דרך אגב:
שמעתי אז פאר אפאר יאר איז געטראפן געווארן [דארעך הרה"ג ר' גרשון האגער זליט"א פון גאלדעס גרין ובניו] אין שטאט סלאוויטא די מצבה פון הרה"ק ר' ארי' לייב מזיטאמיר זי"ע.
האט איינער א בילד פון דעם?
פ"נ
גברא יקירא וחשיבא
מוכתר בנימוסין בר
אורין ובר אבהן קדישין
מוהר"ר אריה יהודה ליב
בהרב הצדיק מהר"ר
שמואל אברהם
זצללה"ה שפירא נח
נפשיה ביום ב' כ"ז סיון
שנת תרנ"ו לפ"ק
תנצב"ה
דער 'אמרי ברוך' פון וויזניץ איז געווען אן איידעם ביי רבי אריה לייב שפירא מזיטאמיר וואס איז געווען א בן אחר בן פון רבי פנחס קאריצער... יעצט דער איינציגסטער וועג וואס דער 'אהבת ישראל' האט געקענט זיין א זלאטשובער אייניקל איז נאר דורכן 'אמרי ברוך'ס שווער רבי אריה לייב מזיטאמיר, רבי אריה לייב מזיטאמיר אליין איז זיכער נישט געווען אן אייניקל ווייל זיין יחוס איז באקאנט, וואס בלייבט נאר פארן רעביצין פון רבי רבי אריה לייב, וואס מ'האט אויסגעפינען אז זי האט געהייסן 'רחל יענטא' און זי איז געקומען פון מעזיבוז.
איך וויל זיך למעשה שטעלן אויף דעם אז "אויב" איז אמת דאס וואס די חוקרי היוחסין זאגן אז זי (רחל יענטא אשת רבי אריה לייב מזיטאמיר) איז געווען א זבאריזער אייניקל, אויב יא וויאזוי.
דאס איז קלאר אז לויט די יארן קען זי נישט זיין א דור ווייטער ווי אן אייניקל פון רבי וועלוועלע, וואס דאס מיינט אז איר טאטע אדער מאמע איז געווען זיין קינד, איז לאמיר זען ווער זענען רבי וועלוועלע'ס קינדער און זען ווער קען זיין פון מעזיבוז.
בני רבי וועלוועלע:
1. בנו רבי יחיאל מיכל מזבאריז
2. חתנו רבי שלמה אליעזר מזבאריז
3. חתנו רבי זושא שטערנפעלד-הורוויץ מלובלין
4. חתנו רבי יצחק צבי מנחם אויערבאך מלעטיטשוב - מעזיבוז
דער איינציגסטער וואס קען זיין פון מעזיבוז איז "רבי יצחק צבי מנחם מלעטיטשוב". קומט אויס אז "אויב" (כנ"ל) איז אמת דער זבאריזער יחוס איז דאס נאר דורך רבי יצחק צבי מנחם מלעטיטשוב - מעזיבוז חתן רבי וועלוועלע זבאריזער, אז ער איז געווען דער שווער פון רבי אריה לייב מזיטאמיר.
שתי תשובות בדבר.
א] עס איז נישט דא קיין שום הוכחה אז בלויז די פיר דערמאנטע זענען די קינדער פון רבי וועלוועלע. עס איז בהחלט יתכן אז ער האט געהאט נאך קינדער. א שטארקע משמעות דערצו איז פון זיין צוואה וואס ער שרייבט א לשון רבים "בניי" און "כלותיי" משמע אז ער האט געהאט מער פון איין זון.
ממילא קען רואיג זיין אז אן אומבאקאנטער זון אדער אייניקל [און אפשר גאר אן אור-אייניקל] פון רבי וועלוועלע זבאריזער האט געוואוינט אין מעזיבוז, און ער האט געקענט דארטן זיין אן איידעם ביי סיי וועלכע וואוילער איד און נישט דווקא ביי אן אייניקל פונעם בעש"ט, און מען האט נישט קיין שום הכרח צו מחדש זיין אז רחל יענטא ווייל זי האט געוואוינט אין מעזיבוז האט זי געמוזט זיין א בעלשמסקער אייניקל.
היינט האב איך באקומען א פרישע סענסוס און דארטן שטייט אז רחל יענטא איז געבוירן בשנת תק"פ.
עס שטייט אבער נישט ווער איר טאטע איז געווען.
איך פראביר צו שאפן א פריערדיגע סענסוס, אפשר דארט וועט שטיין די נאמען פון איר טאטע.
פ"נ
גברא יקירא וחשיבא
מוכתר בנימוסין בר
אורין ובר אבהן קדישין
מוהר"ר אריה יהודה ליב
בהרב הצדיק מהר"ר
שמואל אברהם
זצללה"ה שפירא נח
נפשיה ביום ב' כ"ז סיון
שנת תרנ"ו לפ"ק
תנצב"ה
קומט אויס אז דער אמרי ברוך איז אוועק ווען זיין שווער ר' ארי' לייב האט נאך געלעבט?
איז באקאנט אז ער האט געהייסן אזוי ארי' יהודה לייב?
איז דא א סיבה פארוואס ביי די וויזניצע אייניקלעך איז כמעט נישטא א נאמען נאך דער אמרי ברוך'ס שווער?