גייען מיר ראטעווען דעם חתונה מצב?

צדקה צוועקן און חסד ארגאניזאציעס

די אחראים: יאנאש,אחראי,געלעגער

אוועטאר
טהור-עיניים
שר חמשת אלפים
תגובות: 5124
זיך איינגעשריבן אום: זונטאג יולי 22, 2007 1:29 pm

גייען מיר ראטעווען דעם חתונה מצב?

  • ציטיר
  • צו לייגן א דאנק דארפט איר זיין אריינגעלאגט

תגובה דורך טהור-עיניים »

עס קוקט אפשר אויס מאדנע אזא קעפל, און אפשר איז עס מאדנע, אבער ההכרח לא יגונה, און איך מוז זיך נעמען דעם פעדער אין די הענט אריין און אפשרייבן די דאזיגע שורות אל כבוד חברי הקרעטשמע. וזה החלי.

איך האב אמאל געהערט א דרשה פון דעם וויענער רב זצ"ל דער בעל עזר מיהודה, ער האט גערעדט פאר זיינע תלמידים איבער אן ענין אין אידישקייט. (איך וויל נישט אריינגיין אין דעם ענין, און איך וועל אפילו נישט דערמאנען דעם ענין פון וואס ער האט גערעדט ווייל איך וויל נישט פארקריכן). אבער בתוך הדברים האט ער דארט געזאגט א מורא'דיגער זאך.

ער האט געפאדערט פון זיינע תלמידים אז זיי זאלן זיך צושטעלן צו א פאדערונג וואס ער האט געהאט בנוגע אידישקייט, וואס דאס האט געפאדערט מען זאל טוישן א געוויסע שלעכטע געוואוינהייט, און ער האט מעורר געווען אז דער ענין, אויב וועט מען עס אזוי לאזן וועט עס ברענגען זייער שלעכטע פאלגן. און ער האט זיך דארט אויסגעדרוקט: "עס איז ביי מיר קיין ספק נישט אז איין קהילה, איין חבורה פון מענטשן וועלכע נעמען זיך צאם צו פאררעכטן די דאזיגע זאך, קען טוישן דאס גאנצע יהדות אין אמעריקא לטובה".

דאס זענען מורא'דיגע ווערטער, און דעריבער ווענד איך מיך טאקע צו די חברי הקרעטשמא, וועלכע איז א פלאץ ווי מען קען שמועסן היימיש, און זיך אדורכרעדן אן ענין לאורכה ולרחבה ולעומקה, און טאקע דערפאר וויל איך דאס דא אויסלופטערן.

איך בין נישט אזא גרויסע מומחה בהיכלי קרעטשמאתינו, און דעריבער געדענק איך נישט צו דער ענין איז שוין אמאל דורכגעשמאסן געווארן, איך גלייב אבער אז מען האט שוין גערעדט דא דעריבער, אבער דאך, גלייב איך נישט אז מען זאל האבן דעם ענין אויסגעשמועסט אויף דעם אופן, און דעריבער טאקע עפן איך א נייער אשכול איבער דעם. און איך בעט, אז מען זאל דא באמת דעבאטירן דעם ענין, און זעהן וואס קענען מיר באמת אויפטוהן. ווייל דאס אז מיר קענען אויפטוהן איז ביי מיר קיין שום ספק נישט, דער שאלה איז נאר וויפיל.

דער פראבלעם

איבער דעם פראבלעם פון חתונה מאכן דארף מען באמת נישט מאריך זיין, דעריבער וועל איך נאר בקצרה ארויסברענגען די פאקטן פון דעם פראבלעם און דער מציאות פון דעם מצב כהיום.

אמעריקא איז היינט מער נישט א אינדוסטריעלע לאנד אזוי ווי זי איז געווען פאר זעכציג יאר צוריק נאכן קריג, און אזוי ווי די היימישע אנשי שלומינו אידן זענען נישט מיטגעגאנגען מיט דעם טויש אין דעם אמעריקאנער סיסטעם, איז געווארן א מצב, אז אפילו אין א תקופה ווען עס איז נישט א ריסעשאן, מוטשעט זיך רוב עולם מיט פרנסה, רוב ציבור ברענגט נישט אהיים גענוג צו דעקן דעם חודש.

