שרייבעריי פארמעסט תש"פ - #17 - די בילדערבערג געהיימניס

געשמאקע ארטיקלען און באשרייבונגען

די אחראים: יאנאש,אחראי,געלעגער

וואס איז אייער רעיטינג אויפ'ן ארטיקל? אינהאלט | שפראך | אווער אלל רעיטינג

די וואלן האבן זיך געשלאסן דינסטאג יוני 23, 2020 4:14 pm

3
2%
★★
6
3%
★★★
2
1%
★★★★
13
7%
★★★★★
39
21%
3
2%
★★
1
1%
★★★
4
2%
★★★★
9
5%
★★★★★
43
23%
4
2%
★★
2
1%
★★★
4
2%
★★★★
12
6%
★★★★★
42
22%
 
סך הכל שטימען: 187

אוועטאר
פלטיאל
שר האלפיים
תגובות: 2465
זיך איינגעשריבן אום: מאנטאג אפריל 13, 2015 10:19 pm
לאקאציע: בערך פופצן מינוט אוועק...

שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך פלטיאל »

[align=center]בילד[/align]

פארכמורעטע וואלקענעס האבן באצירט די עטוואס פארטונקלטע הימל, אייז-קאלטע ווינטן האבן געיומערט דורכשניידנדיג די ליידיגע גאסן מיט א ווייעדיגן פייף, פון צווישן די פארהאקטע לאדנס האט ארויסגעשפארט א אומעטיגע ליכטיגקייט פון פרימיטיווע נאפט-אייוועלעך וואס האבן געצאנקעט דעם ארום מיט א אומהיימליכן שיין, דערווארעמענדיג אירע פארקלאמערטע איינוואוינער וואס האבן זיך דערקוויקט מיט א ווארימע טיי.

פון צייט צו צייט האבן די טונקעלע וואלקענעס ארויסגעלאזט א הילכיגן ברום, אנזאגנדיג אירע צוהערער איבער א ווינטערדיגע רעגן וואס איז אין וועג צו באטרעפן דאס שטעטל, אט האט זיך ווידער געהערט א גערויש פון אינדרויסן, די איינוואוינער האבן זיך איינגעצויגן די גלידער ערווארטנדיג דעם הילכיגן זעץ פונעם נאכפאלגנדיגע דינער, דאסמאל אבער איז עס נישט געקומען, אנשטאט איז די גערויש געווארן העכער און אט האט זיך דערזען א לאנגע קאראוואן פון טונקל-שווארצע לימוזינען וואס האט זיך געשלענגלט איבער די שטילע גאסן, אין א טאקטישן ליניע.

די קאראוואן האט דורכגעשניטן דעם שטעטעלע און געצויגן אירע פיסטריט צום האטעל דע בילדערבערג וואס איז געווען פלאצירט איבער א ריזן שטיק לאנד, פארמויערט מיט הויך מאנסטערישע ביימער וואס האבן געווארפן זייערע פארצווייגטע שאטנס איבער א גרינע מאסע פון נאטור פארשטעלנדיג זייער עקזיסטענץ פון נייגעריגע אויגן.

די שטילע איינוואוינער פונעם קליינטשיג האלאנדישן שטעטל אוסטערביק - וואס א גרויסע מערהייט פון זיי זענען געווען איינוואוינער אין די עלטערע יארן, האבן ארויסגעבליקט פון די פארהאקטע שויבן שפאלטענעס און באטראכט די פרעמדע אינוואדירער מיט פארדאכט, איינס נאך איינס זענען די לימוזינען פארשוואנדן געווארן פון האריזאנט ווערנדיג איינגעשלינגן אין דעם נאטור-באזירטע ביימער מויער, איבערלאזנדיג די לאקירער מיט אן אומגעשטילטע נייגער.

אומגעפער פינף שעה שפעטער, זענען די לימוזינען געווען אויפן וועג פארלאזנדיג דעם האטעל פארנדיג אויפן זעלבן ליניע, איינע אונטערן צווייטן, די רייזענדע אינערהאלב די לימוזינען זענען געזעסן אונטער טונקל-באדעקטע פענסטער באדעקט מיט געוועבטע פירהאנג וואס האט אוממעגליך געמאכט זיי צו אידענטיפיצירן פון אינדרויסן, די קאראוואן האט זיך ארויסגעשיילט פונעם האטעל – וואס האט שפעטער באקומען דעם כבוד צו טראגן דעם נאמען פון דעם שוין היינט באקאנטע - דאן געהיימע גרופע, די בילדערבערג גרופע.

