די קאנגרעספרוי אמאר סעמאטוכע (דורך: לכתחילה אריבער)

אנאליזן און דעבאטעס

די אחראים: יאנאש,אחראי,געלעגער

אוועטאר
שמאטע
שר שלשת אלפים
תגובות: 3485
זיך איינגעשריבן אום: דאנערשטאג מארטש 26, 2009 3:40 pm

די קאנגרעספרוי אמאר סעמאטוכע (דורך: לכתחילה אריבער)

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמאטע »

די בייגעלייגטע ארטיקל האב איך ערהאלטן פון אונזער חבר "לכתחילה אריבער", און איך שטעל עס דא ארויף לקיים מה שנאמר, לא תבשל גדי בחלב עכו"ם...


ליינט און האט הנאה.
-------------
די קאנגרעספרוי אמאר סעמאטוכע (דורך: לכתחילה אריבער)

אנטיסעמיטיזם איז קיינמאל נישט זייער געשמאק, און הערן ווי ערוועלטע געזעצגעבער אין די פאראייניגטע שטאטן לאזן פאלן א אנטיסעמיטישע ווערטער שטעכט שטארק, און קען היפש דערשרעקן.

איך באצו זיך פארשטייט זיך צו די ווערטער פון קאנגרעספרוי אמאר, וואס האט אצינד צום דריטן מאל אין א גאר קורצע צייט געלאזט פאלן ווערטער וואס ווערט קריטיקירט אלס אנטיסעמיטיש. די קאנגרעספרוי האט זיך שוין אפילו געהאט אנטשולדיגט פאר די ווערטער, אבער האט שפעטער נאכאמאל געזאגט ענליכע ווערטער.

די פראגע איז אלזא, צו איך האלט אז די ווערטער זענען אנטיסעמיטיש?
און עקסטער דארף מען באהאנדלען די רעאקציע צו אירע ווערטער פון אנדערע געזעצגעבער, וואס האבן נאך גאנץ ווארשיינליך געמאכט די צושטאנד ערגער.

איז ערשט צו די ערשטע פראגע, "זענען אירע ווערטער געווען אנטיסעמיטיש"? - כ'בין נישט זיכער. בעסער געזאגט מען דארף גוט אריינקלערן. און אפילו מען קומט אין די ענדע צו אז עס איז יא אנטיסעמיטיש, זאל מען ריכטיג פארשטיין פארוואס, און וויסן ווען אפצוטיילן צווישן "קריטיק" – וואס איז בארעכטיגט און אפילו בעפארצוגט - און "אנטיסעמיטיזם" – וואס דארף ווערן פארדאמט און טאר נישט פאסירן.

"איז קריטיקירן מד"י אנטיסעמיטיזם"?

די פאקט איז אזוי.
די פרא מד"י לויטע נעמען די כלל פון "קריטיקירן מד"י איז אנטיסעמיטיזם" זייער עקסטרעם בוכשטעבליך און דאס איז נישט ריכטיג. די פאקט איז אז מען קען קריטיקירן מד"י אפילו מען איז נישט קיין אנטיסעמיט. און אפילו נישט קריטיקירן נאר אלס נגד התורה, נאר אפילו קריטיקירן צום ביישפיל אז די ממשלה אין מד"י טוט זאכן וואס זענען נישט אויסגעהאלטן מוז אויך נישט מיינען קיין אנטיסעמיטיזם.

דאס לאזט נישט איבער און לייקנט נישט די אלגעמיינע כלל אז "אנטיסעמיטן זענען געווענליך אנטי מד"י אויך" – אויסער אין גאר אויסנאמס פעלער פון ראדיקאלע קריסטן מיט זייער "ענדע פון צייטן" חלום –, דאך איז אבער נאך אלס פארהאנען אזא זאך אז "מען קען זיין קעגן מד"י און נישט זיין קיין אנטיסעמיט".

לאמיר עס לייגן אביסל אנדערש. "מען קען זיין קעגן "מד"י אקטן אדער פאליסי" און נאך אלס נישט זיין קיין אנטיסעמיט".

צו זיין קעגן מד"י בכלל – אויסער ווען מען רעדט אלס דעת תורה – איז גאנץ ווארשיינליך יא אנטיסעמיטיש.

עס איז אמת אז מד"י טוט זאכן וואס מען קען קריטיקירן, און מען קען פארשטיין פארוואס מענטשן זענען קעגן דעם. אבער אויב אזוי קענסטו פארדאמען די אקט, פונקט ווי ווען די אמעריקאנער רעגירונג אדער בריטישע, פראנצויזישע, דייטשע רעגירונגען זאלן טאן זאכן וואס זענען נישט אויסגעהאלטן.

ווען די אמעריקאנער רעגירונג באמבאדירט אין איראק צום ביישפיל, און געוויסע האלטן אז דאס איז נישט ריכטיג אדער א פארברעך, וועלן זיי פארדאמען די אקט, וועלן פארדאמען דעם פרעזידענט און זיין פארטיי, וועלן פארדאמען די שטיצער פון די פאליסי אא"וו, אבער צו וועלן זיי פארדאמען "אמעריקע" אין אלגעמיין? ניין! פארקערט זיי וועלן קאמפיינען אז מען דארף טוישן די רעגירונג צו א רעגירונג וואס וועט נישט טאן די זאכן.

און טאקע די וואס פארדאמען יא אמעריקע אין אלגעמיין פאר אזעלכע זאכן ווי די איראק מלחמה און נישט נאר די אקציע זעלבסט און אירע שטיצער – עס זענען דא אזעלכע אויך - , זענען טאקע... אנטי אמעריקע! זיי זענען נישט "זיך אננעמען פאר די באקריוודעטע" זיי זענען נישט קעגן "נוצן מאכט אין אנדערע לענדער" אא"וו, ווייל פארדעם איז ריכטיג און גענוג צו פארדאמען די איינע אקט, און אירע שטיצער. אבער דאס לאנד אמעריקע אין אלגעמיין, אויב פארדאמט מען דאס ווייל מען האט נישט ליב געוויסע זאכן וואס זי טוט אדער פאליסיס וואס זי האלט איז דאס "אנטי-אמעריקע".

און מען וועט טאקע זעהן, אז צום ביישפיל די דעמאקראטן אין אלגעמיין, מען רעדט פון די מעסיגע, אדער אפילו שטארק – אבער נישט ראדיקאל – לינקע ווי שטארק זיי וועלן פארדאמען די אקציעס פון די רעפובליקאנער וועלן זיי נישט צוליב דעם פארדאמען דאס לאנד.

און טאקע די געציילטע וואס יא, זענען די אויסגערופענע ראדיקאלן, ווי לואיס פאראקאן אא"וו.

האלטן מד"י צו א העכערע סטאנדארד.

דאן איז דא א שטיקל פונקט פון פארדאמען מד"י פאר זאכן וואס אנדערע ווערן נישט פארדאמט פאר די זעלבע סארט זאכן.

און מען רעדט נישט פון האלטן מד"י און - צום ביישפיל - די פאלעסטינער אויף די זעלבע שטאפל, און מען פארשטייט אז יעדע פארשטענדליכע מענטש וועט פארלאנגען און ערווארטן פון מד"י זיך צו פירן בעסער ווי די פאלעסטינער וואס זענען אין די ענדע טאג ניטאמאל א דריטע וועלט לאנד, נאר א גרופע וואס האפן איין טאג צו זיין כאטש עפעס א לאנד.

און די זעלבע זאך איז, אז מען האלט מד"י העכער פון אלגעמיינע דריטע וועלט לענדער טאקע, צו ראדיקאל מוסלעמענער לענדער אד"ג, איז יעדער פארשטענדליכער מענטש קען איינשטימען מיט דעם אז מד"י דארף און מעג ווערן געהאלטן צו א העכערע סטאנדארד פון די סארט לענדער.

אבער ווען עס קומט צו פארדאמען מד"י פאר זאכן וואס מערב וועלט לענדער ווי די פאראייניגטע שטאטן, ענגלאנד, פראנקרייך, דייטשלאנד אא"וו ווערן נישט פארדאמט, דאס קען אויך צוגעשריבן ווערן צו אנטיסעמיטיזם.

און כאטש אז איז נישט אזוי אויסגעשפראכן אנטיסעמיטיש ווי זיין קעגן די עקזיסטענץ פון מד"י אדער ווי פארדאמען מד"י אין אלגעמיין פאר געוויסע ספעציפישע אקציעס אדער אפילו פאליסיס, דאך איז דאס גאנץ קלאר אנטיסעמיטיזם צו האלטן מד"י צו א העכערע סטאנדארד ווי אנדערע מערב וועלט לענדער.

באיקאטירן מד"י.

