חשבון מהלך המזלות והמסתעף

פארשידענע רייכע ידיעות און וויסנשאפטליכע טעאריעס

די אחראים: יאנאש,אחראי,געלעגער

ניין
שר מאה
תגובות: 109
זיך איינגעשריבן אום: מוצ"ש יוני 16, 2007 10:14 pm

חשבון מהלך המזלות והמסתעף

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניין »

לערנענדיג דעם רמב"ן אויפ'ן פסוק ק-ל ש- די, ווי ער זאגט אינמיטן אז מיט דעם שם מאכט דער אייבערשטער באהאלטענע נסים פאר די צדיקים ווי ער האט געטון פאר די אבות און ווי ער טוט אלץ לעושי רצונו און ער איז דאס מסביר (ווי אויף פיל פלעצער) אז באמת איז דאך די גאנצע תורה , די ברכות אויב מ'וועט טון ווי ער האט באפוילן און די קללות אויב מ'וועט טון אנדערש, נישט אין די טבע וויל פארוואס זאל דען רעגענען ווען מ'דינט דעם אויבערשטן אדער פארואוס זאל נישט רעגענען ווען מ'היט נישט שמיטה, נאר וואס דען, אלעס איז באהאלטענע נסים און "ביי אלעם וועלן די מזלות ווערן באזיגט", אבער דאס איז נישט קיין שינוי ווי די אפענע נסים ווי עשר מכות און קריעת י"ס, וואס זיי זענען אפענע נסים אנדערש ווי די טבע און יענץ ווערט געמאכט מיט'ן שם המיוחד. און דאס האט דער אויבערטשער דא צוגעזאגט פאר אברהם אז ער וועט און זיינע קינדער וועלן נישט זיין אונטערגעבויגן אונטער קיין מזלות. ע"כ בערך.
וואלט אינטערעסאנט געווען בעצם צו גיבן א נאענטערן בליק אויף דעם ענין פון מזלות. וויאזוי קען זיך דער ענין בכלל פארשטיין? וואס באמת האבן אזוי סאך שטארק געגלייבט דערין (ווי דער אבן עזרא) און אויסער דעם ואוס איך וואלט געזאגט אז דער מקור איז פון די זעלבע פלעצער ווי די אמאליגע סטיל עבודה זרה'ס, פארשטיי איך נישט וויאזוי אידן האבן דערין געמעגט גלייבן?
דאס אויף דערווייל.
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

Re: מזלות

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

ניין האט געשריבן:
דאס אויף דערווייל.


עני אפדעיט?
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

גם אני מצטרף לבקשת ושאלת "הממולא" ונפשי חשקה לשמוע תורתו של בעל האשכול המזלות הלזה.

אגב, דער חתם סופר, שרייבט אין א דרשה, אז ער האלט דא אנדערש פונעם רמב"ן, ער קריגט זייער שטארק און זאגט מיט א פעסטקייט, אז די גאנצע בריאה איז אויסדריקליך יא באשאפן, עס זאל זיך צושטעלן צו די תורה, און דאס איז די טבע.
ניין
שר מאה
תגובות: 109
זיך איינגעשריבן אום: מוצ"ש יוני 16, 2007 10:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניין »

סארי אז כ'האב נאכנישט קיין אפדעיט, איך וועל זיך דארפן אביסל צוזאמקלויבן צו געבן א געהעריגע אפדעיט, אבער דערווייל וועל איך פשוט פרובירן מער ארויסברענגען מיין וואונדער אינעם ענין.

די מזלות ווייסט יעדער זענען פשוט די שטערנס אין הימל. ד.ה. יעדע געהענגל שטערנס, אדער ריכטיגער געזאגט, יעדע שטיקל פלאץ, ווי למשל פון פאוינט א' ביז פאוינט ב' אויפ'ן הימל, האט מען אפגעמאכט אז דאס וועט זיין דער מזל, ווייל עס קוקט אויס ענליך צו אזא סארט אויסקוק. דאס הייסט למשל אויב זאל מען וועלן געבן פאר דעם אויסשטעל פאר די פאלגנדע נקודות א נאמען . - <. וואלט איך אנגעטראגן אז עס איז די נענטסטע צו א לויפנדיגע הונט, למשל. די זעלבע האט מען גענומען די שטערנס אויפ'ן הימל און כדי מ'זאל קענען רעדן פון זיי און זיי דיסקוסירן , קען מען דאך נישט זאגן 'די יעניגע שטערנס צו די לינקע זייט', האט מען געמאכט אזא סיסטעם און געגעבן נעמען לויט די בערך'דיגע אויסקוק פון די געהענגלעך.

און אויף דעם וואונדער איך זיך, פארוואס זאל אויסמאכן ווי אויפ'ן רינג פון די מזלות די זון איז? אז די אמאליגע גרויסע חכמי יון האבן אזוי אפגעמאכט מוז איך זיך דען בייגן דערצו?

ווען און ווער גענוי עס האט זיך אנגעהויבן ווייס איך נישט, אבער עס איז גאר גאר אלט. ביי אונז אידן רעדט מען דערפון שוין אין די גמרא און די מדרשים, און געענדיגט ביי די מפרשי תנ"ך און חז"ל. און די פראגע איז פארוואס? צי איז דא א מעגליכקייט צו זאגן אז דאס איז פון די זאכן וואס זיי האבן גענומען פון די דעמאלטיגע חכמי יון וואס זענען באקאנט אלס גרויסע טוער דערין, אדער מוז מען זאגן אז זיי האבן עס געהאט מקובל פון די אייגענע עלטערן?

אבער אויב האבן זיי דאס נישט געהאט מקובל, איז היפש שווער צו פארשטיין וויאזוי זיי האבן צוגעלאזט אזא מיינונג? נאך אלעם זעט מען אויף גאר אסאך פלעצער די אויסדריקן ווי זיי זאגן אז פארשטייט זיך אז דער מענטש קען זיי איבערקומען און דער מענטש איז נישט אלץ געבינדן אין זיי , ער קען זיין אין זיין אייגענע האנט. אבער בעצם אין דעם כוח פון די מזלות זעט אויס זענען זיי יא געווען איבערצייגט אז זיי פירן די טבע.

בעצם פארשטיי איך אויך נישט וואס עס טוט זיך מיט די אלע אנדערע טריליאנען שטערנס ואוס מ'האט נישט אריינגערעכנט אין די מזלות. די אלע וואס זענען סתם צוזייט און צושפרייט על פני השמים, היתכן מיט זיי רעכנט מען נישט, אפשר האבן זיי אויך א ראלע אין פירערשאפט? צי דען וויייל זיי האבן נישט אויסגעפעלט פאר די נעוויגאציע פון די אמאליגע קענען זיי נישט פירן? און וואס טוט זיך מיט די אלע שטערנס וואס מ'זעט נאר דורך די היינטיגע פארגעשריטענע טעלעסקאפן?

אויך איז מיר שווער, אז די מזלות רוקן זיך צוביסלעך מיט די יארן און היינט צוטאגס איז אינגאנצן אנדערש די צייט לויט די מזלות, ד.ה. אז חודש אדר איז שוין לאנג ננישט ביי דעם פלאץ פון דגים, עס האלט שוין ביי די נעקסטע מזל, און יארן ארום וועט עס זיין אנדערש ווי היינט. איז די שאלה, צי מיינט דאס אז די מזל פון די חדשים רוקן זיך, ? צי מיינט דאס אז די וועלט, לאמיר זאגן אפי' נאר דאס וואס פירט זזיך לויט די מזלות בטבע, געשעט היינט אנדערע זאכן אין אדר ווי עס וואלט אמאל געווען? שווער פאר מיר צו פארשטיין עכ"פ. כ'מיין, ווייל די זון איז אנגעקומען אן אנדערע צייט איבער זיי, און עס האט זיך אנדערש גערוקט, קומט זיך איינעם עפעס אנדערש?

ווי באקאנט האט מען אויך צוגעלייגט (ערגעץ אין די לעצטע 50-100 יאר) א דרייצנטע מזל. איז מיין שאלה אויב וואלט מען דאס אמאל געהאט וואלט מען דאך עס זיכער אויך געגעבן עפעס אן אויסקוק, אין אנדערע ווערטער א מזל, או ן וואלטן מענטשן טאקע געהאט אן אנדערע מזל, און אנדערע זאכן וואלטן געשען. אפשר וואלט גזירת ת"ח ות"ט פארמיטן געווארן, אתמהה?

מיר האבן אלע געזען די רש"י פאריגע וואך אויפ'ן פסוק ויוצא אותו החוצה. זאגט רש"י : לפי פשוטו הוציא אותו מאהלו לחוץ לראות הכוכבים אבל ע"פ מדרשו אמר לו צא מאצטגנינות שלך שראית במזלות שאינך עתיד להעמיד בן. אברם אין לו בן אבל אברהם יש לו בן – וכן שרי לא תלד אבל שרה תלד. אני קורא לכם שם אחר וישתנה המזל. איז די פראגע, צי זענען טאקע די מזלות אזא פראבלעם אז קוים קען מען איבערקומען זייער שטארקן כוח ההנהגה, נאר אויב מ'טוישט נאמען. פשוט מ'מוז זיי נאר אויסשפילן.
אויך ווייסן מיר אלע למשל פון קידוש מאכן שבת די הקפדה עס זאל נישט זיין ווען מזל מאדים איז שולט.

אדער נעמט די באקאנטע גמרא ווי רבא זאגט (בערך ) "בני חיי ומזוני לא בזכות תלויים אלא במזל תליא". דאס איז דאך שוין גאר א טריט ווייטער. דארף דאס נישט עפעס א הסבר?
עניוועי נאכמאל אין קורצן. נאך אלעם האבן ריזיגע חכמים פון אונזער פאלק געהאלטן פון די מזלות און גערעדט פון זייער כוח, גאר אסאך טרעפט מען איבער די פירערשאפט פון די מזלות, אנגעהויבן פון גמרות און רשי"ס און געענדיגט ביי אזעלכע לייבן ווי דער גר"א (כמעט זיכער), סאו וואס איך פארשטיי נישט איז פארוואס עס האט זיי געצויגן אזוי צו זאגן? פארוואס האבן זיי געפילט אז עס מוז ליגן אן אמת דערין אז די שטערנס פירן עפעס און אז דער אויבערשטער האט אריינגעלייגט א כח ההנהגה אין זיי?
לסוף וויל איך קלאר מאכן אז איך האב נאר בחפזון געשריבן וואס איך געדענק איבער דעם ענין און אויב איינער ווייסט אנדערש איז מאור דען וועלקאם מיך צו פאררעכטן אדער ברענגען נאך אינפארמאציע אינעם ענין.

דאס אויף דערווייל.
אלץ-ווייסער

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלץ-ווייסער »

די טעמע איז נישט נאר אינטרעסאנט "דערווייל" נאר אויך שטענדיג.
און איך וועלן צולייגן עטליכע קליינע גרגרים, חדא כרעא אגידא.

א) יעדע זאך איז אינטערגאווארפן תחת מערכת השמים, פון א מענטש, ביז א בהמה ביז יעדעס געוויקס
ב) די מזלות טוישן זיך נישט מיט די יארן. מ'קען קיין מזלות נישט צולייגן. און עס מזל טלה וועט שטענדיג זיין אין חודש ניסן דארט ווי עס איז געווען בשעת "קריעת ים סוף".
ג) ישראל זענען למעלה מן המזל. און דאך שטייט אז דער וואס איז געבוירן אין מזל מאדים זאל ווערן א שוחט. איז א סימן אז ס'איז דאך געבליבן אין אים א נטיה פון מאדים.
ד) דיין קשיא איבער אברם אין לו בן, אבל אברהם יש לו בן, קען פארענטפערט ווערן, ווייל ער איז נאכנישט געווען קיין ישראל, ע"כ איז ער געווען תחת מערכת השמים.
ה) א גרויס חלק פון איוב'ס טענות זענען איבער דעם. אז וויבאלד איינער איז אינטער די מערכת השמים, איז די גאנצע בריאה חלילה נישט עפ"י יושר
ו) פון דיין שרייבן זעט מען אז דו ווינדערסט זיך פארוואס עס האט זיי געצויגן אז די שטערנס פירן עפעס. זעט מען אז דא האסטו א טעות. די שטערנס פירן לכאורה גארנישט. די "טבע" פירט לויט דעם סיסטעם וואס ג-ט ב"ה האט איינגעשטעלט דורך די "טבע". און די מזלות זענען אויך אינטער די טבע, און דאס האט דער בוכ"ע מטביע געווען. און אז מיר נעמען אן אז ישראל זענען למעלה מן המזל, מיינט אז זיי זענען נישט אונטערגעווארפן די טבע.
ניין
שר מאה
תגובות: 109
זיך איינגעשריבן אום: מוצ"ש יוני 16, 2007 10:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניין »

ר' אלץ ווייסער, לאמיר מגיב זיין על הסדר.
א) יעדע זאך איז אינטערגאווארפן תחת מערכת השמים, פון א מענטש, ביז א בהמה ביז יעדעס געוויקס


דו לייגסט אראפ א שטארקן פאקט, ואוס האט טאקע מקורות אויך, אבער צי קענסטו אפשר אביסל מסביר זיין פארוואס מ'דארף צוקומען צו דעם פארמיטלער? וואס איז דער פראבלעם אז דער אויבערשטער פירט די וועלט און ואוס ער האט אריינגעלייגט אין די טבע ליגט אין די טבע וויאזוי עס דארף זיך פירן, סאו צוליב וועלכע חלק פעלט זיך אויס צוצוקומען אז די שטערנס האבן דא עפעס א הנהגה?

