און ליכט פון די היסטארישער רעוועלאציע וואס איז דא געשאפן געווארן בס''ד און די געוואלדיגע נאכפראגע ביי ישראל קדושים צו ממשיך זיין ווייטער בבחינת מוסיף והולך, און ביי אנדערע זיך אנצושליסען איצט און די הייליגע קבלה בבחינת קנאת סופרים תרבה חכמה, עפענען מיר די דאזיגער אשכול וואס כשמו כן הוא אז די עולם זאל אריינקומען אינטערשרייבן אויף די הייליגע קבלה מיטן כח הרבים היינט און דעם יום המסוגל זאת חנוכה די גמר החתימה!
והבא לטהר מסייען אותו!
אורח הכבוד האט געשריבן:דוד המלך זאגט און תהילים אודך בקהל רב ובעם עצום אהלליך!
אודה ה' מאוד בפי ובתוך רבים אהללנו, איך וויל דא בקהל רב בתוך קהל ועדה קדושה אבגעבן א שבח והודאה בשמי ובשם כל הקהל הקודש פארן טהור עינים שהגענו עד הלום, ס'איז זאת חנוכה תשפ''ב און איך און נאך צענדליגער ארבעט'ס אינגעלייט וואס באגענענען זיך זייער אפט מיט קליפ'ס האבן ב''ה געהאט די כוח און שטארקייט צו זאגן ניין און נאכמאל ניין און פונדאסניי יעדעס מאל זיך מתגבר געווען אויף די חומר און רצון הגשם און נייגער צו קוקען די קליפס,
מיט'ן אייבערשטען הילף זעממער בטוח אז די כוחות דקדושה און כוחות הנפש וואס מ'האט זיך אנגעשעפט די 40 טעג צו מער וועט אוודאי ביישטיין פאר יעדעם איינעם פון אונז קודם אויף צו קענען האבן געזינטע כוחות הנפש אקעגן אלע נסיונות און פגעי הזמן וואס איז נישט קיין סוד וויפיל אומגעהויערע כוחות מ'ברויך האבן היינט צו טאגס יום יום, איז זיכער אז אזא ריזען זאפאס וועט אוודאי שטארק צוניץ קומען און די טעגליכע מלחמת היצר,
און בזכות זה זאלן מיר היינט אינעם יום החתימה אלע אנגעשריבען ווערן מיט א גמר חתימה טובה און א גוט קוויטל, השפעות טובות ברחניות ובגשמיות, שפע ברכה והצלחה, בני חיי ומזוני, הרחבת הדעת און סייעתא דשמיא בכל ענינים וכט''ס,
איך בין זיכער אז יעדער פון אונז האט געשפירט א געוויסע ריינקייט מער ביים קוקען אויף די נירות חנוכה היי יאר אז זיין מחשבות האט נישט געווירבעלט מיט די ריקעדיגע בילדער וואס מ'האט נארוואס גענדיגט וואטשען.. (און ווער ס'האט עס נישט געשפירט, איז זיין שכר נאך גרעסער!..)
איך האב אינזינען געהאט אז היי יאר קען מען זאגן פשוט פשט אויף זאת חנוכה, אז "זאת חנוכה" דאס הייסט א חנוכה..
ילכו מחיל אל חיל, חנוכה ווייס מיר דאך פסקנט מען ווי די בית הלל אז מעלין בקודש ולא מורידין, די רבי זי''ע איז אסאך מאריך דערין און די לעכטיגע חנוכה תורות אז די עיקר עבודה איז אנצוהאלטן די השפעות און אורות פון די ימי חנוכה אויפן ווינטער, און אלע ספרים הקדושים זענען דערין מאריך אז מ'ברויך מיטנעמען די עבודה צו די ימים הנמוכין כלשונם פון די חדשי טבת ושבט, די ימי השובבים, איז בעז''ה גיימער מיט א שטארקייט ווייטער זיך מקבל זיין ביז נאך שובבי"ם ת''ת (די עיקר תיקון בימי השובבים איז דאך בשנה מעוברת ווי היי יאר כידועה),
די גוטע נייעס איז אז איצט דארף עס שוין זיין פיל פיל גרינגער, קודם אלץ די רגילות מ'איז שוין ב''ה נישט אזוי צוגעבינדען דערצו ווי פאר דעים, צווייטנס מ'האט שוין און זיך די כוח ההתגברות, דריטנ'ס האט מען שוין די הבטחה אדם מקדשין אותו מעט מלמטה מקדשין אותו הרבה מלמעלה, והבה לטהר מסייען אותו, וועט עס בעז''ה זיין פיל גרינגער, פערדנס די עצה פון רבי אלימלך זצ''ל פון 40 טעג, און פינפטנ'ס איז מען שוין איצט אליין עדות ווי וויכטיג די קבלה איז פארן מענטש..
(און נאכדעים וועט קומען ביז נאך ליל התקדש חג ווען מ'איז ארויס פון טומאת מצרים אא''וו ששש....)
איך וואלט קיינעם נישט גע'עצהט קודם אויסצופאסטן, ווי מ'זעהט ביי רבי עקיבא אז ער האט זיך אויסגעדרייט ביים טוהר פון זיין הויז נאך 12 יאר לערנען וויל ער האט געהערט ווי זיין ווייב די צדיקת רחל זאגט הלוואי ווען מיין מאן לערענט פאר נאך 12 יאר, פרעגט די וועלט פארוואס איז ער נישט קודם אריין זיך באגריסען וכ''ו און נאכדעים צוריקפארן פאר נאך 12 יאר? "נאר 2 מאל 12 איז נישט1 מאל 24".., ביי די תורה הקדושה זעט מען אויך די בחינה פון קרעים קרעים, לענינו "א גאנץ ווינטער נישט געקוקט קיין קליפס!" איז נישט 40+40+40, כאטשיג דאס איז אויך א ריזיגע זאך, און בכלל שלעפט דאס צוריק אז מ'דארף אנהייבן פון דאסניי (אויב איינער האלט אז אזוי וועט אים זיין גרינגער די קומענדיגע פאזע, זאל ער איז דורכרעדן מיט א גוטע איד און טוהן וויאזוי ער איז אים מייעץ)
געגאנגען, טאנץ מיר אלע אריין אינאיינעם מיט די פרישער קבלה:
איך בין מיך מקבל פון יעצט ביז נאך שובבים ת"ת תשפ"ב אחוץ ווען א דיין אדער משפיע געט רשות אויב עס וועט זיין א צורך בין איך זיך מקבל - נישט צו קוקן קיין שום ווידיא'ס אויף קיין שום וועג און אויף קיין שום כלי.
ה' ב ויגש תשפ"ב ה'ק........... ....... המכונה פה בשם אורח הכבוד
ומכאן הקריאה יוצאת פאר אלע וואס האבן נאך געקווענקעלט ביז איצט ביי זיך צו זעהן צו דאס קען ארבעטן,טעמו וראו כי טוב, כאפט אייך היינט מיט די הייליגע חבורה און שפירט דעם זיסן טעם און שכר בעוה''ז און אפגערעדט בעוה''ב!.
מי שנמנו חבריו לדבר מצוה ונמנה עמהם!
@לייטער קענסט שוין טוישען די קעפל..
@חבית מיר זענען רעדי פאר נאך גראמען...