עס איז אויך דא די פונקט פון די "בי-די-עס" וואס איז די באוועגונג פון באיקאטירן מד"י פינאנציעל. אפילו א באיקאט קען זיין פארשטענדליך קעגן א געוויסע אקציע אדער פאליסי, איז עס עפעס וואס מד"י ווערט מער געצילט ווי אנדערע ענליכע לענדער. עקסטער וואס עס קען טאקע זיין אז געוויסע שטיצער פון די "בי-די-עס" זענען נישט קיינע אנטיסעמיטן, איז אבער די געדאנק פון "בי-די-עס" עפעס מיט וואס אנטיסעמיטן זענען אויפגעקומען, און האט די פולע שטיצע פון די ערגסטע אנטיסעמיטיזם אין די וועלט, און פארדעם זעלבסט דארף א מענטש וואס איז נישט קיין אנטיסעמיט אוועקשטיין דערפון.

און מען רעדט נישט פון באיקאטירן זאכן וואס קומען פון די זידלונגען. דאס איז עפעס וואס מען קען מער פארשטיין, זינט לויט זייער מיינונג איז דאס שטיצן דאס אקופירן דירעקט לאנד פון א צווייטן. אבער ווען עס קומט צו די "בי-די-עס" איז עס אלגעמיינע באיקאט קעגן מד"י אין אלגעמיין, דאס איז עפעס וואס קיין שום אנדערע לאנד האט נישט קעגן זיך, און איז גאנץ ווארשיינליך אנטיסעמיטיזם.

אלזא, צוריק צום פונקט. זיין קעגן ספעציפישע אקציעס פון מד"י אדער אפילו פון זייער אלגעמיינע צוגאנג צו די פאלעסטינער און וועלטס פאליטיק איז עפעס וואס מען קען הערן, און כאטש עס איז געווענליך יא אזוי, קען מען טרעפן פעלער וואס עס איז נישט דירעקט אנטיסעמיטיזם, עכ"פ מען קען נישט טרעפן קיין איבערווייז אז עס מוז זיין אנטיסעמיטיזם.

דאך, די שטארק פרא מד"י קעמפ מאכן נישט קיין חילוק. און יעדע קריטיק קעגן אפילו א אקציע פון מד"י – אפגערעדט פון קעגן א פאליסי אין אלגעמיין - וועט גלייך באצייכנט אלס אנטיסעמיטיזם, און דאס איז אין מיין מיינונג נישט ריכטיג.

בארעכטיגן יעדע סארט אנטי מד"י זאך אונטער די שלייער פון "נאר אנטי מד"י נישט אנטיסעמיטיזם".

אבער די זעלבע איז פארקערט. די מענטשן מיט די קעגנערישע מיינונג נעמען עס אויך צו אן עקסטרעם. ביי זיי, וויבאלד עס איז דא אזא זאך ווי ארויסגעברענגט, אז מען קען זיין קעגן אקציעס פון מד"י, אדער אפילו קעגן אלגעמיינע פאליסיס פון זיי, און דאך נישט זיין קיין אנטיסעמיט, דאס מיינט ביי זיי אז מען נעמט דאס צום עקסטרעם.

נעמליך, אז יעדע קריטיק פון מד"י איז בארעכטיגט, אפגעזען ווי אלגעמיין עס איז, אפגערעדט ווי אנדערש עס איז קעגן די סטאנדארד פון אנדערע מערב וועלט לענדער, אפגערעדט אין די קאנסעקווענצן וואס עס ברענגט און אפגערעדט פון יעדע זאך וואס מען קען נאר טראכטן, ביז צו – און אריינגערעכנט - דאס האלטן און זאגן אז מד"י האט נישט קיין עקזיסטענץ רעכט דאס אלעס איז אלס בארעכטיגט, און מען קען נוצן אלע ערליי ווערטער און אלע ערליי טערמינען, אלס אונטער די שלייער "עס איז אנטי מד"י נישט אנטיסעמיטיזם".

דאס איז אויך פונקט אזוי נישט ריכטיג און נישט בארעכטיגט ווי קריטיקירן יעדע סארט קריטיק פון מד"י אלס אנטיסעמיטיזם.
און אנדערע ווערטער, ביידע זייטן נעמען די ארגומענט צו ווייט, און סיי קריטיקירן מד"י אין אלגעמיין, אונטערמינעווען זייער רעכט פאר עקזיסטענץ קען נישט געשטעלט ווערן אונטער א "אנטי מד"י" שלייער, נאר איז עכט אנטיסעמיטיזם, אזוי איז קריטיק פון מד"י נישט אלס דוקא און נאר אנטיסעמיטיזם.

די ווערטער פון די קאנגרעספרוי.

דאס ברענגט אונז צו די ווערטער וואס קאנגרעספרוי אמאר האט געזאגט. זי האט אין עטליכע מעסעדזשעס ארויסגעברענגט א רייע מיט געדאנקען איבער די שטיצער פון מד"י.

זי האט געזאגט – אין אנדערע ווערטער" אז די וואס זענען פרא מד"י ווערן קאנטראלירט פון געלט. אז געוויסע געזעצגעבער זענען געטריי פאר מד"י אייניג ווי געטריי צו די פאראייניגטע שטאטן אדער נאך מער ווי צו די פאראייניגטע שטאטן. אז אופעק – די פרא מד"י לאבי – "קאנטראלירט" געוויסע געזעץ געבער, און נאך אזעלכע סארט פונקטן.

און די אמת איז, אז ווען מען רעדט "צווישן אונז גערעדט" קען מען טראכטן אז עס איז נישט אנטיסעמיטיש וואס זי האט געזאגט. מען קען אפילו איינשטימען מיט געוויסע פון אירע געדאנקען און האלטן דאס איז ריכטיג. און מען קען אפילו פארשטיין איינער וואס איז נישט צופרידן און ברוגז אויף די זאך.
אבער ווען עס קומט צו קאנגרעספרוי אמאר איז די זאך היפש אנדערש.

ערשטנס, זענען די סטעיטמענטס וואס מיר האבן געברענגט נאר פון די לעצטע שטיק צייט זינט זי איז געווארן ערוועלט צום קאנגרעס. אין די פארגאנגענהייט האט זי שוין אסאך מאל געלאזט פאלן אנטי-מד"י ווערטער, און יענע ווערטער זענען געווען שטארקע אטאקעס קעגן מד"י אין אלגעמיין.

אויסער דעם וואס זי שטיצט די "בי-די-עס" באוועגונג, זי איז באפריינדעט מיט אסאך ריכטיגע אנטיסעמיטן אא"וו.

ווען איז עפעס אנטיסעמיטיש אדער ראסיסטיש און ווען נישט?

אבער די עיקר פונקט איז נאך עפעס, וואס איז א אלגעמיינע זאך איבער אנטיסעמיטיזם און בכלל איבער ראסיזם.

א זייער גוטע ביישפיל וואלט געווען דאס וואס מען רופט די "ען ווארט" ווען מען רעדט פון שווארצע. די אמת איז, אז די שווארצע צווישן זיך נוצן די ווארט די גאנצע צייט. אין שמועסן, אין לידער, אין רעדעס און וואו נישט. און ווען זיי אליינס נוצן די ווארט ווערן אנדערע שווארצע נישט אויפגערעגט.

אבער ווען א ווייסער מאן נוצט די ווארט גייען די שווארצע ארויס פו די כלים.

און די סיבה פארדעם איז זייער איינפאך. עס איז אמת אז די ווארט אליינס איז נישט פאר זיך שלעכט. אבער די פאקט איז אז מען האט די ווארט גענוצט היסטאריש אלס א שלעכטע ווארט. און ווייל מען האט עס גענוצט אלס א שלעכט ווארט, איז "אנגענומען" אז די ווארט נוצט מען נישט.

איז אויב נוצטו יאר די ווארט איז פשט אז דו ביסט ראסיסטיש! אדער אז דו רעכנסט זיך נישט מיט די געפילן פון די שווארצע. ווייל אז עס איז אנגענומען אז די ווארט איז שלעכט, און עס פאסט נישט צו נוצן, אפילו עס איז נישט עכט אזוי, אבער פארדעם אליינס אז "מען האלט די ווארט טויג נישט" פארדעם אליינס טאר מען עס נישט נוצן.

און נאכמער. די ווארט "שווארצע" אליינס ווען מען רעדט פון "אפריקאנער אמעריקאנער" מענטשן. די ווארט איז נישט עפעס דירעקט שלעכט. און ווען מען רעדט צווישן זיך – דאס הייסט צווישן אידן – קען איך פארשטיין איינער זאל עס נוצן, טאקע ווייל עס איז נישט עכט א "שלעכטע ווארט". כאטש איך אליינס וועל זיך אין יעדן פאל צוריקהאלטן פון נוצן די ווארט. (דא האב איך עס גענוצט ארויסצוברענגען די פונקט.)