די בילדערבערג גרופע איז פאר יארן לאנג געווען א לעגענדע, וואס האט צירקולירט פון מויל צו אויער, די לעגענדע האט געוואוסט צו פארציילן איבער א געהיימע מאכטפולע גרופע פון די וועלטס-עליטע וואס קומען זיך צוזאם צו דיסקוסירן די וועלטס פראבלעמען און אירע לייזונגען, די גרופע איז באשטאנען פון א געמיש פון פערזאנען פון פארשידענע לענדער און קאנטינענטן און צווישן אירע מיטגלידער האבן זיך געציילט די מערסט מאכטפולע און איינפלוסרייכע פיגורן וואס דער וועלט האט פארמאגט.

זעלבסט פארשטענדליך אז דאס איז אלעס איז קאטעגאריש פארלייקנט געווארן דורך אירע אנגעבליכע מיטגלידער, אפווארפנדיג יעדע סארט באשולדיגונג איבער אזא גרופע און פארלייקנדיג איר עקזיסטענץ.

די בילדערבערג גרופע איז געווען דער סאמע צענטערפונקט פון פיל קאנספיראציעס און טעאריעס, פארשידענע פאלקס מעשיות האבן צירקולירט צווישן די מאסן איבער עפעס זייער געהיים און מאכטפול וואס שפילט זיך אפ אינערהאלב די גרופע, די סודות'פילע באנעמונג און נאכאנאנדע פארלייקענונג האט בלויז צוגעלייגט אויל צום פייער, געבנדיג דעם געפיל אז עפעס גאר געהיים באהאלט זיך דערונטער.

און נישט אומזיסט.

ליינט איבער די פאנטאסטישע אבער אומ-באקאנטע געשיכטע פון דען מיגעלס, א געשיכטע וואס איז לעצטנס אנטדעקט דורך די באקאנטע וויקיליעקס גרופע אין א סעריע פון האר-אויפשטעלנדע געשיכטעס וואס טוט אונטערשטיצן פארשידענע "קאנספיראציעס", בעסער געזאגט – וואס איז געווען אנגענומען אלס "קאנספיראציעס" ביז די באווייזן זענען געווארן אויפגעדעקט און געפונען זיך אפן פאר די וועלט, פאר ווער עס וויל זיך איבערצייגן.

דען מיגעלס איז געווען א פאפולערע דזשורנאליסט וואס האט געדינט אין די ניו יארק טיימס, מיגעלס האט גענומען אויף זיך א לעבנס מיסיע און פערזענליכע אוואנטורע צו דערגיין די אינערליכע סודות וואס שפילט זיך אפ אינערהאלב די בילדערבערג גרופע און אויפדעקן אירע געהיימעניסן, די מיסטעריעזע נאטור ארום די גרופע האט נאר גרעסער געמאכט זיין רייץ שטאפל צו דערגיין אירע סודות און לייזן די מיסטעריע דערונטער, מיגעלס איז געווען אנטשלאסן צו אויפדעקן די עקזיסטענץ און מאטיוון פון די גרופע, און האט זיך נישט אפגעהאלטן פון גארנישט.

מיגעלס האט באוויזן צו אנקניפן באציאונגען מיט א געוועזענער בילדערבערג מיטגליד, איינער וואס איז אנטשלאסן צו בלייבן אין געהיים און וויל בלייבן אנאנים, דער יעניגער האט מיטגעטיילט פאר מיגעלס האר-אויפשטעלנדע פאקטן איבער די גרופע און זייער איינפלוס איבער די וועלט.

צווישן די טעמעס וואס מען האט ארויפגעברענגט אויפן טיש זענען געווען וואס מען האט געקענט אנרופן און באצייכענען אלס פאנטאסטיש, שאקירנד אדער אומגלויבליך, מען האט גערעדט פון נוקלאערע באנוץ פון פארשידענע לענדער, די איינפלוס פון בילדערבערג איבער גלאבאלע האנדל, די ראלע פון די אמעריקאנע גאווערמענט אין די מייקראסאפט פירמע, די נוצן וואס בילדערבערג האט פון צפון קארעא און נאך.

עס האט גענומען לאנגע יארן אבער מיגעלס איז געזיצן און אפירגעקראצט שטיקל נאך שטיקל, באווייז נאך באווייז ביז ער האט באוויזן צו אהערשטעלן א עטוואס פולקאם בילד איבער די גרופע און אירע געהיימע אקטיוויטעטן.

געווען איז עס א געוויסע מאנטאג אינדערפרי, ווען מיגעלס האט ערהאלטן א אנאנימע אימעיל פון א פארשוין וואס האט זיך אידענטיפיצירט מיטן נאמען הערי, ווען מיגעלס האט געעפנט דעם אימעיל האט ער פארפעלט א הארץ קלאפ.

