דאס בינטעלע בלום וואס ווערט נישט פארוועלקט!

געדאנקען און התחזקות בעניני עבודת השם

די אחראים: יאנאש,אחראי,געלעגער

אוועטאר
שמחת עולם
שר חמש מאות
תגובות: 836
זיך איינגעשריבן אום: דינסטאג דעצעמבער 31, 2013 7:35 am

דאס בינטעלע בלום וואס ווערט נישט פארוועלקט!

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמחת עולם »

זיינע גרויסע וואנצעס און געשוואלענע באקן געבן די איינדרוק פון א גרויסן באנקיר. אויך זיין שיין אויסגעגלעטע אנצוג טוט פאסן צו דעם קאראקטער. אבער א ערשטע ערשיינונג קען צומאל זיין פארפירעריש און אינגאנצן נישט די ווארהייט, און ווען נישט די גרויסע שילד וואס ער האלט געדרוקט צו זיין בויך, וואלט מען טאקע געקלערט אז דאס איז א ערנסטער ביזנעס מאן וואס מען ברויך באהאנדלען מיט זיידענע הענטשקעס​.

די גרויסע ווערטער אויפן שילד איז א נאמען פון א רייזענדע וואס דארף אין די קומענדיגע מינוטען ארויסקומען פונעם גרויסן טויער, די בוכשטאבן זענען גענוג גרויס אז יענער זאל גלייך דערקענען ווער פון די אומבאקאנטע געשטאלטן וועט איהם צופירן צו זיין האטעל.

נאך פילע אנדערע שטייען דארט אויסגעשטעלט מיט זייערע שילדן, פארשידענע גרויסקייטן, פילצאליגע שפראכן און אייגענארטיגע נעמען. יעדער ווארט אויף עמיצער, פארטיפט אין זיין אייגענע שטילקייט אינמיטן דאס גאנצן גערויש.

עס איז א פלאץ פון טומעל און גערידער, אלעס פארט אויף רעדער און יעגעניש, יעדער מיט זיינע געדאנקן און יעדער מיט זיינע בליקן געשפאנט צום טויער פון וואו עס שטרוימען ארויס הונדערטע מענטשן באגלייט מיט זעק און געפעק.

דא פאראייניגן זיך פאמיליען, דא טרעפן זיך פריינד און אזעלכע וואס זענען געווען יארן פונאנדערגעשייד טוען זיך דא ברודערליך האלדן. עס איז א ארט וואו בענקשאפט קומט צו זיין ענדע און טרערן פאר פרייד איז דא נישט קיין זעלטענע ערשיינונג.

געווענליך ווען מען געפינט זיך אין דעם זאל, איז מען געשפאנט און גוטמיטוג, מען ווארט צום ערשיינונג פון דעם איינעם באליבטן. עס קען זיין עלטערן וואס זעען זייער קינד צוריקקומען פון הויכשולע, עס קען זיין קינדער וואס טוען ערווארטן זייער פאטער וואס קערט זיך אום פון עבר לים. אמאל איז עס איינער וואס גייט טרעפן זיין יוגענטפריינד, און צומאל צוויי ברודער וואס גייען זיך טרעפן צום ערשטן מאל זינט זיי האבן פארלאזט זייער פאטערליכע הויז.

מען רייבט זיך די הענט פאר נערוועזקייט און צומאל ווארט מען אויף עמיצער וואס מען ווייסט ניטאמאל וויאזוי ער קוקט אויס היינט צוטאגס, איז ער געוואקסן? האט ער א בארד? פארמאגט ער נאך איבערוואג? און טויזענטע פראגעס וואס גייען אט אט ווערן פארענטפערט.

צומאל הערט מען פלוצלינג א אויסברוך פון א געשריי, נארוואס האט א גרופע געטראפן זייער נאנטע, מען נעמט איהם אויף מיט יובעל און גרויסע באלונס. אביסל ווייטער ווערט איינער ענטפאנגן מיט בלומען באגלייט מיט אסאך טומעל. גלייך נעמט מען איבער זיין רענצל און מען שפאצירט מיט איהם ארויס ווי מיט א קעניג.

צווישן די גערויש זענען אויך דא פארהאן אזעלכע וואס ווארטן שוין א לענגערע צייט, עס איז זיי נאכנישט באשערט דאס פרייליכן אויספלאץ. איינער ווייסט אז די פליגער האט געשפעטיגט און טוט זיך טרייסטן מיטן בליקן כסדר אויפן זייגער. א צווייטער האט נישט קיין אהנונג וואס דא גייט פאר און פראבירט זיך צו בארואיגן אז באלד וועט קומען די צייט און אויך זיין באליבטן וועט ארויסשפאצירן פונעם טיר.

