היות מאנכע טענה'ן אז איך קען מאכ'ן געלט אויף דער ארטיקעל, און איך בין נאך נישט זיכער צו זיי מיינען עס ערענסט, לייג איך דערווייל ארויף א כל הזכויות שמורות דערויף!
היות אז די טערמין פון אחשורוש לויפט שוין באלד אויס, קומט יעצט פאר א העפטיגע פארמעסט צווישן די פראנט לויפערס פון די צוויי גרויסע פארטייען. פון די רעכטע זייט לויפט די עקסטרעם קאסערוויטיווע קאנדידאט – מרדכי יהודאווסקי, און פון די לינקע זייט לויפט די עקסטרעם ליבעראלע קאנדידאט – המן כוסעין האמדאסא.
אין בעפארברייטונג צו די גרויסע וואלן וואס גייען בקרוב פארקומען וועט יעצט פארקומען א פאליטישע דעבאטע, וואס איז געספאנסערט דורך אל דזשעזירא אין צוזאמענהאנג מיט די איראנישע גארד טעלעוויזיע. איך - אלץ מאדירעיטער - וועל פארשטעלען שאלות אין פאליטישע טעמעס פאר ביידע קאנדידאטען אייניג, און עס וועט זיין פאר זיי אן אפערטוניטי קלאר צו שטעלען זייערע פאשידענארטיגע מיינונגען און שטעלעס. איך וויל קלאר מאכן אז ביידע קאנדיטאן האבן זיך אונטער גענומען נישט פערזענליך אטאקירען איינע דעם אנדערע, און איך בעט זייער אז מ'זאל זיך האלטן צו דער החלטה ווי ווייט מעגליך.
מאדירעיטאר:
מ'וועט אנהייבען מיט'ן דעמאקראטישע קאנדידאט המן האמדאסא, אפשר פארציילסטו אונז אביסל איבער דיינע עקספיריענס און דיינע קרעדענטשעלס צו ווערען פרעזידענט פון די וועלט מאכט וואס ווערט יעצט געפירט דורך אונזער געשעצטער אחשורוש.
המן כוסעין האמדאסא:
לעידיס ענד ג'עמטעלען איך האב אסאך עקספיריענס זייענדיג א חלק פון די קענעגליכע קאבינעט. בכלל וועל איך דאך זיין די פרעזידענט וואס גייט ברענגען "טשעינדזש" צו דער לאנד. און אז מ'ברענגט "טשעינדזש" דארף מען נישט טויגען צו דער דזשאב, די עיקר אז מ'האלט אין איין איבער זאגן די ווארט "טשעינדזש" נאך אמאל און נאך אמאל, און די מאסן וועלען שוין לויפען אין די פאולס און אפגעבען זייערע שטימע, און איך וועל מיך זיצען אין דערהיים און קונה זיין די פרעזידענטשאפט ב"שינוי". אדרבא, מיין אפענענט האלט זיך מיט עקשנות צו די אלטע וועגען און האלט נישט ביים מאכן קיין "טשעינדזש" כל שהוא. זאל ער אונז זאגן וואס זיינע קרעדענטשעלס זענען צו ווערען פרעזידענט.
מרדכי יהודאווסקי:
דער המן האט איין ווארט וואס ער הערט נישט אויף צו זאגן, "טשעינדזש" און נאך אמאל "טשעינדזש". אפשר קען ער מיר זאגן וואס ער וועט טון ווען אן אנדערע לאנד וועט פרובירען צו אטאקירען זיין לאנד? וואס איז זיין עקספיריענס מיט די מיליטער? הא? ער האט פארלוירען איין מלחמה נאכן אנדערע. אונז האמיר אבער געוואונען איין מלחמה נאכן אנדערע. וואס איז זיין עקספיריענס מיט פיסקעל (פינאנץ) ריספאנסעביליטי? הא? קענסט אונז אפשר זאגן וואס דו האסט געטון ווען די עסען פון דיינע סאלדאטען זענען אויס געלאפען אזוי פרי? גיב א קוק אונטער מיין שיך וועסטו טרעפען די ענטפער.....