דער אימעיל שיקער האט זיך אנגעגעבן אלס איינער וואס האט געדינט אין "דער קלאב" - דאס איז געווען דער צונאמען פאר א גרופע עליטע פראגראמירער וואס האבן געארבעט פאר די קאמפעני מייקראסאפט, (די באקאנטמאכונג פון "דער קלאב" איז אויך צו פארדאנקן "וויקיליעקס").

"דער קלאב" זענען געווען די וואס האבן געשריבן און קאדירט די "ווינדאוס" פראגראם פאר מייקראסאפט.
וואס ווייניג האבן אבער געוואוסט, איז אז מיטגלידער פון "דער קלאב" זענען באשטאנען פון געוועזענע איינגעשטעלטע ביי די אמעריקאנע ענ-עס-עי, פון די בעסטע מוחות וואס די אמעריקאנע גאווערמענט האט פארמאגט.

אינעם אימעיל וואס "הערי" האט געשריבן פאר דען, האט ער געמאלדן זיין פרייוויליגקייט צו "רעדן" איבער "דער קלאב", און דער פארבינדונג פון די אמעריקאנע גאווערמענט צו דער בילדערבערג גרופע אין וועלכער "ביל געיטס" האט זיך גערעכנט אלס מיטגליד.

צו איבערצייגן אז ער ווייסט וואס ער רעדט האט ער מיטגעשיקט א מעמאו וואס האט אנטהאלטן א גענויע בלו-פרינט פון א אנגעבליכע "טרעקינג סיסטעם" וואס איז אנגעבליך געוארן אריינגעבויעט אינעם ווינדאוס סאפטוועיר, וואס האט געזאלט האלטן קאנטראל אויף יעדעס קאמפיוטער און אירע באנוצער.

לויט "הערי" איז די טרעקינג סיסטעם אראנדזשירט געווארן דורך די ענ-עס-עי!

מיגעלס האט זיך געציפט צו ער לעבט, די האראוואניע פון יארן האט זיך אנגעהויבן צו אויסצאלן. דער פארשוין האט אנגעוויזן זיין גרייטקייט זיך צו טרעפן פערזענליך צו מיטטיילן מער דעטאלן און ארויסהעלפן מיט פארשידענע אינפארמאציע אנבאלאנגט בילדערבערג, מען האט אפגעשמועסט א באגעגעניש אויף די קומענדיגע וואך מיטוואך אין דעם "בענדערס טעווערן" רעסטוראנט אין קענטאן אהייאו.

מיגעלס איז געווען היבש נערוועז צום באזוך, נישט וואסנדיג וואס צו ערווארטן דארט, א שטילע פארגעפיל האט אים פאראויסגעזאגט אז עפעס טויג נישט דא, אבער איז געווען גרייט צו איינשטעלן.

ער האט איבערגעגעבן פאר זיין ווייב די לאקאציע פונעם באזוך און איר געמאלדן אז אויב ער רופט נישט אהיים ביז עלף אזייגער זאל זי גלייך רופן די פאליציי, ער האט איבערגעגעבן פאר זיין ווייב א קאפי פון זיינע ארכיוון און איר געמאלדן אז אויב עפעס פאסירט זאל זי עס איבערגעבן פאר זיין קאלעגע מיטארבעטער, וויליאם רעיט.

מיטוואך אינדערפרי איז געווען א זוניגער טאג, מיגעלס האט זיך ארויסגעלאזט אויפן וועג אין זיין זילבערנע ביואיק, באגלייט מיט א רעקארדער און א נאטיץ בוך, אויפן וועג האט ער באקומען א אימעיל פון "הערי" אז עס האט זיך געמאכט א קליינע פארשפעטיגונג און ער וועט זיין א שעה שפעט.

מיגעלס האט אנגערופן זיין ווייב זאגנדיג אז עס וועט זיך פארציען שפעטער ווי געפלאנט און זי זאל נישט זארגן, דאס איז געווען די לעצטע מאל וואס זי האט געהערט זיין שטימע.

א טראגישע עקסידענט האט פארשניטן זיין אינגן לעבן.

ווען די פאליציי איז אנגעקומען צום סצענע האבן זיי געפונען א מעטאל-פאררייכערטע סטרוקטור אין די פארעם פון א צוקאליטשטע קאר , און זיי האבן בלויז געקענט באשטעטיגן דעם אומקום פונעם דרייווער וועמענס קערפער איז קיינמאל נישט אידענטיפיצירט געווארן און איז פארשוואונדן געווארן צוזאמען מיט די אפגעשריבענע מעמוארן און נאטיצן וואס האט זיך געפונען ביי אים אין טאש.

זיין ווייב איז געווען צושוידערט.

זי האט גוט געדענקט איר מאנ'ס לעצטע ווערטער, און האט זיך באלד פארבינדן מיט רעיט און אים איבערגעגעבן וואס דא האט פאסירט, רעיט איז פון אנהייב געווען סקעפטיש, אבער ווען זי האט אים געוויזן די מעמוארן און ארכיוון וואס איר מאן האט פארמאגט אין זיין באזיס האט זיך די בילד געטוישט.