יעצט אז עס רוקט זיך אן א עת שמחה און מען דארף חתונה מאכן א קינד, און דער סדר און אופן פון חתונה מאכן איז דאך שוין באשטימט דא אין אמעריקא פון פילע יארן איבער'חזר'ן די זעלבע מיסטעיקס איינמאל און נאכאמאל, ביז עס איז שוין געווארן א מוז, און גאר מנהגי ישראל וכדו', וואס מען טאר שוין אויף זיי נישט מוותר זיין.

למעשה האבן מיר זיך געטראפן אין א מצב אז חתונה מאכן קאסט צענדליגער טויזנטער דאללארן, א סכום וואס א גרויס חלק פון די חתונה מאכערס פארדינען נישט אין א יאר, און אפילו די וואס יא, באטרעפט עס ביי זיי אויך גאר אפט, א האלב יאר, אדער דריי פיר חדשים פרנסה, און עס איז א דבר פשוט מאוד, אז אזא מציאות קען נישט אנהאלטן.

פאר בערך פיר יאר צוריק, האב איך גערעדט באריכות איבער דעם נושא מיט איינעם פון די גרויסע עסקנים ביים יהדות החרדית איבער דעם ענין, דער איד איז א גרויסער גביר, און האט זיך שוין געלאזט קאסטן צענדליגער רבבות אויף צו העלפן אידישע קינדער חתונה מאכן, און ער האט זיך פאר מיר אויסגעדרוקט, אז איבער זיבעציג פראצענט פון דעם היימישן ציבור קען היינט נישט אליינס חתונה מאכן. אפילו אידן וועלכע לעבן בדרך כלל אביסל בעל בית'יש דארפן אנקומען צו הילף ווען זיי מאכן חתונה. און דאס איז געווען אסאך פאר דעם רעסעשאן.

די תוצאות וואס דאס ברענגט, די שווערע נאכפאלגן, ברוחניות, בגשמיות און בפרט אויף דעם נפשיות'דיגן טייל פון דעם געזונט שרייט דאך נישט נאר ביז צום הימל, נאר נאך פיל פיל העכער. אבער פאר סאם ריזען איז נאך נישט געטוען געווארן קיין דראסטישע שריט צו העלפן דעם מצב.

איך האב יארן צוריק געהערט פון א חשוב'ן אלטן איד, אז ווען ער איז געווען יונג האט ער אמאל געטראפן זייער אן אלטן גוי, איבער הונדערט יאר אלט, פריש און געזונט ווי א יונגער מענטש. יענער איז געווען זייער א קלוגער און אנגעזעענער מענטש און ער האט אים אויסגעפרעגט איבער זיין לעבן. און דער גוי האט עפעס געזאגט, וואס איז ווערט איבערצוזאגן:
"דאס לעבן איז פול מיט פראבלעמען, ווי מען דרייט זיך נאר שטרויכלט מען זיך אן אין פראבלעמען וואס מען האט כמעט נישט קיין קאנטראל איבער זיי. אבער וויבאלד מען לעבט, מוז מען זיך מיט זיי ספראווען. דער ווייטאג איז אבער, אז עס זענען דא פראבלעמען, וועלכע מענטשן גייען אריבער, און צומאל צושטערן זיי אפילו דעם לעבן, אבער דאס זענען פראבלעמען וואס דער מענטש האט זיך אליינס גענומען. עס איז דאך ממש א שאד, עס זענען דאך דא גענוג פראבלעמען איבער וועלכע ער האט נישט געהאט קיין ברירה, גייט מען און מען נעמט זיך בידים נאך? אט די פראבלעמען האב איך אלעמאל געזוכט אין מיין לעבן אויסצומיידן" האט דער גוי אויסגעפירט.

