Of course האט געשריבן:א חבר האט מיר פארציילט אז ער האט פארקויפט א געוויסע פראדוקט פאר א קאמפעני, געאונט ביי היימישע אידן.
נאך שטיק צייט רופט אים א אינגערמאן פון די קאמפעני, איינער פון די בייערס מיט וועם ער פלעגט דילן, און איז אים מסביר אז ער זאל העכערן די פרייז!
אין זיינע ווערטער, "דו האסט געוואלט פאריאר אז אונז זאלן קויפן דיין פראדוקט, ביזטו געקומען מיט א משוגענע פרייז. יעצט איז שוין א יאר שפעטער און אונז זענען צופרידן מיט דיין אייטעם, קענסט מיך טשארדשן מער"!
איך בין ממש געשפרינגען ווען איך האב געהערט די מעשה.
אביסל קלארער, דער אינגערמאן האט פרובירט צו פארקויפן עפעס פאר א קאמפעני, פרובירט זיך אריינצוברעכן, האט ער געגעבן א קנאקעדיגע פרייז.
א יאר שפעטער רופט אים דער קאסטומער, עס איז צייט ארויפצוגיין מיט די פרייז. אין אנדערע ווערטער, איך וויל זאלסט מאכן געלט.
אין די גויעשע וועלט און ליידער ביי געוויסע אידישע קאמפעניעס איז די ווארט "מאכן געלט" טרייף.
יעדער קען א געשעפט וואס פארקויפט זיך אז ער לאזט קיינעם נישט מאכן קיין געלט אויף זיך.
אין די דרויסנדיגע וועלט הייסט דאס א מעלה.
ער מאכט נישט קיין סענט אויף מיר, איך דריק אים ביז די ערד אדער ביז ער ווערט צודריקט.
מען קען אבער נאך יא טרעפן מענטשן וואס האבן נישט מורא צו זאגן די ווערטער "איך האף אז דו -מאכסט געלט- אויף מיר
אדם ניכר בכיסו.
ווען ער לאזט דיך ארויפגיין מיט די פרייז איז איין זאך.
ווען ער "בעהט" דיך ארויפצוגיין מיט די פרייז, דאס איז שוין א מדריגה.
מי כעמך ישראל.