מוצאי שבועות תשפ"א
דורכאויס א פאון געשפרעך מיט די מדנ"י פרעמיער מיניסטער, האט פרעזידענט ביידען אנגעהויבן לייגן דרוק אז מדנ"י זאל איינגיין אויף א שטילשטאנד אין די קאנפליקט מיט די ארטיגע טעראר גרופעס.
* * * *
פרעידענט ביידען און וויצע פרעזידענט פרוי העריס האבן פריער אין וואך ארויסגעשטעלט זייער פעדעראלע 2020 שטייער בויגענס.
פון די דאקומענטן שטעלט זיך ארויס אז ביידען אין 2020 פארדינט 607,000 דאללער און געצאלט ארום 157,000 דאללער אין פעדעראלע שטייערן, און פרוי העריס האט פארידנט 1.69 מיליאן און געצאלט שטייערן עטוואס מער פון 620,000 דאללער.
* * * *
עדיוקעישאן סעקרעטאר מיגועל קארדאנא ערווארטערט אז ביז קומענדיגע הערבסט וועלן אלע שולעס איבערן לאנד שוין זיין פולקאם אפן פאר אין-פערזאן לערעס.
* * * *
אמעריקא וועט פארטיילן כאטש צוואנציג מיליאן וואקסין דאזעס פאר אלוועלטליכע לענדער ביז ענדע יוני - דאס מאל איז די רעדע פון וואקסינען באשטעטיגט פאר באנוץ אינערהאלב אמעריקא, דאס איז אויסער די זעכציג מיליאן דאזעס פון אנדערע וואקסינען שוין געמאלדן פאר עטליכע וואכן צוריק.
* * * *
אדמיניסטראציע האט איינגעמאלדן פאר קאנגרעס אז זי האט באשטעטיגט א 730 מיליאן דאללער וואפן פארקויף פאר מדנת ישראל.
טייל דעמאקראטן אין קאנגרעס זענען ארויסגעקומען מיט שטארקע קריטיק דערקעגן, אין ליכט פון די יעצטיגע צושטאנד.
* * * *
דעמאקראטישע קאנגרעסמאן גרעגארי מיקס -פארזיצער פון די אויסערן אנגעלעגענהייטן קאמיטע- זאגט אז נאכן באקומען א פארשפרעכונג פון די ווייסע הויז אז זיי וועלן מיטטיילן אלע רעלעוואנטע אינפארמאציע מיט געזעצגעבער, וועט ער זיך נישט קעגן שטעלן די אפמאך.
* * * *
די טרעזשורי דעפארטמענט האט געמאלדן אז די ערשטע קינדער טשעקלעך וועלן אנהויבן אריינפליסן אין די קאנטעס פון מיליאנען אמעריקאנער אום יולי 15.
די געלטער וועלן פארטיילט ווערן פאר ארום 39 מיליאן האוזהאלדס, דאס באטרעפט ארום 85 פערצענט פון אלע קינדער אין די פאראייניגטע שטאטן.
* * * *
קאנגרעס מינאריטעט פירער קעווין מעקארטי געמאלדן אז ער וועט נישט שטיצן דאס פארמירן א ספעציעלע קאמיסיע וואס זאל אויספארשן די קעפיטאל אומרוען אום יאנואר 6.
* * * *
אין די ציט וואס פון קאנגרעס הערט מען אז עס איז מער-ווייניגער דערגרייכט געווארן א פארשטענדעניש איבער דאס פארמירן א קאמיסיע צו אויספארשן די יאנואר 6 אומרוען, הערט מען אבער עטוואס אן אנדערע טאן פונעם צוטיילטן סענאט.
רעפובליקאנע סענאטאר טשאק גרעסלי אויף די יעצטיגע פלאן פאר יאנואר 6 קאמיסיע: "זיי וועלן ברויכן פארברייטערן די אויספארשונג אויף צו דערגרייכן זעכציג [שטימען אין די סענאט]".
* * * *
סענאטאר ראי בלאנט אויף די קאמיסיע: "די קאמיסיע וועט אונז בלויז שטערן פון טוהן וואס מיר ברויכן טוהן ביי די קעפטאל פאליציי".
* * * *
אנדערע רעפובליקאנע סענאטארן -זשאן טון, מיט ראמני, מייק קראפאו- זענען אבער יא מער אפן צום קאמיסיעאין איר יעצטיגע אויסשטעל.