אויפן ערד ליגט א בינטל בלומען, שוין היבש פארוועלקט און פארדזשאוועט, דאס האט ווארשיינליך עמיצער אראפגעווארפן פאר אנטוישונג ווען זיין מענטש האט נישט געטוהן אפירקומען, ווער ווייסט ווילאנג ער איז געשטאנען אויף די פיס ביז ווען ער האט באשלאסן אויפצוגעבן.

מען קען באמערקן נאך עמיצער מיט זיינע בלומען אין די האנט, אבער אויף זיין געזיכט איז אויסגעשפרייט טרויער, זיין שפאנונג איז פארוואנדעלט געווארן צו אנגעזעצטקייט, אויך ער געפינט נישט זיין ערווארטעטע. נאך אזויפיל צייט פון ווארטן און קרעכצן, האט שוין אפילו דאס פלאנץ אויפגעגעבן, איהרע בלעטער זענען שוין פאטריקענט און הענגן אויף אראפ, פונקט ווי זיין נאז.

וויפיל איז די מאס פון ווארטן, ווילאנג מוז מען בלייבן האפן און ביז ווען וועט דאס בלום בלייבן פריש?

אבער געב נאר א קוק, דארט שטייט עמיצער אויף די פיס, זיינע אויגן רוקן זיך נישט אוועק פונעם גרויסן טויער, ער ווארט שוין דא - דאכט זיך - היבש א וויילע. זיין פנים איז מיר שוין באקאנט ווייל אלע אנדערע מענטשן האבן זיך שוין געטוישט אבער ער שטייט נאך דארט פון לאנג. ער האלט נאך פארן אויפגעבן, זיין שמייכל איז נאך דא, זיין שטימונג איז נאך גוט - און זיינע בלומען זענען פריש.

מאנכע זאגן אז דער פערשוין איז נאך דא פון נעכטן, אנדערע דערקענען איהם נאך פון פארגאנגענעם וואך, אבער ווייניג ווייסן אז ער טוט שוין דא פארוויילן פאר א לענגערע תקופה. ער ווייסט נישט ווען זיין נאנטע ברויך צו קומען, עס איז איהם נישט באקאנט קיין שעה און נישט קיין טאג, אויפן פיס ער שטייט און האפט און ווארט.

און די וואונדער איז, אז ער האלט די זעלבע בלומען שוין אזוי לאנג, שוין פון ווען ער האט אנגעהויבן ווארטן אויף דעם ארט, און זיי זעען אויס פריש ווי פון היינט געשניטן.

"זאגט נאר מיין פריינד," קערט זיך צו איהם איינער פון די אנוועזענדע, "פון וואנעט נעמט איר די קראפט צו ווארטן אזוי לאנג און נישט אויפגעבן אפילו נאך א לענגערע צייט?"

"איך וועל אייך זאגן", טוט ער ערקלערן, "ווילאנג מיינע בלומען זענען נאך פריש, זענען זיי נאך ווערט צו שענקן פאר מיין באליבטן, און דאס געבט מיר די האפנונג אז באלד וועט ער זיך שוין ענדליך אנטפלעקן און איך וועל איהם דערמיט טוהן אויפנעמען."

"אבער מיין טייערע מאן," פרעגט יענער נאך מער פארוואונדערט, "דאס מאכט מיין פראגע שטערקער און מער אומפארשטענדליך, וויאזוי האלטן זיך אייער בלומען אזוי לאנג אינדערצייט וואס ביי אנדערע טוען זיי שוין פארוועלקן נאך עטליכע שעה?"

"דאס איז גאנץ פשוט און איינפאך," געבט ער צו פארשטיין, "אנדערש איז מיין בינטל פון אנדערע, איר קענט נישט צוגלייכן די בלומען מיט וואס אלע קומען צו מיינע. די הערליכע שטרויזן און געוויקסן מיט וואס איר טוט קומען זענען אפגעשניטן און טוען זיך האלטן א קורצע צייט פון אביסל וואסער, אבער געבט נאר א קוק אויף מיין פלאנץ, עס איז צוגעבינדן און באהאפטן צום שורש!"

* * * * *

דאס יידישע פאלק, שוין אזויפיל יאר אין גלות און טוען ווארטן, זיי שטייען מיט זייער בינטל בלומען, דאס בינטעלע וואס מיר האבן באקומען אויפן בארג סיני. מיר קענען קוים ווארטן אויפצונעמען משיח צדקינו מיט אונזער פלאנץ און מיר געבן נישט אויף ווילאנג אונזער שטרויז איז נאך פריש. עס קוקט אויס יעדן טאג ווי פון היינט, כל יום כחדשים.

