מיין פארוואגלטע געזאנג;

[פופציגער]

יעדן אינדערפרי, מיט א ציהל א קלארן,
איך זאג זיך זעלבסט ציה, איך פארלאנג און איך ווארן.

גענוג מיט די שטיק, צייט פאר א תיקון,
איך געב אויף מיר א קוק, די געפיל טוט שטיקן.

א קינד פון א טאטן, דער קעניג איבער אלע קעניגן,
מיט נארישקייטן איינבייטן, און אזוי ווידערשפעניגן.

דאס הארץ פאלט איין, קאלמוטנע געפילן אויף אראפ,
איך וויין און וויין, עס האמערט מיר אין קאפ.

ער רופט צו מיר יעדן טאג, ער בעהט שובו בנים,
אוי ווי איך קלאג, איך וויל שוין זעהן זיין פנים.

א פרישער געיאמער שיסט, און געפילן פון שולד,
די טרערן ווייטער פליסט, דאס הארץ קלאפט ווילד.

איך שמייכל ארויף, צום זון וואס טוט שיינען,
עס שאקלט מיר אויף, עס קומט מיר צו וויינען.

א געשמאקער ווינטל בלאזט, איך אטעם איר אריין,
דאס הארץ ווערט צולאזט, איך בלייב שטיין.

ווי קען איך געניסן, און מיינע הרגשים איינשטילן,
עס שטראמען און פליסן, אנגסט געפילן.

פייגעלעך טשוויטשקן הויעך, זיי זינגען זייער געזאנג,
עס שטראמט אריין כח, עס שפירט זיך א דראנג.

מיין שטימע הייב איך אויף, איך הייב אן מיטזינגען,
איך קוק אויף ארויף, אויף די פייגעלעך וואס שפרינגען.

זיי קוקן מיט צארן, וואס זינגט ער דארט,
א זינגער געווארן, אויפן נישט ריכטיגן ארט.

פארשמוצט מיט זינד, און זינגען וויל ער,
א ווידערשפעניגער קינד, שטיל בלייבן זאל ער.

איך וויל זינגען און לויבן, אבער ווי קען איך אנהייבן,
ענדליך שוין אנגעהויבן, און מיט א קרעכץ געטון בלייבן.

מיט טרערן פארשטיקט, די ווערטער אין א שטייג,
מיט רחמנות ער קוקט, דער פייגל אויפן צווייג.

אוי נעבעך א שאנד, דו פארוואגלטער איד,
פארטריבן פון דיין לאנד, צושאסן יעדן גליד.

פייגעלע פארשטיי מיין קלעם, לאמיר זינגען אין א כאאר,
איך נשיר את שיר השם, על אדמת נכר.

ער שאקלט צו ווייעך, פארבייגט זיך די קאפ,
ער שטייט אינדערהייעך, און טשוויטשקעט מיר אראפ.

אט אט באלד, וועט קומען דער מינוט,
מיטן שופר מען שאלט, עס ווערט אייך שוין גוט.

דאן וועלן מיר זינגען, און אינאיינעם טשוויטשקען,
מיר וועלן אויף די צווייגעלעך שפרינגען, שטראלן און בליטשקען.

מיטן גואל צדק בראש, אינאיינעם אונז אלע,
ושם נשיר שיר חדש, וברננה נעלה!

[בעסער אזוי]

וואס איז מיט דיר??

אריין אינעם פארמעסט!

דאס איז דאך געוואלדיג!

[א פערטער]

זייער גוט!

א קליינע הערה, אין די פערטע שורה וואלט נישט בעסער געווען "איך געב אויף מיר א קוק" ווי איידער אויף מיר איך געב א קוק?

[פופציגער]

זייער גוט!

א קליינע הערה, אין די פערטע שורה וואלט נישט בעסער געווען "איך געב אויף מיר א קוק" ווי איידער אויף מיר איך געב א קוק?

פאררראכטן, יישר כח!

[נו גוט נו שוין]

פשיהא א אלטע שטערן מיט א נייעם גלאנץ!!

[מתמודד]

פיין דאס.

טאלאנט בלייבט טאלאנט, שטופט זיך ארויס אויף אלע פארמען....

[יש לו מנה]

מורא’דיג... עפעס נישט נארמאל גוט. Wow wow.

[Kollel]

פופצי, איי'ל קאמפלימענט עגעין!
איטס עי מעסטערפיעס.

[Good to go]

Wow!
פול מיט הרגישים און מלא טאלאנט

[נארמאליזעם]

הערליש

נישט געוויסט אז די קענסט גראמען אויך

[כתוב וחתום]

פופצי, הערליך שיין!

[אוראייניקל]

[היסטאריש]

זייער שיינע גראמען

כ'מיין ס'האט אפילו א טאטש פון פאעזיע.. ניין?

[געלעגער]

מלא הרגש

[פופציגער]

יישר כח פאר אלע קאמפלימענטן!!

[נאר מיט שמחה]

יישר כוח פארן דערמאנען צו קאמפלימענטן [ברבים]...

א הערליך שטיקל! איין שטיק תוכן, הארץ, און טאלאנט. א גרויסע חידוש מאוצר הגעהענגל!!