נחמן נתן האט געשריבן:היינט נאכט איז דער יארצייט פון הקוה"ט רבי דוד משה זצוק"ל
ער געווען באוויסט צו זיין "דער רבי פון די רבי'ס"! אן א שיעור רבי'ס און מנהיגים פון פארשידענע קרייזן זענען געקומען צו פאהרן צו איהם. עס איז אפילו באקאנט אז הגה"ק בעל מנחת אלעזר ממונקאטש זצ"ל איז געפארן אמאל קיין טשארטקוב אן רשות פון זיין טאטן הגה"ק בעל דרכי תשובה זצ"ל. די סיבה פארן נישט פרעגן רשות איז געווען ווייל דער דרכי תשובה (ווי אויך דער מנחת אלעזר) איז געווען א פלאם פייערדיגער שינאווער (צאנז) חסיד, און צוליב די התנגדות האט ער נישט געוואלט פאר קיינעם דערציילן. דער זעלבע האט אויך געטוהן דער כנסת יחזקאל פון דעעש זצ"ל און דער עצי חיים זצ"ל. זיי האבן אלע מפליג געווען בשבחו פונעם הייליגען טשארטקובער זצ"ל.
אזוי אויך איז באקאנט אז הגה"ק בעל דברי שמואל מסלאנים זצ"ל איז געווען פון די גאר שטארקע טשארטקובער חסידים, און אפט געפארן להסתופף בצל קדשו.
צי זאגען אז ער איז געווען דער רבי פון רבי'ס איז דאכט זיך מיר שוין אביסל איבער געטריבן אבער דאס איז יא געווען א חידוש אז די אויבן דערמאנטע צדיקים וואס זענען בדרך כלל אוועקגעשטאנען פון די רבי'ס לבית רוזשין האבן ביי הרה"ק מטשורטיקוב יא געפונען וואס זייער דרך כמיין אז טשורטיקוב איז טאקע געווען די נאנטסטע צי די פרומע חסידות'ער אין גאליציע אינטערסאנט האב איך געזעהן אינעם נייעם חיבור אויף הרה"ק מטשורטיקוב צוויי הערליכע אימבאקאנטע בילדער וואס זיי זענען מייחס צי ר' דוד משה איינס דערפון וואס ער שפאצירט מיט זיי גבאי נעבן זיין הויף.
ביקסאד האט געשריבן:אין די חלקה האבן מיר באמערקט ליגן א טאכטער פון ר' צבי הירש דאהל מיט איר מאן למשפחת שור. איינער האט אפשר מער פרטים מי הם ?
ר' אהרן דאהל איז געווען דער בארימטער גבאי אין טשארטקאוו, און פון משפחת שור איז געווען איטליכע מחותנים ממשפחת המלוכה.
משפחת שור, זענען געווען אייניקלעך פונעם הייליגן רוזינער, און נישט נאר מחותנים, זיי זענען געווען מאנזאהן אייניקלעך. דער שטיפינעשטער הרה"ק ר' אברהם מתתי' האט חתונה געהאט בזוו"ש מיט א שוועסטער קינד וואס איז געווען פארהייראט צו משפחת שור, און דער שטיפינעשטער האט אפילו חתונה געמאכט פון איהרע קינדער וואס האבן געהייסן שור, א קונטרס איז פארהאן 'מברדיצו'ב עד ירושלים' פון די משפחה....
די מחברת פונעם ביכל מברדיצ'וב ועד ירושלים, איז א טאכטער פון ר' אביגדור שור, וואס זיין מאמע איז געווען די זיווג שני פון די שטיפינעשטער, אין איז געווען א איידים פון ר' מרדכי זושא מטריסק-יאס, איידים פון אדה"ז מבאהאש, און די מחברת אליין איז געווען א שנור פון בראשובער רב (בעל מחבר אפרקסיא דעניא). זי האט מחבר געווען צוויי ביכלעך 1) מברדיצ'וב ועד ירושלים דארט שטייט גאר שיין באשריבען אלעס פון די הויפען פון אירע (שטיף) זיידעס וואס זי געדענקט אלס קינד גאר אינטרעסענטע זאכען 2)סיפורי סבתא אלעס פון איר אייגענע לעבן
בן בוזי האט געשריבן:נשמת כל חי א הספד וועלכע איז געהאלטן געווארן אין קאלאמעי נאך די הסתלקות פונעם הייליגער טשארטקאווער רבי, דער מגיד ר' יצחק הלוי וועבער איז זעהט אויס געווען א פארקאכטער און א טיפיקעל פארברענטער טשארטקאווער חסיד עיי"ש ותמצא תענוג ונחת.