עס איז נישט קיין וואונדער און נישט קיין פראגע, יעדער פארשטייט וויאזוי אונזער בלום איז נאך נישט פארוועלקט אדער פארדזשאוועט, יא די ענטפער איז פשוט און איינפאך, ווייל מיר זענען געבינדן און באהאפטן צום שורש!

* * * * *

א לעכטיגן יום טוב שבועות!
זייטיגע נאטיץ
"שבע יפול צדיק וקם"
נישט אלעמאל האט מען די ברירה, מען מוז זיך דרייען אויפן געוועב וועגן פרנסה וכדו', שבע יפול צדיק...
אבער ...דאט.קאם(com.) - עס מוז זיך ענדיגן מיט ...וקם!
אוועטאר
מחשב
שר שלשת אלפים
תגובות: 3563
זיך איינגעשריבן אום: דינסטאג יולי 17, 2018 3:57 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מחשב »

הערליך!
געוואלדיג
שר חמישים ומאתים
תגובות: 434
זיך איינגעשריבן אום: דינסטאג יוני 02, 2015 4:26 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך געוואלדיג »

הערליך און זיס אראפגעלייגט
לייפציק האט געשריבן:
לעבן איז א גרויסע סכנה, מ'איז אויסגעשטעלט צו כל מיני זאכן, פאר געשטארבענע מענטשן שאדט גארנישט,
ממה נפשך
שר ארבעת האלפים
תגובות: 4845
זיך איינגעשריבן אום: מאנטאג אוגוסט 11, 2014 9:37 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך ממה נפשך »

הערליכע געדאנק מיט א רייכע שפראך!
זייער קלוג
שר חמש מאות
תגובות: 589
זיך איינגעשריבן אום: זונטאג סעפטעמבער 23, 2018 4:30 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך זייער קלוג »

מתוק מדבש
אתה חונן בעט מען נאכאלץ
קרייסלער
שר ארבעת האלפים
תגובות: 4514
זיך איינגעשריבן אום: מיטוואך מאי 20, 2015 6:01 am
לאקאציע: אויפן ראוד

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרייסלער »

שפתים ישק
מיר פרייען זיך נישט מיט די מפלות אדער נצחונות פון די ציונים

מיר ווארטן אויף ביאת משיח וואס וועט אונז אויסלייזן פון גלות פון די ציונים און אראבער ביינעזאם
נא_שכל
שר שבעת אלפים
תגובות: 7999
זיך איינגעשריבן אום: מאנטאג יולי 14, 2008 10:44 pm
לאקאציע: עולם התורה

  • ציטיר
  • צו לייגן א דאנק דארפט איר זיין אריינגעלאגט

תגובה דורך נא_שכל »

הערליך שיין, אזויווי אייביג!
וויאזוי צו אויפהייבן דיינע קינדער און נאנטע

"ושכל יצא משכל ..." (ר' ברכיה בן נטרונאי, בהקדמת ספרו 'משלי שועלים').
אוועטאר
ענדע צדיק!
שר שמונת אלפים
תגובות: 8100
זיך איינגעשריבן אום: מיטוואך יולי 17, 2013 4:44 pm
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך ענדע צדיק! »

הערליכע געדאנק, שיין אראפגעשריבן. ייש"כ!
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון
לייבקע יענטע'ס
שר מאה
תגובות: 238
זיך איינגעשריבן אום: מיטוואך יולי 28, 2010 1:59 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לייבקע יענטע'ס »

שטארק!
אוועטאר
קלאָצקאָפּ
שר עשרת אלפים
תגובות: 10225
זיך איינגעשריבן אום: דינסטאג יולי 25, 2017 9:24 pm
לאקאציע: ערגעץ אנדערש

  • ציטיר
  • צו לייגן א דאנק דארפט איר זיין אריינגעלאגט

תגובה דורך קלאָצקאָפּ »

עפעס אויסערגעווענליך!
אוועטאר
מונאוויטש
שר האלפיים
תגובות: 2902
זיך איינגעשריבן אום: זונטאג נאוועמבער 22, 2015 6:08 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מונאוויטש »

אייוועלט בתפארתו!

