וואס איז דער ריכטיגער נוסח פון "חשוף זרוע קדשך" ?

[המסתתר]

אין דעם לינק המצו"ב איז דא אן אפהאנדלונג איבער'ן ענין: ווען איז נתחבר געווארן דער בית'ל "חשוף זרוע קדשך".

די ערשטע דעה ברענגט ער אז דאס איז שפעטער צוגעלייגט געווארן, ווארום עס איז נישט מופיע אין א געוואלד סידורים און זאגער'לעך. א צווייטע דעה - זאגט ער - איז, אז דאס איז יא געווען א חלק פונעם פיוט "מעוז צור" בכלליות ווען עס איז נתחבר געווארן, און עס איז צענזורירט געווארן שפעטער "פנימיות'דיג" כלשונו, ד. ה. דורך אידן. א זאך וואס איז אביסל שווער צו פארשטיין, אדער אפשר איז נישט אזוי שווער.

דעם הסבר אז דאס איז א "פנימיות'דיגער" צענזור, וויל דער "מאן דאמר" דארט נישט אננעמען, ווייל ער האלט אז אידן במשך די דורות האבן זיך גאנץ גוט געשפירט מיט די נקמה אויסדריקן אין דעם שטיקל פיוט, ממילא קומט ער צו א מסקנה אז דאס איז געווען א צענזור מפחד ואימת הגויים.

http://www.piyut.org.il/articles/610.html

אז מ'רעדט שוין, וויל איך ארויפברענגען אויך דעם נוסח פונעם "חשוף" אליין. צו זאגט מען "דחה אדמון בצל צלמון" אדער "מחה פשע וגם רשע".

ס'איז אגב אויך דא שינויי לשונות אין "כי ארכה לנו הישועה" - "כי ארכה לנו השעה", אבער דאס איז נישט קיין יסודות'דיגער חילוק.

[קענסט מיך?]

אין געוויסע סידורים איז צוגעלייגט נאך א שטיקל, מעולם היית ישעי כבודי ומרים ראשי וכו' פון ווי שטאמט יענץ?

[קענסט מיך?]

איך האב יעצט געמאכט א סוירטש איבער דעם, און די רעזאלטס איז ארויסגעקומען אז עס איז גאר א פרישע מחבר, נישט דער זעלבער מחבר פון בעצם מעוז צור, דער מחבר האט געהייסן משה בן ישראל, און ס'איז מרומז זיין נאמען משה חזק, ישראל:

מעולם היית ישעי, כבודי ומרים ראשי
שמע נא לקול שועי, מלכי ואלקי קדושי
העבר חטאי ופשעי, וגם בגלות השלישי
חזק ישראל ומכניע ישמעאל, ומאדום תפדה נפשי

ס'דא וואס זאגן אז דער ר' משה איז געווען דער הייליגער רמ"א.

[זאנוויל]

נאך א נקודה וואס איך וויל ארויף ברענגן, איך בין נעכטן געווען ביי א געוויסן רבי, און איך האב אים געהערט זינגען הקם לנו רועים שבעה, ווייסט איינער א מקור דערויף?

[קענסט מיך?]

אין סידור החיד"א האב איך געזעהן אזוי די נוסח

[מיללער]

נאך א נקודה וואס איך וויל ארויף ברענגן, איך בין נעכטן געווען ביי א געוויסן רבי, און איך האב אים געהערט זינגען הקם לנו רועים שבעה, ווייסט איינער א מקור דערויף?

איך האב עס נאכנישט געהערט, אבער עס שטמט גאר גוט, איך קלער יעצט וויאזוי טייטשט מען 'רועה שבעה' בלשון יחיד?

[יאנאש]

איבער די רועה רועים האב איך נעכטן געזעהן עפעס, אבער כאב שוין פארגעסן, בלי נדר וועלעך עס היינט נאכאמאל זעהן און עס מעלדן.

ביידיוועי המסתתר, יישר כח פארן עפענען דעם אינהאלטרייכן אשכול.

[זארעכפעפער]

גייט נישט דער 'רועה שבעה' ארויף אויף דוד המלך/מלכות בית דוד/מלך המשיח, וועלכער ווערט באצייכנט אלס דער זיבעטער פון די שבעה רועים? אזוי האב איך אלץ געמיינט.

[המסתתר]

און מיר האבן נאכנישט אנגערירט דעם ענין, צו זאגט מען "להיות לנו תשועה מאומה הרשעה" אדער "להיות לנו תשועה כי ארכה לנו הישועה-השעה.

[ביקסאד]

אין וויזשניץ זאגט מען אין גאנצן נישט דעם חרוז חשוף.
אין די מנהגי וויזשניץ "עדות בהוסף" צייכענען זיי צו :
1. דעם סידור עבודת ישראל שטייט אז דער ארגינעלער פייטן האט דאס נישט פארפאסט, און מען טרעפט עס נישט אין די אלטע סידורים.
2. דעם קיצור של"ה [הלכות חנוכה] אז דער חרוז האט מען שפעטער צו געלייגט, וועגען די גליות, עיי"ש.

