איידיעס פאר א מתנה פאר ערוואקסענע בחורים

[יידישע קהילות]

האט איינער עפעס עקספיריענס אין דעם?
איך וויל נישט געבן נאכאמאל א ספר און נאכאמאל א ספר. עס איז חנוכה אויף די וועלט ער פארדינט אויך עפעס א "געשמאקע" מתנה ווי זיינע קליינע ברודערס און - אפילו גרויסע - שוועסטערס.
פון די אנדערע זייט ווילט זיך נישט געבן קיין פראסטע זאכן. א זייגער האט ער שוין, און א בערזל דארף ער נאכנישט... (זאל עס די כלה קויפן בשעטו"מ)
ווידעראום תורה-טעכנאלאגישע כלים איז אויך נישט די קלוגסטע זאך, דיה לצרה בשעתה, פארוואס זאל איך בידים אריינשטופן א בחור'ל אין דעם ענדלאזע וועלט פון טעכנאלאגיע. זאל ער בעסער אויסנוצן זיינע יארן אויף די ישיבה בענק מיט א פארצייטישע עוז והדר גמרא.
האט איינער אן איידיע?
האט איינער עקספיריענס אין דעם?

[פלטיאל]

גלייכט ער מוזיק? קויפט א פידל/גיטאר וכדו'. האט ער א געפיל צו אסטראנאמיע? האנדלט אייך איין א טעלעסקאופ וכדו'. האט ער א חוש צו מאלן? קויפט אים געצייג צו ארויסברענגען זיינע טאלאנטן...

[אויסגערעכנט]

מוזיק איז טאקע א גוטע זאך עס איז עפעס וואס איטרעסירט כמעט יעדע בחור און עס איז גאר א ברייטע פעלד וואס יעדער קען הנאה האבן און נישט בארד ווערן שנעל און ער קאסט נישט קייט סאך א פידל גיטאר אדער א פלוט קען מען טרעפן פון $75 און ארויף עס איז נישט שווער צו זיך אויסלערנען חוץ א פידל וואס יא אביסל קאמפלעצירט און אויב דער בחורל וועט נישט זען קיין פראגרעס וועט ער זייער שנעל אויפגעבן‏

מאלן און אסטראנאמיע זענען זייער ווייניג בחורים אינטרעסירט ‏

[יידישע קהילות]

מוזיקל אינסטרומענטן איז נישט קיין ארטיקל פאר א בחור וואס האט זיך נישט געלערנט לכה"פ א ביסל וויאזוי צו שפילן.
חוץ פון דעם איז דא עפעס א משהו אחיזה צו די גאס, די זינגערס, והמבין יבין.
איז נישטא עפעס פשוט'ערס?

[אַבּערוואַס]

א שיינע פעדער און בליי סעט מיט'ן נאמען ענגרעיווד?

[?אפשרטאקע]

א שטענדער

[אייער באקס]

ווילסט ״עכט״ וויסן? איך האב פאר דיר אן עצה, און ס׳איז א אויסגעפריווטע מיטל וואס אנדערע עלטערן האבן געטוהן און מיט גרויס סוקסעס, פארשטייט זיך אז ס׳איז 100 פראצענט אויסגעהאלטן תורה׳דיג!

״נעם אים אויף א טאג אדער האלבע טאג פישינג טריפ״
ס׳איז דא געניג שיפן וואס פארן ארויס פון -ביז שעות ווי א טאטע קען גיין צוזאמען אויפן ים טוהן וואס אונזערע עלטערן האבן געטוהן.

די טייערסטע שיף קאסט $65 וואס דאס איז פון 7׳בענע צופרי ביז 4׳ע נאכמיטאג. אבער מ׳קען אויך פארן פון 12- ביז 4׳ע נאכמיטאג, אדער פון 6 ביינאכט ביז חצות. בקיצור, די אפשענס זענען דא.

מען דארף גארנישט מיטברענגען, נאר א הויזן העמד/רעגן קויט מיט קאלאטשאן, ווייל מען ווערט אסאך אנגעשפריצט פינעם זאלציגן ים.

די אלע שיפן פירמעס זענען לעגאל, און טוען עס פאר ביזנעס, און זיי שטעלן צו אלע צוגעהערן און העלפן ארויס דארט אויפן פלאץ.

