דער כינוי אייבערשטער-איהר באדייט...

די אחראים: אחראי, גבאי ביהמד

אוועטאר
פרייליכערהייט
שר חמש מאות
תגובות: 502
זיך איינגעשריבען אום: מיטוואך יולי 29, 2009 12:33 am

דער כינוי אייבערשטער-איהר באדייט...

תגובהדורך פרייליכערהייט » מיטוואך נובעמבער 04, 2009 9:30 pm

איך וואונדער מיך צו מען האט שוין בארירט אט די נקודה, אויף וויפיל איך האב גענישטערט אין די ארכיוון, און אין די שוין פארשטויבטע אשכולות פון די יאהרן וואס איך האב נאכנישט באזוכט דא אין קרעטשמע, און דאס ביסל וואס כאב דורכגעבליקט אין קרעמער'ס טיילווייזע מפתח האב איך נישט געפונען רעדן וועגן דעם, ע"כ אזרתי חיל, אויסצושמועסן אביסל,
איך ווייס נישט צו די ווארט באדערט מיך צו איהר מיינונג, צו איהר היסטאריע, צו איהר באניץ, אדער אפשר אלעס אינאיינעם,
דאס ווארט "אייבירשטער" אדער "אייבערשטער" אדער גאהר "אויבערשטער" וואס מיינט דאס, און וויזוי באציט זיך דאס צום "באשעפער" ... אויך א אומפארשטענדליך ווארט, אוקעי סוי כל זה אכניס,
בקיצור וואס מיינט איי-בירשטער, אוקעי ס'פארדרייט געווארן פון "אויבערשטער" די ריכטיגע ווארט, אדער בעסער געזאגט די שורש פון די ווארט איז אויבערשטער, וואס מיינט דאס אבער די וואס וואינט אויבן אין הימל, הייסט רעדט זיך עס פון די צייטן וואס איך האב געמיינט אז דער אייבירשטער וואינט "אויבן אין הימל" ? הייסט עס אז סאיז אמהאראצישע אויסדרוק ? עפעס א מין הגשמה , וידעת היום והשבות אל לבבך כי השם... בשמים ממעל ועל הארץ מתחת אין עוד, איז דער אייבערשטער איבערראל, אין עוד מלבדו, ואתה מחי' את כולם,
וויזוי מען זאל נאר לערנען די ענין פון צמצום כפשוטו אדער נישט כפשוטו , (איכהמל"ב) איז דאך אבער זעכער אז מלא כל הארץ כבודו,
איז דאך אויסגעשלאסן אז עס באציהט זיך צו זיין וואונארט, איי די אויסדרוק "דער פון אויבן זאל העלפן" ? טאקע נישט ריכטיג, איז דאך עס ממש א כעין כפירה'דיגע אדער נוצרישע אויסשלאג, איז עס טאקע אזוי ?
איז וואס יא ? אז ער איז די העכסטע כח, איז וואס עפעס רופט מען דאס אויבערשטער וואס רעדט וועגן מקום אויבן-אונטן-אינדערמיט,
פארוואס איז די כינוי נישט "העכסטער", ? אה ווייל דאן העט מען עס פארטייטשן אז מען רעדט פון הויעכקייט ווערסעס נידריג, אה טאקע א פראבלעם,
איז וואס מיינט עס יא, גראדע איז יא דא אזא פסוק "כי אלקים בשמים ואתה על הארץ על כן יהיה דבריך מועטים" , אהא געטראפן, אבער איין מינוט וואס איז טאקע פשט דערין ?
און איידי דאתינן להכי, וואס איז דאס באשעפער ? אה באשאפער, עז אין בורא ? סתם פארדרייט אוקעי דאס קען זיך שוין מאכן, ... סוכ"ס אזא לאנגער גלות,
כאשר דלת אחת של אושר נסגרת - אחרת נפתחת.אבל לרוב אנו מסתכלים על הדלת הסגורה, ולא רואים את זו שנפתחת עבורנו.