די שריפט הערליך און שיין,
די געדאנק מלא חן,
א נקודה לויטער און ריין,
יש"כ פארן אונז מהנה זיין!
אוועטאר
זופ מיט קניידל
שר חמישים ומאתים
תגובות: 271
זיך איינגעשריבן אום: זונטאג מארטש 24, 2019 6:24 pm
לאקאציע: אינעם זופ טעלער

  • ציטיר
  • צו לייגן א דאנק דארפט איר זיין אריינגעלאגט

תגובה דורך זופ מיט קניידל »

א רייכע שפראך, געשריבן צו דער זאך,
יישר כח
אוועטאר
שמחת עולם
שר חמש מאות
תגובות: 836
זיך איינגעשריבן אום: דינסטאג דעצעמבער 31, 2013 7:35 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמחת עולם »

א הערצליכן דאנק פאר אלע באדאנקערס און שיינע קאמענטארן!

דאס געבט א הנאה צו שרייבן נאך און העלפט אויסשארפן דאס פארשטויבטע פעדערל!
זייטיגע נאטיץ
"שבע יפול צדיק וקם"
נישט אלעמאל האט מען די ברירה, מען מוז זיך דרייען אויפן געוועב וועגן פרנסה וכדו', שבע יפול צדיק...
אבער ...דאט.קאם(com.) - עס מוז זיך ענדיגן מיט ...וקם!
אוועטאר
שמחת עולם
שר חמש מאות
תגובות: 836
זיך איינגעשריבן אום: דינסטאג דעצעמבער 31, 2013 7:35 am

Re: דאס בינטעלע בלום וואס ווערט נישט פארוועלקט!

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמחת עולם »

דיזע ארטיקל איז פון עטליכע יאר צוריק, געשריבן געווארן לכבוד שבועות. איך ברענג עס ארויף ווייל הזמן גרמא, האטס הנאה.
זייטיגע נאטיץ
"שבע יפול צדיק וקם"
נישט אלעמאל האט מען די ברירה, מען מוז זיך דרייען אויפן געוועב וועגן פרנסה וכדו', שבע יפול צדיק...
אבער ...דאט.קאם(com.) - עס מוז זיך ענדיגן מיט ...וקם!
אוועטאר
עומד מן הצד
שר שלשת אלפים
תגובות: 3393
זיך איינגעשריבן אום: דאנערשטאג מאי 07, 2020 2:18 pm

Re: דאס בינטעלע בלום וואס ווערט נישט פארוועלקט!

  • ציטיר
  • צו לייגן א דאנק דארפט איר זיין אריינגעלאגט

תגובה דורך עומד מן הצד »

געוואלדיג!

סיי די שפראך און סיי די תוכן, איז עפעס נישט פשוט.
אוועטאר
בשעה שיש
שר האלף
תגובות: 1201
זיך איינגעשריבן אום: דינסטאג יוני 26, 2018 5:35 pm
לאקאציע: עולם החלומות

Re: דאס בינטעלע בלום וואס ווערט נישט פארוועלקט!

  • ציטיר
  • צו לייגן א דאנק דארפט איר זיין אריינגעלאגט

תגובה דורך בשעה שיש »

הערליך, שיין געשריבן מיט א רייכע שפראך!
לעולם חשבתי יותר משדברתי
ודברתי יותר ממה שכתבתי!
אוועטאר
גרויסע עם הארץ
שר עשרת אלפים
תגובות: 14528
זיך איינגעשריבן אום: דינסטאג יולי 24, 2018 9:17 pm

Re: דאס בינטעלע בלום וואס ווערט נישט פארוועלקט!

  • ציטיר
  • צו לייגן א דאנק דארפט איר זיין אריינגעלאגט

תגובה דורך גרויסע עם הארץ »

שמחת עולם האט געשריבן:דיזע ארטיקל איז פון עטליכע יאר צוריק, געשריבן געווארן לכבוד שבועות. איך ברענג עס ארויף ווייל הזמן גרמא, האטס הנאה.

viewtopic.php?p=2471508#p2471508
די ארטיקל רעדט אויך פון "גמרא", סאו, ס'איז אויך הזמן "גרמא" עס ארויפצוברענגען. כנלענ"ד.
אוועטאר
תלמי המלך
שר חמישים ומאתים
תגובות: 265
זיך איינגעשריבן אום: פרייטאג אפריל 23, 2021 10:21 am
לאקאציע: עגיפטן

Re: דאס בינטעלע בלום וואס ווערט נישט פארוועלקט!

  • ציטיר
  • צו לייגן א דאנק דארפט איר זיין אריינגעלאגט

תגובה דורך תלמי המלך »

אין מילים
הערליך. שטארק. רייך. און וואס נישט
שרייב אפטער
שרייב תגובה

צוריק צו “אז נדברו”