ביטע נישט מיט הענט.
קודאס צו הרב מי אדיר. באמת א הערליכע שיינע ארבייט.
ענטפערענדיג די ווארימע אישיס בין איך אביסעל צושמאלצן געווארן פון די ווארעמקייט, און איך וויל עס אויסשמועסן ברבים מיט מי אדיר און מיט על הכל
וז"ל ווארעמע אישי אחד.......
און צו דיך @הרב_איבערלעבער,
חזק ואמץ איך האב זיך היינט ס'ערשטער מאל אגעטראפן מיט דיין אשכול (דורך די לינק אינעם נארסיסיטש'ן אשכול), איך בין בטבע נישט קיין מענטש וואס ווערט איבערגענומען פון געפילן וכדו', אבער כ'האב נישט געקענט ענדיגן צו ליינען דיינע באשרייבונגען פון גרויס מיטלייד, און אויך בין איך מוראדיג נתפעל געווארן פון דיין הויפענעס אמונה און חיזוק וואס די גיסט צאם דארט,
זאל דיך די באשעפער אויף רעכטן גאר בקרוב מיט אלעס וואס פעלט זיך אויס, און דיין אייגענע זכות צוזאמען מיט דיינע זכות אבות זאל דיך ביישטיין צום גוטן, אמן.
עכ"ל
מיין צושמאלצענע ענטפער וז"ל
לגבי די קארטל אי"ה מארגן איז פיין. יישר כח יישר כח.
לגבי די התפעלות וואס די דערמאנסט.
איך הער איך הער.
איך ווער נתפעל פון זיך אליין אסאך מאהל. כהאב נישט קיין אנונג וויאזוי איך טראג עס אריבער און איך האלט זיך נארמאל.
סיסקע רב זאגט מען וואלט געדארפט מאכן א יום תפילה אפצושרייען די גזירה פון ביפידי.
איך מיין אז שולדיג איז די גויישע גאס ביי אונז אידן. דאס איינרעדעניש אז טעראפי איז הצלת הדור. די אמת איז אז טעראפי איז די חורבן הדור. מאז טעראפי איז געווארן ביי אונז א גייענדע זאך איז די נפש געגאנגען מטה מטה.
מיין ערפארונג האט מיר געוויזן אז אלע (זיכער מער ווי 8 בסך הכל) גרויסע און קליינע טעראפיסטן (אויסער איינער, זעה שפעטער) וואס האבן מיר כלומרישט געוואלט העלפן (איך ווייס נישט צו איך זאל וויינען אדער לאכן)..
א. דארפן א רפואה כשלעצמם, פארריקטע מענטשן, חוץ פון א דעגרי ווייסען זיי גארנישט מחייכון ומיוצייכון. אליין מיט די עיביסי'ס.
ב. זיי האבן תיכף געוואלט שפרינגען צו צוטיילן די שטוב. בעת דער אייבירשטער לאזט אויסמעקן זיין נאמען פאר שלום בית פון א פרוי וואס האט עובר געווען נאך קנאה וסתירה.
ג. זיי האבן תיכף געראטן צו רופן די באערדע און מסרן און איינשפארן די מאמע פון מיינע קינדער, נאר א גוי קען דאס אנטראגן. (די תירוץ איז געווען אז זיי מוזן אזוי זאגן ווייל אויב נישט קענען זיי פארלירן די לייסענס).
ד. זיי האבן מיר שטיל געמאכט, זאג מיר נישט אז זי שרייט ווייל דאס איז דאמעסטעק ווייעלענס, איך וועל עס דארפן ריפארטן אלס טשיילד אביוז.
ה. זיי זענען נישט געווען אינטערעסירט אין מיר העלפן. ניין און ניין. נאר געווען אינטערעסירט אין די סעשאן און אין די זייגער.
ה. אה אנטשולדיגט ו. ווען איך האב איינגעזעהן איינס ביי איינס נאך עטליכע סעשאנס פארברענגען מיט זיי און אויפגעהערט גיין צו זיי, האבן זיי אפילו נישט געפרואווט אויפצוהייבן דאס טרייבל פרעגן וואס מאכסטו איז אלעס אלרייט? א. (ז.?) ווייל זיי האבן געזעהן דא זיצט א מענטש וואס פאלט נישט פאר זייער אויסגעביגעלטע בעלוינעס. ב. ווייל זיי האבן געטראפן גענוג נערנים וואס פאלן צו די איינרעדענדע עדווערטייזמענטס. זיי פיהלן אהן זייער לאנגווייליגער טאג און די טאשען מיט סעשאנס, איינרעדענדיג זיך אז זייער ישועה וועט קומען פון דעם אפיס מיט פלעקס פון קאלידש.
( דער איינער וואס האט יא געהאט געמאכט א גוטע רושם מיט א תורהדיגע אויסזעהן, דהיינו כאטש א געלערנטער אבער א תלמיד חכם מופלג (געקאסט 500 א שעה רח"ל) האט מיר געצהט צו דינגען א צווייטע דירה פאר שווערע זמנים איך האב זיך עס נישט געקענט ערלויבן)
איך בין אנגעקומען צו א תורהדיגע מהלך, מיט מיין ראש ישיבה, מיין רב, מיין תלמיד חכם מיין יועץ.