רבותי, דער פראבלעם פון חתונה מאכן איז א פראבלעם וואס מיר אידעלעך האבן זיך, אין גרויסן טייל, אליינס גענומען, און נאר מיר קענען עס פארעכטן. אויף דעם איז נישט שייך מתפלל צו זיין אדער בעטן ביים באשעפער, מיר מוזן זיך נעמען אין די הענט אריין און טוען למעשה.

נאך א קליינע נקודה

א וויכטיגע נקודה, וועלכע איז ווערט צו דערמאנען דא, איז דער פאקט אז אזא סארט לעבן, און פראווען שמחות אויף אן אופן וואס מען קען זיך לגמרי נישט ערלויבן, אנלייגנדיג זיך אויף דעם גאנצן ציבור בכלליות און אויף די משפחה און גוטע פריינד בפרטיות, און דערנאך זיך צוגרונד לייגן דאס געזונט פון יעדן שטאנדפונקט, איז אויסדרוקליך נגד התורה.

אמת אז עס איז געווארן דעם סטאנדארט, אדער סטייל, אזוי צו טוהן, יעדער טוט, יעדער מאכט, איך "מעג נישט" זיין אנדערש, איך "טאר דאס נישט טאן" צו מיינע קינדער. די אלע סארט סטעיטמענטס זענען פיינע ווארע דעליווערט צו אונזער קאמיוניטי סטרעיט פון דעם באק אויבן פון דעם בעל דבר אליינס. עס איז דאך זיין אלטע ציל צו צוברעכן אידישע שטובער, אוועקנעמען יעדעס ברעקל ישוב הדעת פון ערליכע אידן, ווייל דאס מאכט אים פשוט אסאך גרינגער די איבריגע ארבעט.

אלס ערליכע אידן, בני תורה, וועלכע פארשטייען צו זיין אנדערש ווי די גאס, ווייל אזוי הייסט די תורה, וועלכע פארשטייען ווען מען דארף אויסגעבן געלט ווייל די תורה הייסט, דארפן מיר אויך פארשטיין ווי נישט אויסצוגעבן געלט, ווייל דאס איז דער רצון ה'. מיר מוזן זיך אויסלערנען איינציען דעם פאסיק. נישט נאר אלס מענטשן, נאר אלס אידן, און נישט נאר אידן נאר אלס מענטשן.

דער לייזונג

צו געפונען א לייזונג, מוז מען קודם אנאליזירן דעם פראבלעם. וואו ליגט דער הונט באגראבן, וואס עסט אויף אזוי פיל געלט ביים חתונה מאכן, און וואס קענען מיר טון, דאס צו שניידן.

אלזא, דאס געלט ווערט פארשווענדעט אויף פילע זאכן, טייל קלענערע, וואס צוזאמען זאמלען זיי זיך אן צו א גרויסן סכום, און טייל טאקע גרעסערע. אנגעהויבן פון דעם שידוך שליסן הייבט זיך אן א מתנה געגעבעכץ, מען קען מיינען אז מען גייט שוין אט אט שטארבן, און מען זוכט פשוט אריינצוכאפן צו געבן מתנות איידער איידער...... מען געט מתנות, דזשולערי, פרעזענטס, שטותים, בלומען, פאלשע, עכטע, זיידענע סחורה'נע, ספרים, בוקס, זילבער, גאלד, דימאנטן, פערל, לעדער, נאך שטותים, געשטריקט, געקניפט, געבונדן, שווארץ, ווייס, שבת'דיג, וואכנדיג, יאמטעפדיג, און אזוי ווייטער, (ווער עס וויל קען ממשיך זיין דעם ליסט). און ווי לענגער מען איז חתן כלה אלס מער מתנות דארף מען געבן.

דערנאך הייבט זיך אן מיט שטאפיר. אנגעהויבן פון מלבישים, און געענדיגט מיט פורנישטער און כלי דירה און אלעס אינצווישן, און אלעס נאר פון ברענד נעימס, און פון טאפ קוואליטי, ווייל אז מען קויפט שוין, זאל שוין זיין. און און ווער רעדט נאך פון די צערעמאניעס. צוערשט א ווארט, און צומאל גאר קודם א לחיים און ערשט דערנאך אן אפיציעלער ווארט, נאך דעם קומט א מסיבת תנאים, נאכדעם קומט דער ליל החתונה, די הכנות, אינוויטעישאנס, שבת אויפרוף, חתונה, שבע ברכות, שבת שבע ברכות.

