שוטה האט געשריבן:אויפריכטיג האט געשריבן:יו"ט ביי מוסף שטייט אין אלע מחזורים
מֶלֶךְ רַחֲמָן, רַחֵם עָלֵינוּ, טוֹב וּמֵטִיב הִדָּרֶשׁ לָנוּ, שׁוּבָה אֵלֵינוּ בַּהֲמוֹן רַחֲמֶיךָ, בִּגְלַל אָבוֹת שֶׁעָשׂוּ רְצוֹנֶךָ.
אין רמב"ם שטייט: שובה עָלֵינוּ.
וכן הוא בנוסח אדמו"ר הזקן.
און אלע אלטע מחזורים פון ביפאר די צייטן פון דער משכיל יצחק סאנטו וועט איהר טרעפן "עלינו" דער משכיל האט פרובירט אין זיין ספר ויעתר יצחק צו פארבעסערן די נוסחאות התפילה עס זאל מער שטומען ע"פ דקדוק. צוליב דעם האט ער משנה געוועהן עטליכע נוסחאות. ובתוכם געטוישט דעם
מוריד הגשם פון א סגו"ל אונטער די ג' צו א קמץ אונטער די ג' האלטנדיג אז דער קמץ איז מער מדוייק זייענדיג די ענדע פון א זאץ. ער האט אבער נישט פארשטאנען אז די אנשי כנסת הגדולה האבן מתקן געוועהן די נוסחאות ע"פ סוד. ער ווערט שוין באריכות אראפגעריסן פון כמה גדולים אז עס איז דא ע"פ סוד פארוואס די ווארט גשם דארף זיין מיט די זעלבע נקודות ווי מלך. (אגב, האב איך געהערט אז חאטש אין אלע אשכנז'ישע סידורים שטייט די ג' מיט א קמץ, האט הגאון ר' יונתן שטייף גע'פסק'עט פאר די באקאנטער חזן קבוע אין וויענער קהלה הרב עמרם שטראססער זצ"ל צו זאגן מיט א סגול אויך ביים גשם בענטשן) די זעלבע האט ער אויך געהאלטן אז אלינו איז מער מדוייק ע"ש הכתוב שובה אלי ואשובה עליכם. אבער מ'ברויך צו וואוסן פון ווי דאס שטאמט. און פיל גדולים האבן דאס שוין צוריק געטוישט. איך דענק אויך אז אין תולדות אהרן זאגט מען אזוי.
עס קען זיין אז מ'קען טרעפן שיטות פון פריערדיגע צו זאגן אזוי אדער ביי ספרדים. אבער מען דארף פארשטיין אז טאמער האט מען נישט אזוי אנגענומען ביי אונז, און די סיבה אויף איינצופירן אזוי פון ניי איז געוועהן נאר ווייל עס האט בעסער געשטומט פאר דעם משכיל און זייענדיג די מדפיסים האבן זיי דאס געטוישט, אויף אזא אופן טאר מען נישט משנה זיין.
עס האט מיך שוין לאנג גע'עגבערט אויף א געוויסע מקום האט מען משנה געוועהן צו זאגן ביי קדושה
"ככתוב על ידי נבואיך אנשטאט די אנגענומענע
על "יד" נבואיך. דאס אז ס'שטומט נישט אזוי ע"פ דקדוק ווייל יד איז ל' יחיד און נביאיך איז רבים, דאס איז דאך שוין כבר דשו בו רבים. אונז האמיר נאך געהאט אזעלכע גרויסע צדיקים וואס האבן צו דעם פארשטאנען און דאך האבן זיי דאס נישט משנה געוועהן. ומי יבין את סודם ונמוקים. און הגם מ'טרעפט מקומות ווי ביי די ספרדים אדער געוויסע שיטות וואס האבן אזוי געזאגט. אבער אז ביי אונז האט מען נישט, איז פילייכט דא עפעס א סוד דערצו.