צל עובר האט געשריבן:ווייל אויל איז א גלאבאלע קאמאדיטי
נעם ווייץ פאר א משל, אמעריקע איז פון די גרעסטע עקספארטירער, אבער וויבאלד רוסלאנד/אוקראינע זענען אויך, גייט ארויף די פרייז אפילו דא.
אלעס ווענדט זיך צו וואו די שארטעדזש איז און וואו די סופליי איז. איך קען נישט די ווייץ אינדוסטריע, אבער ווען מען רעדט פון א פראדוקט וואס ווערט אימפארטירט קיין אמעריקע פון אנדערע לענדער, דארף מען דאס נעמען אין באטראכט. ווייל לאמיר זאגן אז א גרויסער טייל אמעריקאנער קויפן אימפארטירטע ווייץ אדער מעל, און רוב אמעריקאנער פראדוצירטע ווייץ ווערן עקספארטירט צו לענדער, וואו עס שאפט זיך א גרעסערע שארטעדזש ווי אין אמעריקע, וועט זיך די פרייז דערפון הייבן אויטאמאטיש גלאבאל. און אז גלאבאלע ווייץ פרייזן הייבן זיך, דאן וועלן אמעריקאנער צאלן טייערער אויך פאר אימפארטירטע ווייץ. פשט איז אז דארט ווי דער שארטעדזש הייבט זיך אן, דארט הייבט זיך אן די אינפלאציע, און עס צעשפרייט זיך. אויב אבער די אמעריקאנער מארקעט וואלט געווען פארפלייצט מיט אמעריקאנער ווייץ, דאן וואלט נישט געווען קיין סיבה צו הויכע פרייזן אין אמעריקע, ווייל אפילו אין אנדערע לענדער איז דא שארטעדזש, דאך וויבאלד אמעריקאנער קויפן נישט פון יענע לענדער, זענען זיי מסודר מיט די שפע פון אמעריקאנער ווייץ.
וכן הוא ביי אויל. אויב איז די סיבה פאר די הויכע פרייזן, וויבאלד אין אנדערע לענדער שאפט זיך א שארטעדזש, דאן אויב אמעריקאנער קויפן אימפארטירטע אויל, וועלן זיי שפירן די הויכע פרייזן אפילו אויף די אויל פראדוצירט אין אמעריקע, וויבאלד די דימענד פאר אמעריקאנער אויל וועט אויך וואקסן. וואס פאסירט אבער אויב אמעריקע פארפלייצט איר אייגענע מארקעט מיט אייגענע אויל, איז דאך די גענוג סופליי צו ביעטן די דימענד. דאן וועלן אמעריקאנער קענען אויפהערן קויפן אימפארטירטע אויל, און קענען געניסן פון די אייגענע ביליגע אויל.
כ'מיין אז איך רעד צום זאך..