* * * *
קאנגרעס האט היינט מיט א מערהייט פון 364-62 געשטימט צו באשטעטיגן די אנטי-אזיאנע האסן פארברעכן געזעץ.
די געזעץ איז שוין פריער געווארן באשטעטיגט אין די סענאט, און ווארט יעצט בלויז אויפן אונטערשריפט פונעם פרעזידענט.
* * * *
די סענאט האט היינט געשטימט 50-48 פאראויס צו גיין מיט די נאמינאציע פון קריסטען קלארק צו אנפירן די סיוויל רייטס אפטיילונג אינערהאלב די יוסטיץ דעפארטמענט.
די היינטיגע אפשטימונג איז געווען אויף צו פאראויסגיין דערמיט נאך וואס די קאמיטע האט געשטימט 11-11 איבער איר נאמינאציע.
* * * *
אי.יו. געמאלדן אז זי וועט צייטווייליג אפלייגן דאס העכערן אימפארט שטייערן אויף אמעריקאנע פראדוקטן, אין די צייט וואס די צוויי זייטן גייען אן מיט פארהאנדלונגען איבער שליכטן א טרעיד געראנגל וואס האט זיך אנגעהויבן אונטער פרעזידענט טראמפ.
* * * *
אריזאונע סטעיט טרעזשורער קימבערלי יאי געמאלדן אז זי לויפט פאר די ארטיגע גאווערנאר אמט, נאך וואס דער אמטירענדע גאווערנאר דאוג דאוסי קען נישט לויפן פאר ווידערערוויילונג.
* * * *
מעיאר פון "נארט לאס וועגאס" זשאן לי געמאלדן אז ער שפרינגט אריין אין די גאווערנאר פארמעסט אין נעוואדא צו ערזעצן אמטירענדע גאווערנאר סטיוו סיסאלעק.
לי איז געווען א רעגיסטירטע דעמאקראט ביז ער האט פריער אין יאר געטוישט זיין רעגיסטראציע צו די רעפובליקאנע פארטיי - ווי ער זאגט טוט ער דערמיט גיין אין די פיסטריט פון פרעזידענטן רעיגאן און טראמפ וועלכע האבן אויך געטוישט זייער פארטיי רעגיסטראציע נאכ'ן אנערקענען אז די דעמאקראטישע פארטיי דינט נישט די אינטרעסן פון די באפעלקערונג.
* * * *
פלארידא דעמאקראטישע קאנגרעספרוי דעמינגס האט ענדגילטיג באשלאסן אריינצושפרינגען אין די פארמעסט פאר די ארטיגע סענאט זיץ - זי וועט זיך פארמעסטן קעגן רעפובליקאנע סענאטאר רוביא.
* * * *
מארק מעקלאוסקי האט געמאלדן אז ער שפרינגט אריין די רעפובליקאנע נאמינאציע פארמעסט פאר די זיץ פון סענאטאר בלאנט וואס וועט רעטייערן.
מעקלאוסקי האט זיך פאריאר
באקאנט געמאכט ווען ער האט געפאכעט מיט א ביקס קעגן פראטעסיטירער וואס האבן זיך געפינען נעבן זיין פראפערטי.
* * * *
ניו יארק סטעיט אטוירני זשענעראל פרוי זשעימס האט ארויסגעשיקט סובפינעס פאר פיר מענטשן וואס האבן ארויסגעשטעלט פערזענליכע באשולדיגונגען קעגן גאווערנאר קאומו - א פרישע צייכן אז די אויספארשונג קעגן דער גאווערנאר איז אריין אין א מער ערנסטע פאזע.
* * * *
כאטש וואס די אטוירני זשענעראל האט נישט קיין צייט ווען זי וועט פארענדיגן איר אויספארשונג קעגן דער גאווערנאר, ווערט אבער אנגעגעבן אז די ציל איז צו פארענדיגן ביז ענדע זומער.
* * * *
די ניו יארק סטעיט אסעמבלי האט אוועקגעשטעלט בלויז 250,000 אין אויסגאבן פאר די אויספארשונג קעגן דער גאווערנאר - נאכ'ן פארעפענטליכן די קאנטראקט געשלאסן מיט די גרופע אדוואקאטן און פארשער אויפגענומען צו אריינקוקן אין די באשולדיגונגען קעגן דעם גאווערנאר שטעלט זיך ארויס אז די געלטער וועלן בלויז דריי וואכן ארבעט פון די אויספארשער.
