LMND
אונזער היימיש באקאנטע לעמאנעיד, פון הנגידים לבית שרייבער. קען איך נישט דעסיידן וואס צו טוען מיט דעם סטאק. געמישטע געפילן.
LMND איז אן אינשורענס קאמפאני, וואס וויל אינגאנצן טוישן די וועג וויאזוי אינשורענס גייט צו, זיי ווילן מיט די הילף פון ארטיפישעל אינטעלעדזשענס מאכן דער גאנצער סיסטעם ווי מער אויטאמאטיש, אן קיין מענטשן אריינרעדן. פון די אנדעררייטינג, ביז די קלעים. זיי בארימען זיך אז דו קענסט האבן דיין קלעים ביז געציילטע סעקונדעס אפראוועד. ארום 33% פון זייערע קלעימס ווערן אפראוועד אויטאמאטיש, דו זאגסט אריין א ווידאו, און מר. פלוני, דער באאט, אנאלעזירט עס, ער הערט זיך גוט צו צו דיין שטימע אויב דו זאגסט ח"ו ליגנט, און עס ווערט אפראוועד. און אפילו ווען נישט איז דא אסאך קלענערע אינטערווענירונג אין די פראסעס.
זייער טענה'ן אז מענטשן קוקן אן אינשורענס קאמפאניס זייער שלעכט. זיי ווילן טוישן דעם אימעדזש. זיי זענען זייער יוזער פרענדלי.
זיי האבן רענטער'ס אינשורענס, היים אייגענטומער אינשורענס, פעט, און טערם לייף אינשורענס. (נאכנישט אין אלע סטעיטס). און זיי ארבעטן יעצט אויף אויטא אינשורענס.
זיי האבן אן אייגענארטיגע וועג וויאזוי זיי נעמען די פראפיט, זיי טיילן זיך בעצם מיט אנדערע קאמפאניס, ריאינשורערס. נאר 30 פראצענט האלטן זיי פאר זיך. איך בין נישט אזוי קלאר פונקטליך וויאזוי דאס ארבעט.
--
עס זענען דא וואס טענה'ן אז זיי האבן נישט קיין עכטע עדווענטיזשעס מער ווי די געווענליכע, ווייל יעדער קען עס נאכמאכן. אבער איך מיין אז עס איז זייער נישט פשוט פאר א קאמפאני צו אויפזאגן שווערע טויזענטער ארבייטער פון איין סעקונדע אויפן צווייטן. און דאס איז חוץ המעשה, אז לעמאנעיד סערווירט דעם יונגן דור, דער עלטערער דור וויל רעדן מיט א מענטש, מ'קען נישט הייסן פאר א 65 יעריגער צו אויסארבעטן זיינע גרויסע פאלעסיס מיט עפעס א באאט.. עס גייט נישט ארבעטן.
---
דער עיקר שאלה איז, זייער סטעבילעטי. און דער ווערד פון דעם סטאק. זיי דערלייגן געפערליך. דאס איז זיכער. אבער זייער גראוט איז אויך זייער שיין. ס'זענען דא וואס טענה'ן אז זייער ביזנעס מאדעל איז ריסקי. און דער ווערד איז אויך נישט זייער ביליג, ארום 44 די רעוועניו.
--
האב איך נישט קיין אהנונג פארוואס איך שרייב דאס. אבער אפשר דאך וועלן מענטשן הנאה האבן...
איך מיין אז איך וועל דאס איבערלאזן פאר אנדערע אידן. אבער איך וועל נישט פארקויפן דאס וואס איך האב, כאטש איך בין דאון ארום 20 פראצענט. איך האב דאס געקויפט ווען מאטלי פאאל האט דאס רעקאמענדעד.. און אראפגעעווערעדזשד שפעטער. און ס'פאסט מיר נישט ארויסצוגיין מיט א לאסס... סא מ'וועט ווארטן, און האפן אויפן בעסטן...
דער בעסער ארטיקל וואס איך האב דערווייל געטראפן איז
https://seekingalpha.com/article/446110 ... e-is-a-buy און אין די קאממענטס אונטען. בכלל איז דער מעלה פון די סייט, אז דא קענסטו טרעפן אלע נעגעטיווס...