אבער ווען איינער שטייט נעבן א שווארצער אוון נוצט די ווארט, טאקע ווייל עס איז ביי זיי אנגענומען אז עס איז שלעכט, אפילו דו מיינסט נישט גארנישט, ווייסט עס אבער אז דו רעכנסט זיך נישט מיט זיינע געפילן, און דאס זעלבסט איז א שלעכטע זאך.

דאס הייסט די ווארט "איז געווארן שלעכט, ווייל... עס איז שלעכט!" עס איז אביסל וואס מען רופט א "קעטש-22" – אז יעדע איז נאר אזוי צוליב די אנדערע און אויב אזוי וויאזוי הייבט זיך עס אן – אבער למעשה איז עס שוין היינט אנגענומען פאר שלעכט, און איז דעריבער שלעכט און עס פאסט נישט צו נוצן, און אויב נוצטו עס יא, ווייזט עס אז דו רעכנסט זיך נישט מיט די געפילן פון די שווארצע. און דאס זיך נישט רעכענען מיט די געפילן פון א צווייטן און טאן זאכן וואס זענען אין יענעמ'ס אויגן זאכן וואס איז ראסיסטיש, איז עס טאקע ראסיסטיש!

אלזא צוריק צו אונזער שמועס.

די אלע זאכן וואס קאנגרעספרוי אמאר האט געזאגט, אפילו איך און דו קענען האלטן אז זיי זענען נישט "עכט אנטיסעמיטיש" , איז אבער די פאקט אז די סארט סטעיטמענטס ווערן אין די וועלט פאררעכנט אלס אנטיסעמיטיש.

דאס זאגן אז אידן זענען נישט פולקאם געטריי צו די לאנד וואס זיי וואוינען, דאס איז עפעס וואס מען האט אלס באשולדיגט אידן. אפילו נאך איידער עס איז געווען מד"י. פארשטייט זיך זינט די גרינדונג פון מד"י איז דאס נאך פיל ערגער געווארן, ווייל יעצט קען שוין די באשולדיגונג גיין "אינגאנצן", נישט נאר איז דער איד נישט געטריי פאר זיין לאנד, נאר ער איז גאר געטריי צו א צווייטע לאנד!

דאן איז דא די פונקט אז "אידן קאנטראלירן די וועלט, די פאליטיק, די פינאנצן מיט זייער געלט". דאס איז עפעס וואס מען האט אלע יארן גענוצט קעגן אידן. און בארעכטיגט אלע סארטן אקציעס קעגן אידן.

פאר די סארט באשולדיגונגען – "דועל לויעלטי" טאפלטע געטריישאפט – און – אידן קאנטראלירן די וועלט מיט זייער געלט – פאר די זאכן האט מען די אידן געפייניגט, געטשעפעט און עווענטועל אויסגעשאכטן פון זיי זעקס – זיבן מיליאן -.

און טאקע פארדעם איז "אנגענומען" אין די וועלט – די ציוויליזירטע וועלט – אז די פונקטן זאגט מען נישט. אפגעזען צו דו האלטסט עס איז ריכטיג, אפגעזען צו דו האלטסט אז איז יא אדער נישט אנטיסעמיטיש, וויבאלד אידן האבן פון דעם געליטן, און מען האט באשלאסן צוליב דעם עס נישט צו נוצן, טאר מען עס שוין נישט נוצן, אן ווער עס נוצט עס יא איז עס אנטיסעמיטיזם!

און די וועלט ווייסט טאקע פון דעם און מען וועט דאס נישט הערן. צו פריוואט זאגט מען עס? קען זיין, אזוי ווי מען נוצט גאנץ ווארשיינליך אויך די "ען ווארט" – און זיכער "שווארצע" – פריוואט. אבער נישט אין פובליק. און נישט ווייל אין פובליק איז עס ערגער, און נישט ווייל מען וויל איינעם פאפן, נאר איינפאך "ווייל עס איז אנגענומען אז מען זאגט עס נישט, און דו זאגסט עס יא, איז עס ראנג".

אז דו זאגסט עס פריוואט, דאס איז צווישן דיר און רבוש"ע, אבער אז דו זאגסט עס ברבים, האסטו געוויזן אז פייפס זיך אן אויף די געפילן פון די אידן וואס ערווארטן אז מען זאל עס נישט נוצן, און דאס זעלבסט איז די פראבלעם.

להבדיל איז דאס אזוי מיט יעדע זאך וואס מען טוט ברבים וואס איז נישט אויסגעהאלטן, איז דאס ערגער ווי פריוואט ואכמ"ל ודי בזה.

אפשר קען מען טרעפן אויף פרוי אמאר א לימוד זכות?

מען וועלט געקענט טראכטן פון א לימוד זכות אויף קאנגרעספרוי אמאר. קען זיין זי כאפט נישט דאס. קען זיין זי איז איינפאך נאאיוו און איז נישט באקאנט מיט דעם אז די סארטן געדאנקען זענען אנגענומען אלס אנטיסעמיטיזם, און געוויסע – אריינגערעכנט קאנגרעספרוי פעלאסי – האט טאקע פרובירט איז צו פארענטפערן מיט די טענה.

אבער די פראבלעם איז אז זי האט עס שוין געטאן די דריטע מאל. און נאך די ערשטע און צווייטע מאל האט זי זיך אנטשולדיגט נאכדעם וואס זי האט - לויט אירע ווערטער - גערעדט צו אידן און אנדערע וואס האבן איר פארשטיין געגעבן אז די וועטער זענען ווייטאגליך.

טא אויב דו ווייסט שוין עס איז ווייטאגליך, ווארום זאגסטו די זעלביגע נאכאמאל? איי עס איז נישט ממש די זעלבע ווערטער, איז אבער דע געדאנק די זעלבע. און איך קען אננעמען אז זי האט נישט געוואוסט אז די געדאנקען זענען ווייטאגליך, אבער זי קען דאך קיין גאנצע נער נישט זיין, נאך אלעמען איז זי אימיגראנט וואס האט זיך אין א רעלאטיוו קורצע צייט ארויפגעארבעט אנצוקומען אין קאנגרעס, טא זי קען עפעס רעכענען, האט זי געדארפט קענען אויסרעכענען אז די ווערטער און געדאנקען זענען ווייטאגליך, אפילו עס נישט גענוי די זעלבע ווערטער איבער וואס זי האט זיך שוין אנטשולדיגט.

און דאס אז זי האט נאכאמאל איבערגעזאגט די זעלבע געדאנקען, און צום דריטן מאל נאך צוויי מאל זיך אנטשולדיגן, דאס אינאיינעם מיט אירע ווערטער אין די פארגאנגענהייט איבער מד"י אין אלגעמיין, דאס לאזט נישט עכט קיין אנדערע קונקלוזיע, נאר אז זי ווייסט גאנץ גוט וואס זי זאגט, זי מיינט וואס זי זאגט, און לויט די פריערדיגע אראפ געשטעלטע כללים, איז זי גאנץ ווארשיינליך א איינפאכע אנטיסעמיטקע.

די אומפארשעמטע פארטיידיגונג פון איר שטיצער

אבער ערגער פון אלעמען איז דאס אסאך פון אירע קאלעגן וואס פארטיידיגן איר. נישט אז וואס זי זאגט איז נישט שלעכט, אבער ווען איינער טוט עפעס נישט ריכטיג, נא.. מען האט שוין געהערט אזוינס, אבער אז אנדערע זאלן עס פארטיידיגן, דאס הייסט עס לעגיטימיזירן עס מאכן פאר "נארמאל", דאס איז פיר ביטערער.

און ווען די פארטיידיגונג וואלט געווען נאר אזוי ווי די פריערדערמאנטע פארטיידיגונג פון קאנגרעספרוי פעלאסי, איז א האלבע פראבלעם. ווייל כאטש וואס די פארטיידיגונג איז נישט ריכטיג ווי ארויסגעברענגט, עס איז נאריש און מאכט א געלעכטער פון די וואס הערן עס, דאך אבער אין פרינציפ איז עס פארדאמט די געדאנקען, נאר געזאגט "האב נישט קיין טענות, יענער האט עס נישט געמיינט".

און כאטש וואס פרוי פעלאסי אליינס האט ביים פאריגן פאל יא פארדאמט די סטעיטמענטס, און דאס מאל צוליב די דרוק פון די ראדיקאל לינקע האט זי עס פארענטפערט, דאך האט זיך נישט פארטיידיגט די ווערטער נאר דעם פערזאן.

אבער אנדערע האבן דאס נישט געטאן!

