משפחת הרבנים האלברשטאם/האלברשטאט

[ויתן לך]

רבי יהושע אשר מזעליחוב בן היהודי הקדוש?

[הסרפד]

כ׳מיין קענסט שוין זאגן...

איין אינטערשטן רמז:
די רביצין'ס נאמן 'לאצע' איז דער שליסל, עס איז דאך א שם מובהק. דעם נאמן געפינט מען אין נאר איין רבי'שע משפחה (נאר אויס געלייגט אנדערש).

[הסרפד]

רבי יהושע אשר מזעליחוב בן היהודי הקדוש?

איך האב נישט באמערקט דעם תגובה.
ריכטיג!

[הסרפד]

ר' יהושע אשר מזעליחוב איז געוועהן איין איידים (בזו"ש) ביי ר' נפתלי הירץ האלבערשטאדט/הלבערשטאטער מלבוב (דור שלישי להגאון המפורסם ר' הירש האלבערשטאדט ראש המשפחה), בעל בתו מ' לאציא.

ווי רינ"ה קוואדראט האט שוין געשריבן, האט מען אין גאליציע נישט געטאהרט הייסן 'האלבערשטאט' מטעם דעם רעגירונג - טייל פון די משפחה האט זיך גערופן 'הלברשטאם' און טייל 'הלברטאל', און אין די ערשטע יאהרן זענען געוועהן אזעליכע וואס האבן זיך געטוישט פון איינער צום צווייטן...
ממילא, איז נישט קיין פלא אז ר' הירץ האט נישט געהייסן 'האלבערשטאט' ווען ער האט געוואוינט אין גאליציע.

צוויי פון די קינדער דא זענען געבליבן: ר' הירש = ר' יעקב צבי מפאריסוב; ר' מרדכי לייב = ר' אריה מרדכי שעלה לירושלים. ביי ר' אריה מרדכי ווייסן מיר גענוי ווי לאנג ער האט געלעבט, און ממילא ווייסן מיר זיין יאהר פון געבורט - תקצ"ג - והוא עולה בקנה אחד.

[הסרפד]

ממשפחת מהריא"ז ענזיל?

ר' יהושע יהודה אב"ד ברעסטיצקי, וואס ווערט דערמאנט אין דעם פריערדיגן בלאט, איז געוועהן (בזו"ש?) דעם מהריא"ז ענזיל'ס שווער, און די זיידע פון די באקאנטער האלברטאל'ס.

דיע משפחה זענען קרובים, אבער נישט קיין נאהנטע.

יעצט ווייס איך נישט פון וואו איך האב דאס נאך געשריבן. וואו שטייט דאס, און צי ווייסט מען עפעס אויף מהריא"ז ענזיל צאזמיר'ס איין ערשטע זיווג? אדער אשתו מ' חיה שרה'ס איין ערשטע זיווג?

[משיח]

אין וועלכע יארן איז הגאון רבי צבי הירש מהאלבערשטאדט געווען רב אין בייאלא?

[הסרפד]

אם כבר, לאמיר סדר מאכין מיט תולדות ר' יהושע יהודא האלבערטהאל אב"ד ברעסטיצקי (ע"פ דברי נכדו, בריש ס' מגן דוד להרה"ק מטאלנא דפ' לבוב תר"ם, שהוציא הנ"ל לאור):

יחוסו למעלה (א טייל דערפון האבן אנדערע שוין אויסגערעכנט אויבן):
ב"ר משה אב"ד סאטנוב, ב"ר נפתלי הירץ אב"ד דובנא [וזו' בת ר' יעקב באב"ד ב"ר יצחק אב"ד בראדי וכו'], בן הגאון המפורסם ר' צבי הירש אב"ד האלבערשטאט (און די יחוס פון דארט און ווייטער איז שנוי במחלוקת)
וחתן [זו' מ' רבקה בת] ר' חיים מרגליות מלבוב ב"ר געציל אב"ד ראקווע (בן החכם צבי! - טעות הדפוס, עיי"ש)

בניו:
א. ר' זאב וואלף (אבי מו"ל ס' מגן דוד הנ"ל, ר' יוסף האלבערטהאל)
ב. ר' דוב בעריש אב"ד לאנצהוט
ג. ר' משה חיים אב"ד חראסקאב
ד. ר' יוסף מטיסמעניץ

בנותיו וחתניו:
ה. מ' אסתר זו' ר' אפרים תאומים אב"ד קריסנאפאל נכד החוו"ד
ו. מ' חיה שרה זו' ר' [יקותיאל אשר זלמן] ענזיל צאזמיר אב"ד סטרי