[פויער]

עס איז דא וואס זאגן

עשה נא למען שמיך להיות לנו תשועה

אדער

נקום נקמת דם עבדיך מאומה הרשעה

[אליהו]

אן זיין א מבין פארשטייט מען אז דחה אדמון מיינענדיק אדום-רומי-נצרות
האט אויפגערייגט דעם צענזאר.

[גבאי ביהמד]

בני בינה ימי שמונה, קבעו שיר ורננים

[גבאי ביהמד]

בני בינה ימי שמונה, קבעו שיר ורננים

[ווינקל]

אין וויזשניץ זאגט מען אין גאנצן נישט דעם חרוז חשוף.
אין די מנהגי וויזשניץ "עדות בהוסף" צייכענען זיי צו :
1. דעם סידור עבודת ישראל שטייט אז דער ארגינעלער פייטן האט דאס נישט פארפאסט, און מען טרעפט עס נישט אין די אלטע סידורים.
2. דעם קיצור של"ה [הלכות חנוכה] אז דער חרוז האט מען שפעטער צו געלייגט, וועגען די גליות, עיי"ש.

פונקט האב איך היינט געזען דעם קיצור של"ה, ווי ער שרייבט אז היות דער פיוט דערמאנט אלע גליות חוץ די דאזיגע וואס מיר געפינען זיך האט מען דעריבער צוגעלייגט דעם שטיקל חשוף.

דער נוסח איז טאקע אביסל אנדערש ווי אין אלגעמיינע סידורים. http://hebrewbooks.org/pdfpager.aspx?req=43028&st=&pgnum=208

מצאתי כתוב, מאחר שהשיר של מעוז צור אינו קאי רק על ג' מלכיות בבל מדי יון, אבל מלכות רביעי גלות אדום וישמעאל לא נזכר בו כלום,
על כן התקינו איזה חרוזות המדברים על גאולה מגלות הזה, שיאמר אחר השיר מעון בניגון מעוז צור:

(חרזוה זו סימן חז״ק)
*חשוף *זרועי *קדושי - בקרב קץ הישועה
ונקום נקמת נפשי - מיד מלכות הרשעה
כי ארכה לנו השעה - ואין קץ לזאת הרעה
בצל צלמון נחי [דחי?] אדמון - והקם לנו רועים שבעה.

(מהגאון מהר״ר משה איסרלש זצל״ה)
*מעולם היית ישעי - כבודי ומרים ראשי....

דא איז דער נוסח אביסל אנדערש עיי"ש. http://hebrewbooks.org/pdfpager.aspx?req=42571&st=&pgnum=182

[א טענצל!]

נוסח מונקאטש:

כי ארכה לנו השעה

דחה אדמון בצל צלמון

[פראקטיש]

גייט נישט דער 'רועה שבעה' ארויף אויף דוד המלך/מלכות בית דוד/מלך המשיח, וועלכער ווערט באצייכנט אלס דער זיבעטער פון די שבעה רועים? אזוי האב איך אלץ געמיינט.

א פלא קיינער האט נישט געענטפערט, איך זוך דא אינעם וועלטל 'רועה שבעה' און נאר דאס האב איך געפונען.

איז אזוי, הערשט נעכטן דאס ערשטע מאל באמערקט דעם פירוש נר מצוה (אין זמירות דברי יואל אויף חנוכה) טייטש ער 'רועה שבעה' אז ס'באציט זיך אויף א פסוק אין מיכה קאפיטל ה' וואס דארט שטייט אז ווען די ישועה שלימה וועט קומען וועט דער אייבערשטער מקים זיין פאר אונז "שבעה רועים ושמונה נסיכי אדם".

אנדערש ווי אונז זעמיר געוואוינט פון סוכות אז די שבעה רועים זענען די שלשה אבות, משה, אהרן, יוסף און דוד, וואס קומט פון זוהר הק', טייטשן די מפרשים אז די שבעה רועים גייען ארויף אויף וואס חכמינו ז"ל טייטשן אין סוכה אויף שת, חנוך, משותלח אויף די רעכטע זייט, אברהם, יעקב משה אויף די לינקע זייט און דוד המלך באמצע.

ס'איז א חידוש פון א נושא פאר מיר, דא קענט איר ליינען מער איבערדעם
https://he.wikipedia.org/wiki/%D7%A9%D7 ... 7%99%D7%9D

דא פון א חב"ד קוק-ווינקל (זייטס מקיים דעם תוכו אכל וקליפתו זרק)
https://old2.ih.chabad.info/#!g=1&url=article&id=69828

לויט דעם קען זיין אז ס'פאסט צו זאגן רועים שבעה מיט א לשון רבים פאר די אלע זיבן, חוץ אויב באציט מען זיך נאר צו דוד המלך וואלט מען געדארפט זאגן 'רועה שבעה' בלשון יחיד.

למעשה, דוד המלך איז געווען א באוווסטע פאסטוך, יעקב און משה אויך. אבער שת, חנוך, מתושלח, אברהם איז אומפארשטענדלעך.

ווער ס'קען דאס אויסקלארן ביטע.

[יסוד ארי]

אין ניקלשבורג מאנסי זינגט מען צוויי מאל דעם שטיקעל מיט ביידע נוסחאות

20231212_082915.jpg (242.71 KiB) געזען 446 מאל