איך רעד נישט פון די וואס האבן פארלאנגט אז מען זאל אין די געפלאנטע רעזאלוציע צו פארדאמען אירע ווערטער נישט זאגן איר נאמען נאר רעדן אין אלגעמיינע טערמינען. און איך רעד אפילו נישט פון די וואס האבן פארלאנגט אז מען זאל צולייגן אויך דאס פארדאמען "אנטי מסלעם" ראסיזם אויך, איך רעד פון די וואס ווילן איר פארטיידיגן, שטיצן איר ווייטער, און די וואס מיט זייערע סטעיטמענטס פון פארטיידיגונג האבן זיי נאך ערגער געמאכט.

נישט אז די וואס פארלאנגען "נאר" אז מען זאל "אויך" רעדן פון אנטי-מסלעם" ראסיזם האבן א פונקט. ווייל די זעלבע מענטשן, ווען עס איז געווען די "בלק לייווס מעטער “באוועגונג זיך אנצונעמען פאר די אפריקאנער אמעריקאנער וואס ווערן – לויט זייערע באשולדיגונגען – געצילט דורך די פאליציי, זענען געווען אזעלכע וואס האבן גע'טענה'ט אז "בלעק לייווס מעטער" איז נישט ריכטיג, מען דארט זאגן "אלל לייווס מעטער".

האבן די זעלבע וואס האבן יעצט געוואלט מען זאל רעדן "אויך פון אנטי-מסלעם" גע'טענה'ט דעמאלט אז ניין! ווייל אויב רעדסטו פון "נאך עפעס", פון "אויך אנדערע" טוסטו מיט דעם "פארקלענערן און אונטערהאקן די געדאנק אז "בלעק לייווס מעטער".

איז גוט, איך הער, קען זיין דו ביסט גערעכט, איז אויב אזוי וואס איז יעצט אנדערש??? פארוואס ווען איינער זאגט אנטיסעמיטישע געדאנקען דריי מאל – נאכן ווערן געמאכט אויפמערקזאם געמאכט און נאכן זיך אנטשולדיגן צוויי מאל – און מען וויל עס פארדאמען, זאגסטו מען זאל עס פארדאמען "אויך"! פארוואס אין די פאל ווען מען לייגט צו נאך עפעס טוט עס נישט "פארקלענערן און אונטערהאקן" די פונקט?
אבער לאמיר דאס שוין לאזן אין די זייט.

אנדערע האבן ניטאמאל דאס געוואלט!

די עקסטרעם לינקע אין די דעמאקראטישע פארטיי האבן פרובירט מען זאל אינגאנצן נישט ארויפברענגען די רעזאלוציע.

און דאן זענען דא די עטליכע דעמאקראטן וואס לויפן פאר פרעזידענט וואס האבן איר פארטיידיגט. סאנדערס זאגט אז דאס ארויפברענגען די רעזאלוציע צו פארדאמען אירע ווערטער טוט "דערשטיקן די דעבאטע"! ער זאגט נישט אז זי האט גערעדט אנטיסעמיטיזם, אבער.... נאר אז מען "דערשטיקט גאר די דעבאטע".

הייסטעס אז אנטיסעמיטיזם איז נישט קיין פראבלעם, ווייל..... דעבאטע!!

פרי העריס האט געזאגט מען קען איר נישט פארדאמען ווייל... עס שטעלט איר אין א סכנה!! דאס הייסט איינער קען זיין א אפענע אנטיסעמיט... אבער קריטיקירן טאר מען נישט, ווייל... עס איז א סכנה פאר יענעם!

און וואס טוט זיך מיט קריטיקירן א ביישפיל דעוויד דוק?

"פראפעסאר" פאול קרוגמאן איז גאר געגאנגען אינגאנצן אראפ די רעלסן!! ער האט אין אומצוויידייטיגע טערמינען געשריבן "עס איז דא אנטיסעמיטיזם אויף ביידע זייטן, אבער איך האב נאר מורא פון אנטיסעמיטיזם אויף די רעכטע זייט"!

און וואס זאגסטו א ביישפיל איבער סטאלין?

פרוי ווארען האט געזאגט אז "זאגן אז יעדע קריטיק אויף מד"י איז אויטאמאטיש אנטיסעמיטיזם, טוט שווערער מאכן די פראבע צו ברענגען שלום צום מיטל מזרח".

דאס וואס זי האט געזאגט איז "אנטי מד"י"?

דאן איז דא די "וויפ פון די הויז" איינע פון די העכסטראנגיגע דעמאקראטן אין קאנגרעס. ער זאגט אז "אמאר האט געליטן פערזענליך, און ווען מענטשן זאגן מיר "מיינע עלטערן זענען אומגעקומען אין די האלאקאוסט, דאס איז שוין א דור אפגעריקט, אירע ליידן זענען ערגער!

אין דעריבער??? דעריבער מעג זי זיין אן אנטיסעמיט??

און בכלל, דו גייסט פארגלייכן דאס "ליידן" פון איינער וואס האט געדארפט טאקע אנטלויפן פון איר לאנד – און עס איז טאקע נישט לייכט - צו די וואס מען האט אויסגע'הרג'עט זייער גאנצע פאמיליע טאטעס מאמעס, ברודער שוועסטער, פעטערס מומעס, זיידעס באבעס אא"וו?? זעקס זיבן מיליאן פון זיי??
דו ביסט געפאלן אויפ'ן קאפ? דו ביסט פון די העכסטראנגיגע פאליטיקאנטן?? איז דאס די בעסטע וואס די דעמאקראטן קענען?

און אנדערע געזעץ געבער ווי פרוי קארטעז – פארשטייט זיך... – און פרוי טאליב און נאך אנדערע האבן איר פארטיידיגט.

אבער דאס איז שוין אפילו נישט קיין וואנדער אדער נייעס, ווייל פרוי קארטעז האט איינפאך נעבעך א לופט-אנגעפילטע-טאבע פאר א מח, און טאליב איז פאר זיך א לאנגיעריגע אפענע אנטיסעמיטקע.

און דאן איז געקומען די "פארטיידיגונג" פון... דעוויד דוק און לואיס פאראקאן, צוויי אויסגערופענע אנטיסעמיטן – לויט יעדעם – פון ביידע זייטן פון די פאליטיק. דוק האט געזאגט אז פרוי אמאר איז אצינד "די וויכטיגסטע קאנגרעס מיטגליד", און פאראקאן האט געזאגט "אלעס וואס זי האט געזאגט איבער די אידן איז אמת"!

און אפילו דאס אז די צווייטע – גאנץ ווארשיינליך – גרעסטע אנטיסעמיטן אין די פאראייניגטע שטאטן פארטיידיגן און פרייען זיך מיט פרוי אמארס ווערטער, דאס איז נישט געווען גענוג פאר די דעמאקראטן זיך צו כאפן אז עפעס טויג דא נישט.

ווער רעדט נאך פון פארדאמען דוק, ווען אין די זעלבע צייט, וועט דוק האט זיך אויסגעדרוקט מיט שטיצע פאר טראמפ, און טראמפ האט אים אפילו פארדאמט מערערע מאל האבן די זעלבע דעמאקראטן געמאכט א וויי געשריי.

זי פארלירט נישט איר זיץ אויף די וויכטיגע קאמיטעען.

און נישט נאר אירע קאלעגן געבן איר שטיצע, די אפיציעלע פירערשאפט זאגן אפ די פארלאנגען אוועקצונעמען אירע פאזיציעס אויף וויכטיגע קאמיטעען.

דאס מיינט אין אנדערע ווערטער, אז קיינע עכטע "שטראף" האלט מען איר נישט ביים געבן פאר אירע ווערטער. מען וועט מאכן א פארוואסערטע רעזאלוציע, אן אירן נאמען, אבער עכט ליידן פארן דריי מאל טאן עפעס וואס זי ווייסט איז נישט ריכטיג און איז אנטיסעמיטיש, דאס נישט.

דאס הייסט די פארטיי פירערשאפט זענען באקוועם מיט אזא פרוי, און שפירן נישט קיין דרוק איר צו באשטראפן אז זי און אנדערע זאלן נישט טאן די זעלבע.

די גרעסערע פראבלעם מיט אירע ווערטער און אירע שטיצער

אבער די גרעסטע פראבלעם מיט אירע ווערטער און שטיצער איז נישט די איין פאל. דא וועט זיין א רעזאלוציע, מען וועט פארדאמען שטערקער שוואכער מאכט נישט עכט אויס.