איך בין געוואהר געווארן פון איין אינטערעסאנטער ידיעה דורך די לעמבערגער פאמיליע-נומערן און זייערע צו-געהערענדע דאקומענטן: ר' דוב בעריש האלבערטהאל אב"ד לאנצוט (אויף וועמן זייער ווייניג איז באקאנט), בן ר' יהושע יהודה אב"ד ברעסטיצקי, איז געוועהן איין איידים ביי ר' סענדר שמעלקיס (בעל בתו מ' עלא), זקנו אבי אביו של הרה"ג ר' יצחק יהודה שמעלקיס בעל שו"ת בית יצחק. (איך פארלאז מיך אויף הרב קוואדראט'ס מאמר בני הלברשטאם למשפחותם א' - געצייכנט אויבן, אבער דער אלטער לינק ארבעט שוין נישט - וואס ווייזט אויף אז ר' דוב האט טאקע געוואוינט אינגערהייט אין לעמבערג.)

בקיצור (Homework פאר וועמן עס אינטערעסירט):
פאמיליע נומ' 1710: ר' דוב האלבערטהאל מבראד (געב' בע' תקמ"ה) > צו נומ' 18, חמיו ר' סענדר שמעלקיס > צו 3264 - בנו ר' חיים שמעלקא שמעלקיס > צו 939 - בנו ר' יצחק ליב (= הרה"ג ר' יצחק יהודה) שמעלקיס וזוגתו מ' שארה לבית אלערהאנד מזוראוונא.
[שם 3264 > חמיו של ר' חיים שמעלקא, ר' שאול (= ר' משה שאול המכו' מאשיל - דורך פאר גלייכן מיט אנדערע מקורות) וואהל, נומ' 1. פערגלייכט מיט לש"ק פון'ם בית יצחק בהקדמת ספרו.]

(אויך מיין איך אז ר' סענדר'ס פרוי איז געוועהן משפחה פאר ר' יהושע יהודה'ס, אפשר שוועסטערס, ונמצא אז ר' דוב איז געוועהן איין איידים ביי זיין פעטער, ואכמ"ל. ר' מאשיל וואהל'ס פרוי, וואס דער בית יצחק שרייבט איז געוועהן בת ר' אברהם צבי אב"ד הושאטין חתן ר' [אברהם משולם] זלמן אב"ד אוסטראה, האט געהייסן פון דער היים 'בערמאן' לפי"ז. מיר טרעפן פיל בערמאנ'ס אין הוסיאטין, וילע"ע.)

המשך לזה עי' מש"כ על משפחת שמעלקא-שמעלקיש באשכול על הגאון בעל בית יצחק זצ"ל.

[נחוניא]

ווער איז ר' שמחה האלבערשטאם וועלכער איז נפטר געווארן אין בראדי ל' שבט תקפ"ו?

Simche HALBERSTAM
Death record
1826
Date of Death: 7-Feb-1826
Year of Registration of Death: 1826
Town of Death: Brody
House Number: 444
-: M
Age: >60
Comments: 644

[ידען בקורות הדורות]

ווער איז ר' שמחה האלבערשטאם וועלכער איז נפטר געווארן אין בראדי ל' שבט תקפ"ו?

Simche HALBERSTAM
Death record
1826
Date of Death: 7-Feb-1826
Year of Registration of Death: 1826
Town of Death: Brody
House Number: 444
-: M
Age: >60
Comments: 644

לכאורה איז ער געווען די טאטע פון הרה"ק ר' ארי' לייבוש מטארניגראד זי"ע אבי הרה"ק מצאנז זי"ע.

[הסרפד]

ווער איז ר' שמחה האלבערשטאם וועלכער איז נפטר געווארן אין בראדי ל' שבט תקפ"ו?

Simche HALBERSTAM
Death record
1826
Date of Death: 7-Feb-1826
Year of Registration of Death: 1826
Town of Death: Brody
House Number: 444
-: M
Age: >60
Comments: 644

לכאורה איז ער געווען די טאטע פון הרה"ק ר' ארי' לייבוש מטארניגראד זי"ע אבי הרה"ק מצאנז זי"ע.

אסאך אייניקליך פון ר' צ"ה מהאלבערשטאדט האבן געוואוינט אין בראד, און שמחה'ס איז געוועהן לרוב צווישן זיי, די שאלה איז וועליכע איז ער...

[זאקעלעווער צדיק]

מי הם בני הרב ארי' ליב מטארניגראד אבי הרה"ק מצאנז זי"ע