הסרפד האט געשריבן:איז עפעס באקאנט אויף א משפחה (אינעם דור פארן ערשטע וועלטס קריעג) בשם 'שערמער' וואס האט געוואוינט אין לאבאווא? בפרט איינער ר' משה שערמער? אפשר א גביר, ער האט געטוהן לכה"פ איין רבי'שע שידוך. זוכענדיג דעם נאמן טרעף איך גארנישט אויסער זיין נאמן אויף JRI אין לאבאווא (זוגתו לבית איינהארן).
איז עפעס ידוע פון היימישע מקורות?
ואפרש שיחתי: הרה"ק ר' שלמה ליב'לי מטיטשין האט געהאט א זוהן ר' אברהם הי"ד. דער ר' אברהם איז געבליבן וואוינען אין טיטשין נאך די פטירה פון זיין פאטער אין תרפ"ז (משא"כ זיין שוואגער רא"ז מונד, וואס איז געווארן דער רבי פון די טיטשינער חסידים אין קראקא פון תרפ"ח בערך ביז'ן קריעג הי"ד).
אין די רעקארדס פון די קראקאווער געטא טרעפט מען איינער ר' אברהם ווייכסלבוים - מיט א פרומער צורה - יליד בלאנדיוו אצל טיטשין (ווי ר' שלמה ליב'לי'ס משפחה האבן געוואוינט) ב-1875 למס'. (ר' שלמה ליב'לי טרעפט מען אין טיטשין אליינס פון די סוף 1870 יאהרן למס', איך ווייס נישט צו עס שטייט ערגעץ ווען ער האט זיך דארטן באזעצט.)
נאך גערצו, שטייט דארט אז ר' אברהם האט געוואוינט ביז 1936 אין טיטשין, און צווישן זיינע קינדער איז איינער Salamon Leib, דהיינו שלמה לייב (און איין אנדערע העתקה שטייט גראדע 'שמעון לייב').
אלץ פאך, שטייט אז ער איז א געוועזענער 'לערער' - ר' אברהם בן מהרש"ל האט געטוהן אין מלומדות פריהער, און האט אויך געפיהרט א ישיבה.
לכן מסתבר אז מען רעדט פון ר' שלמה ליב'לי'ס זוהן, חאטשיק עס איז נישט אוממעגליך אז עס רעדט זיך פון זיינס א פלומעניק.
ולנידון דידן, שטייט אויף זיין פרוי, נעכא לבית שערמער ילידת לאבאווא גליל סאנז, 1903 (זוו"ש, ופשוט). דאס שטימט מיט א געבורטס רעקארד אויף JRI אין סאנז: נעכא, נולדה ב1903 בלאבאווא, בת משה שערמער וזו' עטל לבית איינהארן.