די פראבלעם איז אז נאך אלעמען, אפילו מען האט געמאכט א רעזאלוציע קעגן איר. אפילו זי זאל עווענטועל פארלירן איר זיץ אויף די קאמיטעען, אבער דאס אז זי האט עס פאקטיש געטאן, און דאס אז זי האט עס געטאן דריי מאל, און דאס אז מען האט איר נישט צו שטארק פארדאמט, און דאס אז אסאך האבן זיך גאר אנגענומען פאר איר, די אלע זאכן לייגן אראפ א פונדאמענט אז .. "עס איז נישט געפערליך"!

עס טוט אסאך אוועקנעמען פון די שרעק וואס אנטיסעמיטן האבן נישט ארויסצוקומען אין די עפנטליכקייט, ווייל מען וועט זיי פארדאמען, אויב זי האט עס געקענט טאן אזוי אפען, און זי האט דאך געהאט אזויפיל שטיצע, איז וועט זיין נאך איינער און נאך איינער, און צוביסלעך וועט דאס ווערן גאנץ נארמאל.

דאס וואס זי טוט – און בעיקר די רעאקציע פון איר פארטיי – מאכט א לאנג-טערמין שאדן וואס לאזט זיך נישט באשרייבן.

קוקנדיג צום ביישפיל צו ענגלאנד און די כמעט אפענע אנטיסעמיטיזם וואס הערשט אין די "לעיבער פארטיי" לאזט זיך טראכטן אז עס וועט נישט נעמען לאנג – חלילה – און די דעמאקראטן אין אמעריקע וועלן זיין דאס אייניגע צו די לינקע אין ענגלאנד.

צום שלוס

עס קען טאקע זיין קאמיש פון איין זייט וויאזוי די דעמאקראטן מוטשען זיך מיט די "אמאר פראבלעם", און מעגליך א שטיל הנאה האבן אז די ראדיקאל לינקע - מיט זייער ראדיקאליזם אויף אלע זאכן פון נארישקייט ביז רציחה און אלעס אינדערמיט - באגראבן זיך זעלבסט נאך בעסער ווי סיי ווער עס וואלט געקענט.

אבער ווען די "קרבן" איז די איד, און ווען מען כאפט די לאנג-טערמין שאדן וואס די גאנצע סומאטאכע ברענגט, ווערט קאלמוטנע אויפ'ן הארצן.
עדיטערס נאוט: שמאטע איז דער האוסט פונעם בצל כוואפאפעיכו שאו. די אויסגעקוועטשטע אפיניען איז זיין אייגענע.
דברים אלו
שר האלף
תגובות: 1961
זיך איינגעשריבן אום: פרייטאג אקטאבער 16, 2015 2:30 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך דברים אלו »

א פחד וואס דא טוט זיך
אוועטאר
יא איך
שר חמש מאות
תגובות: 919
זיך איינגעשריבן אום: דאנערשטאג דעצעמבער 01, 2016 7:45 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יא איך »

די שרייבסט דא א גאנצע דיבאטע יא אנטיסעמיטיש אדער נישט אבער נאכדעם וואס איך האב געליינט די נייעס מיין איך אז די שאלה איז זייער קלאר
דא האסטו די נייעס
נטורי קרתא קומען ״שטיצן״ קאנגרעספרוי אמאר, אבער קערן זיך אום מיט ליידיגע הענט
א ברייטע דעלעגאציע פון נטורי קרתא פון מאנסי און ברוקלין זענען נעכטן אראפגעקומען קיין וואשינגטאן אין א פארזוך זיך צו טרעפן מיט קאנגרעספרוי אילהאן אמאר וועלכע קומט אונטער קריטיק פון ביידע פארטייען איבער אירע באמערקונגען אז פרא-מדינת ישראל געזעצגעבער זענען נישט געטריי צו אמעריקע, א זאך וואס האט געברענגט פארדאמונגען אלס אנטיסעמיטיש. די דעלעגאציע האט זיך געשטעלט פארנט פון איר אפיס אין א פארזוך צו באקומען אן אוידיענץ, אבער די קאנגרעספרוי האט זיך אנטזאגט זיי צו אויפנעמען, און איר ווארטזאגער האט קלארגעשטעלט אז זיי זענען געקומען אומגעלאדענט און ״קאנגרעספרוי אמאר זוכט נישט זיך צו טרעפן מיט זיי נישט היינט און נישט אין די צוקונפט״.

און אנדערע ווערטער איז זי אסאך מער ווי א פלענע אנטיסעמיט געווענטליך וואלט מען זיך דירעקט יא אראפ געזעצט צו מאכען א פנים אז מען איז נישט אזוי געפערליך און מען האט פריינט וואס זענען אידן אבער זי וויל דאס אויכט נישט

יעצט איז שוין זייער קלאר די קשיא צו עס קען נאכאמאל קומען א צווייטע וועלט מלחמה עס איז בכלל נישט אזוי ווייט פונעם מציאות חלילה וחס די אייבישטער זאל אפהיטן אונז זענען מיר צו באקוועם דא און גלות די מצב איז שרעקעדיג
אוועטאר
כתמר יפרח
שר חמש מאות
תגובות: 906
זיך איינגעשריבן אום: דאנערשטאג יוני 07, 2018 8:17 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך כתמר יפרח »

זייער שיין אראפ געלייגט,
כ'האב שוין לאנג נישט געכאפט אזא עקל פין די דעמעקראטן ווי די היינטיגע טאג,
יארן שרייען זיי אויף יעדער וואס האלט נישט ווי זיי אלץ ראסיסט, דא ווען זיי האבן די פראבלעם געבן זיי זיך נישט נאנייצע.
שעם אן יא פעלוסי!
אוועטאר
שרייזשע
שר חמש מאות
תגובות: 792
זיך איינגעשריבן אום: זונטאג מארטש 18, 2018 4:43 pm
לאקאציע: ליידער און גלות

  • ציטיר
  • צו לייגן א דאנק דארפט איר זיין אריינגעלאגט

תגובה דורך שרייזשע »

אן אריינגיין צו דאס וואס אמאר האט געזאגט איז אנטיסעמיטיש צו נישט, איז עס קלאר אז די סכנה פאר כלל ישראל איז היינט צוטאגס א גרעסרע פון די לינקע לאגער ווי פון די רעכטע
די רעכטע אנטיסעמעטיזעם איז היינט א אפ געפרעגטע זאך מער ווייניגער, מה שאין כן די לינקע טראגט א שיינע פנים, און אויף די ריכטונג ווי עס גייט קען דאס רואיגערהייט אדאפטירט ווערן אינגאנצען דורך די דעמאקרטישע פארטיי, השם ירחם
צעקה בקול דממה דקה
צד תמות
שר חמש מאות
תגובות: 821
זיך איינגעשריבן אום: זונטאג יולי 05, 2015 2:37 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך צד תמות »

pdf ביטע
משהלע
שר שלשת אלפים
תגובות: 3051
זיך איינגעשריבן אום: זונטאג יולי 02, 2017 2:01 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך משהלע »

די הייליגע קלויזענבורגע רב ז"ל האט געזאגט אז עס קען געשעהן אין אמעריקע אויכעט. א ווייטע בליק האט ער געהאט.
אוועטאר
הויעך
שר האלפיים
תגובות: 2853
זיך איינגעשריבן אום: זונטאג מארטש 03, 2019 11:50 am
לאקאציע: ביי די F5 קנעפל, ביי די געזעהן..... מאל אשכול

  • ציטיר
  • צו לייגן א דאנק דארפט איר זיין אריינגעלאגט

תגובה דורך הויעך »

א גרויסען יישר כח פארן שרייבן די ארטיקעל

צוצולייגין א פונקט אסאך פון אונז היימישע יודן זענען אקעגן מדינת ישראל סאיז דא וואס זענען אקעגן די פרייע און סאיז דא וואס זענען אקעגן יעדע זאך וואס סימבאלירט און זיך מד"י ווי למשל די מגן דוד מגייט נישט צום כותל סאיז דא וואס גייען נישט קיין ארץ ישראל דאך וועט יעדער פארשטיין אז סאיז נישט שייך זיי צו באשילדיגען אין אנטיסעמיטוזים
פאר די יודן דארף מען אסאך מאל מסביר זיין אז די גוים וואס זענען אנטי מד"י האבן קיינמאל נישט געלערנט קיין ויואל משה און ווייסען נישט וואס סמיינט שלש שבועות און ווען זיי זענען אקעגן מדינת ישראל איזעס 99.9 פארצענט ריין אנטיסעמיטוזים

צוריק צו דיר און סטאדיא
וויכטיג מאכער האט געשריבן:
פזמון...