רעיט האט איבערגענומען דעם אוצר און זיך געזעצט שטודירן אלע אפענע פיילס, דער בילד איז געווען זייער קלאר.

רעיט, וואס האט געדינט אלס קא-עדיטאר פון די טיימס האט זיך אראפגעזצט שרייבן א ארטיקל איבער זיינע אנגעבליכע געפונסן און די פארדעכטיגטע אומשטענדן און וואס מיגעלס איז געשטארבן - וואס לויט רעיט'ס ווערטער איז דאס געווען א "אויסגערעכנטע מארד" פון געוויסע "זייער מאכטפול" - רעיט האט אראפ געשריבן אלע דעטאלן און אינפארמאציע און דאס אריינגעשיקט צו זיין אויבערהאר.

דער ארטיקל האט געדארפט ערשיינען דעם קומענדיגן זונטאג, צוויי טאג דערויף איז רעיט אריינגעפאלן אין בעט מיט א שווערע פיבער וואס האט נאכגעפאלגט מיט א מח אומבאלאנס, רעיט איז קורצליך דיאגנאזירט געווארן מיט א מיסטעריעזע גייסטישע מחלה ל"ע וואס האט פאראליזירט זיין גאנצע קערפער און געפונט זיך היינט אין א גייסטישן אנשטאלט שוועבנדיג ערגעצוואו.

אה, און פארגעסן צו דערמאנען, דער ארטיקל האט קיינמאל נישט געזען די שיין פונעם זון.

איינער "זייער מאכטפול" ווי רעיט וואלט אים באצייכנט האט זיך געזארגט אז די אינפארמאציע זאל ווערן פארווישט און פארשווינדן ווערן פון די ארענע.

די פונקטליכע פרטים פון מיגעל'ס אנפלעקונג וועט לכאורה בלייבן א געהיימעניס אויף שטענדיג, עס בלייבט אונז נאר איבער צו שפעקולירן וואס אזאנס ער האט אנטדעקט אין וואס מאנכע זענען געווען אויסן צו פארדעקן.

די געשיכטע זעט אפשר אויס ווי א קאנספיראציע, אבער ווי אומגלויבליך עס הערט זיך איז עס ווייט פון א קאנספיראציע, די בילדערבערג גרופע עקזיסטירט ווירקליך, און צווישן אירע מיטגלידער ציילן זיך אזעלכע מאכטפולע פיגורן ווי די קלינטאן פאמיליע, ביל געיטס, די בוש פאמיליע און נאך.

א קליינע פראבלעם נאר, אחוץ אז עס איז ווירקליך פארהאן א גרופע וואס רופט זיך "די בילדערבערג גרופע" איז די איבריגע טייל פון די געשיכטע מיט אלע דעטאלן ארום א פשוטע פאבריקאציע פאנטיזירט אינעם מח פונעם שרייבער, עס האט קיינמאל נישט פאסירט.

ברוכים הבאים צו די וועלט פון קאנספיראציעס, א וועלט וואו זאכן ברויכן נישט באמת פארקומען, א וועלט ווי פאנטאזיעס, פאבריקאציעס און טעאריעס זענען פאקטן, און פאקטישע מציאת איז קיין ארטיקל.

פארשער האבן זיך לאנג געמוטשעט צו פארשטיין וואס ליגט אונטער א קאנספיראציע טעאריע, וואס מאכט מענטשן האבן א נייגונג צו גלייבן איבער עפעס מאכטפול און געהיים, עפעס מער טיפער ווי דאס וואס דער פליישיגער אויג זעט. נאך פארשידענע שטודיעס זיי זענען געקומען צו די מיינונג אז מענטשן וואס גלייבן קאנספיראציעס און גלייבן אייביג אז עס ליגט עפעס "טיפער", זענען אזעלכע וואס האבן א נייגונג צו זיין "ספעציעל" און "אנדערש" ווי דער פשוטער המון עם.

די זענען מענטשן וואס האבן ליב ווען זיי ווערן אנערקענט אלס "מער ווי נארם" און "קלוגער" ווי זייערע ארומיגע, די סארט מענטשן וועלן געווענליך אויך זיין אפגעזונדערט פון מענטשן און לעבן אין זייער אייגן געזעלשאפט ווי דארט הערשט עפעס מער געהיים און טיפער ווי דער ווירקליכקייט.

אלזא, קומענדיגע מאל איר גלייבט אין א "קאנספיראציע" טראכט ווי גרינג עס איז צו פאבריצירן איינס, איר ברויכט נאר האבן צוויי דריי אמת'ע פאקטן - און צומאל דאס אויך נישט, און איר זענט גוט צו גיין.


