איי-פעד

[ווארום]

מזל טוב!
ענדליך נאך חדשים לאנגע ספעקולאציעס, האט סטיוו דשאבס די גרינדער פון עפל, היינט געמאלדן די נייע IPAD, דאס איז א האנט קאמפיוטער צווישן א IPOD און א נעט בוק

כמה מעלות טובות: (לויט ווי סטיוו גיבט יעצט איבער)

- דיק [דין] א האלבע אינטש!
- וועגט: 1.5 פונט
- בעטעריי: האלט אן 10 שעה!
אויף סטענדביי 1 חודש!!!
-קען אננעמען אלע APPS פון די IPHONE

די עולם איז געבעטן צו אפדעיטן מיט ווייטערדיגע באריכטן..

[leiby]

בילדער איז נאכנישט דא?

[leiby]

פרייזן

ipad wifi
16GB $499
32GB $599
64GB $699
גייט זיין רעדי אין א חודש

ipad 3G
16GB $629
32GB $729
64GB $829
גייט זיין גרייט אין 2 חדשים

[תו השמיני]

סטיוו דזאבס שטעלט עס פאר

[leiby]

נאכאיינס

[DONE]

ווער גייט קויפען אזא זאך?

[תו השמיני]

קען זיין אז עפעל גייט מאכען ביליאנען אויף די נייע פראדאקט, אבער נאכן מיטהאלטען די היינטיגע קאנפרענץ בין איך שטארק מסופק אויב די אייטעם איז עפעס ווערט.
יעדע אייטעם דארף אנפילען א ליידיגע פלאץ.... און למעשה פעלט נישט גארנישט במשפחת התפוח
אין טאש: איי פאד, איי פאון. אויפן שויס: מעק באק. אויפן טיש: איי מעק, מעק פרא.... וכו'
לפענ"ד איז די אייטעם א אימבאלימפיטע זאך

[leiby]

פאר געוויסע פין זייערע אייטעם'ס זענען ארויסגעקומען האט מען געזאגט די זעלבע זאך, מ'ווייס מיר אבער נישט ווי שנעל די זאכן טוישן זיך,
עס קען נאך ווערן אזאך וואס מ'וועט נישט געדענקען ווי אזוי מ'האט זיך געקענט באגיין אן דעם

ימים ידברו!

[עס עפעס]

ליינט דא מער איבער דעם "איי-פעד"...

http://www.ivelt.com/forum/index ... ic#p318801

[סתם_אזוי]

http://viigo.im/2gkV

[קהת]

גרמניה האט ארויס געגעבען א קאמפיוטער וואס הייסט WEPAD ווי זיי זאגען איז דאס אסאך בעסער ווי די IPAD האט איינער מער אינפארמאציע?

wepad

[עס עפעס]

די פירמע "עפל" איז שנעל אויפגעשפרינגען הערנדיג די נייעס, און סטיוו דזשאבס זאגט אז קיינער האט נישט די רעכט צו נוצן דאס ווארט PAD אויף סיי וועלכע קאמפיוטער, וויבאלד ער האט ארויסגענומען א "פעטענט" אויף דער ווארט.

[אבי.גערעדט]

טראץ אלע שפעקולאציעס דא אויפן פארום און איבעראל בנוגע די אייפעד האט עפל אפגעצייכנט א מאסיווע סוקסעס ווען זיי האבן פארקויפט אריבער צוויי מיליאן פון די אייפעד!

[שטארק זיך]

קוקט אויס אז ס'איז נאך דא מענטשן וואס ליינען נישט אייוועלט

[קהת]

איך האב מיר איינגעהאנדעלט איינס, סאיז מורדיג!!!!

[יהיה כן]

קהת, כהאב עס געזעהן ס'זעהט אויס גיוואלדיג
איז דא נאך חילוקים צווישן די 32GB און די 64GB אויסער די capacity?
און וואס איז 3G? (טשולדיגט מיין אומוויסנהייט)

[פינטעל]

זעענדיג די סוקסעס פונעם אייפעד האבן א רייע פירמעס אנגעהויבען א געיעג נאכצומאכן דעם טאבלאיד
אזוי ווי עפעל האט ארויסגענומען א עקסלוסיוו אויף דעם נאמען "פעד" קומען די פירמעס אויף מיט אינטערעסאנטע נעמען פאר די כלי

דא האט איר די נייע Galaxy Tape פון Samsung וואס ארבייט מיט די נייע Android טעכנעלאגיע

[שוועמל]

וואס זענען טאקע די מעלות פון אייפעד?