המן כוסעין האמדאסא:
גיבט א קוק! ער האט געהאט סלעיווס, עבדים! ער איז געווען אקעגען די ציווילע רעכטען מאוומענט! ער אליין האט געהאט קנעכט!
מרדכי יהודאווסקי:
פארדריי נישט די שמועס! דו האלטסט אין איין רעדען וועגען טשעינדזש. ווי אזוי פלאנסטו צו טשעינדזשען די לאנד ווען דו האסט נישט געקענט טשעינדזשען דיינע אייגענע קליידער פאר דו ביזט געקומען צום ווייסע הויז נאך דעם וואס דיין טאכטער האט דיר באגאסען? עניוועי, איך וויל מיך האלטען צום אפמאך נישט צי אטאקירען מיין אפענעט.....
המן כוסעין האמדאסא:
טו לעיט! האסט מיר שוין אטאקירט! יעצט וועל איך מיך נעמען צו ....
מאדירעיטאר:
איך בעט אז מ'זאל נישט אריין האקען אין מיטען די אנדערע רעדט. מרדכי זיי ממשיך.
מרדכי יהודאווסקי:
איך האב אסאך עקספיריענס מיט די דזשודישעל סיסטעם זייענדיג יארן לאנג א סופרים קאורט דזשאסטיס אין די סנהדרין. ווי אויך בין איך א באצירטע גענעראל ווי פריער דערמאנט, און איך האלט אז אין אזא שווערע צייט איז נישט דא קיין בעסערע קאנדידאט ווי מיך צו פירען דאס לאנד. ווי אויך האלט איך אז איך בין די בעסטע קאנדידאט צוזאמצוברענגען ביידע פארטייען צו ארבייטען צוזאמען אינאיינעם. איך האב דאך געראטעוועט פרעזידענט אחשורוש'ס לעבען כאטש אפילו ער איז פון די קעגנערישע פארטיי.
מאדירעטאר:
וואס איז אייער שיטה מיט גלאבאלע אנווארעמונג און ענוויראמענטעל פראטעקציע?
המן כוסעין האמדאסא:
אה! דא וועל איך איבערשטייגען מיין אפענענט. ווי יעדע ווייסט דאך טוט אונזער פארטיי אזוי פול פאר ענוויראמענטעל פראטעקציע. איך אליין האב ארויסגעגעבן א מאווי אויף דער נושא, און איך האב - דרך אגב - געמאכט ביליאנען אויף דעם. אונז בלאקירען אויך א יעדע חלום פון גראבען אייגענע אויל אין אונזער לאנד, וואס האט א גרויסע ברירה צו פארבעסערען אונזערע אקאנאמיע, און עס קען אוועק נעמען אונזערע דעפענדענסי אויף אראבשע לענדער פאר אויל, און ממילא וועט עס אויך אפשוואכען זייערע טשאנסען אויס צו פירען טעראריסטישע אטאקעס. אונז פארקוקען אויף די אלע זאכן אלץ פאר די הייליגע מטרה פון ענוויראמענטעל פראטעקציע. אדרבא, מיין אפענעט איז זייער שוואך אין דער געביט. ער איז דאך ביזי ביי א יעדע שבת, יום טוב אדער יומא דפגרא צו עסען "ווארימע" קוגעל וואס שאדט זייער פאר די ענוויראמענט. ווי אויך חנוכה צונדען זיי אזוי פול לעכט, ווער ווייסט צו די לעכט וועלען נאך גורם זיין איין טאג אז גאנץ אלאסקא זאל זיך צולאזען. ווי אויך קענסטו ארום גיין אין די געגענטער ווי מיין אפענאנטס שטיצערס קאנצעטרירן זיך, ווי למשל, וויליאמסבורג, מאנראו, מאנסי און באקרא פארק, און זאג מיר וויפול מענטשען דארט ריסייקלען? א לאך אין בוידעם!