》אמת מען מיטשעט זיך נאך אבער גאלד קעגן וואס עס איז געווען. די עיקר פראבלעם איז יעצט חובות. עס איז מוציא את האדם מדעתו. אז דאס ווערט מסודר בין איך אלרייט בס"ד. זי קען עס נישט איבערטראגן. רוב נארמאלע פרויען קענען אויך נישט. 》
אונזער שורש פון אונזער פראבלעם בדורינו אנו איז אז די אידישע מענטשהייט איז געגאנגען לערנען חכמת חיים ביי די גוים אנשטאט פון די תורה.
די (אומ)מענטשהייט וואס האט זיך געלערנט אין קאלעדש און גייט מיט שמאלע הויזן, זיי מעגן זיי קענען, און זיי האבן די קראדענדטשעלס צו העלפן ערליכע אידן מיט ראט און טאט אין די הייקעלסטע ענינים. חינוך שלום בית עצות הדרכות השקפה וכולי וכולי. זיי בלאזן אריין זעלבסט זיכערקייט וכו' (זיי זעלבסט האט קיין זיכערקייט כלל וכלל) בו בעת די מיט די ש"ס מונח בקופסא עבודת השם איז נר לרגלם האבן נישט קיין ווארט אויף אונז.
אין די נישט לאנגע פארגאנגענהייט איז א שלום בית פראבלעם געלעזט געווארן ביים רבין ביים ראש ישיבה ביים רב ביים תלמיד חכם ביים מגיד שיעור.
היינט ביים סמארטפויניסטישער מיניסטער מיט א דוקטוראט.
בכלל די גאנצע מושג און איינרעדעניש אז מען דארף זעלבסט זיכערקייט בו בעת אלע ספרים זענען פארנומען מיט אקוראט דאס קאפויער. מען דארף זיין בעניוות נישט בגאות.
שוין עניוועי. די נקודה איז מען דארף ליארעמען אלע אונזערע מוסדות (איך בין דארט איך זעה עס בחוש) וואס ערלויבן די חינוך זאל ווערן צוביסלעך איבערגענומען פון קאלידש גראדואירטע איטערנעט אויסווארפן מיט געביגעלטע סוטס און געקעמטע בערד (דהיינו ביי די וואס האבן נאך). וכן ביי די מיידלעך (איך הער עס). עס איז א שאנדע.
מען לערנט נישט אויס די אידן זיך צו פירן ווי אידן. מען לערנט אויס אידן צו זיין אידן ווי די גוים זענען גוים. חכמה בגוים תאמין תורה בגוים אל תאמין.
טאף לאק. עס וועט גארנישט העלפן. א מלמד וואס מיטשעט זיך פאר 40 אלפים א יאהר (ער מעג שוין מאכן מער) און שטייט אויף פארטאגס און לערנט פארן דאווענען און איז אין קלאס 9 אזייגער און זינגט מיט די קינדער מה טובו אוהליך יעקב קען מער אריינבאקן תורה און יראת שמים און לעבנסטגליק אין די קינדער ווי א אויסגעשאקלטער לולב געביגעלטער כאסידישע קאלעדש אינגערמאן מיט צוויי (אפיציעל נישט גענוצט אין פארנט פון די תלמיד, נאר לצורך פרנסה קען דכר תלמיד מאכן דארט א טעראפי שפיל), סמארטפונס (די גרעסער איז אויפן טיש, די קלענערע אין די האנט), וואס מאנכע קומען יא אדער נישט געדאווענט 10 אזייגער און נעמט ארויס זיינע קעלבלעך צו מעלקן פאר א סעשאן, און טשארדשן פאר דריי. שוין והבן קי כצארתי... ער גייט אויסלערנען ס'קינד גמרא ווי עס וואלט געווען עפעס א חכמה מיט קאלידש שכל.
א חידוש אז יצא העגל הזה?
זאת ועוד, צענדליגע הוילע לופטיגע עדווערטייזמענטס איז דא וואס פארקויפט די טעראפי שקר. כאילו אזויפיהל מענטשן ווייסן וויאזוי צו פיקסן די מענטשהייט און אויסלערנען צו לעבן מיט שמחת החיים, מער ווי אונזער פולע פאליצעס ספרי מוסר אין אונזער ספרים שאפע. שטותים מיט טשיס לאקשן. זיי דארפן פרנסה וזהו.
עטוואס פארקראכן פון די ענין. צוריק. לבטלה דעתי די שורש ליגט אין די פארנאכלעסיגונג פון אונזער הייליגער חינוך. די שורש ליגט אין דעם ויטוש אלוקה עשהו מען דינט נישט דעם באשעפער.
צוריק מעין הפתיחה דו ווייסט וואס האלט מיר ביים זינען? דער אדון עולם מיט זיין תורה. והוא קלי וחי גואלי, וצור חבלי בעת צרה, והוא ניסי ומנוס לי מנס כוסי ביום אקרא. נישט טעראפי און נישט קאלידש. קאפיטל כה עיין שם. ראה עניי ועמלי. דערפאר בין איך בס"ד אן איבערלעבער.
כאב זיך אביסעלע צולאזט... איך וועל פרובירן צו מאכן צייט צו מסדר זיין די ברוזענדע מחשבות עס זאל אויסזעהן שענער און זיין געשמאק צום ליינען ווי ביי מי אדיר אין אשכול.