Who knows האט געשריבן:איך לייג נישט קיין לינק, אבער מילתא דעבידי לגלויי לא משקרי אינשי
מר. ווער ווייסט, איך וויל מיך באציען איין מאל פאר אלע די ״לינקס״ וואס די שטעלסט אהער.
קודם כל, מען האט דיר שוין כמה פעמים געבעטן, דער אשכול איז נישט די פלאץ פאר דיינע לינקס, אבער די האלטסט נישט ביים אויפהערן פאוסטן דא. דיין תירוץ איז, אז אין אקטועלע וויל מען נישט לייגן דיינע תגובות, איך האב דיר שוין מסביר געווען אז די סיבה פארוואס מען לייגט נישט דיינע תגובות איז וויבאלד די שטעלסט בלויז ארויס א לינק, אן ברענגן די ארטיקל. בקיצור דיינע תגובות זענען נישט בעצם ווערט צו זיין אויף אייוועלט, אבער ס׳איז באמת נישט מעקבאר אויך נישט. הגם אויב זאל איך מדווח זיין, איז גאנץ מעגליך אז ס׳וואלט יא געפלויגן, ספעציעל צוליב דעם וואס ער איז נישט אין זיין ריכטיגע אשכול.
און יעצט, א מענה אויף אלע דיינע לינקס, ס׳איז דא א זאך אין סטאיסטיקס, וואס הייסט די null hypothesis, וואס מיינט דאס? דאס מיינט, אויב א זאך איז לא מעלה ולא מוריד, וואס וואלט איך מיר גערישט צו זעהן? למשל, אויב זאל איך נאכגיין 100,000 מענטשן, וויפיל פון די מענטען וועלן שטארבן? וויפיל וועלן באקומען בלאד קלאטס? וויפיל וועלן כאפן הארץ אטאקעס? די אמת איז, אז דאס ווענדט זיך אין די משך הזמן וואס מען גייט זיי נאך, אויב פאר א טאג, איז די צאל קלענער, אויב פאר צוויי וואכן איז די צאל העכער, עלטער איז אויך א פאקטאר, וכו׳ וכו׳. מילא ווען מען גייט נאך מענטשן, און מען וויל זען אויב א זאך האט אן עפעקט, דארף מען קודם אויסרעכענען וואס איז די null hypothesis, וואס איז די חשבון אויב די וואקסין איז די זעלבע ווי פשוט׳ע וואסער. דערנאך, ווען מען האט די דעטע, דאן קען מען דאס פארגלייכן צו די null hypothesis, און דערנאך קען מען זאגן, קוק די null hypothesis האט געזאגט אז עס וואלט געדארפט זיין אזוי, און די דעטע ווייזט אז ס׳איז נישט אזוי, מילא קען מען זאגן אז דאס איז צוליב די מעדיציען אדער דראג.
יעצט דיינע העדליינס, ווייזן קיין מאל נישט וואס די null hypothesis איז, זיי צייגן בלויז די דעטע, אבער די דעטע אליין, אן די צוגלייך צו די null hypothesis איז גארנישט ווערט. די ארטיקלען וועלן יא אסאך מאל ברענגען די null hypothesis, אזוי ווי די שרעקדיגע העדליין וואס די האסט נישט געוואלט לייגן די לינק צו די ארטיקל. ער ברענגט יא די null hypothesis.
But the regulator said a review into the issue concluded that the symptoms were not happening more frequently in newly vaccinated women than the general population. It said it would continue to 'closely monitor' the situation.
בקיצור, ווען מען פארגלייכט די דעטע צו די null hypothesis, דאן זעט מען אז די גאנצע זאך איז איין שטיק גארנישט, ס׳איז פשוט די null hypothesis. דאס איז פונקט ווי ערווארטעט, און אלע דיינע לינקס גייען אויף די זעלבע מהלך, קום לאמיר נאכגיין מיליאנען מענטשען, און לאמיר זען אלע מחלות וואס באפאלט זיי, און דערנאך שרייען קוק! די וואקסין שעדיגט! איי דאס איז פונקט די זעלבע ווי די null hypothesis, דאס לאמיר איגנארירען.