שכח הכל הבל פאר דיינע מעכטיגע רעפארטאזשן...
הכל הבל
ק.נ.א. וואשינגטאן קארעספאנדענט
תגובות: 40150
זיך איינגעשריבן אום: מאנטאג מאי 14, 2018 10:02 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך הכל הבל »

אומאר זאגט אז אבאמאס האפענונג און טויש איז געווען הוילע פאנטאזיעס און אונטער זיין זייגער האט מען מען פארהאלטן קינדער אין שטייגן און דראונס האבן אטאקירט אין פולע לענדער איבער די וועלט און אז אבאמא האט אפערירט אונטער די זעלבע צובראכענע סיסטעם ווי טראמפ
אוועטאר
וואס עפעס?
שר ארבעת האלפים
תגובות: 4102
זיך איינגעשריבן אום: דאנערשטאג יוני 05, 2014 11:31 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואס עפעס? »

קען איינער ביטע מאכן א pdf
אוועטאר
טשעירמאן
שר האלף
תגובות: 1730
זיך איינגעשריבן אום: מאנטאג יוני 24, 2013 12:24 pm
לאקאציע: אויפן באלעמער

  • ציטיר
  • צו לייגן א דאנק דארפט איר זיין אריינגעלאגט

תגובה דורך טשעירמאן »

וואס עפעס? האט געשריבן:קען איינער ביטע מאכן א pdf


וואס איז די שוועריקייט?
אטעטשמענטס
די קאנגרעספרוי אמאר סעמאטוכע.pdf
(120.97 KiB) געווארן דאונלאודעד 119 מאל
מען דארף וויסן מיט יעדעס ביסל אידישקייט בתמימות ובפשטות ממש זענען מיר אזוי ווי מלאכי מעלה (גליון דורשי יחודך תמוז פ''ג)
צל עובר
שר עשרים אלף
תגובות: 29176
זיך איינגעשריבן אום: מיטוואך סעפטעמבער 27, 2017 6:22 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך צל עובר »

הכל הבל האט געשריבן:אומאר זאגט אז אבאמאס האפענונג און טויש איז געווען הוילע פאנטאזיעס און אונטער זיין זייגער האט מען מען פארהאלטן קינדער אין שטייגן און דראונס האבן אטאקירט אין פולע לענדער איבער די וועלט און אז אבאמא האט אפערירט אונטער די זעלבע צובראכענע סיסטעם ווי טראמפ


די אנטי אבאמע רעטאריק קען זיין א שטארקע הילף אין איר ארויספירן אין א פריימערי.
מחנך ב2018
שר מאה
תגובות: 129
זיך איינגעשריבן אום: פרייטאג יאנואר 26, 2018 12:10 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מחנך ב2018 »

יא איך האט געשריבן:די שרייבסט דא א גאנצע דיבאטע יא אנטיסעמיטיש אדער נישט אבער נאכדעם וואס איך האב געליינט די נייעס מיין איך אז די שאלה איז זייער קלאר
דא האסטו די נייעס
נטורי קרתא קומען ״שטיצן״ קאנגרעספרוי אמאר, אבער קערן זיך אום מיט ליידיגע הענט
א ברייטע דעלעגאציע פון נטורי קרתא פון מאנסי און ברוקלין זענען נעכטן אראפגעקומען קיין וואשינגטאן אין א פארזוך זיך צו טרעפן מיט קאנגרעספרוי אילהאן אמאר וועלכע קומט אונטער קריטיק פון ביידע פארטייען איבער אירע באמערקונגען אז פרא-מדינת ישראל געזעצגעבער זענען נישט געטריי צו אמעריקע, א זאך וואס האט געברענגט פארדאמונגען אלס אנטיסעמיטיש. די דעלעגאציע האט זיך געשטעלט פארנט פון איר אפיס אין א פארזוך צו באקומען אן אוידיענץ, אבער די קאנגרעספרוי האט זיך אנטזאגט זיי צו אויפנעמען, און איר ווארטזאגער האט קלארגעשטעלט אז זיי זענען געקומען אומגעלאדענט און ״קאנגרעספרוי אמאר זוכט נישט זיך צו טרעפן מיט זיי נישט היינט און נישט אין די צוקונפט״.

און אנדערע ווערטער איז זי אסאך מער ווי א פלענע אנטיסעמיט געווענטליך וואלט מען זיך דירעקט יא אראפ געזעצט צו מאכען א פנים אז מען איז נישט אזוי געפערליך און מען האט פריינט וואס זענען אידן אבער זי וויל דאס אויכט נישט

יעצט איז שוין זייער קלאר די קשיא צו עס קען נאכאמאל קומען א צווייטע וועלט מלחמה עס איז בכלל נישט אזוי ווייט פונעם מציאות חלילה וחס די אייבישטער זאל אפהיטן אונז זענען מיר צו באקוועם דא און גלות די מצב איז שרעקעדיג

פונקט פארקערט, א וויזיט פון די עקסטרעמע, אויסגעשפראכענע, פרא-פאלעסטינע, פרא-איראן, נטורא קרתא'ניקעס, וואלט ווארשיינליך אויפגעפלאקערט און פארפלאטערט די סאמוטאכע ארום איר פיל מער, אזוינע בילדער ווי זי וויקלט זיך איין מיט זייערע פאלעסטינע שאלן וואלט זיכער אויסגעשטאכן די אויגן פון יעדן מעסיגע פרא-מד''י.

דערפאר האט ענדערש זיי געלאזט פייפן און אויסגעמיטן די היץ... דאס זיך נישט טרעפן מיט זיי איז קיין שום אנדייטונג אויף אנטיסעמיטיזם, נאר אדרבה, פארקערט, ס'צייגט אז עפעס ווייסט זי נאך פון גרעניצין צו זאגן...
מחנך ב2018
שר מאה
תגובות: 129
זיך איינגעשריבן אום: פרייטאג יאנואר 26, 2018 12:10 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מחנך ב2018 »

אוי, אינגאנצן פארגעסן צו באדאנקען לכתחלה פאר דעם הערליכן שמועס...

געוואלדיג קלאר גענאגלט
אוועטאר
מאניש בנבנשתי
שר חמשת אלפים
תגובות: 5382
זיך איינגעשריבן אום: זונטאג פעברואר 01, 2015 12:26 pm
לאקאציע: אין מיין גוף

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאניש בנבנשתי »

צל עובר האט געשריבן:
הכל הבל האט געשריבן:אומאר זאגט אז אבאמאס האפענונג און טויש איז געווען הוילע פאנטאזיעס און אונטער זיין זייגער האט מען מען פארהאלטן קינדער אין שטייגן און דראונס האבן אטאקירט אין פולע לענדער איבער די וועלט און אז אבאמא האט אפערירט אונטער די זעלבע צובראכענע סיסטעם ווי טראמפ


די אנטי אבאמע רעטאריק קען זיין א שטארקע הילף אין איר ארויספירן אין א פריימערי.



דו האסט בכלל נאכגעקוקט פון וועלעכע דיסטריקט זי קומט? איר דיסטריקט באשטייט פון מוסלעמ'ס, אלע האלטן פונקט ווי איר, בדרך הטבע קען נאר א מוסלומענער איר ארויסטראגן אין א פריימערי, פארגעס נישט דער וואס האט אנגעהאלטן דעם זיץ פאר איר איז אויך געווען א מוסלעם, און ווי ס'קוקט אויס וועט דאס שוין בלייבן א מוסלימענער בענקל ביז............................ אה יא ביז זיי וועלן איבערנעמען נאך א געגנט מיט די הילף פון די נעקסטע ליבאראלע פרעזידענט וואס וועט זוכן צו ברענגן גערעכטיקייט ערגעץ אין מידל איסט.
אב''ד ור''מ קרעפלעך והגלילות יצ''ו

געב צוריק דאס געלט פאר'ן רבי'ן, די רבי ער זאגט נישט קיין ליגענט..(קרעדיט: מיכאל ע''ה.)

מיינע באקן זענען נישט פארגליווערט, ווייל איך מאך דערמיט איבונגען כסדר..

קרעפלאך והגלילות

דער שיעור שטיבל
פאראויס
שר ארבעת האלפים
תגובות: 4352
זיך איינגעשריבן אום: דאנערשטאג אקטאבער 01, 2015 8:56 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פאראויס »

שיינע ארטיקל.

פון די אנדערע זייט דארף מען דא דעת תורה. דעת ודעת תורה. די קאמפיין איר צו פארשרייען 'אנטיסעמיט' פארן קריטיקירן די מדינה איז לכאורה נאך א גרעסערע סכנה פאר אונז אידן בכל מקומות מושבותיהם פארן לאנגען טערמין ווי אירע העצערייען זעלבסט.

מיט די יעצטיגע ''אנטיסעמיט!'' קאמפיין אקעגן איר פארבינדט מען אלע אידן בכל מקומות מושבותיהם צו די מדינה. ד.ה. ווען איינער קריטיקירט איזרעאל מיינט עס אלע אידן.