נעם זיך מיט א לאנגע שארפע פילעי מעסער, און די חברה דארט וועלן דיר פאלעיען די געכאפטע פיש רעדי פארן קאך אינדערהיים.

געוואנדן לויטן לעגאלן סיזען כאפט מען אייביג אנדערע סארט פיש, אבער בעיקר איזעס פלאנדער פיש, סי בעסס, מיט לינג פיש.
אלע זענען זיי דעלישעס, און טייער צו קויפן אין געשעפט.

בוסט רעדי? עלעך דיר דאן געבן נאמבערס מיט מער אינפאו.

אזא פרעזענליכע מתנה ווי א טאטע פארברענגט אויפן ים כאפן כשר׳ע פיש מיטן בחור, וועט ער געדעעעעעעעענקען פאר לעבן!!!

[פארצייטנס]

עס איז היינט דא א וועלט מיט אינטערעסאנטע זאכן צו ליינען, ווי אידישע היסטאריע מיט בילדער, רייכע ביישרייבונגען פון גדולי ישראל, וואס איז אנדערשט פון א ספר וואס איז געמאכט נאר פאר א בחור וואס ניצט אויס יעדע איבריגע מינוט צו לערנען, אבער די ביכער [פארשטייט זיך פון ריינע מקורות] זענען אינטערעסאנט פאר יעדען, צוענד, מיט בילדער.....
[אויב איר ווייסט נישט וואס איך מיין, שפאציר'טס אריין און אייכלער'ס און ב"פ, זיי האבן די גרעסטע אויסוואהל אויף דעהם]
על פי רוב זענען די ביכער טייערער ווי א ספר, אבער אויב מען וויל געבן א מתנה וואס זאל לייגן א שמייכן אויפען פנים פון א עלטערע בחור איז עס כדאי....
אויך איז דא בחורים וואס וועלן הנאה האבן צו ליינען אויף תורת הנפש, עס איז טאקע נאכנישט דא אסאך אויף דעם געשריבן אויף אידיש, אבער אויף לה"ק איז שוין דא מער,
די עיקר איז אז די בחור זאל פילען אז די מתנה איז נישט לטובת הנותן, נאר לטובת המקבל ודו"ק......

[יום אחד]

א בערזל, און אריינלייגען עפעס טאשן געלט (איש כמתנת ידו).

[טרעוולער]

איר קענט שוין טראכטן פון סוכות?

ס'דא צו קויפן הערליכע זאכן וואס מ'דארף אליין צוזאמשטעלן ווי למשל:

בית המקדש,משכן, כלי המשכן, ועוד

קארס,וכדו.

ס'קאסט בערך 80-100$ א שטיקל .

ס'נעמט אסאך שעה'ן אויפצושטעלן,און ס'גיט אסאך סיפוק פארן בחור.

[א גראם מיט טעם]

אייער באקס'ס פלאן געפעלט מיר נאך די מערסטע.

[אידישע קאפ]

קענסט אים קויפן א ריקארדער - כ׳ווייס נישט אויב סיז נאך היינט אינסטייל... - אדער אן MP3 פלעיער, קעמערע שטייצעך נאר א קאשערע. די מעלה פון דעם אז די גיבסט אים׳ס אויפן פלאץ מיט אלע אנדערע קינדער

אדער פארן אויף אן אויספלוג/פארברענג מיט אים. צו א פארק/זאא/וואסער/באאלינג/גאו קארדס, ועוד ועכילי. די מעלה פון דעם איז פשוט די פארברענגסט מיט אים.

אויב האטער א געוויסע האבי קענסטו אים געבן א צוגפאסטע זאך צו אים. אויב למשל האט ער ליב צו בויען קענסטו אים קויפן אן אייגענע דרילער... אויב האט ער ליב צו מאכן ארט, איז דא גענוג און נאך היינט אידישע זאכן. מאלן.. ליינען.. מוזיק האסטו שוין ערווענט אז נישט

געים׳ס, מ׳רעדט פון ערוואקסענע שאך לדוגמא, אדער סיז דא היינט אזויפיל טראכטן געים׳ס, די מעלה דערפון איז אויך אז מ׳קען געשמאק פארברענגן אינאיינעם.

איז ער א אינגערע בחור קענסטו קויפן פאר אים מעידזשיק זאכן.