(און לאמיר זיך ערלויבן צו פרעגן , צי מיינט דאס אויך אז עס נעמט אביסל אוועק פון די פערזענליכע דעטאלירטע פירערשאפט פון הקב"ה? און די בלעטעלע איז אראפגעפאלן פון בוים (לויט'ן דרך הבעש"ט) אויפ'ן ווארימל נישט דוקא צוליב א דירעקטן ארדער און חשבון פון השם נאר ווייל דער מזל טלה האט אזוי געפירט?)
דו זאגסט אז די מערכות פירן ווייל אזוי איז אריינגעלייגט אין די טבע. אבער זאג מיר פארוואס קענסט נישט זאגן סתם די טבע איז ווי די טבע, פארואוס מוז מען צוקומען לויט ווי א שטערן איז פלאצירט? וואס איז עס אנדערש וואס עס שטייט אין פסוק אז ווען מ'קוקט אויפ'ן הימל זאל מען זיך נישט איינרעדן אז די זון, די לבנה און די שטערנס זענען עפעס?


ב) די מזלות טוישן זיך נישט מיט די יארן. מ'קען קיין מזלות נישט צולייגן. און מזל טלה וועט שטענדיג זיין אין חודש ניסן דארט ווי עס איז געווען בשעת "קריעת ים סוף".

נאכאמאל, דער פאקט איז אז מ'האט גערעכנט די מזלות לויט וואו די זון איז איבערגעלאפן יענעם חודש דעם אנגעגעבענעם מזל און לויט דעם האט מען אויסגערעכנט די מזלות וועלכע מזל פירט וועלכע חודש און וועלכע צייטן פו ןטאג. דער פאקט איז אויך אז היינט צוטאגס האט זיך עס שוין גערוקט און עס איז נישט ווי עס איז געווען מיט טויזנט יאר צוריק. דער אויסשטעל וואס מ'רופט 'מזל טלה' איז היינט צוטאגס אויסדריקליך "נישט" אום חודש ניסן און מזל דגים איז "נישט" אין אדר.
יעצט, זאג מיר אויף וועלכן פאקט דו קריגסט. ווי ווייט איך געדענק איז דאס אזוי, און אויב וועסטו וועלן וועל איך נאכקוקן פונקטליך און דיר זאגן וואו קענסט זיך איבערצייגן אז עס איז אזוי.


ג) ישראל זענען למעלה מן המזל. און דאך שטייט אז דער וואס איז געבוירן אין מזל מאדים זאל ווערן א שוחט. איז א סימן אז ס'איז דאך געבליבן אין אים א נטיה פון מאדים.

פיין. לאמיר אננעמען אז מיר אידן זענען העכער דעם מזל אבער דאך אויב מ'איז געבוירן אין מזל מאדים בלייבט עפעס א נטי' אינעם מענטש. יעצט פארענטפער מיר ביטע נאך אפאר קשיות.
למשל, אין טעמי המנהגים ביי עניני שבת ברענגט ער דעם טעם פארוואס מ'איז מוסיף שבת מחול על הקודש ווייל ביים אריינגאנג פון שבת דינט מזל מאדים און מ'וויל נניש אז דער שבת זאל זיך אנהויבן דערמיט. ברענגט ער דארטן מיט דעם צו מפרש זיין א מדרש אז פאר דעם שטייט אז יעקב אבינו האט נישט געהיטן בבית לבן "אלא שבת" , צו זאגן אז עס האט נישט אויסגעפעלט מוסיף צו זיין אויף שבת צוליב מאדים, ווייל די גאנצע צייט וואס יעקב איז געווען אין לבנ'ס הויז לא הי' משמש מזל מאדים (וואס בעצם דארף מען פארשטיין וויאזוי עס קען זיין אז די זון און שטערנס האבן זיך דאן אנדערש גערוקט? אבער קען זיין אז עס מיינט נאר אז דער אויבערשטער האט געהיט אז דער גייסטישער "מזל" פון מאדים זאל נישט שולט זיין), ווייל אויב ח"ו וואלט מאדים געדינט וואלט לבן מנצח געווען יעקב אבינו. יעצט דארף מעןפארשטיין וויאזוי וואלט דער מזל געמאכט לבן בייקומען יעקב, ער איז דאך שוין זיכער העכער דעם מזל? גמרא זאגט אויך הכל תלוי במזל אפילו ס"ת שבהיכל, אזוי איז דא נאך צענדליגער מאמרים וואס ווייזן אז מ'האט זיך יא גערעכנט און מורא געהאט פון די מזלות אפילו ביי אידן, נאר כ'האב אנגעכאפט איין משל. איז די שאלה פארואוס? מיר זענען דאך העכער דערפון?


ד) דיין קשיא איבער אברם אין לו בן, אבל אברהם יש לו בן, קען פארענטפערט ווערן, ווייל ער איז נאכנישט געווען קיין ישראל, ע"כ איז ער געווען תחת מערכת השמים.

דאס הייסט אז דו זאגסט אז נישט ווי מ'פארשטייט פשוט אז וויבאלד מ'האט געטוישט נאמען האט זיך געטוישט זיין מזל (וואס איז אויך אגב אינטערעסאנט צו זען אז עס ווייזט אז דער נאמען קען אויסמאכן לגבי די מזלות.) נאר פשוט ער איז דאן געווארן בבחינת ישראל. שיינער חידוש.


ה) פון דיין שרייבן זעט מען אז דו ווינדערסט זיך פארוואס עס האט זיי געצויגן אז די שטערנס פירן עפעס. זעט מען אז דא האסטו א טעות. די שטערנס פירן לכאורה גארנישט. די "טבע" פירט לויט דעם סיסטעם וואס ג-ט ב"ה האט איינגעשטעלט דורך די "טבע". און די מזלות זענען אויך אינטער די טבע, און דאס האט דער בוכ"ע מטביע געווען. און אז מיר נעמען אן אז ישראל זענען למעלה מן המזל, מיינט אז זיי זענען נישט אונטערגעווארפן די טבע.

לאמיר דיר עפעס מסביר זיין. ווען א שטיין צוקלאפט איינעם, וועט קיינער נישט זאגן אז דער שטיין "פירט" עפעס, נאר עס האט א טבע אז ער איז הארט און אויב פאלט ער אראפ אויף איינעם צוקלאפט זיך יענער. אויב אבער וועט איינער זאגן אז א שטיין האט אן אפעקט אויף זיינע ארומיגע און אויב איז ער טונקל שווארץ, וועט ער ארים מאכן די ארומיגע מענטשן , וואלט דאס געהייסן אז ער האט עפעס מער ווי סתם א טבע פון זיין הארט. עפעס פירט ער.
די זעלבע זאך, ווען מ'זאגט מיר אבער אז די מזלות מאכן אויס און עס ווענדט זיך אין זיי וואס דער מענטש וועט זיין (לאמיר רעדן פון א גוי), וואס עס גייט געשען מיט אים, וואס עס גייט פארקומען יענעם חודש און צייט אין טאג וכו' וכו'’ הייסט דאס דאך עפעס מער, עפעס א שטיקל כח ההנהגה? מ'זאגט דאך אפילו אז בני חיי ומזוני ווענדט זיך אין מזל וכדומה פילע ענליכע מאמרים, טייטש זיי האבן דאך עפעס א ראלע.
נאכאמאל, איך האב קלאר געזאגט אויבן אז איך פארשטיי אוודאי אז יעדער איז מודה אז דער אויבערשטער האט זיי געגעבן די כוח און דאס אריינגעלייגט אין זיי און קיינער מיינט נישט אז די מזלות נעמט אוועק פון אויבערשטנ'ס פירערשאפט ח"ו, אבער נאך אלעם הייסט דאס אז למעשה פירן זיי א היפשער חלק וואס קומט דא פאר, וואס מ'האט פאר קיינעם אזא טיטל נישט געגעבן, און למעשה דארף מען פארשטיין "פארוואס" דארף מען דאס זאגן ? וואוס דארף מען צוקומען צו זיי? פארואוס איז נישט גוט אן זייער פארמיטלונג? און פארוואס אויב תרח האט געזאגט אז ער האלט אז דער שטיין האט א כח, מוז אויך נישט זיין אז ער האט געהאלטן אז דער קלאץ האט באשאפן די וועלט און פירט אלעס, נאר ער האט געהאלטן אז דער שטיין האט עפעס א כח און ער האט צו אים געדינט. צי האט דאס אבער נישט געהייסן ריכטיג עבודה זרה צו האלטן אז דער שטיין האט עפעס א כח ההנהגה?
בני היכלא
שר האלפיים
תגובות: 2655
זיך איינגעשריבן אום: מיטוואך מאי 02, 2007 12:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך בני היכלא »

ניין;
איך האף אז די אויבערשטע שיעור וואס דו האסט אראפגעלייגט, ווי ס'דארף צו זיין, איז נאך אויך "נאר אויף דערווייל"
ס'איז אשאד, דער דערווייל זאל זיך אויפהערן, סייווי איז דאך אלעס נאר דערווייל, דו טו דיינס און זיי מזכה את הרבים בלימוד התורה.
אוועטאר
מיללער
שר עשרים אלף
תגובות: 27044
זיך איינגעשריבן אום: דאנערשטאג יוני 14, 2007 9:48 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך מיללער »

איך רעד נישט אריין ווייל איך פארשטיי נישט דערצו, און איך האב מורא שלא אכשל בפליטת פה בדברים העומדים ברומו של עולם.

אבער אויף דיר בני היכלא וואונדער איך מיר, דאס אלעס וואס דו האסט דא מוסיף צו זיין?
תהוובהו
שר מאה
תגובות: 105
זיך איינגעשריבן אום: דאנערשטאג יולי 13, 2006 2:30 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך תהוובהו »

ניין,
עס איז דא א בריוו פונעם רמב"ם ווי מ'פרעגט אים אן איבער דעם ענין פון מזלות און ער מאכט עס דארט אינגאנצן אוועק . זוך עס אויף, עיין שם, ותמצא סמוכין לדבריך.
די וואך אין פרק:
רבי אליעזר אומר: יהי כבוד חברך חביב עליך כשלך, ואל תהי נוח לכעוס וכו'
רבי טרפון אומר: היום קצר והמלאכה מרובה והפועלים עצלים והשכר הרבה ובעל הבית דוחק
אוועטאר
אלעקסיי
שר האלפיים
תגובות: 2874
זיך איינגעשריבן אום: דאנערשטאג אוגוסט 16, 2007 10:24 pm
לאקאציע: בערג און טאלען
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך אלעקסיי »

כ'פארשטיי נ ישט, אין מזל לישראל ן'פארטיג, נישט אזוי?
א געשליפן צינגל – עקלדיג, א שלעכט צינגל – א רשע.
ירא שמים

  • ציטיר
  • צו לייגן א דאנק דארפט איר זיין אריינגעלאגט

תגובה דורך ירא שמים »

ניין האט געשריבן:ר' אלץ ווייסער, לאמיר מגיב זיין על הסדר.
א) יעדע זאך איז אינטערגאווארפן תחת מערכת השמים, פון א מענטש, ביז א בהמה ביז יעדעס געוויקס


דו לייגסט אראפ א שטארקן פאקט, ואוס האט טאקע מקורות אויך, אבער צי קענסטו אפשר אביסל מסביר זיין פארוואס מ'דארף צוקומען צו דעם פארמיטלער? וואס איז דער פראבלעם אז דער אויבערשטער פירט די וועלט און ואוס ער האט אריינגעלייגט אין די טבע ליגט אין די טבע וויאזוי עס דארף זיך פירן, סאו צוליב וועלכע חלק פעלט זיך אויס צוצוקומען אז די שטערנס האבן דא עפעס א הנהגה?


טייערער ניין , הער זיך גוט צו ,די קענסט די ערשטע אני מאמין ,דארט שטייט אזוי אני מאמין באמונה שלימה שהבורא יתברך שמו היא בורא ומנהיג לכל הברואים והוא לבדו עשה ועושה ויעשה לכל המעשים
די ערשטע יסוד פין אינדזער הייליגע אמונה וואר האבען נקבל געווען פין אינזערע עלטערען אין אזוי ווייטער ארויף ביזען בארג סיני איז אז די וועלט האט איין פיהרער , אין ער פירט אלעס אין נאכאמאל "אלעס"
יעצט איז אזוי די מזלות איז איינע פין די וועגען וויזוי די באשעפער פירט די וועלט אין דאס ווערט אנגעריפען הנהגת הטבע , אין פארשטייט זיך אז די מזלות האבען נישט קיין שום אייגענעם כוח נאך די באשעפער פירט דורך זיי אזוי ווי למשל א מענטש עסט מיט א גאפעל וועט מען נישט זאגען אז די גאפעל געבט צי עסען פאר די מענטש נאר מען וועכט זאגען אז די מענטש עסט די גאפעל איז נאר א כלי מיט וואס ער באניצט זיך, אין די הנהגה פין די מזלות וואס ווי אויבען דערמאנט איז די הנהגת הטבע דאס איז איינע פין די וועגען מיט וואס די באשעפער פירט זיין וועלטעל

ניין האט געשריבן:(און לאמיר זיך ערלויבן צו פרעגן , צי מיינט דאס אויך אז עס נעמט אביסל אוועק פון די פערזענליכע דעטאלירטע פירערשאפט פון הקב"ה? און די בלעטעלע איז אראפגעפאלן פון בוים (לויט'ן דרך הבעש"ט) אויפ'ן ווארימל נישט דוקא צוליב א דירעקטן ארדער און חשבון פון השם נאר ווייל דער מזל טלה האט אזוי געפירט?)
דו זאגסט אז די מערכות פירן ווייל אזוי איז אריינגעלייגט אין די טבע. אבער זאג מיר פארוואס קענסט נישט זאגן סתם די טבע איז ווי די טבע, פארואוס מוז מען צוקומען לויט ווי א שטערן איז פלאצירט? וואס איז עס אנדערש וואס עס שטייט אין פסוק אז ווען מ'קוקט אויפ'ן הימל זאל מען זיך נישט איינרעדן אז די זון, די לבנה און די שטערנס זענען עפעס?