אוועטאר
גרויזאמער
מ. ראש הקהל
תגובות: 3584
זיך איינגעשריבען אום: דאנארשטאג יולי 06, 2006 4:03 pm
לאקאציע: אויף די באלעמער שטיגן

תגובהדורך גרויזאמער » מיטוואך נובעמבער 04, 2009 9:40 pm

חקירה נאה, אבל ימחול כבודו ויתרגם לי באידיש ניגון הבעלזאי "וידעו כי אתה שמך ה' עליון על כל הארץ".
איינגעשריבענע באנוצער וועלכע האבן באדאנקט די תגובה:
קרעמער | צום זאך | צייטליך | גרויזאמער | וויכטיג מאכער | אויפריכטיג | מאשקע | bloomberg4mayor | arender

לחץ כאן למסור תודה על תגובה זו | דווח על תוכן פגעוני

אוועטאר
פרייליכערהייט
שר חמש מאות
תגובות: 502
זיך איינגעשריבען אום: מיטוואך יולי 29, 2009 12:33 am

תגובהדורך פרייליכערהייט » מיטוואך נובעמבער 04, 2009 9:55 pm

גרויזאמער האט געשריבן: אבל ימחול כבודו ויתרגם לי באידיש ניגון הבעלזאי "וידעו כי אתה שמך ה' עליון על כל הארץ".

כל זה אכניס,
וכד דייקת שפיר, תראה שמדברים שם דברים כה סתומים ועמוקים, כי אתה "שמך" , היינו שמדברים משם אחד משמותיו של הקב"ה וב"ש,
לא מהשם רק משמו, כמובן שהוא ושמו אחד , אבל עכ"ז הנושא הוא שמו , ומדבר באופן ספיציפי משם הוי' ב"ה , ודוד צווח וקורא קבל עם ומלואו , שידעו כי זה השם , הוא עליון ? מה זה עליון , - על כל הארץ , אומר עליון מכל הארץ , או גבוה על כל הארץ , לא ולא , עליון "על כל הארץ"
סתרי תורה וכבוד אלקים הסתר דבר , והוא רחום יכפר עוון , ע"כ אומרים בשולי הקרעטשמע,
כאשר דלת אחת של אושר נסגרת - אחרת נפתחת.אבל לרוב אנו מסתכלים על הדלת הסגורה, ולא רואים את זו שנפתחת עבורנו.

יידישיסט
שר חמש מאות
תגובות: 609
זיך איינגעשריבען אום: מיטוואך אוגוסט 13, 2008 10:48 pm

תגובהדורך יידישיסט » מיטוואך נובעמבער 04, 2009 9:59 pm

אז איר האט מקיים געווען אנהייב פונעם ציטירטן פסוק "כי אלקים בשמים ואתה על הארץ", דאן פארוואס האט איר נישט אויסגעפירט אויך דעם סוף "על כן יהיה דבריך מועטים"...?
איך מיין נישט דערמיט צו טשעפען, עס קען פשוט זיין דער ריכטיגער פשט אינעם פסוק, אז "גאט איז אין הימל [כינוי אויף רוחניות], און דו ביסט אויף דער ערד [כינוי אויף חומר], איז ממילא האט נישט קיין זין אז דו זאלסט אנהייבן רעדן אין הויכע זאכן עס צו וועלן פארשטיין, דען א חומר קען נישט פארשטיין רוחניות. און דעריבער איז פשוט ראטזאם "על-כן יהיה דבריך מועטים". פרואוו נישט צו קלעטערן און פילאזאפירן דארט וואו דו קענסט נישט... (מער געצילט צו אן אנדערן אשכול).

הייסט רעדט זיך עס פון די צייטן וואס איך האב געמיינט אז דער אייבירשטער וואינט "אויבן אין הימל" ? הייסט עס אז סאיז אמהאראצישע אויסדרוק ? עפעס א מין הגשמה , וידעת היום והשבות אל לבבך כי השם... בשמים ממעל ועל הארץ מתחת אין עוד, איז דער אייבערשטער איבערראל, אין עוד מלבדו, ואתה מחי' את כולם,


אויב אין פסוק שטייט אזא אויסדרוק דאן פארוואס שרייבט איר "אמעראצישער אויסדרוק"?.. דאס איז נישט קיין הגשמה, נאר א "שיתוף השם" ווי עס ערקלערט דער רמב"ם אין זיין חיבור. אט זעען מיר אין פ' יתרו ווי עס איז קלאר געשריבן "אתם ראיתם כי מן השמים דברתי עמכם", און דאס כאטש וואס אין עטליכע פסוקים פריער שטייט "וירד ה' על הר סיני". ווייזט אויס אז "שמים" קען גענוצט ווערן אלס א כינוי צו רוחניות, און מען מיינט נישט דעם הימל וואס איז איבער אונז. מען מיינט נישט "SKY" נאר ענדערש "HEAVEN". ווען מען רעדט פון רוחניות נוצן מיר שטענדיג דעם אויסדרוק "העכערס", און דאס פארקערטע רופן מיר "נידריגקייט". ווען עס שטייט "אתם ראיתם כי מן השמים דברתי" איז דער באדייט דערפון אז אידן האבן קלאר געזען אז דער באשעפער - כאטש וואס א קול האט זיך געהערט פונעם בארג - איז ער אינגאנצן נישט אנגעקערט מיטן חומר. די נבואה וואס איז געווען אויפ'ן בארג האט געוויזן קלאר אז דער באשעפער רעדט אינגאנצן נאר פון הימל. און צוליב דעם איז טאקע דער המשך פון די פסוקים נאך דעם פסוק, אז עס איז פארבאטן אויסצומאלן דעם באשעפער אין פסלים, וויבאלד ער איז גאר ווייט פון יעדער הגשמה [כי לא ראיתם כל תמונה].

