לחיים טיש #3

[גרויזאמער]

ר' יוסף משה כהנא, און דאסמאל מיט... יעדער איז גרייט?... אקעי... מיט ר' אייזיק האניג!

צווישן אנדערע: קה רבון עלם וויזניץ, קדשנו במצותיך מאדזיץ, שומרי מצותיה בעלזא, ועוד ועוד, איבערגעארבעט הערליך הערליך אז עס צעגייט זיך אין די גלידער!!!

קיין פונקטליכע צייט קען איך נאכנישט זאגן, אבער עס איז דא אויף וואס צו ווארטן!

[פאטאקי08]

דאס הייסט גרויזאם!!!!!!!!!!!!!!!

מאכסט מיך שפרינגען אז עס איז שוין דא פריש און נאך דערצו פון אייזיק האניג איך וויל שוין לויפען אין געשעפט אריין אין יעצט זאגסטו אז:
קיין פונקטליכע צייט קען איך נאכנישט זאגן, אבער עס איז דא אויף וואס צו ווארטן!
זיי מוחל אין טויש קעפל און טויש דיין לעצטע נאמען מיט דיין ערשטע...

[גרויזאמער]

שא שא שא, שפרינג נישט, איך האב געטוישט דעם קעפל.

הק' גרויזאמער פרייליך

[פאטאקי08]

שכח הרב פרייליך יעצט בלייב שוין מיט די נאמען...

[מאשקע]

שכוח פאר די פרייליכע נייעס.

פון וואנעט נעמסטו עס?

[גרויזאמער]

לעט סעי אז איך נעם עס פון דעם וואס איך בין אייזיק האניג אליינס, דארף איך ארויסשרייבן ברבים דא אז איך נעם עס פון דעם?

איי מין... קאם אן...

[קרעמער]

אייזיק ווייס איך נישט, אבער בייסיג ביסטו יא...

[shumrim]

אייזיק ווייס איך נישט, אבער האניג ביסטו יא...

[פאטאקי08]

חחחחחחחחחח

[גרויזאמער]

איך האב נארוואס באמערקט קרעמערס תגובה, איך האב באמת נישט געמיינט קיין בייסיגקייט, איך בעט איבער מאשקע ברבים בין אם הוא נתרוקק ובין אם הוא לא נתרוקק, צו ער האט זיך באליידיגט צו נישט. עס איז נישט געווען קיין שום כוונה פון בייסיגקייט ח"ו.

[מאשקע]

ח"ו. לא נתרוקקתי. כ'בין נישט אנגעשפיגן געווארן.

[קרעמער]

אויב כ'מאך נישט קיין טעות, האב איך פריער געזען איינעם א פעדלער פארקויפן דעם טעיפ פארענט פון פאפא (לאכט מיר נישט אויס, עס קען גאר זיין אז דאס איז געווען לחיים טיש 2, איך בין ב"ה א מן-הארץ אין די סארט זאכן)

[מאשקע]

לכאורה א טעות.

ביזט מיר געווארן א פאפענער?

[גרויזאמער]

דו מאכסט נישט קיין טעות.

דער טעיפ איז שוין דא אין די געשעפטן.

לויפט און קויפט

[9/11/01]

יא! די טעיפ איז שוין דא איך הער זאגן אז ס'איז מוראדיג

[נאטורליך]

איך וויל דא פרעגען א אנדערע פראגע בנוגע דעם טעיפ., היות דער טעיפ האט א שיינע קלארע בילד פון א ציבור אידען זיך שטיפענדיג ביי א טיש ערגעץ (איך ווייס נישט ווי)
האלט איר אז עס איז א אויסגעהאלטענע זאך צו מאכען א טעיפ קאווער מיט א פיקטשער פון אזא ציבור אידען.? איך קען נישט קיינעם דארט פון דעקל אבער איך מיין אז היבש פון זיי זענען נישט צו שטארק צופרידען זיך זעהנדיג איבעראל. אפשר האט מען גענומען רשות פון אלע? עס גלייבט זיך שווער.. וואס זאגט דער עולם דערצו?

[לחיים ולברכה]

דאס בילד איז לעכוירע פון בעלזא (אויב ס'איז דאס זעלבע פון די פאריגע).
אויף די ערשטע אדער צווייטע טעיפ זעהט מען ר' ירמי' דמן און דאכט זיך אויך ר' יוסף משה כהנא ביים טיש.

[בני היכלא]

[לחיים ולברכה]

אלץ ניגון אויס זינגט ער דעם חי ה' ריכטיג. אלץ שנעל אויס דאס ווענדט זיך שוין ווי גוט דער אייער מיט צוויבל איז געלונגן..... כ'מיין חלילה נישט אוועקצומאכן גארנישט, אבער ס'איז נישט קיין כלל, וועם ס'גלוסט זיך צו טאנצן נאכ'ן אייער זינגטעס שנעל, און ווער ס'וויל זיך אפרוען זינגטעס שטייט.
קוקטויס אז אין בעלז טאנצט ביי חי ה', טוה זיי עפעס.

[בני היכלא]

[צייטליך]

די צווייטע "לחיים-טיש" טעיפ האביך קיין סאך נישט געהערט, אבער לעומת זה איז ארויסגעקימען אין די זעלבע צייט דורך יונתן שוווארץ א טעיפ וואס הייסט "שבת חזק" זיי זינגען דארט מער-ווייניגער די זעלבע ניגונים,

די חי השם ניגון זינגען זיי אויך, און איך האב עס זייער ליב געהאט, הגם זיי לייגן צו א שטיקל קווועטש, אבער ס'איז זייער שיין, און ס'האט בעיקר אויסגעפעלט פארן טעיפ, זיי זינגען עס אויך לעבעדיג, כ'מיין, נישט ממש לעבעדיג, מער הארא געשטימט, נאר באמת זינגסטו עס אויך אינדערהיים (אויב די זינגסט עס) אויפן זעלבן 'ביט' נאר דא אויפן טעיפ קוקט עס אויס שנעלער צילוב דעם וואס עס קומט מיט א 'דראום' קימענדיגע שבת ווען די זינגסט עס צווישן די אייער-צוויבל און די צום הינגער ווארטענדיגע טשאלנט נעם דיך עס זינגען מיט קלאפעס אויפן טיש, א שטייגער ווי מיין קליינע ברודער "דראומט" אינדערהיים, וועסטו זעהן אז עס קוקט אויס שנעלער.

[בני היכלא]

[מאשקע]

יא, דער לחיים טיש נומער 3 איז שוין אין די געשעפטן. פון וואו ווייס איך? ווייל כ'האב עס שוין געקויפט און געהערט 3 מאל.

כ'בין אביסל אנטוישט. וטהר לבינו און ירושלימ'ער רב'ס מצוה טאנץ קען איך הערן ביי יעדע חתונה. איך דארף נישט וועגן דעם קויפן (צ"ל דינגען בתנאי...) א סי-די פאר 15 טאלער.

א לענגערע אפהאנדלונג וועט מעגליך נאכפאלגן.

*

צייטליך און היכלא, איר קענט ממשיך זיין ווייטער. נו, אריינברענגען די איי-מיט-צוויבל...

[בני היכלא]

[אנדי פעטיט]

קול מבשר האט אויסצוגען פון די נייע לחיים טיש ביי די נומער אכט קנעפך.