און במשך די אלע זאכן ווערן געספענדעט טויזנטער דאללארן איבער זאכן וועלכע זענען באמת נישט זייער נויטיג, און צומאל גענצליך אומוויכטיג און איבריג.
א לייזונג צו דעם קען, לדעתי, נאר קומען, ווען די חתונה מאכערס, וועלן זיך באמת באקלערן, און אנהייבן טון צו דער זאך.

די נארישע הויכע סטאנדארטן, וועלכע פאסן מער פאר פריצישע אריסטאקראטן, מוז געבראכן ווערן, און צו דעם מוז לדעתי ווערן א מציאות אז מחותנים זאלן אנהויבן אפשמועסן צווישן זיך פונקטליך וואס און ווען און וויאזוי מען גייט קויפן און אויסגעבן געלט, און דעם וואס עס זאל זיין אזא זאך, אז "יעדער" טוט דאס, און מיר גייען קויפן דאס, אדער מאכן יענץ ווייל "אזוי טוט מען". ווער איז דער "מען" וואס טוט אזוי? פאר וועמען פונקטליך ווילסטו געפעלן?

און דאס וויל איך דא אויפטוהן מיט דעם אשכול, איך וואלט געוואלט בעטן פון כל יושבי קרעשמאתינו הדין בכלל, און די וועלכע דארפן שוין אנהייבן קלערן פון חתונה מאכן בפרט (אפי' נאר אין די קומענדיגע פינף זעקס יאר) מען זאל אנהייבן אפשרייבן זאכן וועלכע וואלטן געקענט און\אדער געדארפט אויפגעהערט ווערן, און וואספארא זאכן מען וואלט אפשר זיך געדארפט איינפירן אויף צו שפארן געלט און אראפברענגען דעם גרויסן בער פון בוים, עס זאל ווערן א דבר השוה לרוב נפש.

(המשך יבוא)
חי עולמים - טהור עיניים
NO man is a failure who has friends
אוועטאר
מאנאגרעמס
שר האלף
תגובות: 1048
זיך איינגעשריבן אום: דאנערשטאג נאוועמבער 12, 2009 7:27 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאנאגרעמס »

שכח טהור'ל פארן אויפשטעלן אזא 'טייערן' אשכול.

איין זאך וואס איך טראכט יעצט, אז מען זאל נישט איינקויפן פאר די חתונה נאר דאס וואס די חתן-כלה וועלן געברויכן אויף א האלבע יאר נאך די חתונה.
מען קויפט היינט איין פארן חתן 24 פאר וועש, 2 שטריימלעך, 2 פאר שיך, 2 פאר ברילן, אא"וו.
נאך א זאך וואס איך האב אויפן בויך, צו וואס דארף מען קויפן א זייגער פארן חתן? ווייל דער גביר ר' אייזיק שלום'ס פון קראקע איז בייגעפאלן אז ער וועט צושטעלן א גאלדענעם זייגער פאר זיין חתן און דערביי וועט ער אים זאגן די מורא'דיגע תורה וועגן צייט וואס מיר האבן אלע געהערט אין ישיבה?
היינטיגע חתנים נוצן כמעט נישט די זייגערס, אינדערוואכן איז דא דער סעלפאון און שבת אדער טראגט מען עס נישט, אדער איז דא א צווייטע תירוץ.
די זאכן וועלן אפשר נישט אראפברענגען דעם בער פון בוים, אבער זיי וועלן אים מאכן מער נוטה זיין דערצו...
אוועטאר
farshlufen
שר שלשים אלף
תגובות: 35239
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

איך בין נישט אזא גרויסע מומחה בהיכלי קרעטשמאתינו, און דעריבער געדענק איך נישט צו דער ענין איז שוין אמאל דורכגעשמאסן געווארן, איך גלייב אבער אז מען האט שוין גערעדט דא