מרדכי יהודאווסקי:
איך ווייס נישט פארוואס המן האט געפילט פאר וויכטיג מיר צו אטאקירען אין אזא נושא וואס מיר פילען איז אזוי וויכטיג, עד כדי כך אז מיין פלימעניצע אסתר וועם איך האב ערצויגען אלץ אן אייגן קינד איז דאך א "גרינע" (ירקרק). לגבי די "ווארעמע" קוגל, אמת, איך בי מודה, עס איז טאקע ווארעם ווען די רבי עסט עס, אבער ביז ס'קומט אן צו די חסידים איז עס שוין גוט קאלט. בכלל, גיב א קוק, ענק עסען דאך הייסע פיצא אין די פיצא סטאר, משא"כ אונז קאנסערוויטיווע וואלט זיך נישט דערוואגט אריין צו גיין אין א פיצא סטאר און מיר עסען נאר "פראזען" פיצא. נו? ווער פראטעקט די ענוויראמענט? בכלל אפשר פארציילסטו פאר די עולם דא ווי דו האסט אראפ געשניטען גאנצע וועלדער צו בויען דיין הויכע 50 אמות'דיגע תלי'. דאס הייסט פראטעקטעד די ענוויראמעט?
מאדירעיטאר:
וואס איז אייער שיטות בנוגע פרויען רעכטען?
המן כוסעין האמדאסא:
אונז זענען זייער פראו וואמענס רייטס! אונז טוען וואס ס'פעלט נאר אויס פאר פרויענס רעכטען. זעסט דאך ביי מיר אין שטוב איז זרת די גאנצע באלעבאס. ווען אימער איך האב נאר א ספק וואס צו טון, איז זי מיין פאליטישע אדווייזער. זי איז טאקע א מידזשעט און גראב, א ראלי פאלי,.... כ'מיין זי איז נישט אזוי הויך און נישט אזוי דאר, אבער פרויען זענען פונקט אזוי קלוג ווי מענער און זיי קענען פירען א לאנד און א מיליטער פונקט ווי מענער.
מרדכי יהודאווסקי:
אונז זענען אויך פאר פרויען רעכטען, מ'דארף רעספעקטירען א יעדע מענטש און א יעדע בריאה, אבער דאס מיינט נישט אז זיי קענען פירען א לאנד און א מיליטער. שטעל דיך פאר ווען פראנקרייך וועט זאגן עפעס שלעכט אקעגען אונזער לאנד, אויב די פירער איז א מאן וועט ער זיך אויס לאכען און גיין ווייטער, אויב די פירער איז א פרוי וועט זי באלד פארארדענען א שאק ענד אה באמבאדירונג אקעגען יענע לאנד. עכ"פ זי וועט זיכער נישט רעדען צו יענע לאנד פאר א פאר טעג. ווער רעדט נאך אויב דאס וועט פארקומען אין "יענע טעג" ה"י. איך פארשטיי אבער נישט וויאזוי המן קען זאגן אז ער איז פראו וואמענס רייטס? ער מיינט טאקע אז מיר פארגעסען אזוי שנעל? ער האט זיך טאקע געטוישט זיין נאמען, אבער מיר אלע געדענקען גוט ווי ער האט געהייסען הארגענען ושתי ווייל זי האט נישט געטון פונקטלעך וואס איר "מאן" האט איר געהייסען טון. לאמיר קוקען אין דיינע רעקארדס, המן, האסטו נישט געספאנסערט א ביל צו צולייגען אן אמענדמענט צו די קאנסטיטוציע, להיות כל איש שורר בביתו?
המן כוסעין האמדאסא:
איך האב נאר געספאנסערט די ביל דאן ווייל איך בין געווארן פאר'נער'ט דורך קאלין פאוועל, אבער בעצם בין איך געווען דערקעגן.
מרדכי יהודאווסקי:
תירוצים תירוצים! זיי נישט אזא פליפ פלאפ!
מאדירעיטאר:
איך גיב יעצט א יעדע פון אייך א פאר מינוט צו רעדען איבער די טעמעס וואס זענען וויכטיג פאר אייך, למשל, אומלעגאלע אימיגראציע, די אקאנאמיע, העלט קעיר, נאציאנאלע סעקיוריטי וכדו'...