איי די אויסדרוק "דער פון אויבן זאל העלפן" ? טאקע נישט ריכטיג, איז דאך עס ממש א כעין כפירה'דיגע אדער נוצרישע אויסשלאג, איז עס טאקע אזוי ?


נוצרי'ש?? וואס פלוצלונג? די נוצרישע טעאלאגיע ווייסט אויך פונעם סוד אז דער באשעפער איז ווייט פון יעדער הגשמה. איי די טריניטעט... מוטשען זיי זיך טאקע וועגן דעם. אבער דאס איז לעכערליך צו באציען צו זיי הגשמות סתם אין דער וועלט אריין. דו פארגעסט אז זיי האבן גענומען זייער תורה פון אונז...

אוועטאר
פרייליכערהייט
שר חמש מאות
תגובות: 502
זיך איינגעשריבען אום: מיטוואך יולי 29, 2009 12:33 am

תגובהדורך פרייליכערהייט » מיטוואך נובעמבער 04, 2009 10:04 pm

דו פארגעסט אז זיי האבן גענומען זייער תורה פון אונז...

איך פארגעס שוין גארניש , אדרבה וווייל איך געדענק דאס אזוי גוט, זעהט מיר אויס אז זיי האבן אויך פארטייטשט די פסוקים אונזערע, נישט ריכטיג, און דורכדעם טאקע געהאט די שרעקליכע חוצפה אין עזות , אזוי צו פארקריכן אין גאהר קלעימן "אייער" טענה , אז סקומט פון אונז,
מער, און אויף אייער איבעריגע רייד וועל איך מיך מיטן "בוכ"ע" הילף צוריקקערן ווען מיין ציייט וועט עס מיר ערלויבן,
כאשר דלת אחת של אושר נסגרת - אחרת נפתחת.אבל לרוב אנו מסתכלים על הדלת הסגורה, ולא רואים את זו שנפתחת עבורנו.

זיס
שר האלף
תגובות: 1404
זיך איינגעשריבען אום: פרייטאג מארטש 27, 2009 1:06 am

תגובהדורך זיס » מיטוואך נובעמבער 04, 2009 11:05 pm

שטותים און לאקשטן... אידן האבן אלעמאל זיך אויסגעדרוקט אז דער באשעפער וואוינט אויבן...

די גמרא דערציילט אז ווען מען האט געפרעגט פון אביי מיט רבא אלס קינדער וואו וואוינט דער אויבערשטער האבן זיי געוויזן אויף ארויף; נישא לבבינו אל קל בשמים; אבינו שבשמים חי וקים; וכהנה וכהנה רבות.

דו ווילסט פרעגן וואס איז פשט דערפון אז דער באשעפער איז אויבן מער פון אונטן? - בסדר, דאס וועלן מיר דיר באלד מסביר זיין, אבער איין זאך זעסטו אז עס איז פאראן אזא מושג, און דערפאר ווערט ער אנגערופן "אויבערשטער" אדער "אייבישטער".

אלזא צוריק צו דיין קושיא: פארוואס ווערט ער גערופן אויבערשטער? - דער תירוץ איז ווייל מיר געפינען אזלעכע אויסדרוקן פילע מאל און אידן האבן אלעמאל געזאגט "אונזער פאטער פון הימל" אדער "דער פון אויבן זאל העלפן". דאס איז די תירוץ.


אויף וואס דו פרעגט: פארוואס טאקע געפינען מיר כאילו ער וואוינט אויבן, בשעת ער וואוינט באמת אויף די גאנצע וועלט און איבעראל? - וויל איך דיר דערויף פרעגן: "וואס איז פשט פונעם פסוק "ועשו לי מקדש ושכנתי בתוכם"? - דער אויבערשטער רועט דאך איבער די גאנצע וועלט, אויב אזוי פארוואס ווערט עס אנגערופן "בית ה'"? - דער באשפער וואינט דען נאר דארט? - וואס טוט זיך מיט אלע אונזערע בתי מדרשות, וואו עס שטייט אז דארט געפינט זיך דער אויבערשטער, און דערפאר זענען מיר דוקא דארט מתפלל? - פארוואס נאר דארט? - דער באשפער איז דאך מלא כל הארץ כבודו? - פארוואס טאר מען נישט דערמאנען קיין דבר שקדושה אין א בית-כסא? - דער באשעפער איז דאך אויך דארט וכו'?