ביליגע חתונות א זאך פון יעצט אדער שפעטער
דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
יהיה כן
שר תשעת אלפים
תגובות: 9226
זיך איינגעשריבן אום: זונטאג מאי 03, 2009 2:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהיה כן »

אם אתה לו שמעני
היות דיין אשכול איז געווידמעט פאר די קומענדע דור-דורות וועלכע גייען חתונה מאכן אין די קומענדע פינף זעקס זיבן יאר, העטעך געראטן זאלסט מאכן א סך הכל וואס און וואו מען קען שניידן, און נאכדעם מאכן אן אנקעטע אשכול, און לויט די רעזולטאטן אולי וועסטע עפעס קענען אויפטאן.
אינגערמאן
שר חמישים ומאתים
תגובות: 254
זיך איינגעשריבן אום: מיטוואך נאוועמבער 25, 2009 9:01 am

  • ציטיר
  • צו לייגן א דאנק דארפט איר זיין אריינגעלאגט

תגובה דורך אינגערמאן »

איך האלט אז אויב שפארן, זאל מען ענדערש שפארן אויף זאכן וואס בלייבט נישט. למשל רענטען א גאון פאר 2000 דולר א נאכט איז א הימל געשריי.... און ווער רעדט נאך ווען מען דארף אויסשטאפערן די גאנצע משפחה מיט גאונס וויפיל דאס קאסט אפ. און אזוי ווייטער אלע פיטשיפקעס ביים חתונה נאכט וואס בלייבט ממילא נישט אויף דעם זאל מען שפארן!

איך זאג נישט אז אויף אנדערע זאכן דארף מען נישט שפארן, נאר לענ"ד איז דאס די ערשטע.
אוועטאר
וויכטיג מאכער
Site Admin
תגובות: 32412
זיך איינגעשריבן אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

  • ציטיר
  • צו לייגן א דאנק דארפט איר זיין אריינגעלאגט

תגובה דורך וויכטיג מאכער »

אינגערמאן האט א גוטע פוינט.

אבער קודם ר' טהור'ל, א שיינעם דאנק פארן עפענען דעם אשכול, אזא אשכול קען היינט דערגרייכן זייער ווייט, ספעציעל נאכדעם וואס ביי א גרויסע טייל היימישע קהילות איז שוין היינט דא חתונה תקנות. (יא, איך האלט שוין היינט נאך א חתונה וואו מ'האט געענדיגט בערך 1:30.)

יעצט צוריק צו יונגערמאן'ס פוינט.

א שטריימל, (וואס מ'האט שוין ב"ה אראפגעברענגט די פרייז.) וועש, וכד' איז נישט די ערשטע זאך צו קאט'ן, מ'דארף קודם קאט'ן ביי זאכן וואס בלייבט נישט, למשל די 200 קאפל ביי א חתונה, די 3 שפילער'ס אויזער די וואן מען בענד, די אלע זאכן בלייבן נישט, ס'איז סתם פאר אויפרייסערישקייט, די זאכן דארף מען קאטן, דערנאך דארף מען דן זיין וואס נאך.

פוירניטשער, איך האלט אז ס'איז א שאאאד יעדן דאללער, מ'דארף קויפן די ביליגסטע וואס איז שייך. העמעדער וכד' איז אפשר יא אויסגעהאלטן צו קויפן מער, אבער קליידער פאר פרויען פאר א יאר/צוויי נאך די חתונה קען מען רואיג שניידן, סיי ווייל סייזעס טוישן זיך, און אפילו ווען נישט, ווערן די זאכן זייער שנעל "אוט אוו סטייל"... סאו ס'איז א שאאד צו קויפן.
דו האסט לייף אינשורענס אויף דיר און דיין ווייב?