וויאזוי קענען מיר פשוטע אייוועלט-אידן געניסן דערפון?

איז דאס א אויפטו לגבי ביזנעסער?

למעשה ארבעט פלעש דערויף, זענען זיי דורכגעקומען מיט אדאבי?

[שוועמל]

קיינער דא האט נישט קיין איי פעד?

אזוי צוריקגעשטאנען...

[ווער בין איך?]

איך וואלט געקויפט אויב וואלטעך געהאט אפאר איבריגע דאללער פשוט צו זעהן וואס איז אזוי גוט פון דעם... נישט אז איך דארפעס...

[אלדד]

צופעליג האב איך יא א איי-פעד, כ'האב הערשט יעצט באמערקט די אשכול...
לאמיר דא ענפערן אפאר פראגעס אין קורצען, ס'איז נאך דא אסך צו טוהן היינט...
===
דער איי-פעד קען ווערן אנגעריפן א אינפא קאנסומינג דעווייס (Info consuming device) דאס איז טייטש א מכשיר וואס איז געמאכט געווארן צו ליינען ענדערש ווי צו שרייבן, נישט אז מען קען נישט שרייבן דערמיט, ס'איז אבער לאו דוקא געמאכט געווארן דערפאר.
ס'האט נישט קיין פיזיקעל קיבאורד און מען טייפט אויף די קיבאורד וואס קומט ארויף אויפן סקרין. ס'איז א מורא'דיגע געשמאקע סייז צו ליינען (אביסל גרעסער ווי א פאפיר) און וועגט איינס מיט א האלב פונט וואס איז א טראפ מער ווי א דורכשניטליכע מאגאזין. ס'קומט מיט זייער א קלארע סקרין (קומט אבער נישט צו צי די איי-פאון4 וואס איז היינט ארויסגעקומען - מער איבער די נייע אייפאון4 וועל איך מעגליך שרייבן אביסל שפעטר), וואס גיבט א מורא'דיגע געשמאקייט צום ליינען, בנוסף קען עס געניצט ווערן ווי א אי-בוק רידער, סיי דורך די איי-בוק פראגראם וואס איז א פרייע דאונלאוד, ווי אויך דורך די אמאזאן קינדעל פראגראם וואס איז אויך אימזיסט (פארשטייט זיך אז די ביכער קאסטן געלט, ס'איז אבער אויך דא פאבליק דאמעין ביכער וואס איז אימזיסט, ווי אויך קען מען אריינברענגען אי-פאב ביכער פון אנדערע סייטס. דערוויל איז נאכנישט דא געהעריג קיין אידישע אדער לשה"ק ביכער, איך קלער אבער אז תיכף ווען מען גייט דאס אנהייבן צו פארקויפן אין ארץ ישראל וועלן שוין זיין אידיש/לשה"ק ביכער).
ס'שרייבט זיך גאנץ געשמאק א קורצע אימעיל (אדער אויב מען דארף שרייבן א לאנגע אימעיל קען מען ציקויפן א עקסטרנעל קיבאורד - סיי וואס ארבייט דורך בלו-טוט און אויך וואס איז א סארט "דאַק" וואס טשארז'ט עס בשעת מעשה), ווי אויך קען מען זעהן דערויף ווידיאו און בילדער. פארשטייט זיך אליינס אז ס'איז א איי-פאד אויך ווי מען קען הערן מוזיק.

קהת, כהאב עס געזעהן ס'זעהט אויס גיוואלדיג
איז דא נאך חילוקים צווישן די 32GB און די 64GB אויסער די capacity?
און וואס איז 3G? (טשולדיגט מיין אומוויסנהייט)

די חילוק ציווישן די Wi-Fi only און די 3G מאדעל איז אז מען קען זיך קאנעקטען צום אינטערנעט מיט די 3G פון at&t's סעליולאר נעטווארק ווען מען איז נישט ביי א וויערלעס Hot-Spot.

אויב איינער האט נאך פראגעס בנושא וועל איך פראבירן צו ענפערן שפעטר...

[צים פינטעל]

פיששיא
כגליסט....

[אלדד]

לא תחמוד......

[צים פינטעל]

לא תחמוד......

נישט אזוי פשוט אז דאס איז לא תחמוד

[אלדד]

לאמיר שוין הערן א שטיקל פון דיר פארוואס ס'איז נישט לא תחמוד...