צי דעם וואס די זאגסט אז "פארוואס מיז מען ציקומען לויט ווי א שטערען איז פלאצירט "
דאס איז א קשיא אויף א מעשה , די פאקט איז אז עס איז אזוי די באשעפער וואס האט באשאפען די וועלט מיט גרויס חכמה האט אזוי באשאפען די וועלט
אין צי דעם וואס די זאגסט אז "וואס איז עס אנדערש וואס עס שטייט אין פסוק אז ווען מ'קוקט אויפ'ן הימל זאל מען זיך נישט איינרעדן אז די זון, די לבנה און די שטערנס זענען עפעס"
דאס וואס די פסוק זאגט מיינט צוויי זאכען א' אז מען טאר זיך נישט איינרעדען אז די זון מיט די לבנה האבען עפעס א אייגענעם כוח
ב' אין צווייטענס אז אויב מען זעט למשל אין די מזלות אז עס גייט זיין אזוי אין אזוי טאר מען זיך נישט מייאש זיין מין הרחמים ווייל ביי יודען איז דא א הנהגה וואס איז העכער פין די מזלות אין ממילא דארף מען נישט מורא האבען פין די כוכבים אין מזלות

אויב האסטו נאך פראגעס ביטע פרעג אין כ'וועל מיר פרייען דיר צי ענפערען
ניין
שר מאה
תגובות: 109
זיך איינגעשריבן אום: מוצ"ש יוני 16, 2007 10:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניין »

אלעקסיי האט געשריבן:כ'פארשטיי נ ישט, אין מזל לישראל ן'פארטיג, נישט אזוי?


ווי עס קוקט אויס האסטו פארפעלט אפאר פאראגראפן, אדער בלויז שנעל דורכגעלאפן , דעריבער וועל איך איבערלייגן טייל פון זיי:

אדער נעמט די באקאנטע גמרא ווי רבא זאגט (בערך ) "בני חיי ומזוני לא בזכות תלויים אלא במזל תליא". דאס איז דאך שוין גאר א טריט ווייטער. דארף דאס נישט עפעס א הסבר?

למשל, אין טעמי המנהגים ביי עניני שבת ברענגט ער דעם טעם פארוואס מ'איז מוסיף שבת מחול על הקודש ווייל ביים אריינגאנג פון שבת דינט מזל מאדים און מ'וויל נניש אז דער שבת זאל זיך אנהויבן דערמיט. ברענגט ער דארטן מיט דעם צו מפרש זיין א מדרש אז פאר דעם שטייט אז יעקב אבינו האט נישט געהיטן בבית לבן "אלא שבת" , צו זאגן אז עס האט נישט אויסגעפעלט מוסיף צו זיין אויף שבת צוליב מאדים, ווייל די גאנצע צייט וואס יעקב איז געווען אין לבנ'ס הויז לא הי' משמש מזל מאדים (וואס בעצם דארף מען פארשטיין וויאזוי עס קען זיין אז די זון און שטערנס האבן זיך דאן אנדערש גערוקט? אבער קען זיין אז עס מיינט נאר אז דער אויבערשטער האט געהיט אז דער גייסטישער "מזל" פון מאדים זאל נישט שולט זיין), ווייל אויב ח"ו וואלט מאדים געדינט וואלט לבן מנצח געווען יעקב אבינו. יעצט דארף מעןפארשטיין וויאזוי וואלט דער מזל געמאכט לבן בייקומען יעקב, ער איז דאך שוין זיכער העכער דעם מזל? גמרא זאגט אויך הכל תלוי במזל אפילו ס"ת שבהיכל, אזוי איז דא נאך צענדליגער מאמרים וואס ווייזן אז מ'האט זיך יא גערעכנט און מורא געהאט פון די מזלות אפילו ביי אידן, נאר כ'האב אנגעכאפט איין משל. איז די שאלה פארואוס? מיר זענען דאך העכער דערפון?


און בכלל זענען די אלע אנדערע קשיות וואס איך האב געפרעגט שווער אפילו עס איז אין מזל לישראל, . וואס טוט זיך מיט זייער פירערשאפט אויף די גוים?
ניין
שר מאה
תגובות: 109
זיך איינגעשריבן אום: מוצ"ש יוני 16, 2007 10:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניין »

ירא שמים האט געשריבן:
ניין האט געשריבן:ר' אלץ ווייסער, לאמיר מגיב זיין על הסדר.
א) יעדע זאך איז אינטערגאווארפן תחת מערכת השמים, פון א מענטש, ביז א בהמה ביז יעדעס געוויקס


דו לייגסט אראפ א שטארקן פאקט, ואוס האט טאקע מקורות אויך, אבער צי קענסטו אפשר אביסל מסביר זיין פארוואס מ'דארף צוקומען צו דעם פארמיטלער? וואס איז דער פראבלעם אז דער אויבערשטער פירט די וועלט און ואוס ער האט אריינגעלייגט אין די טבע ליגט אין די טבע וויאזוי עס דארף זיך פירן, סאו צוליב וועלכע חלק פעלט זיך אויס צוצוקומען אז די שטערנס האבן דא עפעס א הנהגה?


טייערער ניין , הער זיך גוט צו ,די קענסט די ערשטע אני מאמין ,דארט שטייט אזוי אני מאמין באמונה שלימה שהבורא יתברך שמו היא בורא ומנהיג לכל הברואים והוא לבדו עשה ועושה ויעשה לכל המעשים
די ערשטע יסוד פין אינדזער הייליגע אמונה וואר האבען נקבל געווען פין אינזערע עלטערען אין אזוי ווייטער ארויף ביזען בארג סיני איז אז די וועלט האט איין פיהרער , אין ער פירט אלעס אין נאכאמאל "אלעס"
יעצט איז אזוי די מזלות איז איינע פין די וועגען וויזוי די באשעפער פירט די וועלט אין דאס ווערט אנגעריפען הנהגת הטבע , אין פארשטייט זיך אז די מזלות האבען נישט קיין שום אייגענעם כוח נאך די באשעפער פירט דורך זיי אזוי ווי למשל א מענטש עסט מיט א גאפעל וועט מען נישט זאגען אז די גאפעל געבט צי עסען פאר די מענטש נאר מען וועכט זאגען אז די מענטש עסט די גאפעל איז נאר א כלי מיט וואס ער באניצט זיך, אין די הנהגה פין די מזלות וואס ווי אויבען דערמאנט איז די הנהגת הטבע דאס איז איינע פין די וועגען מיט וואס די באשעפער פירט זיין וועלטעל

דאס האב איך אויבן געשריבן:

נאכאמאל, איך האב קלאר געזאגט אויבן אז איך פארשטיי אוודאי אז יעדער איז מודה אז דער אויבערשטער האט זיי געגעבן די כוח און דאס אריינגעלייגט אין זיי און קיינער מיינט נישט אז די מזלות נעמט אוועק פון אויבערשטנ'ס פירערשאפט ח"ו, אבער נאך אלעם הייסט דאס אז למעשה פירן זיי א היפשער חלק וואס קומט דא פאר, וואס מ'האט פאר קיינעם אזא טיטל נישט געגעבן, און למעשה דארף מען פארשטיין "פארוואס" דארף מען דאס זאגן ? וואוס דארף מען צוקומען צו זיי? פארואוס איז נישט גוט אן זייער פארמיטלונג?

ווייטער האסטו געשריבן:
ירא שמים האט געשריבן:
ניין האט געשריבן:(און לאמיר זיך ערלויבן צו פרעגן , צי מיינט דאס אויך אז עס נעמט אביסל אוועק פון די פערזענליכע דעטאלירטע פירערשאפט פון הקב"ה? און די בלעטעלע איז אראפגעפאלן פון בוים (לויט'ן דרך הבעש"ט) אויפ'ן ווארימל נישט דוקא צוליב א דירעקטן ארדער און חשבון פון השם נאר ווייל דער מזל טלה האט אזוי געפירט?)
דו זאגסט אז די מערכות פירן ווייל אזוי איז אריינגעלייגט אין די טבע. אבער זאג מיר פארוואס קענסט נישט זאגן סתם די טבע איז ווי די טבע, פארואוס מוז מען צוקומען לויט ווי א שטערן איז פלאצירט? וואס איז עס אנדערש וואס עס שטייט אין פסוק אז ווען מ'קוקט אויפ'ן הימל זאל מען זיך נישט איינרעדן אז די זון, די לבנה און די שטערנס זענען עפעס?

צי דעם וואס די זאגסט אז "פארוואס מיז מען ציקומען לויט ווי א שטערען איז פלאצירט "
דאס איז א קשיא אויף א מעשה , די פאקט איז אז עס איז אזוי די באשעפער וואס האט באשאפען די וועלט מיט גרויס חכמה האט אזוי באשאפען די וועלט
אין צי דעם וואס די זאגסט אז "וואס איז עס אנדערש וואס עס שטייט אין פסוק אז ווען מ'קוקט אויפ'ן הימל זאל מען זיך נישט איינרעדן אז די זון, די לבנה און די שטערנס זענען עפעס"
דאס וואס די פסוק זאגט מיינט צוויי זאכען א' אז מען טאר זיך נישט איינרעדען אז די זון מיט די לבנה האבען עפעס א אייגענעם כוח
ב' אין צווייטענס אז אויב מען זעט למשל אין די מזלות אז עס גייט זיין אזוי אין אזוי טאר מען זיך נישט מייאש זיין מין הרחמים ווייל ביי יודען איז דא א הנהגה וואס איז העכער פין די מזלות אין ממילא דארף מען נישט מורא האבען פין די כוכבים אין מזלות

אויב האסטו נאך פראגעס ביטע פרעג אין כ'וועל מיר פרייען דיר צי ענפערען

קודם א דאנק פאר'ן וואלונטירן צו ענטפערן. איצט העלף מיר ארויס דא:

קודם כל, זאגסטו אז דו ווייסט אויך נישט "פארוואס" מען דארף צוקומען צו א פארמיטלער אין די הנהגה פון השם יתברך, נאר אזוי איז דער פאקט. איז דאך מיין קשיא למעשה נישט פארענטפערט.
שנית, לויט דיר מעג מען אויך האלטן אז א געוויסע שטיין אדער סטאטוע למשל, האט א ראלע אין פירן די וועלט, איז פאראנטווארטליך פאר די מענטשנ'ס טבעיות און געשעענישן וואס עס קומט דא פאר אויף אונזער וועלטל, און פארשטייט זיך אז נישט אליין, נאר אזוי איז אין די טבע אז זיי האבן א כוח, איז דאס קיין פראבלעם אזוי צו זאגן? קען זיין. אבער דאס דערווייל אין א זייט געלייגט.

א שטיקל הקדמה. איך זע אז יעדער שרייט דעם אזוי באקאנטן גמרא אז "אין מזל לישראל". איז לאמיר קוקן וואס די גמרא זאגט דארט.
קודם גיט ביטע א קוק וואס רש"י זאגט אויף די ווערטער: דעל ידי תפלה וזכות משתנה מזלו לטובה. דאס הייסט, יא, אמת אלעס פירט זיך דורך די מזל אבער עס איז מעגליך עס זאל זיך טוישן מיט תפילה.
ווייטער, אויב איר האט געזען די גמרא, שטייט דארט א שורה פאר דעם: איתמר, רבי חנינא אומר מזל מחכים, מזל מעשיר, "ויש מזל לישראל". איז קודם ווייסט איר אז עס זענען דא וואס זאגן אז עס איז יא דא מזל לישראל (און ווי עס איז בפשטות משמע אויף צענדליגער פלעצער). יעצט הערט וואס רש"י זאגט אויף דעם, מזל מחכים: לפי המזל היא החכמה כדאמר דבחמה נהיר וחכים ויש מזל לישראל שאין תפלה וצדקה משנה את המזל. איר הערט, דאס הייסט אז נישט נאר אז לויט דעם מאן דאמר איז יא דא מזל אויך לישראל, נאר דאס איז יעדער מודה אז אידן זענען אויך געהעריג געוואנדן לויט'ן מזל, נאר די מחלוקה איז גאר צי תפילה קען אפילו העלפן און טון קעגן דעם מזל.
טייערע מתרצים, העלפט ארויס.

איצט לאמיר זען אביסעלע תוספות, וועלכער פרעגט די קשיא וואס איך האב אויבן געפרעגט. אין מזל לישראל. והא דאמר רבא בני חיי ומזוני לאו בזכותא תליא מילתא מכל מקום על ידי 'זכות גדול' משתנה, אבל פעמים שאין המזל משתנה וכו'. איך האף איר כאפט וואס דא גייט פאר. אז אפילו לויט דעם אז 'אין מזל לישראל' מוז מען צוקומען אז נאר זכות גדול קען עס טוישן.

איצט, ירא שמים, דו האסט געשריבן אז :
"ב' אין צווייטענס אז אויב מען זעט למשל אין די מזלות אז עס גייט זיין אזוי אין אזוי טאר מען זיך נישט מייאש זיין מין הרחמים ווייל ביי יודען איז דא א הנהגה וואס איז העכער פין די מזלות אין ממילא דארף מען נישט מורא האבען פין די כוכבים אין מזלות " ע"כ.

