שכח אלע באדאנקערס!
--
די קאסטן פון די M31 מיסלס האב איך גענומען פון
א אנאליסט ביי CSIS, יענער גיט אן די מקור דערויף, איך האב נאכגעקוקט די מקור און נישט געהאט געדולד אויסצורעכענען אדער פארשטיין וואס ער ווייזט דארט, אבער CSIS איז פארלעסליך און דער שרייבער ווייסט וואס ער רעדט. און יעדער קען עס אליין אויסטשעקן ביי זיין מקור.
אבער איך זע איצט אז איך האב געמאכט א שטיקל טעות, עס קאסט $168,000 אזא מיסל, נישט $180000 ווי איך האב פריער געהאט געשריבן.
און איך וויל טאקע מוסר מודעה זיין אז איך מאך זייער אפט אזוינע טעותים, איך ליין אפ זאכן זייער שנעל און שפעטער שרייב איך זאכן פון זכרון ארויס, איך שרייב זייער שנעל און איך עפ''י רוב קוק איך נישט איבער בעפארן שיקן תגובות, און דעריבער איז מצוי אזוינע טעותים אין מיינע תגובות, ווי אויך, געווענטליך וועט מיין מוח ראונדן ציפערן, אויב שטייט 5.5 מייל וועל איך געווענטליך שרייבן אדער 5 אדער 6, איך בין נישט קיין מדקדק און איך קוק נישט איבער זאכן בעפאר איך שרייב, מיט דעם אלעם גלייב איך אז איך בין נישט אפגערוקט מיט מער פון צען פראצענט פון די ציפער אויף וואס איך באזיר מיין שרייבאכץ.
--
איך האב זייער שטארק ארויסגעברענגט א נקודה אז די רוסישע געווינסן אין דאנעטסק זענען נישט אזוי מאסיוו, מיין שריפט מאכט עטוואס אוועק די געווינסן ווייל די ציהל איז געווען אויסצושמועסן די math פון די לעצטערע רוסישע געווינסן און עס פארגלייכן צו די מעטה וואס עס ערווארט זיי אויב ווילן זיי איינעמען גאנץ אוקריינע אויף די זעלבע מהלך, אבער די געווינסן זענען פארט געווינסן און זיי זענען סטראטיגיש זייער וויכטיג די עיקר שלאכטן זענען געווען ביי דריי פיר ערטער, בילאהאריווקע ווי די רוסן האבן שנעל און מיאוס פארלוירן, סווערידאנעטסק/ליסיטשאנסק ווי אוקריינע האט פארלוירן, און פאפאסנע ווי די אוקריינער האבן פארלוירן, די פאר ערטער זענען טאקע נישט אזוי גרויס, אבער עס איז ערווארטעט אז פון דא און ווייטער וועט זיין א דאומינאו עפעקט ווי די אוקריינער קענען פארלירן א גרויס טייל פון דעם שטח וואס זיי באזיצן איצטערט אין דעם דאנבאס ראיאן, די רוסן האבן שוין איצט די מערסט סטראטעגישע ערטער, די איבריגע איז שוין פיל לייכטער בייצוקומען, 1. די אוקריינער זענען ארומגענומען אין א רינג. 2.זייער ארט איז פיזיש זייער שמאל זיי געפינען זיך אין א פאס וואס איז ארום 20 מייל ברייט ווען פון ביידע זייטן זענען די רוסן אויפגעריסטעט. 3. די אינפראסטראקטור וואס דארף ארויסהעלפן די אוקריינער סטראנספארטירן כלי מלחמה זענען שוין חרוב. 4. איצט וועלן זיך די אוקריינער געפינען נידריגער פון די רוסן וואס שטייען העכער זיי אויף בערג, די קומענדיגע ארט פאר די אוקריינער זיך צו פלאצירן איז א שיין ביסל אוועק פון ליסיטשאנסק.
אויב וועלן די אוקריינער נאך איצט שנעל באווייזן דאס אומגלויבליכע קונץ צוריקצוכאפן א גוטע דיפענס ארט הארט נעבן ליסיטאשנסק האבן זיי נאך שמאלע שאנסן אויסציציען זייער אנוועזענהייט דארט פאר לענגער, אויב נישט וועלן זיי לכאורה מוזן איבערלאזן א שיינע פאר מייל אויף הפקר ווי נאר די רוסן הייבן אן מיט א פרישע אפענסיווע.
די עיקר רוסישע געווינס איז טאקע געווען אויף קליינע שטחים, אבער די עפעקט וועט געוויס זיין אז זיי וועלן איצט קענען אייננעמען גאנץ א שיין שטיק שטח פיל לייכטער ווי עס איז זיי געגאנגען ביז איצט.
אבער דאס איז נאר ווייל די אוקריינער זענען שוין אין דעם רינג פאר גאר א לאנגע צייט, און די נקודה איז נאך אלץ אמת, דערווייל איז די רוסישע געווינסן פון וואס מען רעדט די לעצטע 4 וואכן גאנץ קליינע שטיקער טעראטאריע, און די math איז -לענ''ד - גענצליך אומאיינשטימיגמיט די הרגשה אז פונקט ווי זיי האבן געווינען אין סווערידאנעטסק אזוי אויך קענען זיי געווינען גאנץ אוקריינע, עס שטומט נישט אפילו בלויז אויף סומי מיט כארקיוו וכדו'.
זקן מלא רחמים.