הקדמה א': אונז אלע דא ווייסן אוודאי פון די אלעמען באקאנטע ברייט ביינערדיגע פארצווייגטע חסידות 'סיזמע'.
וואס שוין מערערע חדשים וואקסט עס און עס שפרידעלט אויף א מאסשטערבליכע פארנעם, מיט פרישע משפחות און מנינים און הכנות שטיבלעך און גארבעזש בעגס און וואס נישט.
אזש עס דאכצעך אז מען קען זאגן אז עס איז גאר פאסיג צו זאגן: מי שלא שמע מסיזמע לא ראה פארברענגען דאייוועלט מימיו!
איז ביז אהער איז אלעס פיין. די חסידות פארט א מחיה. די רבי שטעלציך צו, ער טיילט מיט א ברייטקייט וואדקע און ברוינפן פון א ענדלאזע קאאלער, ער פארלאנגט גארנישט פונעם עולם, וואס קען זיין בעסער פון דעם...
אבער דא קומט מען צו צו דעם פראבלעם איבער וואס אונז זענען זיך דא היינט נאכט צאמגעקומען.
אקעי, מ'גייט יעצט מאכן פויזע אפאר מינוט, די עולם קען גיין אין ס'כיסע און כאפן א לעקטריק ציגארעטל, אין פינף מינוט ארום גייט מען ווייטער טאנצן. אבער פינף מינוט אויפן זייגער!
- 12963.gif (13.28 KiB) געזען 511 מאל
פיין, ס'דורך פינף מינוט, גיי מיר ווייטער.
יעצט, אז מען רופט די חסידות 'סיזמע' חסידות און טויזנטער אידן זענען זיך מסתופף בצל קאטשעניו פון אדמור''י סיזמע זי''ע פאר דורי דורות, איז אוודאי רעדט מען דא פון א באקאנטע שטאט נישט ווייט פון ווארשע אדער בודאפעסט, ממש עראונד די געפאנישטע קארנער, א זאך וואס דארף זיין גאר גרינג צו געפינען אויפן מפה פרוסה.
אבל דא קוקו!
איך זוך שוין ארום פאר וואכן און חומשים ווי אויף די מאפע ס'געפינט זיך דער שטאט 'סיזמע', אבער אין כל ואין עונה! נישטא!
הצלה! איך הער מענטשן אטעמען שווער פון די שפאנענדע מאמענטן, שטייטס גרייט ביי די געיט!
שוין, קימאט וואס כאב שוין אנגעהויבן שוחד זיין אז דער סיזמע רב האט זיך אויסגעטראכט א נאמען פון ארבעל ארויס און די רעסט איז פינסטערע היסטערי.
למעשה אבער בינעך געווען א חושד מיט א הכשר, אייגענטליך אפאר הכשרים, אקעי, אוי יו רעכענט מען נישט.
און געס וואט, יא! ס'דא אזא שטאט!
ס'טאקע נישט אין די געגענט ווי איך האב עס געזוכט, בכלל נישט, נאר ס'מער אין אונזערע היימישע ספרד'ישע געגענטער, אנשי ספרד.
אין צענטער פון די ארץ רבותינו 'טערקיי' געפינט זיך א שטעטל סיזמע!
דא קענט איר געפינען דעם אויסגעגארטן סיזמע שטעטל אין וויקי און דא אויף גוגל מאפעס.
מען קען דארט זען אז ס'וואקסן דארט פיינע אפריקאט'ס. מיט דעם קען מען שוין אנהייבן פארשטיין אביסל פארוואס די אלטע סיזמע רבי פלעגט אלץ טיילן אפריקאטס בכל עת מצוא.
מען בעט די עולם זאל בלייבן זיצן אויף די פלעצער שטיל און רואיג, די מעמד איז נאך ווייט פון פארטיג.
יעצט, ס'ווערט שוין געפלאנט, ס'נאך אין די פריערע פאזעס, א ריזן מאסן לויה און מעשה קודש ווי מען וועט באזוכן מיטן רב שליט''א ביי קברי אבותיו אין סיזמע.
דערווייל ווערן געמאכט העפטיגע הכנות דערצו, דורך פאברעצירן און בויען א פרישע בית החיים מיט א נייע נארוואס אנטדעקטע אהל פון די אדמו''ר הזאקן מסיזמע הי''ד.
ווי אויך איז מען אין פארברינדונג מיטן ארטיגן מעיאר און מען פארארבעט ער זאל מאכן פראבלעמען און שטעלן פיסלעך, און דערנאך וועט מען מוחה זיין און איבערדרייען עולם ומלואו איבער די וויסטע אנטיסעמעטיזעם קעגן אידן בכלל און סיזמע חסידות בפרט.
דעטאלן וועלן שטראמען ווי וואדקע פון א קאאלער. האלטס אייך צוגעשפאנט צום וואגן.
שוין, פארטיג. די באס קיין סאן פראנציסקאו פארט ארויס אין צען מינוט.