דאס הייסט אז לויט דעם וואס האלט אז "יש מזל לישראל", אויב זעט מען אויף די מזלות שלעכטס קען מען זיך "יא" מייאש זיין, און אפילו תפילה העלפט נישט?
יעצט זאג דו מיר צי דאס הייסט נישט גאנץ א שטארקע כוח ההנהגה?
אוועטאר
קבל את האמת
שר מאה
תגובות: 149
זיך איינגעשריבן אום: פרייטאג סעפטעמבער 05, 2008 2:00 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קבל את האמת »

דער יערת דבש און חלק אלף דרוש ח' רעדט ארום פון די מחלוקת,פונם ראב"ע מיטן רמב"ם,צו די מזלות האבן א כח צו נישט. מקען אויך קוקען, און מפתח אויפן יער"ד, אז ער רעדט אויף אכט ניין פלעצער פונם ענין פון די מזלות,

דער חות יאיר איז מאריך צום סוף ספר און א תשובה, וואס ער שרייבט פאר זיין מחותן ,פרעגט ער דארט פול מיט קושיות,אז ער פארשטייט נישט דעס גאנצע ענין,ער פרעגט עפעס ענדליך, צו הנקרא "ניין" ,אז די מציאות דארף זיך ווען טוישן.
דער חות יאיר פיהרט אויס אז עס איז א ביטל הזמן, אפילו שמואל וואס האט געזאגט בקיאון לי שבילי דרקיע כשבילי דנהרדעי האט עס נאר געטון דארט ווי מען טאר נישט לערנען,
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

ניין;
הערשט יעצט א יאר דערויף האב איך געליינט דעם אשכול און ס'יז א גוטער טעמע פאר מיר.
"אסטראלאגיע" איז א גלויבונג אז די גרמי שמים זענען שטארק פארבינדן מיט די מענטשן און מיט די וועלט דא אונטן. אויף אראמיש הייסט עס "איצטגנינות" און אויף אידיש "שטערן זעער". עס איז געבויט אויף די אנגענומענע זאדיאק סיסטעם וואס טראגט אין זיך ארום גרופעס פון שטערנס וואס זעען אויס ווי געוויסע אביעקטן, מען האט זיי צעטיילט אין 12 גרופעס און גערופן לויט וויאזוי זיי קוקן אויס.
די גלויבונג אין דעם זאדיאק סיסטעם איז דאן געווען אזוי שטארק אז מענטשן האבן אנגעהויבן גלייבן אז די שטערנס אדער מזלות פירן די בריאה, פון דעם האט זיך געשאפן פולצאליגע גלויבנס אנגעהויבן ביי נמרוד און גייט נאך היינט אן אין אינדיע און אנדערע אזיאטישע לענדער וואס דינען די שטערנס.

היינט צוטאגס זענען פארהאן דריי הויפט גלויבונגען אין אסטראלאגיע. די הינדו'אישע, כינעזישע, און מאדערנע (מערב). אלע נוצן דעם זעלבן זאדיאק און סאלאר סיסטעמען. די מחלוקה איז איבער די השפעות פון די מזלות למשל צי מערקורי איז פארבינדן מיט וואסער צי נישט (א סוגיא פאר זיך). ווי אויך זענען צוגעקומען נאך כוכבי לכת וואס די מאדערנע וועלט רעכנט זיי אריין אלס מזלות בעת די טראדיציאנאלע האבן נישט געוואלט דאס אננעמען, און אויב יא נאר א טייל דערפון.

"אסטראנאמיע" און "אסטראלאגיע" זענען אלס באטראכט געווארן אלס איין לערע, ביז ארום 200 יאר צוריק ווען "אסטראנאמיע האט זיך גענומען זיין וועג און צילט בלויז צו בעארבעטן די סייענטיפישע חלק פון די יארן רעכענונגען איבער די הילוך און מסלולים פון די זון און ערד, כוכבים און אנדערע גרמי שמים. בעת "אסטראלאגיע" איז געבליבן א לערע איבער די איינפלוס וואס די שטערנס האבן אויף מענטשן און אויפן ערד. גאנצעטע גרופעס און וועבסייטס זענען פארהאן וואס זאגן אויס סודות פאר מענטשן איבער זייער מזל און וועלכע צייט איז גוט פאר זיי און וועלכע נישט.

י"ב מזלות
דיין קשיא וואס דו פרעגסט איבער 'ווער ס'האט אויפגעמאכט די מזלות' רעדסטו כנראה פון די י"ב מזלות וואס זענען שולט יעדן חודש, זיי ווערן גערופן טלה שור תאומים סרטן אריה בתולה מאזנים עקרב קשת גדי דלי דגים, אט די נעמען חוץ פון זייער פאקטישן אויסזען אויפן הימל האבן זיי גרויסע העכערע ענינים ע"פ קבלה און סתרי תורה. מיר זעהן אינעם ספר יצירה המיוחס לאברהם אבינו ע"ה שקיבל מאדם הראשון וואס רעדט בלויז איבער די מזלות. ווי אויך פול אין חז"ל דערוועגן. דער הייליגער בני יששכר האט יעדן חודש פולע טיפע רמזים איבער די מזלות החודש.

און בנוגע ווער ס'האט דאס אויפגעמאכט. איך ווייס באמת נישט אבער איך גלייב אז דער וואס האט אויפגעמאכט דעם 'יאר פונעם זון' און דער '24 שעה אינעם טאג' דער זעלבער האט אויפגעמאכט די און נאך אנגענומענע כללים אין די בריאה. עס איז מער פאקט ווי טעאריע. לאמיר זאגן אדם האט באטראכט די זון און געמערקט אז נאך 365 טעג קומט ער צוריק צום זעלבן פלאץ, האט ער באשלאסן אז דאס ברויך צו זיין א יאר, דערביי האט ער באמערקט אז די זון פאלגט נאך געוויסע צורות פון שטערנס אויפן הימל און טוישט זיך יעדע דרייסיג טעג, אט די צורות האט ער גערופן מזלות וואס האט זיך ארויסגעשטעלט צו זיין צוועלף צורות פון טלה שור וכו'. דערנאך האט ער בעאבאכטעט די לבנה און געמערקט אז נאך בלויז 29-30 טעג קומט ער צוריק צום זעלבן פלאץ האט ער באשלאסן אז עס פארמאגט אן אייגענעם גלגל אין וואס ער קורסירט ארום די וועלט, וכו' וכו' אזוי האט זיך אנטפלעקט א פערטיגער און שלימותדיגער בריאה פאר די מענטשהייט אן דעם וואס ער זאל האבן געטון דאס מינדעסטע דערצו. אט דער פארשונג האט זיך אויף קיין רגע נישט אפגעשטעלט זינט די וועלט באשאף און גייט נאך אן עד היום הזה מיט כסדר'דיגע נייע אויפדעקונגען אין די הויכע ספערן.

דאס איז געזאגט געווארן במושכל הראשון. ערגעץ ליגט מיר אינעם זכרון אז אדם הראשון האט מקבל געווען מפי הגבורה וויכטיגע זאכן אינעם בריאה וואס ער האט איבערגעגעבן פאר די דורות, קען זיין די י"ב מזלות זענען געווען אריינגערעכנט אין דעם. עטוואס שפעטער האבן די פארשער פארבינדן די צוועלף מזלות צו די צוועלף חודשים פונעם יאר אז יעדע חודש איז שולט אן אנדער מזל. אינעם ספר יצירה פארבינדט ער שוין די מזלות צו די חדשים און אזוי איז אנגענומען אין חז"ל מזל אדער דגים וכדומה.

דא קומט שטארק אריין די באקאנטע גמרא אין מסכת ברכות לב. איך ציטיר דברים כהווייתן
ותאמר ציון עזבני ה' וה' שכחני היינו עזובה היינו שכוחה אמר ר"ל אמרה כנסת ישראל לפני הקב"ה רבש"ע אדם נושא אשה על אשתו ראשונה זוכר מעשה הראשונה אתה עזבתני ושכחתני אמר לה הקב"ה בתי י"ב מזלות בראתי ברקיע ועל כל מזל ומזל בראתי לו שלשים חיל ועל כל חיל וחיל בראתי לו שלשים לגיון ועל כל לגיון ולגיון בראתי לו שלשים רהטון ועל כל רהטון ורהטון בראתי לו שלשים קרטון ועל כל קרטון וקרטון בראתי לו שלשים גסטרא ועל כל גסטרא וגסטרא תליתי בו שלש מאות וששים וחמשה אלפי רבוא כוכבים כנגד ימות החמה וכולן לא בראתי אלא בשבילך ואת אמרת עזבתני ושכחתני


די גריכן זענען נישט די ערפינדערס פון אסטראלאגיע, עס שטאמט גלייך פון אנהויב פון דער בריאה. אזויפיל קרעדיט קען מען זיי צו ווארפן אז דער ווארט 'אסטרא-לאגיע איז זייערס א ווארט, אסטרא = שטערנס, לאגיע = לערע. ווי אויך האבן זיי פול שטודירט און פארשפרייט אט דער לערע אזוי ווי זיי האבן געטון מיט אנדערע חכמות נעמענדיג די קרעדיט פאר זיך.

כוכבי לכת
לויט ווי איך האב געלערנט און געליינט האב איך צוזאמגעשטעלט אז ס'יז דא עטליכע סארטן מזלות. חוץ די פריערדערמאנטע י"ב מזלות החודש איז דא די ז' כוכבי לכת וואס זענען באקאנט אלס שבתאי צדק מאדים חמה נוגה כוכב לבנה, די מזלות זענען שולט יעדע שעה אן אנדערער (באקאנט פון הל' שבת לענין קידוש בין שש לשבע). חוץ מזה איז דא נאך אן ענין פון 'מזליה חזא' וואס חז"ל ברענגען צו (אע"ג דאיהו לא חזא מזליה חזא), און ווען מען רעדט פון די מזל פון א מענטש רעדט מען פון יענעם סארט מזל לכאורה. דער לעצטער קען זיין איז א זעלבסט געשאפענער מזל וואס אנבאלאנגט בלויז צו דעם מענטש (דאס איז פשט 'מזליה' יענעם מענטשנס מזל דוקא), לדוגמא עמיצער וואס איז געבוירן אין חודש ניסן (טלה) בשעת ס'יז שולט מזל שבתאי וועט זיין אזוי און אזוי, אנדערש פון ווען ס'יז שולט מזל צדק. און אט דער מזל שטעלט אויס דעם תכונת הנפש און מהות פון דעם מענטש.
דער מקור איז אין מסכת שבת קנו. איך ציטיר די פולע טעקסט און אויך דעם אויספיר פון חז"ל אז אין מזל לישראל.
אינטערעסאנט איז אז אין די הו"א פון די גמרא האט מען געהאלטן אז די השפעת המזל איז געוואנדן אינעם טאג נישט אינעם שעה.
אמר להו רבי חנינא פוקו אמרו ליה לבר ליואי לא מזל יום גורם אלא מזל שעה גורם האי מאן דבחמה יהי גבר זיותן יהי אכיל מדיליה ושתי מדיליה ורזוהי גליין אם גניב לא מצלח האי מאן דבכוכב נוגה יהי גבר עתיר וזנאי יהי מ"ט משום דאיתיליד ביה נורא האי מאן דבכוכב יהי גבר נהיר וחכים משום דספרא דחמה הוא האי מאן דבלבנה יהי גבר סביל מרעין בנאי וסתיר סתיר ובנאי אכיל דלא דיליה ושתי דלא דיליה ורזוהי כסיין אם גנב מצלח האי מאן דבשבתאי יהי גבר מחשבתיה בטלין ואית דאמרי כל דמחשבין עליה בטלין האי מאן דבצדק יהי גבר צדקן אמר ר"נ בר יצחק וצדקן במצות האי מאן דבמאדים יהי גבר אשיד דמא א"ר אשי אי אומנא אי גנבא אי טבחא אי מוהלא אמר רבה אנא במאדים הואי אמר אביי מר נמי עניש וקטיל איתמר רבי חנינא אומר מזל מחכים מזל מעשיר ויש מזל לישראל רבי יוחנן אמר אין מזל לישראל ואזדא רבי יוחנן לטעמיה דא"ר יוחנן מניין שאין מזל לישראל שנאמר (ירמיהו י) כה אמר ה' אל דרך הגוים אל תלמדו ומאותות השמים אל תחתו כי יחתו הגוים מהמה הם יחתו ולא ישראל ואף רב סבר אין מזל לישראל דאמר רב יהודה אמר רב מניין שאין מזל לישראל שנאמר (בראשית טו) ויוצא אותו החוצה אמר אברהם לפני הקב"ה רבש"ע (בראשית טו) בן ביתי יורש אותי אמר לו לאו (בראשית טו) כי אם אשר יצא ממעיך אמר לפניו רבש"ע נסתכלתי באיצטגנינות שלי ואיני ראוי להוליד בן אמר ליה צא מאיצטגנינות שלך שאין מזל לישראל מאי דעתיך דקאי צדק במערב מהדרנא ומוקמינא ליה במזרח והיינו דכתיב (ישעיהו מא) מי העיר ממזרח צדק יקראהו לרגלו ומדשמואל נמי אין מזל לישראל דשמואל ואבלט הוו יתבי והוו קאזלי הנך אינשי לאגמא א"ל אבלט לשמואל האי גברא אזיל ולא אתי טריק ליה חיויא ומיית א"ל שמואל אי בר ישראל הוא אזיל ואתי אדיתבי אזיל ואתי קם אבלט שדיה לטוניה אשכח ביה חיויא דפסיק ושדי בתרתי גובי א"ל שמואל מאי עבדת א"ל כל יומא הוה מרמינן ריפתא בהדי הדדי ואכלינן האידנא הוה איכא חד מינן דלא הוה ליה ריפתא הוה קא מיכסף אמינא להו אנא קאימנא וארמינא כי מטאי לגביה שואי נפשאי כמאן דשקילי מיניה כי היכי דלא ליכסיף א"ל מצוה עבדת נפק שמואל ודרש (משלי י) וצדקה תציל ממות ולא ממיתה משונה אלא ממיתה עצמה ומדר"ע נמי אין מזל לישראל דר"ע הויא ליה ברתא אמרי ליה כלדאי ההוא יומא דעיילה לבי גננא טריק לה חיויא ומיתא הוה דאיגא אמילתא טובא ההוא יומא שקלתה למכבנתא דצתא בגודא איתרמי איתיב בעיניה דחיויא לצפרא כי קא שקלה לה הוה קא סריך ואתי חיויא בתרה אמר לה אבוה מאי עבדת אמרה ליה בפניא אתא עניא קרא אבבא והוו טרידי כולי עלמא בסעודתא וליכא דשמעיה קאימנא שקלתי לריסתנאי דיהבית לי יהבתיה ניהליה אמר לה מצוה עבדת נפק ר"ע ודרש וצדקה תציל ממות ולא ממיתה משונה אלא ממיתה עצמה ומדר"נ בר יצחק נמי אין מזל לישראל דאימיה דר"נ בר יצחק אמרי לה כלדאי בריך גנבא הוה לא שבקתיה גלויי רישיה אמרה ליה כסי רישיך כי היכי דתיהוו עלך אימתא דשמיא ובעי רחמי לא הוה ידע אמאי קאמרה ליה יומא חד יתיב קא גריס תותי דיקלא נפל גלימא מעילויה רישיה דלי עיניה חזא לדיקלא אלמיה יצריה סליק פסקיה לקיבורא בשיניה:

עש וכסיל וכימה
די פסוק אין איוב ווערט געדרשנט אין חז"ל
שמואל רמי כתיב (איוב ט) עושה עש כסיל וכימה וכתיב (עמוס ה) עושה כימה וכסיל הא כיצד אלמלא חמה של כסיל לא נתקיים עולם מפני צינה של כימה ואלמלא צינה של כימה לא נתקיים עולם מפני חמה של כסיל.