[align=center]דער שרייבער ווארט אויף אייער פידבעק! גיבט אפ אייער רעיטינג אויפ'ן ארטיקל, און לאזט אייך הערן דא אינעם אשכול.[/align]
לעצט פארראכטן דורך בלעכענער פנים אום דינסטאג יוני 16, 2020 3:19 pm, פארראכטן געווארן 1 מאל.
מיין מיינונג קען זיך אפשר טוישן אבער נישט דער פאקט אז איך בין גערעכט!
דייקן
שר חמש מאות
תגובות: 673
זיך איינגעשריבן אום: זונטאג פעברואר 02, 2020 1:32 pm

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך דייקן »

בלעכענער פנים האט געשריבן:פארשער האבן זיך לאנג געמוטשעט צו פארשטיין וואס ליגט אונטער א קאנספיראציע טעאריע, וואס מאכט מענטשן האבן א נייגונג צו גלייבן איבער עפעס מאכטפול און געהיים, עפעס מער טיפער ווי דאס וואס דער פליישיגער אויג זעט. נאך פארשידענע שטודיעס זיי זענען געקומען צו די מיינונג אז מענטשן וואס גלייבן קאנספיראציעס און גלייבן אייביג אז עס ליגט עפעס "טיפער", זענען אזעלכע וואס האבן א נייגונג צו זיין "ספעציעל" און "אנדערש" ווי דער פשוטער המון עם.

די זענען מענטשן וואס האבן ליב ווען זיי ווערן אנערקענט אלס "מער ווי נארם" און "קלוגער" ווי זייערע ארומיגע, די סארט מענטשן וועלן געווענליך אויך זיין אפגעזונדערט פון מענטשן און לעבן אין זייער אייגן געזעלשאפט ווי דארט הערשט עפעס מער געהיים און טיפער ווי דער ווירקליכקייט.

אלזא, קומענדיגע מאל איר גלייבט אין א "קאנספיראציע" טראכט ווי גרינג עס איז צו פאבריצירן איינס, איר ברויכט נאר האבן צוויי דריי אמת'ע פאקטן - און צומאל דאס אויך נישט, און איר זענט גוט צו גיין.


[align=center]דער שרייבער ווארט אויף אייער פידבעק! גיבט אפ אייער רעיטינג אויפ'ן ארטיקל, און לאזט אייך הערן דא אינעם אשכול.[/align]


די גאנצע ארטיקל איז זייער שיין און פאכמאניש געשריבען, די עיקר איז -לדעתי- די לעצטע 3 פאראגראפען (אפשר זאל דער ניק וואס זיין חתימה איז אז קאנספעראציעס איז צו פארשטיין דבר מתוך דבר, טוישען זיין חתימה צו די לעצטע פאר שורות דא).
אוועטאר
פרישע קוגל
שר שלשת אלפים
תגובות: 3014
זיך איינגעשריבן אום: מאנטאג יאנואר 13, 2020 1:14 pm
לאקאציע: און עוד מלבדו - דענווער קאלאראדא

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך פרישע קוגל »

א מין זאפטיגע שפראך.... כ'הבאב מורא אז כ'ווייס ווער ס'איז...
ממש געוואלדיג!
אוועטאר
נשמה
שר שבעת אלפים
תגובות: 7114
זיך איינגעשריבן אום: זונטאג מאי 03, 2009 8:12 pm
לאקאציע: אינעם קערפער ביז די הונדערט און צוואנציג געזונטערהייט

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמה »

ניין טאטע ניין, ניין פאטער ניין. אוי איז דעס א גוטע ארטיקל. אוי די אייז קאלטע ווינטן, אוי די פארהאקטע לאדנס איי איי די ווייעדיגע פייף. איי און ווען זיי ציען זיך איין די גלידער, ציה איך עס איין צוזאמען מיט זיי.

אוי, נו, נו.

ס'דא ווען א קאראווען פארט ארויס פונעם האטעל. נאכדעם איז דא ווען א קאראוואן שיילט זיך ארויס פונעם האטעל.

:lol: איך לאך פון די פאבריקאציע. איך האב עכט געמיינט אז ס'איז א עכטע געשיכטע.

יעצט געענדיגט. גיימיר עס נאכאמאל אנאליזירן.

כדי צו קענען שרייבן דאס וואס דער שרייבער קען, דארפסטו זייער אסאך שרייבן דו דארפסט פשוט נעמען א געשיכטע, דמיון אדער עכט, און זיך נעמען שרייבן. דער שרייבער האט א מורא'דיגער שפראך. זעהט אויס אז ער האט זיך דאס געלערנט פון אסאך אסאך ליינען, און שרייבן.
אוועטאר
simcha
שר האלף
תגובות: 1316
זיך איינגעשריבן אום: מיטוואך אפריל 22, 2020 3:04 pm

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך simcha »

גוט גוט...