און די מציאות ווייזט ליידער אז דאס איז א סכנה. מ'דארף קוקן די נומבערס פון אנטיסעמיטישע אטאקעס איבער די וועלט וואס 'פארדאפלט' זיך אפאר מאל בשעת א קאנפליקט אין ארץ ישראל. דאס איז ווייל מעטשן פארבינדן אלע אידן מיט די מדינה.

מי יתן והי' מ'זאל כאטש אנקוקן איזרעאל מיט אידן, ווי (להבדיל) די פארבינדונג פון אראבער מיט - (נישט להבדיל) סאודי אראביע. קיינער אטעקירט נישט א מוסלעמענער ווען די סאודי רעגורינג טוט עפעס אומריכטיג. מ'ווייסט אז סאודיע אראביע איז נישט ''די'' לאנד פון אלע מוסלעמענער איבער די וועלט. ואכמ''ל
Know your profits per ASIN, your inventory forecasting, ppc, and more, for just $19.99 a month. Try it for two months FREE with this link:
https://sellerboard.com/?partner=00529
צדקה
שר חמישים
תגובות: 74
זיך איינגעשריבן אום: דינסטאג מארטש 05, 2019 9:40 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך צדקה »

פאראויס האט געשריבן:שיינע ארטיקל.

פון די אנדערע זייט דארף מען דא דעת תורה. דעת ודעת תורה. די קאמפיין איר צו פארשרייען 'אנטיסעמיט' פארן קריטיקירן די מדינה איז לכאורה נאך א גרעסערע סכנה פאר אונז אידן בכל מקומות מושבותיהם פארן לאנגען טערמין ווי אירע העצערייען זעלבסט.

מיט די יעצטיגע ''אנטיסעמיט!'' קאמפיין אקעגן איר פארבינדט מען אלע אידן בכל מקומות מושבותיהם צו די מדינה. ד.ה. ווען איינער קריטיקירט איזרעאל מיינט עס אלע אידן.

און די מציאות ווייזט ליידער אז דאס איז א סכנה. מ'דארף קוקן די נומבערס פון אנטיסעמיטישע אטאקעס איבער די וועלט וואס 'פארדאפלט' זיך אפאר מאל בשעת א קאנפליקט אין ארץ ישראל. דאס איז ווייל מעטשן פארבינדן אלע אידן מיט די מדינה.

מי יתן והי' מ'זאל כאטש אנקוקן איזרעאל מיט אידן, ווי (להבדיל) די פארבינדונג פון אראבער מיט - (נישט להבדיל) סאודי אראביע. קיינער אטעקירט נישט א מוסלעמענער ווען די סאודי רעגורינג טוט עפעס אומריכטיג. מ'ווייסט אז סאודיע אראביע איז נישט ''די'' לאנד פון אלע מוסלעמענער איבער די וועלט. ואכמ''ל

נישט נטרונא און נישט קיין פראטעסטן און נישט קיין פלאקאטן גייען דאס טוישן, א שאד צו חלום'ען אפילו דערפון, ווילאנג די גוים וועלן נישט האבן קיין שעורים קבועים אין ויואל משה און אין על הגאולה וועט זיך גארנישט טוישן.
אוועטאר
נו שוין
שר האלפיים
תגובות: 2494
זיך איינגעשריבן אום: דינסטאג אקטאבער 13, 2015 12:47 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך נו שוין »

צדקה האט געשריבן:
פאראויס האט געשריבן:שיינע ארטיקל.

פון די אנדערע זייט דארף מען דא דעת תורה. דעת ודעת תורה. די קאמפיין איר צו פארשרייען 'אנטיסעמיט' פארן קריטיקירן די מדינה איז לכאורה נאך א גרעסערע סכנה פאר אונז אידן בכל מקומות מושבותיהם פארן לאנגען טערמין ווי אירע העצערייען זעלבסט.

מיט די יעצטיגע ''אנטיסעמיט!'' קאמפיין אקעגן איר פארבינדט מען אלע אידן בכל מקומות מושבותיהם צו די מדינה. ד.ה. ווען איינער קריטיקירט איזרעאל מיינט עס אלע אידן.

און די מציאות ווייזט ליידער אז דאס איז א סכנה. מ'דארף קוקן די נומבערס פון אנטיסעמיטישע אטאקעס איבער די וועלט וואס 'פארדאפלט' זיך אפאר מאל בשעת א קאנפליקט אין ארץ ישראל. דאס איז ווייל מעטשן פארבינדן אלע אידן מיט די מדינה.

מי יתן והי' מ'זאל כאטש אנקוקן איזרעאל מיט אידן, ווי (להבדיל) די פארבינדונג פון אראבער מיט - (נישט להבדיל) סאודי אראביע. קיינער אטעקירט נישט א מוסלעמענער ווען די סאודי רעגורינג טוט עפעס אומריכטיג. מ'ווייסט אז סאודיע אראביע איז נישט ''די'' לאנד פון אלע מוסלעמענער איבער די וועלט. ואכמ''ל

נישט נטרונא און נישט קיין פראטעסטן און נישט קיין פלאקאטן גייען דאס טוישן, א שאד צו חלום'ען אפילו דערפון, ווילאנג די גוים וועלן נישט האבן קיין שעורים קבועים אין ויואל משה און אין על הגאולה וועט זיך גארנישט טוישן.

מיינסט צו זאגן ווייל נטרונא איז א טיפה מן הים וואס דארף געטוען ווערן.
#בשיטה נישט
אוועטאר
נו שוין
שר האלפיים
תגובות: 2494
זיך איינגעשריבן אום: דינסטאג אקטאבער 13, 2015 12:47 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך נו שוין »

סאיז א ווייטאג צו זעהן אז אנטיזעמיטיזם פון די רעכטע זייט, וואס האט שוין למעשה צוגעפירט צו הריגות (פיטסבורג) ווערט נישט אזוי פחדימדיג אויפגענומען דא אויף אייוועלט, אבער דיסאגרימענטס מיט ביביס איזראעלישע פאליטיק ווערט אויפגענומען מיט שאק און אהה.
#בשיטה נישט
תורה לערנער
שר חמש מאות
תגובות: 562
זיך איינגעשריבן אום: פרייטאג מאי 17, 2013 4:12 pm
לאקאציע: אין כולל

  • ציטיר
  • צו לייגן א דאנק דארפט איר זיין אריינגעלאגט

תגובה דורך תורה לערנער »

ווייל אנטיסעמיטיזם פון די רעכטע זייט איז אויסגעשפיגן. און אנטיסעמיטיזם פון לינקע זייט ווערט עמברעסט דורך דעמאקראטן און די מידיע..
אוועטאר
נו שוין
שר האלפיים
תגובות: 2494
זיך איינגעשריבן אום: דינסטאג אקטאבער 13, 2015 12:47 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך נו שוין »

תורה לערנער האט געשריבן:ווייל אנטיסעמיטיזם פון די רעכטע זייט איז אויסגעשפיגן. און אנטיסעמיטיזם פון לינקע זייט ווערט עמברעסט דורך דעמאקראטן און די מידיע..

וואס מיינט אוסגעשפיגן? אז there are good people on both sides? אדער אז אלטרייט ווערט מער און מער מעינסטריעם אין די טראמפ ערא?

למשל קאנגרעסמאן סטיעוו קינג מיט זיינע אנטיסעמיטישע באמערקונגן ווערט דא קוים באריכטעד, קיינער ווייסט ניטאמאל אז סאיז געווען א רעזאלושען אקעגן אים.
#בשיטה נישט
פאראויס
שר ארבעת האלפים
תגובות: 4352
זיך איינגעשריבן אום: דאנערשטאג אקטאבער 01, 2015 8:56 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פאראויס »

צדקה האט געשריבן:
פאראויס האט געשריבן:שיינע ארטיקל.

פון די אנדערע זייט דארף מען דא דעת תורה. דעת ודעת תורה. די קאמפיין איר צו פארשרייען 'אנטיסעמיט' פארן קריטיקירן די מדינה איז לכאורה נאך א גרעסערע סכנה פאר אונז אידן בכל מקומות מושבותיהם פארן לאנגען טערמין ווי אירע העצערייען זעלבסט.

מיט די יעצטיגע ''אנטיסעמיט!'' קאמפיין אקעגן איר פארבינדט מען אלע אידן בכל מקומות מושבותיהם צו די מדינה. ד.ה. ווען איינער קריטיקירט איזרעאל מיינט עס אלע אידן.