אין מסכת ר"ה יב. ווערט דערציילט איבער דעם מזל כימה וואס מיט דעם האט דער רבוש"ע געברענגט די מבול אויף די וועלט. אין פיוט פון תשעה באב וואס קלאגט איבער דעם וואס די מזלות האבן צוגעלאזט דעם חרבון, דערמאנט ער דעם כימה מיט עש וכסיל פארן צולאזן דעם חורבן.
ואזדו לטעמייהו דתניא (בראשית ז) בשנת שש מאות שנה לחיי נח בחדש השני בשבעה עשר יום לחדש רבי יהושע אומר אותו היום י"ז באייר היה יום שמזל כימה שוקע ביום ומעינות מתמעטין ומתוך ששינו מעשיהן שינה הקב"ה עליהם מעשה בראשית והעלה מזל כימה ביום ונטל שני כוכבים מכימה והביא מבול לעולם ר' אליעזר אומר אותו היום י"ז במרחשון היה יום שמזל כימה עולה ביום ומעינות מתגברים ומתוך ששינו מעשיהם שינה הקב"ה עליהם מעשה בראשית והעלה מזל כימה ביום ונטל שני כוכבים והביא מבול לעולם


פארוואס דוקא די שטערנס זענען נקבע אלס מזלות
די י"ב מזלות געפונען זיך אלע אויפן גלגל המזלות לויט די אסטראלאגיסטן. עס איז עטוואס ארויפציהר פונעם 'מילך ליניע' און געפונען זיך אין א אייניגע ווייטקייט פונעם כדור הארץ. ווידער די ז' כוכבי לכת זענען דאך באקאנט אלס די גייענדיגע שטערן וואס טוישן כסדר פאזיציע אנדערש פון די כוכבי שבת וועלכע זענען נקבע געווארן אינעם גלגל הגדול אן קיין באזונדערע תנועה, דעריבער האט מע זיי קובע געווען אלס מזל וויבאלד עס טוישט זיך כסדר איז עס א בחינה פון משפיע.

די השפעה פון א מזל
ווי ווייט גרייכט די השפעה פון א מזל און וואס טוט דאס אלס מיטן מענטש.
מיר געפונען עטליכע אויסדרוקן אין חז"ל איבער דעם, די ערשטע איז באקאנט אז די מדות און נאטור פון א מענטש קומט פון דעם מזל אין וואס ער איז אויסגעזעצט געווארן ביים געבארט לויט די דאן וועלטענדיגע מזלות.
אין די סאמע ערשטע גלויבונגען האט מען בלויז פארבינדן די מזלות צו אלוועלטליכע געשעענישן און נישט דוקא צו אינדיווידואלע מענטשן.

חוץ פון דעם וואס א מזל שטעלט אויס די מדות און טבע פון א מענטש, געפונען מיר נאך אן ענין פון א מזל וואס אפעקטירט א מענטש צי א פלאץ אין א געוויסער צייט דוקא, א קאמבינאציע פון מזלות אדער א שטערן אויסשטעל אין די הימלעך וואס דיקטירט אין א געוויסער שעה (לאו דוקא שעה, קען זיין טאג אדער צייט) און דאס איז די מזל וואס איז שולט צו יענער צייט. אט דער צייט קען זיין פאר איינעם א גוט מזל און פאר א צווייטן א שלעכט מזל געוואנדן אין זיין געבארט צייט אין דאטום.
לא תעוננו, זאגן די ראשונים איז א לאו אויף לחשוב המזלות באיזה עונה יפה לו ובאיזה לא.

המשך יבא אי"ה.
שוש אשיש בה', תגל נפשי באלקי! (ישעיה סא)
יידישיסט
שר חמש מאות
תגובות: 618
זיך איינגעשריבן אום: מיטוואך אוגוסט 13, 2008 10:48 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יידישיסט »

אומגלויבליך, אומגלויבליך!!! נאכנישט פארכאפט געהעריג דורכצוליינען, אבער קודם בין איך ערשטוינט ביז גאר פון אזא רייכע ברייטע רעאקציע. אזא שלל מיט ידיעות, אזא שווימעריי אין די ימע'ן פון אסטראנאמיע-אסטראלאגיע, וואנדערבאר!!! מען קען איינפאך שטיין און שטוינען.. הרב שוועמל וואס באהאלט איר זיך?.... דאס איז פיל מער ווי סתם א שוועמל...
ניין
שר מאה
תגובות: 109
זיך איינגעשריבן אום: מוצ"ש יוני 16, 2007 10:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניין »

באשערט געווען איך זאל דא אריינוואנדערן און אט זע איך א שיינעם תגובה פון שוועמלען. איז קודם א דאנק פאר די שורות. אבער איך זע אז ערנסטע תירוצים אויף וואס עס קוועטשט מיך האסטו נישט געברענגט. לאמיר איבערגיין אביסל.

שרייבסט:
" ווי אויך זענען צוגעקומען נאך כוכבי לכת וואס די מאדערנע וועלט רעכנט זיי אריין אלס מזלות בעת די טראדיציאנאלע האבן נישט געוואלט דאס אננעמען, און אויב יא נאר א טייל דערפון. "

איך האב דאס אויבן דערמאנט. און מיין קשיא איז, וויאזוי קען דאס זיין, וויאזוי קען מען צולייגן?
די זעלבע פרעג איך לגבי דעם וואס עס האט זיך שוין לאנג גערוקט זינט 2000 יאר צוריק (בערך 30 דעגרי), איז וויאזוי קען מען ווייטער רעכענען די זעלבע חשבונות. דו כאפסט וואס דאס מיינט? דאס הייסט אז אויב וואלסטו געבוירן געווארן אין די זעלבע צייט אינעם זעלבן טאג אין יאר מיט צוויי טויזנט יאר צוריק, וואלסטו געבוירן געווארן אונטער א ן אנדערן מזל... מאכט דאס סענס?


שרייבסט:
" און בנוגע ווער ס'האט דאס אויפגעמאכט. איך ווייס באמת נישט אבער איך גלייב אז דער וואס האט אויפגעמאכט דעם 'יאר פונעם זון' און דער '24 שעה אינעם טאג' דער זעלבער האט אויפגעמאכט די און נאך אנגענומענע כללים אין די בריאה. "


איך זע נישט וואס דו פארגלייכסט. צו זען אז די זון שיינט אויף אינדערפרי און גייט אונטער ביינאכט און צוזאמען איז דאס בערך 24 שעה, דארף מען נאר האבן אויגן, און זיך צושטעלן דערצו מיט דעם אז בייטאג ארבעט מען און ביינאכט שלאפט מען. אבער צו זאגן אז די שטערנס פון מיליאנען מייל אוועק פון אונז, האבן צו טון מיט אונז און אפעקטירן יעדע זאך וואס געשעט צו אונז און זיי מאנעוורירן גאר אונזערע מענטשליכע נאטורן, דאס קען מען מיט די אויגן נישט זען. די גאנצע בריאה שטימט זייער פיין אן דעם גאנצן ענין פון מזלות.


דו שרייבסט:
" די י"ב מזלות געפונען זיך אלע אויפן גלגל המזלות לויט די אסטראלאגיסטן. עס איז עטוואס ארויפציהר פונעם 'מילך ליניע' און געפונען זיך אין א אייניגע ווייטקייט פונעם כדור הארץ. ווידער די ז' כוכבי לכת זענען דאך באקאנט אלס די גייענדיגע שטערן וואס טוישן כסדר פאזיציע אנדערש פון די כוכבי שבת וועלכע זענען נקבע געווארן אינעם גלגל הגדול אן קיין באזונדערע תנועה, דעריבער האט מע זיי קובע געווען אלס מזל וויבאלד עס טוישט זיך כסדר איז עס א בחינה פון משפיע ."


ערשטנס, זיי זיך מסביר וואס הייסט אז "עס איז ארויפציר פונעם 'מילך ליניע'"? אונזער גאנצער סאלאר סיסטעם איז דאך אין דעם "מילך ליניע" (ווי דו רופסט עס).
צווייטנס, די כוכבי שבת (וואס האבן קיין תנועה) זענען דאך יא טייל פון די מזלות?

שרייבטס:
" ווי ווייט גרייכט די השפעה פון א מזל און וואס טוט דאס אלס מיטן מענטש.
מיר געפונען עטליכע אויסדרוקן אין חז"ל איבער דעם, די ערשטע איז באקאנט אז די מדות און נאטור פון א מענטש קומט פון דעם מזל אין וואס ער איז אויסגעזעצט געווארן ביים געבארט לויט די דאן וועלטענדיגע מזלות. חוץ פון דעם וואס א מזל שטעלט אויס די מדות און טבע פון א מענטש, געפונען מיר נאך אן ענין פון א מזל וואס אפעקטירט א מענטש צי א פלאץ אין א געוויסער צייט דוקא, א קאמבינאציע פון מזלות אדער א שטערן אויסשטעל אין די הימלעך וואס דיקטירט אין א געוויסער שעה (לאו דוקא שעה, קען זיין טאג אדער צייט) און דאס איז די מזל וואס איז שולט צו יענער צייט. אט דער צייט קען זיין פאר איינעם א גוט מזל און פאר א צווייטן א שלעכט מזל געוואנדן אין זיין געבארט צייט אין דאטום. "

ביטע ליין מיינע שוועריגקייטן מיט דעם אין די אויבערשטע תגובות . און לכבוד דיר וועל איך צולייגן נאך מעין פון יענע:

"בני חיי ומזוני לאו במילתא תליא, אלא במזלא תליא". דאס הייסט אז די דריי הויפט זאכן ביי א מענטש, ווערט געפירט פשוט פון מזל. פארשטייסטו דאס? "חיי", אפילו דאס לעבן, ווענדט זיך גאר אין מזל??? לייגסט דאך ממש אריין די פירערשאפט פון אלעם וואס שפילט זיך דא אפ אין זייערע הענט.
און וואס טוט זיך מיט א פרייע בחירה וואס דער מענטש דארף האבן. עס איז דאך משמע אז די מזלות פירן אלעס און עס האט ניטאמאל צו טון מיט וואס איך טו. די גאנצע בחירה נעמסטו דאך אוועק, אויב זאגסטו אז דער מזל איז פשוט מחייב אז איך זאל יעצט יענעם הרג'ענען. זיי קאנטראלירן דאך יעדע ריר וואס קומט דא פאר אויף דער וועלט, אריינגערעכנט דעם מענטש.

אויב די מזלות מאכן אפ מיין נאטור און ואוס עס געשעט צו מיר אין לעבן, וואס זאגט דאס ? און אפילו דו וועסט וועלן טענה'ן אז ביי א איד איז נישטא קיין מזל (וואס איך האב אויבן שוין אויפגעוויזן אז אפילו לויט די וואס זאגן אז אין מזל לישראל, מיינט דאס נאר אז עס טוישט זיך דער מזל נאר דורך א ספעציעלן גרויסן זכות, ווי תוס' זאגט דארט. וואס דאס מיינט אייגנטליך אז סתם אזוי , אונטער געווענליכע אומשטענדן, זענען מיר אויך אונטער'ן מזל), איז אבער די שאלה אפילו אויף די גויים. האבן זיי דען נישט קיין שום בחירה?
(באמת שרייבט טאקע דער זוהר אז דער מזל פלעגט אמאל קאנטראלירן, אבער זייט מתן תורה מער נישט. אבער לכ' די גמ' און אלע שפעטערדיגע רעדן דאך פון נאך מתן תורה. וואס איך נעם ארויס דערפון בדרך אפשר איז אז דער זוהר האט טאקע געזען דעם ענין פון מזלות אלס פראבלעמאטיש ).

נאך א פראגע: פארוואס זאל נישט אונזער וועלט - די נאנטסטע גרויסע אביעקט אין אונזער סאלאר סיסטעם – שטארק אפעקטירן וואס מיר זענען און וואס עס געשעט ביי אונז? ווייל עס איז דער פלאנעט אין וועלכן מיר וואוינען און מיר זעען עס נישט הויך אויפן הימל?

(אויך פארשטיי איך נישט, ביי די אסטראלאגן איז וויכטיג די פאזיציע פון די זון, לבנה, פלאנעטן, א.א. וו. ביים צייט פון געבורט. איז מאדנע פארוואס איז די ערשטע סעקונדע פון געבורט פונקט די וויכטיגסטע מער ווי אנדערע צייטן? פונקט אין יענע מינוט זאל זיך ווענדן זיין גאנצע נאטור ? דאס גאנצע לעבן וועט אפעקטירט ווערן פון יענע איינע מינוט? און אלעס ווייל די דומם-פלאנעטן זענען געשטאנען דארט און דארט און זענען אויסגעקומען צו זיין אקעגן דעם און יענץ?)

בכלל איז דאך די אסטראלאגישע כללים באזירט לויט די אמאליגע מיינונג איבער די סדר פון פלאנעטן. אבער דאס איז דאך נישט אין איינקלאנג מיט'ן היינטיגן וויסנשאפטליכן מיינונג.