נאר עס איז פאראן אזא זאך אזדי השראת אשכינה געפינט זיך אין איין ארט מער פונעם צווייטן, עס איז פרארקן פלעצער וואו די השראה פונעם באשעפער איז שטערקער, און אין אנדערע פלעצער וואו עס איז שוואכער.

אין הימל איז פאראן א שטארקע השראת השכינה און דארט געפינט זיך דער באשעפער זייער שטארק, די מלאכים זענען דארט און דער כסא הכבוד איז דארט א.א.וו.

נאך עפעס איז דיר שווער?

אוועטאר
מיללער
שר עשרים אלפים
תגובות: 26042
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » דאנארשטאג נובעמבער 05, 2009 9:36 am

כיהודא (יידישיסט) ועוד (זיס) לקרא, מר. פרייליך, איר האט געשריבען א קשיא וואס איז נישט שווער און געצויגען מסקנות וואס איז נישט בע'טעמ'ט און געברענגט ראיות וואס זענען נישט מאסגעבנד, במחילת כבוד שמחתכם הרמה.

דאס איז אויבן/הויעך איז א כינוי צום אייבירשטען גייט צוריק טאקע צו תנ"ך פון אייער פסוק וואס איר ברענגט און בדברי חז"ל דע מה למעלה ממך, און אבינו שבשמים ווי אנדערע האבן ערווענט ואין כאן שום פקפוק איי פארוואס דוקא דארט ווען עס איז מלא כל הארץ כבודו? וועל אייך צוריק פרעגן מיט א קשיא, איז דען דער הימל אויבן? דאס איז דאך רעלאטיוו דער ערד-קוגל איז דאך כדורי/רינדיג טא וואס איז שייך אויבן-אונטען וואס ביי דיר איז אויבן איז דאך ביי יענעם אונטן, נאר פשט איז אוואו אונזער מורה יידישיסט צתייגט אן אז 'העכערקייט' איז אלץ געווען א מושג פון רוחניות און טאקע ווייל בשמים איז פארהאן ווייניגער גשמיותדיגער מושגים.

דע מה למעלה ממך, עין רואה ואוזן שמועת וכל מעשיך בספר נכתבים!

והוא פלאי
שר האלפיים
תגובות: 2749
זיך איינגעשריבען אום: זונטאג אוגוסט 23, 2009 3:18 pm

תגובהדורך והוא פלאי » דאנארשטאג נובעמבער 05, 2009 1:23 pm

העליון ועינו אל יראיו,
זעהט מען אז דער פייטן איז מכנה דעם אייבירשטער העליון,
האמוראים אודות היכן גר השי"ת הוא אביי ורבא כשהי' ילדים,
עליון אינו לאו דוקא במציאות, אלא במעלה, ודו"ק
למה זה תשאל לשמי...

ברוקלין
שר חמישים ומאתים
תגובות: 372
זיך איינגעשריבען אום: זונטאג אוקטובער 18, 2009 1:53 pm

תגובהדורך ברוקלין » זונטאג ינואר 17, 2010 10:04 am

רמב"ם יסוה"ת פ"ב ה"ו: זה שאמרנו (גבי מלאכים) למטה ממעלתו של חבירו, אינה מעלת מקום כמו אדם שיושב למעלה מחבירו, אלא כמו שאומרין בשני חכמים שאחד גדול מחבירו בחכמה, שהוא למעלה ממעלתו של זה, וכמו שאומרין בעילה שהיא למעלה מן העלול.

אוועטאר
לכל זמן
שר חמישים ומאתים
תגובות: 315
זיך איינגעשריבען אום: מאנטאג אוגוסט 29, 2011 12:51 am

תגובהדורך לכל זמן » זונטאג דעצמבער 25, 2011 9:29 pm

עס איז דא א מיינונג אז דאס ווארט 'אייבערשטער' שטאמט פון לשון אייביג, אייביגער.
עת לקרות | ועת לתגוב

אוועטאר
שוועמל
שר עשרת אלפים
תגובות: 14188
זיך איינגעשריבען אום: מיטוואך יולי 19, 2006 8:40 pm
לאקאציע: גידולו בכל מקום

תגובהדורך שוועמל » זונטאג דעצמבער 25, 2011 11:28 pm

כביכול וואוינט נישט, ווי דער חכם מכל אדם האט געזאגט "האמנם ישב אלהים על הארץ? הנה השמים ושמי השמים לא יכלכלוך, אף כי הבית הזה אשר בניתי". ער איז דאך אין סוף ב"ה.