אז איהר וועט באמערקן אז די ספר 'דברי דוד' פונעם הייליגן טשורטקובער וואס געפונט זיך אין דעם חב"ד-סקער לייברערי, איז געווען די אייגענטום פון הרה"ג ר' ישראל רפפורט רב ואב"ד ומגדולי חסידי טשורטקוב זצ"ל
אז מ'קען נישט לייגן קיין בילדער וועט מען שרייבן. די ציונים האבן געלייגט שטארקע האפענונג אויף הרה"ק רבי דוד משה זי"ע אז ער וועט געבן זיין הסכמה פאר זייער פארדארבענע שטיק. אבער לא עלתה לידם, הערצל שר"י האט פורבירט איטליכע מאל אריינצושלעפן דעם צדיק אין זיינע שייגעץ שטיק און ער האט זיך אפי' געוואלט פערזענליך טרעפן מיט אים. אין א בריעוו פון רבי דוד משה'ס גבאי שרייבט ער אז "הרבי מקוה לעלות לארץ ישראל יחד עם כל ישראל"
דא אין שם ושארית ווערט געברענגט אז אדמה"ז רבי דוד משה מטשארטקוב זצ"ל איז געווען אן איידעם בזיווג שני ביי זיין עלטסטע ברידער רבי שלום יוסף זצ"ל, ד.ה. אז ער האט חתונה געהאט מיט די אלמנה פון רבי אברהם יושע העשיל ממעזיבוז זצ"ל. שפעטער האב איך געזען אין בעלוץ צדיקים ברענגן די זעלבע זאך (לכאורה איז די מקור פון שם ושארית הנ"ל). האט איינער אמאל געהערט פון אזא זאך? איך קלער אז ער איז זיך טועה מיט רבי דוד משה'ס עלטסטע זוהן, רבי נחום מרדכי זצ"ל, וואס איז געווען אן איידעם דארט (און דאס ווערט בכלל נישט דערמאנט אין שם ושארית). וואס ווען ער איז אוועק יונגערהייט האט זיין אלמנה חתונה געהאט מיט רבי ישראל מסאדיגורה זצ"ל. קען דאס איינער באשטעטיגען?
Professional bookkeeping for your small business [email protected] | 347-708-2079
משיח האט געשריבן:דא אין שם ושארית ווערט געברענגט אז אדמה"ז רבי דוד משה מטשארטקוב זצ"ל איז געווען אן איידעם בזיווג שני ביי זיין עלטסטע ברידער רבי שלום יוסף זצ"ל, ד.ה. אז ער האט חתונה געהאט מיט די אלמנה פון רבי אברהם יושע העשיל ממעזיבוז זצ"ל. שפעטער האב איך געזען אין בעלוץ צדיקים ברענגן די זעלבע זאך (לכאורה איז די מקור פון שם ושארית הנ"ל). האט איינער אמאל געהערט פון אזא זאך? איך קלער אז ער איז זיך טועה מיט רבי דוד משה'ס עלטסטע זוהן, רבי נחום מרדכי זצ"ל, וואס איז געווען אן איידעם דארט (און דאס ווערט בכלל נישט דערמאנט אין שם ושארית). וואס ווען ער איז אוועק יונגערהייט האט זיין אלמנה חתונה געהאט מיט רבי ישראל מסאדיגורה זצ"ל. קען דאס איינער באשטעטיגען?
כפי המונח בזכרוני כעת במשרד - בלי הארכיוון, נכון הדבר - שהרה"ק ר' דוד משה נשא בזוו"ש את בת אחיו רש"י.