בקיצור, אוי ב האסטו עפעס הסבירים, אדרבא, לאמיר פארשטיין וואס דא טוט זיך. (אבער ביטע גוט איבערקוקן אלע תגובות פאר'ן ענטפערן , נישט מ'זאל דארפן איבערקייען אלטע זאכן. )
אוועטאר
שוועמל
שר עשרת אלפים
תגובות: 14263
זיך איינגעשריבן אום: מיטוואך יולי 19, 2006 8:40 pm
לאקאציע: גידולו בכל מקום

  • ציטיר
  • צו לייגן א דאנק דארפט איר זיין אריינגעלאגט

תגובה דורך שוועמל »

כדי צו פארענטפערן טיילווייז דיינע קושיות וועל איך דיר זאגן עטליכע זאכן און טראכט עס גוט דורך.
איך פרוביר צו גיין על ראשון ראשון.

לגבי צולייגן מזלות צו אסטראלאיגע פעלט נישט אויס מער ווי מ'זאל גלייבן דערינען. צי עס איז פאקטיש אזויווי רחל און בעטי שרייבן פאר אין זייער בוך? מוז נישט זיין צוליב עטליכע סיבות, סיי ווייל דער גאנצער ענין איז מוראדיג קאמפליצירט עס איז דא הונדערטער כללים און 'יוצא מן הכללס', הונדערטער משפיעים וואס קענען טוישן אדער צוגעבן צום טבעיות פונעם געבוירענעם אדער פונעם צייט. און איך פערזענליך גלויב בכלל נישט אין קיין מזלות מער ווי עס שטעלט אויס דעם נאטור פונעם מענטש בעת'ן געבורט.

לגבי דעם וואס די מזלות האבן זיך געריקט, אמת היינט האלט מען שוין מיט באלד דרייסיג מעלות אוועקציר אז חודש ניסן פאלט אויס אין מזל דגים. און פארדעם איז דא טאקע וואס האבן געטוישט די כללים לויט די אומשטענדן. אויב מיין זכרון דינט מיר האב איך ערגעץ געזען אז ס'יז נישט פשט אז דער דומם דער שטערן האט א השפעה אויף מענטשן עס איז דער מלאך וואס איז ממונה אויף יענעם חלק בריאה, אויף יענעם שטערן און ער איז דער וואס איז משפיע לויט די איינגעשטעלטע טבע פון הקב"ה ביים וועלט באשאף. עס איז מסתבר אויך אזוי ווייל די יב מזלות זענען דאך גרופעס, טא וועלכער איז קובע דעם מזל? די ערשטע, לעצטע צי אלעס אינאיינעם? אלא מאי איז עס עטוואס מער ווי א בלויזער שטערן עס ליגט אונטער דעם העכערס. ממילא קען זיין אז די השפעה קומט פונקט ווי פריער וויבאלד עס איז מער מלאך ווי שטערן.

לגבי ווער ס'האט עס אויפגעמאכט, האב איך געשריבן "איך ווייס באמת נישט אבער איך גלייב אז דער וואס האט אויפגעמאכט דעם 'יאר פונעם זון' און דער '24 שעה אינעם טאג' דער זעלבער האט אויפגעמאכט די און נאך אנגענומענע כללים אין די בריאה."
כ'על דיר שרייבן דעם פאראגאף אביסל קלארער, דארפסט קענען אביסל אסטראנאמיע בעסיקס כדי צו פארשטיין.
דער יאר פונעם זון איז דאך אונזער יאר פון 365 טעג וואס דאן קומט ער צוריק צום זעלבן ארט. וואו איז געווען דער ארט? איז דא סימנים אויפן הימל דאס זענען שטערנס, די שטערנס האט מען גרופירט און פארשידענע צורות (לאמיר זאגן צוועלף!) און מען האט נאכגעקוקט ווי דער זון רוקט זיך יעדע דרייסיג טאג - האלבע יאר דרום האלבע יאר צפון - און שיינט אויף אינאיינעם מיט אן אנדער גרופע. און דאס איז דער זעלבער ארט וואס איז בפירוש אויפגעמאכט געווארן דורך די זעלבע מענטשן וואס האבן בעאבאכטעט די זון, הא בהא תליא.
בנוגע דער '24 שעה אינעם טאג' האסטו נישט ריכטיג פארשטאנען מיין כוונה. אמת אז דער טאג האט 24 שעה און אזוי שטייט טאקע אויפן זייגער, אבער פארוואס דוקא דער מספר פון 24 וואס איז שלעכט מיט 4 צי 5 צי 78? איין אמעריקאנער דאלער איז א האלב מיליאן זימבאבוויער שיללינגס, ווער האט דאס באשטימט אזוי?
און דער אמת איז לויט געוויסע טעאריעס האט די 24 שעות דוקא צוטון מיט די יב מזלות!
לויט די ערשטע באבילאנישע און עגיפטישע אסטראנאמיסטן האט מען צעטיילט א טאג אין צוועלף חלקים צוליב דעם וואס די זון האט נאכגעפאלגט צוועלף צורות אויפן הימל במשך דעם נאכט, (דאס איז געוויס די יב מזלות ווייל אין אנהויב נאכט ווען די זון איז שוקע קען מען זען א האלבע הימל מיט זעקס פון די מזלות, און במהלך הלילה וועלן די ערשטע זעקס אונטערגיין אויף מערב און די אנדערע זעקס וועלן ארויפקומען פון מזרח. דאס הייסט דער ערשטער מזל וועסטו זען ביים שקיעה אויף מערב און דער צוועלעפטער מזל וועסטו זען ביי מזרח ביים עלות. אזוי האסטו 360 דעגרי אין צוועלף שעה), און וויבאלד דער נאכט איז צעטיילט אין צוועלף האט מען צעטיילט דעם טאג אויך אין צוועלף (פארגעס נישט אין עגיפטן איז די טאג און נאכט פארהעלטניסמעסיג אייניג סיי זומער און סיי ווינטער). טא האסטו א פערטיגע הסבר ווי אלעס איז געקניפט און געבינדן.

מערקווירדיג אז לויט אן אנדער טעאריע איז די טאג צעטיילט אין צוועלף ווייל די עגיפטישע נומעראל סיסטעם איז באזירט אויף צוועלף, אנדערש ווי אונז וואס מיר רעכענען אויף א צען באזיס, און זיי האבן דאן דאמינירט די וועלט זייענדיג די סופערפאוער וואס זענען געווען בכוח צו פארשפרייטען זייער אידעאלאגיע.
קען זיין אז די אידן אין מצרים האבן עס פון דארט אדאפטירט און ס'יז געבליבן אזוי אין די גאנצע וועלט, ווי מען זעט אין חזל "כ"ד שעות הוה יומא".

לגבי מיליאנען מייל אוועק. יא עס האט א השפעה אויף דעם קליינעם פיצי וועלטל וואס איז 'בלויז' 25 טויזענט מייל רינגס און ארום, און די השפעה איז נישט אין די גלויבן פון מזלות נאר אין פאקטישן זין פון ווארט.
די לבנה הייבט די וואסערן, די זון פון 93 מיליאן מייל מאכט ליכטיג און ווארעם (אגב, עס נעמט 8 מינוט פאר א שטראל אנצוקומען צו דער וועלט, ד.מ. 8 מינוט צוריק איז דער שטראל געווען אויבן ביים זון), זשופיטער שאפט א מאגנעטישער כוח וכו' וכו', און מען רעדט פון הונדערטער מיליאנען מייל אוועק און דווקא דאס איז די אינטערעסאנטסטער חלק פון די בריאה וואו מיליאנען באשטאנדטיילן, גרויסע ווי קליינע אלעס אלעס שטימט מיט צום טאקס פונעם גאנצן סיסטעם, דער גרעסטער ראיה אז דער בורא איז א יחיד ואין יחידות כמוהו.

יעצט לגבי דיין שאלה פארוואס די וועלטל זעלבסט זאל נישט אריינגערעכענט ווערן אין די משפיעים. איך האב נישט קיין קלארע תירוץ דערויף אבער דאס איז איינס פון מיינע ראיות אז די וועלט שטייט אינדערמיט און די שבעה כוכבי לכת קורסירן ארום איר בבחינת תולה ארץ על בלימה. ווארן ווען דער זון איז אינדערמיט און דער וועלט דרייט זיך וואלט דאך דער וועלט געווען איינס פון די כוכבי לכת. זעה דא ביידע שיטות.
און, עד כמה שידוע לי ווערט די ערד אריינגערעכענט געהעריג אין די מאדערנע אסטראלאגיע אינאיינעם מיט פלוטא, יורענוס און קערעס, די ניי ערפינדענע כוכבי לכת.
אין ספר הברית שרייבט ער אז דערפאר ווערן די נייע פלאנעטן נישט גערעכנט אין חזל אלס כוכבי לכת ווייל עס טוט כלל נישט משפיע זיין אויף אונזער וועלטל נישט פיזיש און נישט גייסטיש (מזלות).

לגבי די השפעה פון די מזלות, האלט איך אינמיטן דורכטון געהעריג. איך גלייך קודם צו זאמלען מקורות אין חזל בעפאר איך ליין אין דרויסענדיגע בוכער, אזוי בין איך קרוב אל האמת.
שוש אשיש בה', תגל נפשי באלקי! (ישעיה סא)
אוועטאר
יאנאש
שר עשרת אלפים
תגובות: 15321
זיך איינגעשריבן אום: מיטוואך יוני 28, 2006 8:40 pm
לאקאציע: וואו בינעך טאקע?

  • ציטיר
  • צו לייגן א דאנק דארפט איר זיין אריינגעלאגט

תגובה דורך יאנאש »

א ריזן יישר כח הרב מ'פטריות פארן לענגערן אינהאלטסרייכן שיעור וואס איר האט דא אראפגעלייגט.
ניין
שר מאה
תגובות: 109
זיך איינגעשריבן אום: מוצ"ש יוני 16, 2007 10:14 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ניין »

שרייבסט:
"און איך פערזענליך גלויב בכלל נישט אין קיין מזלות מער ווי עס שטעלט אויס דעם נאטור פונעם מענטש בעת'ן געבורט. "

"זיי ביטע מער מסביר דיין שטעלונג. ווייל איך זע נישט פארוואס אויב דו האלטסט אזז די מזלות האבן א האנט אין מאכן דיינע נאטורן, פארוואס זאלן זיי נישט פונקט אזוי קענען טון אנדערע זאכן און קאנטראלירן די וועלט. פארואוס דאס יא און עפעס אנדערש נישט?"




שרייבסט:
"לגבי ווער ס'האט עס אויפגעמאכט, האב איך געשריבן "איך ווייס באמת נישט אבער איך גלייב אז דער וואס האט אויפגעמאכט דעם 'יאר פונעם זון' און דער '24 שעה אינעם טאג' דער זעלבער האט אויפגעמאכט די און נאך אנגענומענע כללים אין די בריאה.""


מיין פראגע איז נישט 'ווער עס האט אויפגעמאכט די מזלות', ווייל קיינער האט עס נישט געדארפט אויפמאכן ,מ'האט געדארפט קוקן אויפ'ן הימל און זיי זען . די פראגע איז ווער עס אפגעמאכט אז זיי האבן עפעס א שליטה דא אויף דער וועלט, ווער האט אפגעמאכט אז זיי מאכן דעם מענטשנס נאטורן ?
אבער דעם תירוץ ווייס איך אויך לכאורה, ווי דער רמבם שרייבט אויף א פלאץ: די זעלבע סארט וואס פלעגן זיך בוקן צו די זון און די לבנה, צום בעל און צום פעור, צו שטיינער און העלצער.



שרייבסט:
" לגבי מיליאנען מייל אוועק. יא עס האט א השפעה אויף דעם קליינעם פיצי וועלטל וואס איז 'בלויז' 25 טויזענט מייל רינגס און ארום, און די השפעה איז נישט אין די גלויבן פון מזלות נאר אין פאקטישן זין פון ווארט.
"די לבנה הייבט די וואסערן, די זון פון 93 מיליאן מייל מאכט ליכטיג און ווארעם (אגב, עס נעמט 8 מינוט פאר א שטראל אנצוקומען צו דער וועלט, ד.מ. 8 מינוט צוריק איז דער שטראל געווען אויבן ביים זון), זשופיטער שאפט א מאגנעטישער כוח וכו' וכו', און מען רעדט פון הונדערטער מיליאנען מייל אוועק און דווקא דאס איז די אינטערעסאנטסטער חלק פון די בריאה וואו מיליאנען באשטאנדטיילן, גרויסע ווי קליינע אלעס אלעס שטימט מיט צום טאקס פונעם גאנצן סיסטעם, דער גרעסטער ראיה אז דער בורא איז א יחיד ואין יחידות כמוהו. "



כ'וועל נאכאמאל איבערפרעגן מיין קשיא. פיזישע זאכן וואס געשעען קען מען אבזערווירן מיט די אויגן. זיי זענען פאקטישע זאכן ואוס געשעט און יעדער קען עס זען. דאס אז ליכטיגקייט פון די זון קומט אן צו אונזער וועלט איז א פאקט וואס מיר זעען און יעדער פארשטייט אז ווען שטראלן פון ליכטיגקייט (פאטאנס) קומען ערגעץ אן מאכן זיי ליכטיג. די זעלבע איז מיט די לבנה וואס הייבט וואסערן, איז דא ס א פיזישער פאקט ואוס מ'זעט און מ'פארשטייט אויך פארוואס , ווייל איר גרעוויטי ציט ארויף די וואסערן, געוואנדן לויט איר פאזיציע קעגן די וועלט. אבער לגבי די מזלות, איז ערשטנס זעט קיינער נישט פיזיש אז זיי זאלן דא האבן סיי וועלכן אפעקט. צווייטנס, זאגט מען ניטאמאל אז זיי אפעקטירן אין א וועג ווי די זון אדער לבנה, דו זאגסט נישט אז זיי מאכן למשל ווארים די וועלט, נאר דו זאגסט אז זיי קאנטראלירן יעדע זאך וואס געשעט דא און זיי באשטימען גאר מיינע נאטורן, ד.ה. זיי האבן אפילו א האנד אין מיינע "דזשינס". דאס איז ווי איך פארשטיי נישט גלייך צו קיין שום אנדערע זאך , גארנישט האט מען נישט געגעבן אזא מין מאדנע מאכט. דאס איז נאר דער איינציגער באשעפער ווער עס האט אזא פאוער אויף אלעם. יעצט האף איך פארשטייסטו דעם חילוק פארואוס די השפעה פון די זון גלייב איך (און פארשטיי) אבער די מזלות זע איך נישט, כ'האב נישט קיין איין איינציגע באווייז אדער סברא וואס זאל מיך וועלן שטופן דאס צו זאגן.פארוואס זאל מען טראכטן אז די מזלות האבן א הנהגה אויף אונזער וועלט און אלעס וואס אין איר?




