אויף מיין הארץ א שלאס,
גלייך ביים ערשטן שאס,
פארמאכט הערמעטיש די טויערן,
ווען די אויגן זענען פארמאכט,
און מ'שרייט ניין, פארטראכט,
איז נישט דא אויף וואס צו טרויערן,
פארפרוירן מיט א פראסט,
נישט געקוקט אויף קאסט,
וואס ברויך איך מיין לעבן פארזויערן,
וואסער נישט שפאלטן קען,
- מיינע שטיינדעלעך ווען,
- שטייף פארבויעט זענען מיינע אויערן,
איך רוק זיך ארויס פון שפיל,
ווייל א קעניג האט אויך געפיל,
איך וויל באמת ליבערשט זיין פון די פויערן,
גארנישט צו טיף גרייכט,
איך נעם דאס לעבן לייכט,
געזעצט אין זייט, מיט מיינע קעמלען הויערן,
איך ווייס מ'קומט צונויף,
אבער צו מוז איך זיין אויף?
איך דארף גיין פארשטארקערן מיינע מויערן,
אויפאמאל ס'רינט א טרער,
לעבן אן הארץ איז שווער,
כ'וויל שלאפן, ווי לאנג וועט דער פארמעסט נאך דויערן?
איז דער ארטיקל געשריבן אין 'גראמען'? דאן רעיט אינעם ערשטן אפציע לויט'ן שטאפל איר האלט אז עס איז. איז דער ארטיקל 'פאעטיש' געשריבן? דאן רעיט אינעם צווייטן אפציע לויט'ן שטאפל איר האלט אז עס איז. אויב פעלט פון דעם ארטיקל איינס פון די צוויי אויבנדערמאנטע, דאן מאכט א טשעק ביי "נישט נוגע".