געבער אדער נעמער?
ווער ביסטו, מיין פריינד ביים טיר
מיין בונד צו דיר, מיט קניפעניש
מיין לייב מיין זעל, מיין דערקוויקעניש
אין מיר דו ברענגסט, זאטקייט אין שפיר
מיר א זאג, וועסטו מיר שענקען
ווען אין קאלטן לעבן איך וואנדער ארום
ווען אומפארשטענדעניש, אומעטום
פון טיפעניש, טו איך בענקען.
*
אמת "דו ביסט מורא'דיג", איז דער נייגונג
זאגט צו מיר, איך, מיט איבערצייגונג
ער פאר דיר צעדרייט ווערט, שפירט ווי א בלעטל
ווי א מורישקע אונטער אחימן, גייט דער פשעטל
ארויף צו מיר ער קוקט, איך בין זיין שיין
א שפיר, קיין חסרון אין מיר פארהאן
געב א קוק, ער לויפט נאך דיין שפאן.
*
פססס... רופט ער צו מיר
א מינוט, בעפאר דו לויפסט
פון מיר אוועק, דו שטויסט
ווארט א מינוט, איך רעד צו דיר
שטיל ער זאגט, כמעט ווי איך הער
א שטימע קוים הערבאר
ווי פון אונטער'ן ראדאר
מיין פריינט, מיין לעבן
צו דיר איך טו שטרעבן
איך גיי אויס, פאר דיר איך דארשט
דיין גוט ווארט, צו הערן איך ווארט
ווי א צווייג אן בוים, אליין פארלאזט
ווען דו פון מיר, פארביי דו שפרייזט
ווען פון ווינקל איך זע דיר, אויפ'ן אנדערן זייט שטראז
ווי איך וועל לויפן פרעגן
קום מיט מיר פארברענגן
צו דיין ליבליכן גלעט, איך גאַר ביז'ן עלות
איך דארף דיר האבן, נאך ווי
דעם אמת איך ווייס, פון וואו.
איך רעד זיך נישט איין אוי
ווי פריער געשריגן, האט איך גענוי
מיין פריינד, איך בין גוט אזוי
יא, צופרידן זיין איך וועל
פארגינען דיר א קוועל
מיט דיר שמועסן, פארוואס'זשע נישט
קען דען שאטן, אביסל טשוכעניש
אבער באקומען דיין נשמה'דיגן
שמייכל וואס גליעט דאס ווארעמ'דיגן
פון דיין גרעניצלאזע ליבע, זיך בארירן
אין מיינע פאמפנדע אדערן, זיי צירקולירן
אויף מיינע ליפן נישט ארויפברענגען
אפילו אין הארץ זיי לאזן הענגען.
ניין! ווי א רויער בלעטל
ווי א ליידיג זעקל
איז וואס איך שפיר
אן דיר
איין שטיק חסרון
צעפאטשקעט און צעפארן
ווען נישט דיר מיין פריינט
בין איך דען דא היינט.
*
איך דריי זיך אויס אין שאק
איז דאס מיין שטימע געווען
איז ער אין מיין ראָק
האט אים איינער גערופן דען
וואו איז דער איך, אזוי צוגעלאזן
דא געשטאנען קוים פריער
געזאגט קלינגעדיגע פראזן
געגלאנצט מיינע באקן אין מיר.
א סקרוך דורך לויפט
שוין ווייטער מיר פארקויפט
ער שטייט דארט פארשעמט
די פיאות האלב פארקעמט
מורמלט ארויס, אבער פארט
איך האב קלאר געהערט דארט
דיין פריינט דיין ליבער
אן דיר, ווי אליין איז ער.
*
שטיי איך אזוי, בין סדין און האמער
א געבער בין איך, אדער גאר א נעמער.
איז דער ארטיקל געשריבן אין 'גראמען'? דאן רעיט אינעם ערשטן אפציע לויט'ן שטאפל איר האלט אז עס איז. איז דער ארטיקל 'פאעטיש' געשריבן? דאן רעיט אינעם צווייטן אפציע לויט'ן שטאפל איר האלט אז עס איז. אויב פעלט פון דעם ארטיקל איינס פון די צוויי אויבנדערמאנטע, דאן מאכט א טשעק ביי "נישט נוגע".