און די מציאות ווייזט ליידער אז דאס איז א סכנה. מ'דארף קוקן די נומבערס פון אנטיסעמיטישע אטאקעס איבער די וועלט וואס 'פארדאפלט' זיך אפאר מאל בשעת א קאנפליקט אין ארץ ישראל. דאס איז ווייל מעטשן פארבינדן אלע אידן מיט די מדינה.

מי יתן והי' מ'זאל כאטש אנקוקן איזרעאל מיט אידן, ווי (להבדיל) די פארבינדונג פון אראבער מיט - (נישט להבדיל) סאודי אראביע. קיינער אטעקירט נישט א מוסלעמענער ווען די סאודי רעגורינג טוט עפעס אומריכטיג. מ'ווייסט אז סאודיע אראביע איז נישט ''די'' לאנד פון אלע מוסלעמענער איבער די וועלט. ואכמ''ל

נישט נטרונא און נישט קיין פראטעסטן און נישט קיין פלאקאטן גייען דאס טוישן, א שאד צו חלום'ען אפילו דערפון, ווילאנג די גוים וועלן נישט האבן קיין שעורים קבועים אין ויואל משה און אין על הגאולה וועט זיך גארנישט טוישן.


האפסט אזוי. למעשה האט נטרונא דאס שוין אויפגעקלערט פאר מיליאנען גוים. און שווערע טויזענעטער גוים פאלגן נאך נטרונא און זייערע אפיליאירטע אקאונטס פון סאשעל מידיע. זיי האבן נאך א וועג צו גיין. אבער זייער מעסעדש איז שוין היינט פארשפרייט ווייטער דו ווי דו וואלסט כנראה געוואלט.

כאפ א בליק אויף
@torahJews
@jewsvsisrael
@authenticRabbis
@JewishIdentity
@americanJewry
ועוד.

און טויזענטער גוים ריטוויטן און שיקן ווייטער זייער מעסעדש.
לעצטע וואך אליין האט א טערקישע אקאונט איבערגעטייטשט א נטרונא ווידיאו אויף טערקיש און עס ארויסגעשטעלט פאר זיינע טויזענטער פאלאוערס.

יא ס'איז נאך דא וועג צו גיין אבער מ'טוט און מ'קען טון. און מ'דארף טון ווייטער. קומט נישט אריין דא דיין ליצנות וועגן א שיעור אין ויואל משה
Know your profits per ASIN, your inventory forecasting, ppc, and more, for just $19.99 a month. Try it for two months FREE with this link:
https://sellerboard.com/?partner=00529
גרינע בוים
שר חמישים ומאתים
תגובות: 480
זיך איינגעשריבן אום: דאנערשטאג אפריל 16, 2015 5:56 am
לאקאציע: אונטערן שאטן-ה' צלך

  • ציטיר
  • צו לייגן א דאנק דארפט איר זיין אריינגעלאגט

תגובה דורך גרינע בוים »

קודם ייש"כ לכתחלה, יעדעס ווארט שפתיים ישק, הלואי אפטער

נאר א קלייניקייט, וואס @פאראויס האט שוין דארמאנט, אז על אף ס'איז אמת און ברור אז זי איז אן אנטיסעמיט און אנגעפיקעוועט מיט אנטיסעמיטישע אנשויאונגען, איז דאס פארבינדען אנטי ציוניזם מיט אנטיסעמיטיזם אומריכטיג און אזש א געפאר, אז מ'וויל איר באצייכענען און דורך דעם פארדאמען אלס אן אנטיסעמיט, אדרבה, אבער אויב עס קומט קאמבענירט מיט ציוניסטישע פאליטיק דאן וויי געוואלד, ודו"ק היטב כי נראה נכון, פאר די וועלכע האבן שוין עטוואס בארירט סאטמאר רב'ס ספרים
עץ חיים הוא למחזיקים בה
פאראויס
שר ארבעת האלפים
תגובות: 4352
זיך איינגעשריבן אום: דאנערשטאג אקטאבער 01, 2015 8:56 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך פאראויס »

סאטמאר רב'ס ספרים + שכל. אדער אפילו שכל אליינס איז אויך גענוג. ס'איז א פשוט'ע פאקט וואס מ'זעהט ביי יעדע מלחמה פון די איזרעלי מדינה מיט די אראבער איז גאנץ כלל ישרא' אטאמאטיש פארבינדען
Know your profits per ASIN, your inventory forecasting, ppc, and more, for just $19.99 a month. Try it for two months FREE with this link:
https://sellerboard.com/?partner=00529
אוועטאר
כתמר יפרח
שר חמש מאות
תגובות: 906
זיך איינגעשריבן אום: דאנערשטאג יוני 07, 2018 8:17 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך כתמר יפרח »

וואס איז אונזער פראבלעם מיט אנטיסמעטיזם, וואס דארף אונז אנגיין וואס יעדער צרוע וואס די נאז רינט אים זאגט עפעס שלעכט אויף אונז?


אין די אלגעמיינע מידיע איז די ווארט ראסיזם גענוצט זייער אפט, יעדער וואס זאגט א שלעכט ווארט אויף געוויסע ראסע איז אן ראסיסט, למשל ווען איך זאל זאגן אויף א געוויסע ראסע אז זיי האבן א שוואכע איי קיו, בין איך א ראסיסט, וויבאלט איך שמיר אן יעדעם מיט די זעלבע בערשטל,

נא, וואס איז די פראבלעם? יא, די מעגסט פארשעמען איינער אויפאמאל אבער נישט אלע אינאיינעם, זייער נישט שיין ווען די רעדסט אויף די גאנצע אנדרוגנס געמיינדע, אבער אויף אלע מעקסיקאנער.

די פראבלעם איז העיט.


מיר אידן האבן אבער גאנצעטע בענדער פין היסטאריע ביכער ווי מ'האט אונז געפיינגט אין גע'רודף פשוט ווייל מיר זענען אידן,

כמעט יעדע מאל איז עס געקומען מיט די זעלבע רשעות'דיגע בלאף אז מיר אידן קאנטרעלירן די וועלט, מיר האבן די געלט אין שמירן אונטער יעדעם כדי מיר זאלן קענען איבערנעמען די וועלט, פארדעם מיז מען פטור ווערן פין די אידן רח"ל.

די שקר האט אונס שוין אפגעקאסט מיליאנער אידישע קרבנות, פאטריבן פין לענדער, אין רדיפות שונות.


דערמאנט מיר די ווערטל, געווען אמאל צווי אידן אין דייטשלאנד אין א קאווע שטיבל, איינער האט געליינט א אידשע צייטונג אין די אנדערע איד האט געליינט די שטורמער פין די נאצי פראפעגאנדע, פרעגט אים זיין חבר וואס ליינט די אידישע צייטונג, וואס איז פשט אז די ליינסט דאס, ענפערט זיין חבר, איך פלעג אמאל ליינען די אידישע צייטונג אבער אלץ וואס זיי שרייבן איז וואס די אידן מאכן מיט, וויפיל האבן פארלוירן זייער ארבעט, פראגראמען אין רדיפות, יעצט ווען איך ליין די נאצי צייטונג זעה איך אז איך קאנטראל די וועלט, איך בין מעדיף גוטע נייעס.


ווען איך זאל ווען באשמיצן די שווארצע איז נישט דא קיין ספק אז אפשר זיי וועלן צוריק ווערן קנעכט, אבער די רערטיק אז די אידן היפנעטייזן די וועלט איז א סכנה פאר אונז אידן.

עס איז דא גאנצע געגטער אין יוראפ ווי א איד מיט א קאפל איז א סכנה, עס איז דא פארטייען וואס שעמען זיך שוין נישט צו רעדן אפען קעגן אידן, עס איז ווי א וויירעס וואס פארשפרייט זיך שנעל.


יעצט אנשטאט צו נעמען די עגילי של דבילה אין אנכאפן ביים קארג אין מאכן מיט איר כחלום יעוף, האבן די דעמעקראטן איר בארעכטיגט מיט תירוצים שונים ומשונים אין מ'געט א מאך אוועק די גאנצע זאך מיטן זאגן, טראמפ פאשפרייט אויכט העיט, ובתוכם אונזער אלטער זקן וכסיל בערני סענדערס,

ניין, די פראבלעם איז נישט העיט, אונז געדענקן פשוט צו גוט וואס עס מיט אונז געשען פאר נישט צו לאנג צוריק, אונז געדענקן אויכט אז די אלע אויפגעקלערטע אידן וואס האבן זיך גע'חנפעט צו די ערלים האבן ליידער אויכט געהאט די זעלבע סוף,

אלזא צו דיר בערני, מיר זעמער אויפן זעלבן וואגן, די וואס האט מיר פיינט האט נישט פארגעסן פין דיר אויכט.


הלכה בידוע עשיו שונא ליעקב
שרייב תגובה

צוריק צו “נייעס קאך לעפל”