איך גלייב דיר ניטאמאל אז עס איז נישט אמת, דאס איז א קאנספיראציע אז עס איז נישט אמת, איך לאז מיך נישט אזוי שנעל אינטערקויפן אז עס איז נאר א קאנספיראציע...
וואס טוט זיך
שר שבעת אלפים
תגובות: 7240
זיך איינגעשריבן אום: זונטאג מארטש 31, 2019 5:38 pm
לאקאציע: איינע פון די באהאלטענע סאב פארומס

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואס טוט זיך »

אוי ביסטו גוט.....

פיינע סורפרייז.
קודם געווען שאקירט פאר א סעקונדע, און נאכדעם זיך פיין אונטערגעשמייכלט.
אחוץ דעם פיינעם ארטיקל, האט עס א פאוערפול מעסעזש, "נישט אלעס דארף עפעס האבן טיפער אינטערדעם".

555
אני מאמין באמונה שלימה, שהבורא יתברך שמו, הוא בורא ומנהיג לכל הברואים, והוא לבדו עשה ועושה ויעשה לכל המעשים.
באקסער בוים
שר האלף
תגובות: 1857
זיך איינגעשריבן אום: דינסטאג יאנואר 31, 2017 12:41 pm

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך באקסער בוים »

שוין, באלד העסטו מיר נאך אויך לייקענען אז ס׳עקזיסטירט נישט קיין דיעפ סטעיט..

זייער שטארק הנאה געהאט, שכח פארן שרייבער, זייער אינטערעסאנט און ליינט זיך גאר פליסיג.
איך האב בכלל נישט קיין מיינונג איבער די נושא, ס'איז זשאסט געשריבן אין די וועלט אריין.
אוועטאר
חוח בין השושנים
שר ארבעת האלפים
תגובות: 4132
זיך איינגעשריבן אום: זונטאג מאי 19, 2019 12:30 pm

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך חוח בין השושנים »

האסט מיר גענומען אויף א פיינעם 'רייד'!

הערליך און צוקער זיסער ארויסגעברענגט דיין 'פוינט'! זייער קרעאטיוו!
אביסל טיפער
שר האלף
תגובות: 1821
זיך איינגעשריבן אום: מוצ"ש יאנואר 11, 2020 8:09 pm
לאקאציע: לאנדאן 1935

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך אביסל טיפער »

עס איז נישט דא וואס צו שרייבן נאר
געוואלדיג
א פינף שטערן פאר אלעס!
ספענט 20$ און באקומט 20$ דורך זיך אויפסיינען דא
און אזוי אויך באקומט איהר קעשבעק ווען איהר קויפט איין נאכן זיך אויפסיינען

"און פארגעסט נישט אז תורה איז די בעסטע סחורה"
וואס טוט זיך
שר שבעת אלפים
תגובות: 7240
זיך איינגעשריבן אום: זונטאג מארטש 31, 2019 5:38 pm
לאקאציע: איינע פון די באהאלטענע סאב פארומס

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך וואס טוט זיך »

אויב 'קריעטיוויטי' וואלט געווען א שאלה, וואלט דאס (לכאורה) געווען די נאמבער 1 ביי מיר.
אני מאמין באמונה שלימה, שהבורא יתברך שמו, הוא בורא ומנהיג לכל הברואים, והוא לבדו עשה ועושה ויעשה לכל המעשים.
קהילת יקנה''ז
שר האלף
תגובות: 1260
זיך איינגעשריבן אום: מאנטאג מאי 25, 2020 11:36 am

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך קהילת יקנה''ז »

אביסל טיפער האט געשריבן:עס איז נישט דא וואס צו שרייבן נאר
געוואלדיג
א פינף שטערן פאר אלעס!

"שיקט אריין" אלטע בילדער פון קרית יואל צו :
[email protected]


און מיר וועלן עס ארויפשטעלן אויפן וועלטל!
אוועטאר
מארגן
שר האלף
תגובות: 1445
זיך איינגעשריבן אום: זונטאג מארטש 29, 2020 4:24 pm

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך מארגן »

געוואלדיג
אויב די ווילסט מיר עפעס זאגן ציטיר מיר
[email protected]
אוועטאר
פעיק ניוז
שר עשרים אלף
תגובות: 24206
זיך איינגעשריבן אום: דינסטאג יוני 13, 2017 8:49 pm
לאקאציע: אנאנימע סאורסעס

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך פעיק ניוז »

דער איז א ריכטיגער שרייבער, זייער א פראפעסיאנאלע שפראך.