שרייבסט:
"יעצט לגבי דיין שאלה פארוואס די וועלטל זעלבסט זאל נישט אריינגערעכענט ווערן אין די משפיעים. איך האב נישט קיין קלארע תירוץ דערויף אבער דאס איז איינס פון מיינע ראיות אז די וועלט שטייט אינדערמיט און די שבעה כוכבי לכת קורסירן ארום איר בבחינת תולה ארץ על בלימה. ווארן ווען דער זון איז אינדערמיט און דער וועלט דרייט זיך וואלט דאך דער וועלט געווען איינס פון די כוכבי לכת. זעה דא ביידע שיטות. "



אנטשולדיגט אבער עס איז היינט מער נישט דא קיין צל ספק אין דעם ענין. עס איז קלאר ווי דער טאג אז די וועלט דרייט זיך ארום די זון, און די וועלט איז טאקע 'יא' פון די כוכבי לכת (נישט כוכב, נאר א פלאנעט). די זון (און נישט די וועלט) איז אין צענטער פון דעם גאנצן סאלאר סיסטעם און אלעס דרייט זיך ארום איר, אריינגערעכנט אונזער וועלטל, וגם אנו בתוכם.



שרייבסט:
לגבי די השפעה פון די מזלות, האלט איך אינמיטן דורכטון געהעריג. איך גלייך קודם צו זאמלען מקורות אין חזל בעפאר איך ליין אין דרויסענדיגע בוכער, אזוי בין איך קרוב אל האמת.

אדרבא, ווען קומסט אויף מיט עפעס אינטערעסאנטס , ברענג זיי.
פישל גוטביין

  • ציטיר
  • צו לייגן א דאנק דארפט איר זיין אריינגעלאגט

תגובה דורך פישל גוטביין »

שרייבסט:
"און איך פערזענליך גלויב בכלל נישט אין קיין מזלות מער ווי עס שטעלט אויס דעם נאטור פונעם מענטש בעת'ן געבורט. "

"זיי ביטע מער מסביר דיין שטעלונג. ווייל איך זע נישט פארוואס אויב דו האלטסט אזז די מזלות האבן א האנט אין מאכן דיינע נאטורן, פארוואס זאלן זיי נישט פונקט אזוי קענען טון אנדערע זאכן און קאנטראלירן די וועלט. פארואוס דאס יא און עפעס אנדערש נישט?"


עס קוקט מיר אויס אז דו זיכסט א וועג צו פארשטיין די אלף בית פון די מערכת השמים, און דיינע קשיות ווייזן קלאר אז דו ביסט דירעקט אינטרעסירט דעראין וועגן דעם וועל איך מיר נעמען די מיה און פרובירן צו קלאר שטעלן עד כמה שידי מגעת.

איבער די שאלה וואס דו שטעלסט לגבי די אמונה אין מזלות, אז אויב די מזלות זאלן קענען האבן די כוח פון מאכן דיינע נאטורן זאלן זיין שוין מאכן אנדערע זאכן. איז באמת א קשיה וואס קומט פון נישט אריינטראכטן געהעריג, ווייל דאס איז דאך די טענה און מסקנה פון די עובדי עבודה זרה אזוי ווי חזל בא'טיטול'ן די גוים 'עובדי כוכבים ומזלות' זיי דינען די מזלות ווייל זיי האלטן אז די מזלות זענען א ג'אט צוליב זייער שטארקע השפעה וואס זיי האבן אויף די מענטשהייט זעלבס און אויף די וועלט בכלל.

אבער למעשה האסטו א קשיה.

כדי צו געבן צו פארשטיין לאמיר נעמען דעם 'וואש מאשין' לדוגמה, מען לייגט אריין שמוציגע וועש און וואונדער איבער וואונדער עס קומט ארויס ריין און זויבער, וועט דיר נישט שווער ווערן די קשיה אויפן מינוט איז דען דער וואש מאשין טאקע בכוח מיר צו וואשן וועש, אויב אזוי איז ער דאך גאר א גרויסע און שטארקע כוח... עעהה עס וועט דיר דאס קיינמאל נישט שווער זיין פארוואס ווייל א תאנה, ער מיז האבן עלעקטעריק דערצו, און א מענטש מיז עס איינשטעקן און די קאמפעני מיז געבן עלעקטעריק פאר די דירה, נאך די אלע תנאים קען ער טאקע יא וואשן די וועש, אינזערע מזלות זענען טאקע אזוי ווי דער וואש מאשין זיי טוהן די ארבעט פון אריינלייגן אין יעדע באשעפעניש כוחות נפשיות, אבער אלעס גייט צו מיט אן השגחה פרטיות פון דעם רבוש"ע אליין'ס.

און פינקט ווי דער וואש מאשין קען דיר נישט קאכן קיין נאכטמאל ווייל מען האט עס נישט געשטעלט פארדעם פינק אזוי וועט קיין נוגה נישט מאכן קיין היציגע מענטשן און אוודאי נישט וואשן דיין וועש, ווייל נישט אויף דעם איז ער דא.

שרייבסט:
"לגבי ווער ס'האט עס אויפגעמאכט, האב איך געשריבן "איך ווייס באמת נישט אבער איך גלייב אז דער וואס האט אויפגעמאכט דעם 'יאר פונעם זון' און דער '24 שעה אינעם טאג' דער זעלבער האט אויפגעמאכט די און נאך אנגענומענע כללים אין די בריאה.""


מיין פראגע איז נישט 'ווער עס האט אויפגעמאכט די מזלות', ווייל קיינער האט עס נישט געדארפט אויפמאכן ,מ'האט געדארפט קוקן אויפ'ן הימל און זיי זען . די פראגע איז ווער עס אפגעמאכט אז זיי האבן עפעס א שליטה דא אויף דער וועלט, ווער האט אפגעמאכט אז זיי מאכן דעם מענטשנס נאטורן ?
אבער דעם תירוץ ווייס איך אויך לכאורה, ווי דער רמבם שרייבט אויף א פלאץ: די זעלבע סארט וואס פלעגן זיך בוקן צו די זון און די לבנה, צום בעל און צום פעור, צו שטיינער און העלצער.


לאמיר דיר פרעגן ווער האט אויפגעמאכט אז פון רעגן ווערט מען נאס?, און ווינטער איז קאלט? און אינטערן וואסער קען מען נישט אטעמען?, סתם געצן דינער?.

דער אמת איז אז זיי זענען משפיע, און דאס וואס חז"ל שרייבן אויף עטליכע ערטער אז די מזלות האט א ווירקונג אויף יעדע באשעפעניש, לויט ווער עס איז אינטער איר שליטה, איז נישט פשט אז חז"ל האבן דאס אויפגעמאכט, חלילה, נאר זיי האבן אונז פליישיגע מענטשעליך דערציילט געהיימניסן וואס זיי מיט זייערע מדרגות און הייליגע אויגן האבן געזעהן, און דער מציאות איז אז די זון מאכט ליכטיג זינט ששת ימי בראשית און די מזלות זענען שולט זינט ששת ימי בראשית.

שרייבסט:
" לגבי מיליאנען מייל אוועק. יא עס האט א השפעה אויף דעם קליינעם פיצי וועלטל וואס איז 'בלויז' 25 טויזענט מייל רינגס און ארום, און די השפעה איז נישט אין די גלויבן פון מזלות נאר אין פאקטישן זין פון ווארט.
"די לבנה הייבט די וואסערן, די זון פון 93 מיליאן מייל מאכט ליכטיג און ווארעם (אגב, עס נעמט 8 מינוט פאר א שטראל אנצוקומען צו דער וועלט, ד.מ. 8 מינוט צוריק איז דער שטראל געווען אויבן ביים זון), זשופיטער שאפט א מאגנעטישער כוח וכו' וכו', און מען רעדט פון הונדערטער מיליאנען מייל אוועק און דווקא דאס איז די אינטערעסאנטסטער חלק פון די בריאה וואו מיליאנען באשטאנדטיילן, גרויסע ווי קליינע אלעס אלעס שטימט מיט צום טאקס פונעם גאנצן סיסטעם, דער גרעסטער ראיה אז דער בורא איז א יחיד ואין יחידות כמוהו. "


כ'וועל נאכאמאל איבערפרעגן מיין קשיא. פיזישע זאכן וואס געשעען קען מען אבזערווירן מיט די אויגן. זיי זענען פאקטישע זאכן ואוס געשעט און יעדער קען עס זען. דאס אז ליכטיגקייט פון די זון קומט אן צו אונזער וועלט איז א פאקט וואס מיר זעען און יעדער פארשטייט אז ווען שטראלן פון ליכטיגקייט (פאטאנס) קומען ערגעץ אן מאכן זיי ליכטיג. די זעלבע איז מיט די לבנה וואס הייבט וואסערן, איז דא ס א פיזישער פאקט ואוס מ'זעט און מ'פארשטייט אויך פארוואס , ווייל איר גרעוויטי ציט ארויף די וואסערן, געוואנדן לויט איר פאזיציע קעגן די וועלט. אבער לגבי די מזלות, איז ערשטנס זעט קיינער נישט פיזיש אז זיי זאלן דא האבן סיי וועלכן אפעקט. צווייטנס, זאגט מען ניטאמאל אז זיי אפעקטירן אין א וועג ווי די זון אדער לבנה, דו זאגסט נישט אז זיי מאכן למשל ווארים די וועלט, נאר דו זאגסט אז זיי קאנטראלירן יעדע זאך וואס געשעט דא און זיי באשטימען גאר מיינע נאטורן, ד.ה. זיי האבן אפילו א האנד אין מיינע "דזשינס". דאס איז ווי איך פארשטיי נישט גלייך צו קיין שום אנדערע זאך , גארנישט האט מען נישט געגעבן אזא מין מאדנע מאכט. דאס איז נאר דער איינציגער באשעפער ווער עס האט אזא פאוער אויף אלעם. יעצט האף איך פארשטייסטו דעם חילוק פארואוס די השפעה פון די זון גלייב איך (און פארשטיי) אבער די מזלות זע איך נישט, כ'האב נישט קיין איין איינציגע באווייז אדער סברא וואס זאל מיך וועלן שטופן דאס צו זאגן.פארוואס זאל מען טראכטן אז די מזלות האבן א הנהגה אויף אונזער וועלט און אלעס וואס אין איר?


דיין קשיה איז בסך הכל "זאג מיר פינקטליך וואס זיי אפעקטירן אויף די וועלט?", און אויף דעם וועל איך בל"נ בקרוב צוריק קומען מיט א פולע באריכט וואס יעדע פלאנעט טוט צו אונזער וועלט בכלל און צו אונז מענטשן בפרט.

און איבער דיין קשיה "וואס פעלן די מזלות אויס מיר האבן נאר איין איינציגער באשעפער וואס האט דער כח אויף אונזער נפשיות?" לאמיר דיר פרעגן "וואס פעלט אויס לופט צו אטעמען? מיר האבן דאך דעם בורא כל עולמים, און אויב ער וויל אונז האלטן ביים לעבן, וואס איז ווארשיינדליך דער חשוב'סטער זאך אויף דער וועלט דארפן מיר דאך נישט די לופט זאל טוהן דער ארבייט... "וואס פעלט אויס רעגן?" דער באשעפער פירט דאך מילא אלע געוויקסן און עס איז נישט קיין נפקא מינה אויב ס'רעגן'ט אדער נישט..., דער תירוץ דעראויף איז דאך זייער פשוט ווייל דער בריאה האט דער בורא עולם באשאפן מיט א טבע וואס זאל אלעס האלטן אין קאנטראל, און אויסצושטעלן דיינע נאטורן איז געוואנדן אין די מזלות, גענוי ווי די געוויקסן זענען געוואנדן אין דעם רעגן. אין דער גאנצער טבע איז באשאפן געווארן ליתן מקום לטעות וכדומה נאך אנדערע תירוצים וואס מען דארף נישט אריינגיין, און די מזלות זענען אויך א טייל פון די טבע'דיגע בריאה וואס דער באשעפער האט באשאפן.

שרייבסט:
"יעצט לגבי דיין שאלה פארוואס די וועלטל זעלבסט זאל נישט אריינגערעכענט ווערן אין די משפיעים. איך האב נישט קיין קלארע תירוץ דערויף אבער דאס איז איינס פון מיינע ראיות אז די וועלט שטייט אינדערמיט און די שבעה כוכבי לכת קורסירן ארום איר בבחינת תולה ארץ על בלימה. ווארן ווען דער זון איז אינדערמיט און דער וועלט דרייט זיך וואלט דאך דער וועלט געווען איינס פון די כוכבי לכת. זעה דא ביידע שיטות. "

אנטשולדיגט אבער עס איז היינט מער נישט דא קיין צל ספק אין דעם ענין. עס איז קלאר ווי דער טאג אז די וועלט דרייט זיך ארום די זון, און די וועלט איז טאקע 'יא' פון די כוכבי לכת (נישט כוכב, נאר א פלאנעט). די זון (און נישט די וועלט) איז אין צענטער פון דעם גאנצן סאלאר סיסטעם און אלעס דרייט זיך ארום איר, אריינגערעכנט אונזער וועלטל, וגם אנו בתוכם.