דעמאקראטישע סטעיט סענאטאר ביאגי באשולדיגט אז דאס איז באווייז אז די פירערשאפט זוכט נישט ערנסט צו אויספארשן די באשולדיגונגען, און זוכט צו שלעפן די צייט ווי מער.
* * * *
סאציאלע מידיע פירמע "פארלער" האט איינגעשטעלט א סיסטעם אז מענטשן וואס באנוצן זיך מיט איר סיסטעם אויף די עפל איי-פאון וועלן נישט קענען זעהן אזעלכע מעסעזשעס וואס ווערן באצייכענט אלס "העיט ספיטש".
באנוצער אויף אנדערע סמארטפאונס אדער אויפן געוועב וועלן יא קענען זעהן די האספולע מעסעזשעס.
* * * *
געוועזענע פרעזידענט דאנאלד טראמפ וועט געבן א רעדע ביי די נארט קאראליינע סטעיט רעפובליקאנע פארטיי קאנווענשאן קומענדיגע מאנאט.
* * * *
דורכאויס א
פארהער פארענט פון די "נעשאנעל לעיבאר רילעישאנס באורד", האבן ארבעטער ביי די עמעזאן ווערהאוז אין אלאבאמע באשולדיגט אז זיכערהייט וועכטער האבן פארמאגט די שליסל פון א מעילבאקס וואס עמעזאן האט רעקאמענדירט פאר ארטיגע איינגעשטעלטע צו נוצן ביים
אפגעבן זייער שטימע.
* * * *
צוויי נעיווי פליגער אויף א טרענירונג מיסיע זענען געווען פארמישט אין צוזאמשטויס אין די לופטן - איינער איז פארוואונדעט געווארן מיט בלויז לייכטערע וואונדן.
* * * *
דריי ארעסטאנטן אין די טרויעריג-בארימטע גיטמאו מיליטערישע באזע טורמע זענען געווארן איינגעמאלדן אז די רעגירונג וועט ערלויבן זיי זאלן ווערן באפרייט.
דאס איז בלויז די ערשטע אין א רייע שריט איידער זיי קעען ענדגילטיג ווערן ארויסגעלאזט - עס ווערט אנגעוויזן אז איין ארעסטאנט איז שוין געווארן איינגעמאלדן אין 2010 אז ער וועט ווערן באפרייט, און דערווייל געפינט ער זיך נאך דארט.
* * * *
דיסטריקט אטוירני ענדרו וואומבל געמאלדן אז זיין אפיס וועט נישט אנקלאגן די אפיצירן פארמישט אין די
מארד פון ענדרו בראון.
וואומבל זאגט אז אן אויספארשונג פון די סטעיט "ביורא אוו אינוועסטיגעישאן" איז געקומען צום אויספיר אז די אפיצירן האבן זיך געשפירט באדרויעט און זענען דעריבער געווען בארעכטיגט צו עפענען פייער.
* * * *
קלעגער אין די קעיס
קעגן די פעדעראלע עוויקשאן מאראטאריום זאגן אז זיי וועלן אפעלירן די צייטווייליגע סטעי, און אויב עס פעלט אויס וועלן זיי גיין ביזן סאמע העכסטע געריכט דערפאר.
* * * *
סופרים קאורט האט געמאלדן אז זי וועט אויסהערן א קעיס ארום א אנטי רציחה געזעץ איינגעשטעלט אין מיסיסיפי.
די געזעץ -איינגעשטעלט אין 2018- איז געווען איינע פון א רייע אזוינע געזעצן באשטעטיגט דורך עטליכע רעפובליקאנע סטעיטס, מיט די ערווארטונג אז די נידעריגע געריכטן וועלן אפווארפן די געזעצן אלס אומקאנסטיטוציאנאל (צוליב די 1973 סופרים קאורט אורטייל), און די העכסטן געריכט וועט איינגיין אויסצוהערן כאטש איינע פון די קעיסעס.
די אורטייל דערויף איז נישט ערווארטערט פריער פון זומער 2022.