אדער טויס! א העליקאפטער - יא ווען דו זעסט נישט בארגט ער עס פון זיין אינגערע ברודער אדער חבר - פאקעט נייף/סעט

די עיקר איז אבער נישט וואס מ׳קויפט די עיקר איז די קשר צווישן דעם טאטן אינעם בחור, אויב סיז גענוג גוט קענסטו אים אליין פרעגן וואס ער דארף. ער וועט זיך סאך מער פרייען

[Galaxy]

בוסט רעדי? עלעך דיר דאן געבן נאמבערס מיט מער אינפאו.

אינפאו פליס

[קרעפטיג]

דאס איז נייעס פאר מיר, נישט געוואוסט אז מ'גיט חנוכה מתנות פאר בחורים.

[אט אזוי]

יא פאר בחורים קומט זיך אויך א מתנה

[סמארט גאי]

דאס איז נייעס פאר מיר, נישט געוואוסט אז מ'גיט חנוכה מתנות פאר בחורים.

פאר קליינע דארף מען דען יא.

הגם איך טוה עס אויך, מיין איך אבער אז ס'גאנצע מאנסע שטאמט פון דעם קראצמעך גוי.

[יידישע קהילות]

דאס איז נייעס פאר מיר, נישט געוואוסט אז מ'גיט חנוכה מתנות פאר בחורים.

כ'ווייס נישט צו מען דארף און צו מ'מעג... צו ס'קומעט פון די גויים אדער זיי האבן דאס גענומען פון אונז. איין זאך ווייס איך זיכער, אויב גיבט מען פאר די קליינע דארף מען געבן פאר די גרויסע אויך. פרשת השבוע יוכיח... למה לי קרא סברא היא!

[קרעפטיג]

דאס איז נייעס פאר מיר, נישט געוואוסט אז מ'גיט חנוכה מתנות פאר בחורים.

כ'ווייס נישט צו מען דארף און צו מ'מעג... צו ס'קומעט פון די גויים אדער זיי האבן דאס גענומען פון אונז. איין זאך ווייס איך זיכער, אויב גיבט מען פאר די קליינע דארף מען געבן פאר די גרויסע אויך

אויב זיי זענען אייניג מיט שכל און ערוואקסענקייט.
-------------------------------------------------
איך גיב נישט פאר קליינע אויך נישט, ביי מיר ווייס מען נישט דערפון בכלל.

ביי מיין שווער און ביים טאטן טיילט מען שיינע טויס אדער אנדערע טשאטשקעס פאר די קלענערע קינדער, פאר די גרויסע פאלט אפילו נישט ביי אז ס'קומט זיי עפעס, זיי זענען די גרויסע, זיי באקומען א גרעסערע סכום חנוכה געלט.

חנוכה געלט, יא!

[קיקיון]

חנוכה געלט, יא!

אפשר וועט יידישע קהילות עפעס טרעפען אין א כתב יד אין א ביבליאטעק וועגען "מתנות" אבער בדפוס האב איך דערווייל
געטראפען דא און דא וועגען געלט

[כאפצעם]

לאז אים פארברענגען איין טאג אויף אייוועלט..

[קיקיון]

באקומען אויף בליץ פאסט נאך א מראה מקום בענין חנוכה געלט
http://www.hebrewbooks.org/pdfpager.asp ... &pgnum=122

[שאץ מאץ]

א זמירות פון "עוז והדר"

כ'מיין אז די עיקר פון א בחור'ס מתנה איז די פאר שיינע ווערטער וואס דער טאטע שרייבט אים צו,

[גערעכטער]

כ'מיין אז די עיקר פון א בחור'ס מתנה איז די פאר שיינע ווערטער וואס דער טאטע שרייבט אים צו,

RT

[לכאורה]

אוי ווי גערעכט. עס ליגט מיר נאך אין די ביינער (און דער צעטל אין די ארכיוון) א פשוט'ע צעטל וואס דער טאטע זז"ג האט געשריבן מיט חרוזים ביים איבערגעבן א סעט ספרים אלס מתנה.

[פריילאך]

כ'מיין אז די עיקר פון א בחור'ס מתנה איז די פאר שיינע ווערטער וואס דער טאטע שרייבט אים צו,

RT

פאר א בחור א מבין יא. אנדערע דארפן עפעס אנדערש..