אויב אנטשולדיגן דארפט איר זיך אנשטולדיגן... איך ווייס נישט ווי דער צל איז, קען זיין אינעם שאטן פונעם טייוול... דארט איז שוין נישטא קיין ספק אז דער חמה איז א שבת און דער עולם איז א לכת, אבער ביי אונז אידן זענען די דברי חז"ל והראשונים העכער ווי די גוי'אישע אסטראמאניסטן נישט קיין חילוק ווי הויעך זיי שרייען, און ווען חז"ל האבן אונז געזאגט אז דער וועלט שטייט אינדערמיט און אלע מזלות לויפן אים ארום איז עס אזוי בלי שום ספק, און אויב דו האסט א קשיה דעראויף האסטו דער ברירה צו זיכן און טראכטן א תירוץ, אדער דברי חז"ל איז ביי אונז א מסקנא, נאכדערצו וועון זיי האבן עס געזעהן און נישט נאר שטודירט.


שרייבסט:
לגבי די השפעה פון די מזלות, האלט איך אינמיטן דורכטון געהעריג. איך גלייך קודם צו זאמלען מקורות אין חזל בעפאר איך ליין אין דרויסענדיגע בוכער, אזוי בין איך קרוב אל האמת.

אדרבא, ווען קומסט אויף מיט עפעס אינטערעסאנטס , ברענג זיי.


איך האב הנאה פון שוועמעל... אזוי דארף א ייד טוהן סיי ווען, קודם וויסן וואס דער דרך האמת איז און נאכדעם קען מען קוקן וואס די יעניגע האבן צו פארקויפן אבער יענץ ליינט מען שוין אלץ א אולי...
יידישיסט
שר חמש מאות
תגובות: 618
זיך איינגעשריבן אום: מיטוואך אוגוסט 13, 2008 10:48 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יידישיסט »

זייער שיין הרב גוטביין, ממש צום פינטל!
אוועטאר
איצל פיצל
שר האלף
תגובות: 1709
זיך איינגעשריבן אום: פרייטאג יולי 11, 2008 1:57 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך איצל פיצל »

פישל זייער א שיינע ארבייט

אבער לגבי די ענין, צו די וועלט דרייט זיך, אדער די זון, איז היינט צו טאג'ס קיין ספק, אז די וועלט דרייט זיך.

איך האב אמאל געהערט א אויסדריק פון גאר א גרויסע רב אן אמת'ער ירא שמים, וואס קען גוט די גאנצע ענין פונעם מערכת שמים, אז צו זאגן היינט צו טאג'ס אז די זון דרייט זיך איז אזוי ווי מען וואלט געזאגט אז די וועלט איז פלאך.....
ווייל פון חז"ל שטייט אויך קלאר אז די זון גייט איעדן טאג אריין אין הימל, און נאך אסאך זאכן, וואס היינט זעהט מען קלאר אז די מציאות איז אנדערש.
און די רמב"ם שרייבט שוין קלאר אז אין די זאכן, אויב זעהט מען מיט די יארן שפעטער אז די מציאות איז אנדערש איז נישט קיין פראבלעם זיך צו קריגען מיט די פריערדיגע.
די חתם סופר שרייבט אויך, אז מען קען זאגן ביידע וועגן, און עס איז נישט קיין פראבלעם צו זאגן ווי קפורניקוס, אז די וועלט דרייט זיך.

ווי אויך וועל איך דא עטעטשען א פייל, א שטיקל זהר אין ויקרא, וואס דארט ווער אראפ געברעגט די פאקט אז די וועלט איז רינדעכיג ממש, נישט אזוי ווי מען האט נאך געהאלטן אין די צייטן פון רבי שמעון בר יוחאי, דאך איז ער שוין מגלה וואס קיינער האט נאך דעמאלס נישט געוויסט.
איז, אזוי ווי היינט ווייסט מען שוין אויך קלאר אז די וועלט איז דער וואס דרייט זיך, וואס דאס איז אויך פארקערט ווי מען האט אמאל געהאלטן, אין אודאי אין די צייטן פונעם זהר האט מען פון אזא שיטה נישט געוויסט. איז כדי מעיין צו זיין אונעם לשון פונעם הייליגן זהר ווי ער שרייבט די לשון "מתגלגלא בעגולא" ווען ער וואלט געקענט שרייבן "עגיל ככדור" ווען ער וויל ווען נאר שרייבן די פאקט אז די וועלט איז רינדעכיג, איז, אז ער שרייבט "מתגלגלא בעגולא" האלט איך אז דאס איז ממש א גילו אינעם זהר לגבי דעם ענין אז די וועלט איז דער וואס דרייט זיך, און די חכמים האבן טאקע אלעס געוויסט!
אגב איך האב אמאל געטראפן הרה"צ ר' דניאל פריש ז"ל מחבר פונעם פירוש אויפן זהר "מתוק מדבש" און איך האב אים געפרעגט לגבי דעם ענין, און ער מיט מיר צוגעשטומט, אז מען קען טאקע אפשר אזוי לערנען פשט אינעם זהר
.PDF
זהר
(197.27 KiB) געווארן דאונלאודעד 201 מאל
ליפשיץ
שר חמישים ומאתים
תגובות: 291
זיך איינגעשריבן אום: זונטאג יאנואר 11, 2009 2:51 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך ליפשיץ »

הערשט יעצט דורכגעטון דעם אשכול, זייער אן אינטערסאנטע נושא. ערשטענס איז צום באוואונדערן ר' שוועמל'ס ידיעות און קלארקייט אין די נושא, איך בין באמת בארייכערט געווארן אין ידיעות אדאנק זיינע שיעורים. דערנאך איז א געשמאק צו ליינען די דין ודברים צווישן 'ניין' און שוועמל, און די אנדערע חברים דא.

דער הסבר וואס פישל גוטביין האט געגעבן איז עפעס אומפארשטענדליך. דער דמיון פון א וואש מאשין, פון לופט און רעגן, איז כלל נישט דומה צו די מערכת השמים, און עס פארענטפערט נישט די תמיהה פון 'ניין'. לופט און רעגן העלפן נישט צו קיין שום חלק הנהגת העולם, זיי זענען מוטבע ועומד פון ששת ימי בראשית און זיי האבן נישט קיין השפעה אויפן טאג טעליכן מציאות. זיי טוישן נישט, זיי זענען נישט משפיע אויף די ברואים, זיי האבן נישט קיין שום כח אין חלק הנהגת העולם. די אלע מזלות ווייטער האבן דייקא יא אין זיך א כח וועלכע טוען משפיע זיין אין חלק הנהגת העולם. זיי טוישן, זיי שטעלן אהער, זיי דרייען אן גאנצע מערכות און מ'דארף זיי אויסשפילן, מ'דארף ארויסנעמען אברהם אבינו העכער זיי בכדי צו טוישן זיין טבע, מ'דארף מתפלל זיין בכדי נישט צו זיין נכנע אונטער זייער כח, אא"וו. דעריבער פארשטיי איך נישט פונקטליך דיין פארגלייך.

בכלל איז זייער אינטערסאנט. 'ניין' האט גערעדט ווי א איד א ת"ח, וכדרכו של תורה אויפגעברענגט קשיות מדברי חז"ל והראשונים וועלכע זענען אים אומפארשטענדליך, און חוץ שוועמל האבן אים אלע איבעריגע מער ווייניגער געענטפערט מיט שיינע סברות. איך בין געווען זיכער אז איך וועל טרעפן תירוצים געבויט מדברי הראשונים וקדמונים, וועלכע גיבן זיך אפ מיט די ענינים.

איך וועל נישט זיין בעסער ווי מיינע פארגייער, און נישט טוהן אנדערש ווי דער מנהג ישראל איז. איך וועל אויף 'ניין'ס' קשיא, צוריק פרעגן מיט א קשיא. דיין קשיא איז זייער גוט, אבער נישט בלויז ביי מזלים. וואס טוט זיך מיט די אלע שרים, ווי למשל: די שרי המדינות, שר של מים, שר של אש אא"וו? ס'טייטש, וויאזוי האבן זיי א כח אריינצורעדן און טוישן אין עניני הנהגת העולם? ווען דער אויבערשטער האט געוואלט שפאלטן דאס וואסער, האט זיך דער שר של מים איינגעטאנעט און נישט געוואלט פאלגן? ווי פארשטייט איר דאס אז דער בוכ"ע דארף האבן דעם שר של מים ער זאל אים דיריגירן און אריינרעדן אין עניני הנהגת המים? און בכלל, קענען נישט די וואסערן געפירט ווערן פונעם בורא עולם זעלבסט. נאך וואס האט ער זיך געמוזט צושטעלן א שר של מים צו הילף, ער זאל אים העלפן פירן די וואסערן? דאס זעלביגע איז מיט די שרי המדינות וואס יעדע מדינה האט אויבן אין הימל. צי וואס פעלן זיי אויס? איז דען דער בוכ"ע נישט ביכולת אין איין רגע כמימרא אליין צו טאן. נאך וואס פעלט זיך אויס אז די שרים זאלן אפי' האבן א כח אריינצורעדן אין די עניני הנהגת ה' פון זייער מדינה?

ווי איך פארשטיי זענען די אלע זאכן אהערגעשטעלט אין א פארמאט פון 'נעשה אדם'. דער בוכ"ע האט אהער געשטעלט די טבע הבריאה אז דאס זאל געפירט ווערן אויף אן אופן פון שרים, כוכבים ומזלות און נאך פיל אנדערע ענינים. די סיבה דערפאר קען זיין פארשידנארטיג, אבער היות איך וויל דאך נישט זיין א מתרץ מפי סברא, נאר גיכער מפי ספרים וסופרים, דעריבער בלייב איך הענגען מיט די סיבה 'פארוואס' דער בוכ"ע האט אזוי אויסגעשטעלט די עניני הנהגות העולם בכלל, אז דאס זאל צוגיין אויף אן אופן פון שרים און מיטהעלפער. מיין פוינט איז, אז דיין קשיא איז נישט נאר אויף די מערכת השמים. די קשיא איז אויף די טבע בכלליות. פארוואס האט דער באשעפער מטביע געווען די טבעיות הנהגות העולם אויף אן אויפן אז ער האט געגעבן רעכט פאר אנדערע כוחות זאלן משפיע זיין און אריינרעדן אין הנהגת העולם, צו וואס האט אויסגעפעלט ממוצעים?
פישל גוטביין

  • ציטיר
  • צו לייגן א דאנק דארפט איר זיין אריינגעלאגט

תגובה דורך פישל גוטביין »

איצל פיצל; זייער שיין ארויסגעברענגט די צד פון די היינטיגע חוקרים און פון די פיליזופים פון אמאל, אבער אנו אין לנו אלא דברי התורה הזאת, און חז"ל האבן שוין אונז געזאגט מיט א פינקטליכקייט אלע דעטאלן איז מיר זייער שיטה זייער קלאר און די שיטת חכמי אומות העולם איז ביי מיר נישט איבערצייגענדיג אפילו מיט אלע סברות באנאזאם.

ליפשיץ וויל דוקה מקורות וועל איך פרובירן צוצושטעלן כפי שידי מגעת.

קודם איז דא די באקאנטע רמב"ם אין הלכות יסודי התורה פ"ג ה"ד: "כל הגלגלים האלו המקיפים את העולם הן עגולים ככדור והארץ תלויה באמצע".

און נאכער זעה איך אז דו ברענגסט אראפ א זהר און דו ווילסט אריינקוועטשן א שיינע פשט, דאן אויב אזוי האב איך א סתירת הזוהר קוק אריין אין זהר חדש בראשית דף ט"ו:

"דעלמא גלגל הוא ככדורא דא וכד נפיק ממזרח אזיל בסגלגלותא עד דמטי לתחת וכדין איתעבד רמשא ובההוא שעתה אזיל ונחית בגלגלין דמדריגן ידיען ונחית וסבב כל ארעא וישובא וכד נחית ואתכסיא מינן רמש לן ונהיר לאילן דדרין תחות לן לפום ישובא וסגלגלותא דארעא".

תרגום: "שהעולם גלגל הוא ככדור זה וכשיוצא [השמש] ממזרח הולך בסגלגלות עד שמגיע למטה [מכדור הארץ] ואז נעשה ערב ובאותה שעה הולך ויורד במדרגות ידועות וסובב כל הארץ והישוב וכשיורד למטה ומתכסה מאתנו אז אצלנו ערב ולאלו שדרים למטה אצלם אז אור לפי הישוב וכדוריות הארץ"

איך האף בל"נ צו ברענגען נאך מראה מקומות לכשרחיב.

ליפשיץ;
איך פארשטיי נישט וואס דו האסט נישט פארשטאנען, אבער אשאד זיך צו מיטשענען אויף די רייד פון אזא קליינער ידען\שרייבער אווי איך, אבער למעשה זעה איך אז דו ביסט אויך צוגעקומען צו די זעלבע מסקנה ווי מיר און עס פארענטפערט מיט זייער א ענדליכע אויפן.

נאר דער חילוק פון מיין תירוץ ביז דיין איז אזוי, ווייל איך האב אריינגעשטעלט די מזלות און איינע פון די דברים טבעיים וואס עס איז דא אויף די וועלט און עס האט איר טבעיות'דיגע תפקיד, גענוי ווי לופט איז א דבר שבטבע און איר תפקיד איז צו מאכן אטעמען די לעבעדיגע וכו', זענען די מזלות אויך דברים טבעיים וואס זייער תפקיד איז אריינשטעלן די בריאים פון די וועלט איין מצבים לויט זייער שליטה, ודו"ק כי קצרתי.

און דו האסט געמאכט די מזלות פאר מער א אלמעכטיגע כוחות און זיי צוגעגעליכן צו די מלאכים ושרים, עס איז גראדע א שיינע דערהער וואס כ'האב נישט דערקעגן גארנישט, נאר די אייניגע, אז די שרים זענען מער א דבר רוחי און די מזלות זענען פאקטישע דברים גשמיים.
שרייב תגובה

צוריק צו “ידיעות און וויסנשאפט”