גאלדענע פעדער האט געשריבן:געהערט פון הרה״צ רבי אלימלך בידערמאן שליט״א
אז א יוד איז געקומען צו רבי איצעקל פון סקווערע, און איהם געזאגט אז ער קען נישט שלאפען אין די סוכה ווייל ס׳איז איהם זייער קאלט
האט איהם רבי איצעקל סקווערע׳ר געענפערט אינטערסאנט, דיין שמונה עשרה איז אסאך קעלטער ווי די קעלט אין די סוכה און די שלאפסט עס פיין אדורך...
אויך ברענגט רבי אלימלך צו, צו דעם, די באקאנטע ווארט פון די קאצקער, אז נישט ווי מענטשען מיינען אז המצטער פטור מין הסוכה, מיינט א פטור.
נאר המצטער, האט די קאצקער אזוי געטייטשט, אזא יוד וואס קען זיין בצער זייענדיג אין דעם הייליגער צילא דמהימנותא, א צייט וואס א יוד איז זוכה צו זיין אליינס צוזאמען מיט שכינה, צו אזא יוד זאגט ח״ו דער באשעפער גיי דער ארויס פון די סוכה.. נישט פאר דיר האב איך געמאכט די הייליגע מצוה, צו אזא יוד זאגט די באשעפער די קענסט נישט האבן די זכיה, זוכה צו זיין צו די הייליגע מצוה.
איך רעד צו מיר אליינס, מען דארף זיך מחזק זיין נישט צו האבן/זיכען תרוצים פארוואס נישט צו זיין אין די סוכה, אפי׳ די תרוצים זענען גוטע, כ״ש ווען ס׳איז נישט קען גוטע...
איך האב געהערט פון יודן וואס האבן געוואוינט אין די פראזשעקטס אין וויליאמסבורג, די עסן אין די סוכה איז געווען שווער [זעה
דא מיין אלטע ארטיקעל איבער דעם] און זיי זענען אפי׳ געשלאפען יעדע נאכט אין די סוכה, ס׳געווען שווער, מען איז געגאנגען צו א זיידע צו א פעטער צו ווי אימער מען האט נאר געקענט, און אפי׳ מיט געשלעפט א דאכענע.. געטוהן אלעס כדי צו קענען שלאפן אין דעם הייליגע צילא דמהימנותא. און ווי די יודן דערציילן מיר האט מען זיך קיינמאל נישט אפגערעדט, קיינמאל נישט געקרעכצט, מען האט זיך געפרייט צו קענען זוכה זיין צו עסען און שלאפען אין די סוכה, היינט אבער ליידער רעדן זיך מענטשען אפ, טייל מענטשען האבן שוין אפי׳ היינט צו טאגס אירקענדישען און סטיעם און אלע באקוועמלעכקייטן אין די סוכה און רעדן זיך נאך אלטס אפ...