כ'האב שיער נישט...

[עס עפעס]

דער ווארט איז ברייט באניצט, אבער קיינער האט מיר נאכנישט געקענט ענטפערן דער ריכטיגער פשט:
שיער
כ'בין שיער נישט אריינגעפאלן אין א שווינדלעריי
כ'בין שיער נישט איינגעשלאפן
און אזוי ווייטער

עמיצער האט מיר פרובירט אויפצוקומען מיט א פשעטיל אויף דער באדייט פונעם ווארט, כ'האב עס שיער פארשטאנען, אבער נישט אינגאנצן...

אפשר קען מיר איינער העלפן?

[מיללער]

נא קרעמער, שטעל עס צאם מיר האבן שוין א שמועס דערוועגן

[farshlufen]

http://www.ivelt.com/forum/index ... pic#p20061

[עס עפעס]

כ'זע יענער אשכול, אבער אויך דארטן פלאגט מען זיך דערמיט.

מיר איז יעצט בייגעפאלן אז דאס נעמט זיך טאקע פונעם לשה"ק ווארט שיעור, וועלכע באדייט א מאס, א צאל. דאס טייטשט אז דער ווארט שיעור איז א באגרעניצונג, הוה ראיה אז ווען מען וויל מגזם זיין זאגט מען "אן קיין שיעור".

די זעלבע זאך, ווען מען זאגט "א באס האט שיער נישט אריינגעקראכט אין מיין קאר", מיינט מען דערמיט אז עס איז געווען א שיעור צווישן דער פאקט אז דאס וואלט געקענט פאסירן און דער פאקט אז דאס האט טאקע פאסירט.

ויש לישב בדוחק

[מיללער]

עס עפעס,
נישטא וואס זיך צו פלאגן דאס ווארט איז 'שיר' [אדער שיהר] און עס איז אן אלטע אידישע אויסדרוק אויף 'באלד/אט/שוין' עס ווערט גענוצט אינעם באקאנטן ניגון 'אלזא שיר און אלזא באלד, בוי דיין טעמפל שירה'.

[אינטעליגענט]

אויך דער "שיר נישט", ווערט שוין דערמאנט צווישן מיינע ווערטער אין יענעם אשכול.
און.. ס'איז א פארדרייטע ווארט.
דער אפשטאם איז פארשטענדליך. ס'איז א דאפלט-נעגאטיוו. איינמאל "שיר", און נאכאמאל "נישט".
און ווי מ'האט שוין פיל מאל גערעדט, איז דאפלט-נעגאטיוו, פאזיטיוו.

[יידישיסט]

עס איז א דייטש ווארט: shier.