המן כוסעין האמדאסא:
די וויכטיגסטע טעמע אויפ'ן טיש אין די היינטיגע עלעקשאנס איז נישט קיין איינע פון די אויבן דערמאנטע זאכן, נאר די וויכטיגסטע טעמע איז די פראבלעם מיט סטערוידס. איך האלט אז מ'דארף איינפירען רעגולער סטערוידס טעסטס אויף אלע קנאקערס וואס גייען הגבה אין שול. מ'זעט לעצטענס ווי יונגעלייטלעך גייען הגבה און זיי עפענען די ס"ת צו 10 עמודים און זיי דרייען זיך ארום מיט עס ווי א מערי גאו ראונד, דאס קען מען נאר טון אויב מ'האט גענומען סטערוידס!!! און איך וויל אז די קאנגרעס זאל שוין מאכן אן אינוועסטיגאציע. נאך א וויכטיגע טעמע איז העלט קעיר. הערי מייזעלס די קאנקרעסמאן פון קול מוואסער פראמאוט זייער שטארק אומגעזונטע דייעטס. ער הייסט עסען אסאך אייער. ער מיינט אז מיר ווייסען נישט אז זיין איינציגסטע כונה איז צו מאכן פסח א גאנץ יאר. יא! דאס איז א טאקטיק אז זיי זאלן נישט דארפן ארבייטען וויאזוי הייסט עס נאר?..... שיעור פיעור? היו לא תהי' מיר וועלען פראקלעמירן א העלט קיער ביל וואס זאגט אז די דייעטס פון הערי מייזעלס איז נישט געזונט!
מרדכי יהודאווסקי:
המן! פארוואס פארציילסטו נישט פאר'ן עולם דא פארוואס דו ביזט באמת אקעגען די אייער דייעט? דיך באדערט נישט אז מ'עסט אייער, דיך באדערט אז מ'באצאלט נישט דיין ראדיקאלע שטייער וואס די האסט ארויף געלייגט אויף די אייער. יא! מיר געדענקען נארך ווי דו האסט פארגעשלאגן די "מס על אייער הים". ווען דו וועסט ווערען פרעזידענט וועלען די טעקסען ארויף שפרינגען ביז'ן הימל. דיר באדערט דען די שה"י פה"י? דיר באדערט די הכנות וואס מיר מאכען צו א שבת אדער צו א פסח - אנגעהויבן פון א וואך פאר חנוכה, און טאקע פארדעם ביזטו באשטראפט געווארן מדה כנגד מדה אז דיין טאכטער האט דיר באגאסען מיט הכנות! איך וועל מיך יא שטעלען אויף אימלעגאלע אימעגראציע. דאס איז דאך די לעצטע מכה. הערשט לעצטע שבת האב איך באמערקט ווי איינע שווערצט זיך אריין אין שול אומלעגאל שוין נאך ברכו! מ'דארף בויען א וואנט ארום די שול'ן! איך וועל מיך שטעלען אויף גא"ם קאנטראל! דאס איז א גויאישע מאכל, און נאר בהמות קייען און קייען! איך וועל מיך שטעלען אויף נאציאנאלע סעקיוריטי! מ'דארף קודם באשוצען אלע איינוואוינער פון די לאנד. הערשט נעכטען אינדערפרי האב איך מיך אויף געוועקט צום שרעקליכע סצענע פון אן אויסגעליידיגטע פעקעל המן טאשן. מיינע קינדער האבן געמאכט א חצי שלי וחצי שלך, אבער מיר האבן זיי נאר איבער געלאזט די 'מאן המן טאשן' בשעת זיי האבן אויף געגעסן אלע 'דזשעלי המן טאשען'! ווי אזוי דארף מען קענען שלאפען רואיג ביינאכט אויב מ'איז נישט פארזיכערט מיט אביסעלע המן טאשען? איך זאג אייך אלע, וואוטס פאר מיר און עס וועט זיין פורים אין דער וואכן!
