד ראדומישלא רמות שליט"א. - די שמחת החתונה קומט פאר אין ביהמ"ד הגדול טשערנאביל אויף רחוב חבקוק אין בני ברק.
נדבורנא אלעד: היינט קומט פאר די שמחת החתונה פונעם חתן א זון פון כ"ק אדמו"ר מנדבורנא אלעד שליט"א, אייניקל פון כ"ק אדמו"ר מחוסט שליט"א פון וויליאמסבורג, מיט די כלה א טאכטער פון הגה"צ ר' יוסף קאפף שליט"א, זון פון כ"ק אדמו"ר מלעלוב בראנוביץ זצ"ל, און איידעם ביי הגה"צ ר' דוד גאלדמאן שליט"א אבד"ק זוועהיל בני ברק. - די שמחת החתונה קומט פאר אין זאל היכלי מלכות אין בני ברק.
נדבורנא לאנדאן: היינט קומט פאר די שמחת החתונה פונעם חתן א זון פון הרב יוסף יהושע לייפער שליט"א, זון פון כ"ק אדמו"ר מנדבורנא לאנדאן שליט"א, און איידעם ביי הגה"צ ר' יעקב שמשון יאקאבאוויטש שליט"א, איידעם ביי כ"ק אדמו"ר מגארליץ זצ"ל, מיט די כלה א טאכטער פון כ"ק אדמו"ר מבאסטאן ביתר שליט"א, איידעם ביי הגה"צ אבד"ק גרויסווארדיין סטעטן איילענד שליט"א. - די שמחת החתונה קומט פאר אין זאל גאלדען סקיי אין שטאט ביתר.
וויזניץ - ראחמיסטריווקא: היינט קומט פאר די שמחת החתן מאהל פונעם חתן א זון פון הגה"צ ר' פנחס אהרן פיש שליט"א, זון פון כ"ק אדמו"ר מביקסאד שליט"א ,און איידעם ביי כ"ק אדמו"ר מלויעוו טשערנאביל שליט"א ,מיט די כלה א טאכטער פון הגה"צ ר' ישראל האגער שליט"א ,זון פון כ"ק אדמו"ר מוויזניץ שליט"א פון קייאמישע ,און איידעם ביי כ"ק אדמו"ר מוויזניץ שליט"א פון בית שמש ,עלטסטע אור אייניקל ביי כ"ק אדמו"ר מויזניץ שליט"א ,און אור אייניקל ביי כ"ק אדמו"ר מראחמיסטריווקא שליט"א. - די שמחת החתן מאהל קומט פאר אין ביהמ"ד הגדול אין שיכון וויזניץ מאנסי.
פאפא: היינט קומט פאר די שמחת השבע ברכות פון א אייניקל ביי כ"ק אדמו"ר מפאפא שליט"א ,די חתן א זון פון זיין זון הגה"צ ר’ לוי יצחק גרינוואלד שליט"א דומ"ץ פאפא ב"פ ,איידעם ביי כ"ק אדמו"ר מבורשטין שליט"א ,מיט די כלה א טאכטער פון הגה"צ ר' נפתלי הירצקא פריעדמאן שליט"א אבד"ק אוסטריק ,זון פון הגה"צ ר' משה פריעדמאן שליט"א דומ"ץ סאטמאר ב"פ ,און איידעם ביי כ"ק אדמו"ר מזידטשויב חרדים שליט"א. - די שמחת השבע ברכות קומט פאר אין ביהמ"ד פאפא אין בארא פארק, צוגעשטעלט דורך די קהילה לכבודו פונעם מחותן דער דיין שליט"א.
תולדות אברהם יצחק: היינט קומט פאר די שמחת השבע ברכות פון א אייניקל ביי כ"ק אדמו"ר מתולדות אברהם יצחק שליט"א, אינאיינעם מיט די מעמד קריאת השם פאר די פערטע שטיבל דחסידי תולדות אברהם יצחק אין בית שמש, בנין ישראל דוד אסטרייכער, נדבת הנגיד החסיד ר' יצחק שמעון אסטרייכער הי"ו, עס קומט פאר אין א זאל אין שיכון סקווירא, אינאיינעם מיט א שבע ברכות פאר א אייניקל ביים נדבן, א זון פון זיין זון הרב מרדכי אלעזר אסטרייכער שליט"א רב דקהל לב ישראל אין מאנסי.
מהרי"ד מלעלוב: כ"ק אדמו"ר מהרי"ד מלעלוב שליט"א איז נעכטן אנגעקומען אויף א באזוך קיין ניו יארק בקרב חסידיו ומעריציו, די אכסניא וועט זיין אין שטוב פון הרה"ח ר' יהודה זילבער הי"ו אין וויליאמסבורג.
וויזניץ בי"ש: כ"ק אדמו"ר מוויזניץ שליט"א פון בית שמש וועלכער איז צוגאסט די טעג אין ניו יארק לרגל די שמחת החתונה פון די עלטסטע אייניקל, וועט היינט אנקומען קיין שיכון סקווירא צו פוקד זיין דעם ציון הק' פון זקינו כ"ק אדמו"ר הרה"ק מסקווירא זי"ע לכבוד די שמחה.
סטראפקוב: כ"ק אדמו"ר מסטראפקוב שליט"א וועט היינט נאכט אפרעכטן די יארצייט טיש לרגל די הילולא קדישא פון זיין פאטער כ"ק אדמו"ר בעל דברי יחזקאל שרגא מסטראפקוב זי"ע, בהיכל בית מדרשו אין די מאה שערים געגנט אין ירושלים, און דערנאך ארויפגיין צום ציון הק' אויפן הר המנוחות.
סאטמאר מהרי"י: כ"ק אדמו"ר מסאטמאר שליט"א קערט זיך היינט צוריק למעונו אין וויליאמסבורג נאכ'ן זיך אויפהאלטן די לעצטע וואכן אין נארט מיאמי אויף אפרוה.
פרישער פון פריש איז אייביג גוט צו זיין, עס ברענגט נאר פרישקייט!!!!