נאר וואס דען, די אלע לשונות זענען כדי לסבר את האוזן און דערפאר טרעפט מען פסוקים וואס צייגן אז ער וואוינט אויבן (השמים כסאי והארץ הדום רגלי).

אבער בעצם קען מען זאגן אז די "אויבן" איז נישט בכמות נאר באיכות (הדר מרי שמיא, ושליט ביבשתא) כלומר וויבאלד ער איז שליט גם בעליונים, איז ער דאך זיכער נאך מער אויבן פון זיי עד אין סוף ממש.

כך או כך, די קשיא איז נישט אזוי שווער..
שוש אשיש בה', תגל נפשי באלקי! (ישעיה סא)

gamyuchad
שר חמישים ומאתים
תגובות: 303
זיך איינגעשריבען אום: דינסטאג נובעמבער 01, 2011 9:38 pm

תגובהדורך gamyuchad » מאנטאג דעצמבער 26, 2011 1:42 am

השקיפה ממעון קדשך מן השמים.

שוטה
שר האלף
תגובות: 1242
זיך איינגעשריבען אום: פרייטאג אוגוסט 29, 2008 2:21 am

תגובהדורך שוטה » מאנטאג אוגוסט 13, 2012 5:55 pm

זיס האט געשריבן:אלזא צוריק צו דיין קושיא: פארוואס ווערט ער גערופן אויבערשטער? - דער תירוץ איז ווייל מיר געפינען אזלעכע אויסדרוקן פילע מאל און אידן האבן אלעמאל געזאגט "אונזער פאטער פון הימל" אדער "דער פון אויבן זאל העלפן". דאס איז די תירוץ.


אויף וואס דו פרעגט: פארוואס טאקע געפינען מיר כאילו ער וואוינט אויבן, בשעת ער וואוינט באמת אויף די גאנצע וועלט און איבעראל? - וויל איך דיר דערויף פרעגן: "וואס איז פשט פונעם פסוק "ועשו לי מקדש ושכנתי בתוכם"? - דער אויבערשטער רועט דאך איבער די גאנצע וועלט, אויב אזוי פארוואס ווערט עס אנגערופן "בית ה'"? - דער באשפער וואינט דען נאר דארט? - וואס טוט זיך מיט אלע אונזערע בתי מדרשות, וואו עס שטייט אז דארט געפינט זיך דער אויבערשטער, און דערפאר זענען מיר דוקא דארט מתפלל? - פארוואס נאר דארט? - דער באשפער איז דאך מלא כל הארץ כבודו? - פארוואס טאר מען נישט דערמאנען קיין דבר שקדושה אין א בית-כסא? - דער באשעפער איז דאך אויך דארט וכו'?

נאר עס איז פאראן אזא זאך אזדי השראת אשכינה געפינט זיך אין איין ארט מער פונעם צווייטן, עס איז פרארקן פלעצער וואו די השראה פונעם באשעפער איז שטערקער, און אין אנדערע פלעצער וואו עס איז שוואכער.

אין הימל איז פאראן א שטארקע השראת השכינה און דארט געפינט זיך דער באשעפער זייער שטארק, די מלאכים זענען דארט און דער כסא הכבוד איז דארט א.א.וו.

נאך עפעס איז דיר שווער?

במחילת כבודכם, אזויפיהל נארישקייטן צאמצורעדן?

דער אייבערשטער איז אין הימל 'זייער שטארק'? מיט די מלאכים און דער כסא הכבוד? וואו איז דאס? ביי די לבנה? מארס?

דער תירוץ איז אודאי וואס דער גאנצער עולם האט געשריבן [יעדער איינער מיט'ן גאנצן התחדשות] אז ס'מיינט נישט למעלה אין מקום נאר אין מדרגה.
ונפשי יודעת מאד ידיעה ברורה שאין ביצת הנמלה כנגד הגלגל העליון צעירה כאשר חכמתי קטנה ודעתי קצרה (הקדמת הרמב"ן לפירושו עה"ת)


צוריק צו “שפראך, גראמאטיק און דקדוק”

ווער איז אונליין

באנוצערס וואס דרייען זיך דא: נישטא קיין איינגעשריבענע באנוצערס און 2 געסט