אגב, צום שרייבער: ליין די 'אידישע אונטערוועלט' ארטיקל און זאג מיר צו עס זענען נישט פארהאן קיין קאנספיראציעס...
עס איז מיר בעסער צו זיין אן אנעדיוקעטעד חכם ווי איידער אן עדיוקעטעד טיפש
אוועטאר
ארלאנדא
שר האלף
תגובות: 1804
זיך איינגעשריבן אום: דאנערשטאג יאנואר 09, 2020 8:47 am

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך ארלאנדא »

זייער שיין אין אינטערעסאנט
שאד סעאיז נישט אמת
הק' אלי' ראובן לאנדא
אוועטאר
געלעגער
שר עשרת אלפים
תגובות: 12250
זיך איינגעשריבן אום: זונטאג מאי 17, 2009 5:52 pm

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך געלעגער »

זייער שטארק הנאה געהאט
א נעכטיגע שרייבער גענומען אויף א גוטע רייד. איך האב שוין אינמיטן געכאפט אז עס שטימט נישט אבער עס האט דאך נישט אוועק גענומען די געשמאקייט פון ענדיגן.
די נושא איז גוט, געשריבן איז עס גאר גוט, בלייבט נאר איבער צו לויפן רעיטן
אוועטאר
איינס
שר עשרת אלפים
תגובות: 18800
זיך איינגעשריבן אום: דינסטאג סעפטעמבער 26, 2017 9:16 am
פארבינד זיך:

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך איינס »

איינס און אזעלכעס!

ברענג נאך אויך נאכן פארמעסט.
נישט קאנספיראציעס, נאר נאך פון די סחורה...

נישטא וואס צו צולייגן, עני ווארט וועט איבערדרייען דעם ארטיקל צו א קאנספעראציע.

שפראך אינהאלט און אווער אלל
5 5 5
אחד היה אברהם - שעבד את ה' רק על ידי שהיה אחד, שחשב בדעתו שהוא רק יחידי בעולם ולא הסתכל כלל על בני העולם!
אוועטאר
לכאורה
שר עשרים אלף
תגובות: 28117
זיך איינגעשריבן אום: דינסטאג אקטאבער 20, 2009 2:43 pm

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך לכאורה »

גוט גוט, האסט עס פיין געמאכט מיט מיר, ווי אנדערע רופן עס 'גענומען אויף א רייד'
אוועטאר
שמחת עולם
שר חמש מאות
תגובות: 836
זיך איינגעשריבן אום: דינסטאג דעצעמבער 31, 2013 7:35 am

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך שמחת עולם »

יא, נישט דא וואס צו רעדן, דאס איז א געוואלדיגע ארטיקל, א הערליכע שריפט און מיך געהאלטן געשפאנט ביז צום סוף.
זייטיגע נאטיץ
"שבע יפול צדיק וקם"
נישט אלעמאל האט מען די ברירה, מען מוז זיך דרייען אויפן געוועב וועגן פרנסה וכדו', שבע יפול צדיק...
אבער ...דאט.קאם(com.) - עס מוז זיך ענדיגן מיט ...וקם!
אוועטאר
מחשב
שר שלשת אלפים
תגובות: 3563
זיך איינגעשריבן אום: דינסטאג יולי 17, 2018 3:57 pm

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך מחשב »

זייער א פיינער שרייבער. א גוטער תוכן, און א פליסיגע און רייכע שפראך. מצוין!

נאר איין פראבלעם, אז היות די ארטיקל איז ווארשיינלעך געשריבן געווארן "לאור המצב" ברענגט עס מיר כמעט שוים אויף די ליפן פון כעס, אנשטאט בלויז זיך אונטערהאלטן אויף די חשבון פון (קלוגע-אייגענארטיגע-ייחודיות'דיגע) קאנספיראטארן.

שוין.
אוועטאר
קלמן יאסעלע
שר חמש מאות
תגובות: 944
זיך איינגעשריבן אום: דינסטאג נאוועמבער 19, 2019 9:33 am
לאקאציע: ערגעצוואו

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך קלמן יאסעלע »

פון די געווינער ארטיקלען!!!!!!!
די שרייבער מאכט חוזק פון דעם לייענער...
שלעפט דיך אריין מיט אפאר וויקליכקייטן ווי למשל וויקיליעקס, היימישע נעמען, און דאן אומבאמערקט אריין אין פיקציע, און ביים שלוס פלוצלינג און ציניש..

"ברוכים הבאים צו די וועלט פון קאנספיראציעס, א וועלט וואו זאכן ברויכן נישט באמת פארקומען, א וועלט ווי פאנטאזיעס, פאבריקאציעס און טעאריעס זענען פאקטן, און פאקטישע מציאת איז קיין ארטיקל."

און דאן אביסל באפעלעריש...

