מצד אחד איז גאר ניכר ווי זיי ווילן אסאך מאל (רוב מאל) סתם דרייען א קאפ און אנזייען פחד און אנגסט ביי די עלטערן און זייערע ארומיגע.הצלת הישיבות האט געשריבן:וועל איך פארציילן א מעשה לתועלת הציבור (די באטראפענע איז מסכים)מעכי דער דריטער האט געשריבן:אז מ'רעדט שוין.. איז לעצטנס נתפרסם געווארן דורך פילע עסקני רפואה אין לאנדאן, - עס איז אקטועל אין אנדערע פלעצער איבער די וועלט אויך, אבער דיבר הכתוב בהוה - שטארקע אנווייזונגען וואס מ'דארף וויסן ווען עפעס פאסירט ל"ע, בפרט אויב די באטרעפענדער איז א קינד.מעכי דער דריטער האט געשריבן:אין ענגלאנד איז דא די CQC, מיט שווערע רעגולאציעס אויף געזונטהייט אינסטעטוציעס. לויטן געזעץ מעג אן אמבולאנס סערוויס (-הצלה) טראגן בלויז צו די נאנטסטע שפיטאל, אויב פאלגן זיי נישט אויס דעם געזעץ דאן קען זיי די גאווערמענט פארשליסן פון א מינוט אויפן צווייטן. היל"ת.
ואגב, מ'זאל נישט געפריווט ווערן, אבער אין די אלע פעלער איז אויך זייער וויכטיג צו האלטן קאפ אויף די ערשטע ווערטער וואס ווערן ארויסגעזאגט נאך א טראגעדיע. וד"ל. ליידער האט אן איבעריג ווארט אנגעברענגט שוין פילע עגמת נפש רח"ל.
דאס ערשטע זאך איז גיין צום דאקטער אדער אין שפיטאל גלייך. (דיין קינד איז געפאלן, ער האט געכאפט אן ערנסטע קלאפ, זאג נישט ס'גוט, ס'וועט שוין אדורכגיין. טשעק עס אויס)
קומסט אין שפיטאל, פארצייל דעם אמת. (די בעסטע ליגנט איז די אמת..) חלילה, אויב כאפט מען דיר ביי א ליגנט איז דאס אן ערגערע פארברעך ווי לאזן א בעיבי אליין אויף א בעט... וד"ל.
אויב פאליציי אדער סאציאלע סערוויס ווערט אריינגעמישט דורך די שפיטאל באאמטע, פיר נישט קיין קאמף מיט זיי, קאפעריר און פארבינד זיך מיט איינע פון די עסקנים.
קען זיין ס'איז דא נאך הוראות, כ'וועל אפיר זוכן דעם גאנצן מודעה און פרובירן ארויפצולייגן. אדרבה, אויב איינער האט עס אין באזיס איידער איך ברענג עס איז עס מכובד צו מפרסם זיין לטובת הכלל
ערב שבת קודש חנוכה העעל"ט איז איינער אריין אין שפיטאל מיט א קינד. ער האט פארציילט א פאלשע מעשה. די דאקטער האט געזאגט אז די מעשה מאכט נישט קיין סענס.
ער האט זיך פארבינדן מיט עסקנים. מען האט פארשטאנען אז פאליציי וועט בקרוב אויספירן אן ארעסט אופן טאטע און מאמע (איבער שבת חנוכה).
נאכן זיך דורך רעדן מיט א סאליסיטער האט מען אים עדווייזט צו זאגן פארן דאקטער די גאנצע אמת. ער האט געפאלגט ב"ה (נישט גרינג געווען. די עלטערן האבן שוין כמעט נישט געדענגט די אמתע מעשה נאכן איבער זאגן אזויפיל מאל די אנדערע מעשה).
געציילטע מינוט שפעטער, ביים כניסת השבת איז פאליציי אנגעקומען אין שפיטאל אין האבן אים געזאגט "מיר זענען געקומען אייך ביידע צו ארעסטירן". אבער היות איר האט באצייטנס ציריקגעדרייט, לאזט מען אייך גיין. אבער געט ביטע איבער פאר די קאמיוניטי, אז די בעסטע ליגנט איז די אמת. כמעט כהאי לישנא.
דער איד איז געווען אין סטאמפארד היל פרייטאג צונאכטס אין זיך באדאנקט פאר די עסקנים מיט טרערן אין די אויגן.
שטעלט אייך פאר ווען ער כאפט זיך 10 מינוט שפעטער, וואלטן געוויסע עסקנים נישט געהאט די צייט יעצט צו שרייבן אויף אייוועלט!!!
ווי גייט נאר די ניגון:, ליגנט זאגן ליגנט זאגן טאר מען נישט, ווייל סאיז נישט מעגליך עס צו פראווען. ליגנט זאגן ליגנט זאגן טאר מען נישט, ווייל סוועט אפירקומען סתירות.
א קלאסישע ביישפיל, אנהויב ווינטער האט פאסירט אז א קליין קינד האט זיך צוקלאפט, אנקומענדיג אין שפיטאל האט מען זיי געשיקט צו די סאשעל סערוויסעס און דאן האט זיך אנגעהויבן די גיהנום פאר זיי, מ'האט זיי געפייניגט און געסטראשעט מיטן ערגסטן, למעשה זיי זענען אנגעקומען אין קאורט, ביי איינער פון די הירינגס האט דער פראסעקיוטער גע'טענה'ט די מערסט אבסורדער טענה, היות ווען מ'האט אויסגעפרעגט די עלטערן האבן זייערע ווערסיעס פון די פאסירונג נישט געשטימט 100% איז דאך א ראי' אז זיי האבן נישט קיין רילעישאנשיפ, מוז זיין אז עס איז א forced marriage דעריבער מוז מען זיי טיילן...
האט עטץ ענגלישע יוסטיץ בתפארתה!
(הודו לה' די מעשה האט זיך דארט גוט גענדיגט)