דבר החרדים מירושלים האט געשריבן:.
די מעשה פון ביל געיטס דערמאנט מיר א מעשה, פון א גביר וואס האט גענומען א חתן, און נאך די שידוך איז ער געוואר געווארן אז זיין חתן האט נישט קיין גראשן צו די נשמה, איז ער געלאפן צום מחותן זאגן אז ער וויל מבטל זיין די שידוך און ווען ער ווייסט ווען אז ער איז אזא עני ואביון וואלט ער אים קיינמאל נישט גענומען.
דער חתן איז געגאנגען צום רב זאגן אז זיין שווער וויל מבטל זיין די שידוך און ער קען זיך נישט קיין עצה געבן. דער רב רופט אריבער אונזער גביר און זאגט אים אז ער פארשטייט אים אבער ער מוז באצאלן פאר זיין חתן צען טויזנט רובל, די גביר האט פרובירט אראפצוהאנדלען אבער די רב האט אים קלאר געמאכט אז אן צען טויזנט רובל איז נישט דא וואס צו רעדן. למעשה האט דער גביר מסכים געווען אבי אפצו'פטר'ן זיין איידעם.
רופט זיך די רב אן.. אזויווי דו גייסט דאך יעצט זוכן א שידוך פאר דיין טאכטער און דו זוכסט דאך א איידעם מיט געלט, האב איך פאר דיר א שידוך וואס דער בחור איז ממש א תכשיט און צו די זייט האט ער נאך איבער אכט טויזנט רובל אוועקגעלייגטע געלט.
זאגט דער גביר... אדרבה איך בין מסכים.
זאגט אים די רב.. יענער איז דיין יעצטיגע חתן וואס ער האט דאך איבער אכט טויזנט רובל פון דיך וואס דו גייסט אים געבן.
פארשטייט זיך אז די שידוך איז געווארן.
וויאזוי פירט מען נאר אויס?
זיי האבן ב"ה חתונה געהאט און אויפגעשטעלט ערליכע אידישע דורות