"אלזא, קומענדיגע מאל איר גלייבט אין א "קאנספיראציע" טראכט ווי גרינג עס איז צו פאבריצירן איינס, איר ברויכט נאר האבן צוויי דריי אמת'ע פאקטן - און צומאל דאס אויך נישט, און איר זענט גוט צו גיין."

אבער גאר גאר גוט!
ייש"כ
!Vox Populi, Vox Dei
אוועטאר
שטומפיג
שר ששת אלפים
תגובות: 6999
זיך איינגעשריבן אום: מיטוואך יולי 11, 2018 8:30 pm
לאקאציע: צווישן קענט און בראדוועי

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך שטומפיג »

אייגנארטיגע איידיע, גוט אראפגעלייגט.
סופער ארטיקל.
אינפארמאציע! די ניק איז שוין נישט אקטיוו
בלעכענער פנים
שר האלפיים
תגובות: 2659
זיך איינגעשריבן אום: דאנערשטאג אפריל 04, 2019 12:51 pm

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך בלעכענער פנים »

האסט מער טאקע גענומען אויף א רייד, אבער איך ווער משוגע פאר אזאנע ריידס... קיפ איט אפ!
אוועטאר
ענדע צדיק!
שר שמונת אלפים
תגובות: 8100
זיך איינגעשריבן אום: מיטוואך יולי 17, 2013 4:44 pm
פארבינד זיך:

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך ענדע צדיק! »

מחשב האט געשריבן:זייער א פיינער שרייבער. א גוטער תוכן, און א פליסיגע און רייכע שפראך. מצוין!
צ' כפופה וץ' פשוטה... היינו נאמן כפוף נאמן פשוט. וברש"י: נאמן כפוף - אדם כשר צריך להיות כפוף ועניו וסופו להיות פשוט וזקוף לעולם הבא: (שבת קד.)
בלאג - מיינע ארכיוון
אוועטאר
נשמת השכל
שר ארבעת האלפים
תגובות: 4649
זיך איינגעשריבן אום: מיטוואך מאי 02, 2018 1:04 pm
לאקאציע: ערגעץ וואו, נאכנישט באשטימט...

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך נשמת השכל »

פעיק נוז האט געשריבן:אגב, צום שרייבער: ליין די 'אידישע אונטערוועלט' ארטיקל און זאג מיר צו עס זענען נישט פארהאן קיין קאנספיראציעס...

http://www.ivelt.com/forum/viewtopic.ph ... 7#p1363907
יעדע גוטע באגריף וואס גייט אן פאר צו לאנג ווערט צום סוף אויס גוטע באגריף
אוועטאר
אויף געבלאזן
שר האלף
תגובות: 1049
זיך איינגעשריבן אום: דינסטאג יאנואר 14, 2020 8:58 pm

Re: שרייבעריי פארמעסט תש"פ - #17 - די בילדערבערג געהיימניס

  • ציטיר
  • צו לייגן א דאנק דארפט איר זיין אריינגעלאגט

תגובה דורך אויף געבלאזן »

קלמן יאסעלע האט געשריבן:פון די געווינער ארטיקלען!!!!!!!
די שרייבער מאכט חוזק פון דעם לייענער...
שלעפט דיך אריין מיט אפאר וויקליכקייטן ווי למשל וויקיליעקס, היימישע נעמען, און דאן אומבאמערקט אריין אין פיקציע, און ביים שלוס פלוצלינג און ציניש..

"ברוכים הבאים צו די וועלט פון קאנספיראציעס, א וועלט וואו זאכן ברויכן נישט באמת פארקומען, א וועלט ווי פאנטאזיעס, פאבריקאציעס און טעאריעס זענען פאקטן, און פאקטישע מציאת איז קיין ארטיקל."

און דאן אביסל באפעלעריש...

"אלזא, קומענדיגע מאל איר גלייבט אין א "קאנספיראציע" טראכט ווי גרינג עס איז צו פאבריצירן איינס, איר ברויכט נאר האבן צוויי דריי אמת'ע פאקטן - און צומאל דאס אויך נישט, און איר זענט גוט צו גיין."

אבער גאר גאר גוט!
ייש"כ

א חשד מעג מען האבן אז עפעס ליגט דא טיפער
מען מעג האבן א חשד אויף געוויסע מיט חשבונות נישט אייביג דארף מען זיי גלייבן וויאזוי זיי זאגען עס און וואס זיי זאגען (און וואס נישט) די חשד איז א בחינה פון סוואלט געקענט זיין אמת דעיס אדער עפעס ענדליך צו דעם

אגב איך האב זייער הנאה געהאט פונעם באשרייבונג אבער די נקודה דיס עגרי עך
שכח פאר אלעם ביז אהער דער אייבישטער זאל העלפן ווייטער
שרייב תגובה

צוריק צו “היימישע קרעטשמע”