ר' איד, דו האסט א פאלעסי, אבער נישט קיין אינשורענס!
אוועטאר
TAG
שר חמש מאות
תגובות: 809
זיך איינגעשריבן אום: זונטאג נאוועמבער 15, 2009 1:41 am
פארבינד זיך:

  • ציטיר
  • צו לייגן א דאנק דארפט איר זיין אריינגעלאגט

תגובה דורך TAG »

וויכי'ס פוינט וועגען פוירניטשער איז זייער ריכטיג און איך האלט אז דאס וואלט אסאך געקענט פארגרינגערען.
היינט צוטאג קאסט די פוירניטשער 10-15 טויזנט דולר. מ'וואלט געדארפט איינפירן אז די דיינינג רום סעט זאל ביישטיין פון א טיש און בענקלעך און א שאפע פון האם דיפו וואס קאסט נישט מער ווי 700 ביז 1000 דולר. און די בעדרום סעט פונקט אזוי, 2 בעטן און א טשעסט וואס קאסט נישט מער ווי 1000$. און ווען די קאפעל קען ערפארדען זאל'ן זיי קויפן וואס זיי ווילן.
אוועטאר
וויכטיג מאכער
Site Admin
תגובות: 32412
זיך איינגעשריבן אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

  • ציטיר
  • צו לייגן א דאנק דארפט איר זיין אריינגעלאגט

תגובה דורך וויכטיג מאכער »

רב תג, טענקס פאר די קאמפלימענט, אבער די זאך איז נאך טיפער, נישט נאר מ'קען עס נישט עפארדן... ס'האט פשוט נישט קיין פלאץ אינדערהיים, און ווען דער אייבערשטער העלפט, מ'קויפט א גערעסערע דירה, איזעס סייווי נישט די גוטע סייז וואס מ'וויל.
דו האסט לייף אינשורענס אויף דיר און דיין ווייב?

ר' איד, דו האסט א פאלעסי, אבער נישט קיין אינשורענס!
אוועטאר
סתם_אזוי
שר ששת אלפים
תגובות: 6112
זיך איינגעשריבן אום: מאנטאג מארטש 24, 2008 4:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סתם_אזוי »

און וועלכע גוישע סטאר קען מען טרעפן חסידישע סיייז בעטן?
איך האב עס געזאגט.... סתם אזוי. איך האב עס געפרעגט.... סתם אזוי.
אוועטאר
מאנאגרעמס
שר האלף
תגובות: 1048
זיך איינגעשריבן אום: דאנערשטאג נאוועמבער 12, 2009 7:27 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך מאנאגרעמס »

סתם_אזוי האט געשריבן:און וועלכע גוישע סטאר קען מען טרעפן חסידישע סיייז בעטן?


איך ווייס נישט וואס מיינט ביי דיר 'חסיד'ישע סייז בעטן', אבער קענסט אריינגיין אין עני סטאר און בעטן וואסערע סייז בעט דו ווילסט.
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

יישר כח טהור עינים. איך האף אז ביי די צייט וואס איך וועל אי"ה האלטן אין די צייט פון שידוכים, וועלן שוין זיין איינגעפירט תקנות בכל תפוצות ישראל.
יהיה כן
שר תשעת אלפים
תגובות: 9226
זיך איינגעשריבן אום: זונטאג מאי 03, 2009 2:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהיה כן »

און איך האף אז זאכן וועלן זיך אזוי רוקן אז מען וועט נאך ציצאלן.... :lol: :lol:
אוועטאר
leiby
שר שלשת אלפים
תגובות: 3911
זיך איינגעשריבן אום: זונטאג נאוועמבער 16, 2008 11:08 pm
לאקאציע: צווישן אידן

  • ציטיר
  • צו לייגן א דאנק דארפט איר זיין אריינגעלאגט

תגובה דורך leiby »

אין פארוואס טראכט קיינער נישט זיך צו נעמן איבער די הויכע רענט,
פארוואס קען אין ק"י זיין די זעלבע זאך ממש פאר העלפט
שש מצות תמידיות: אהבת ה',יראת ה', יחוד ה', אמונה בה', שלילת ע"ז, ולא תתורו.
יהיה כן
שר תשעת אלפים
תגובות: 9226
זיך איינגעשריבן אום: זונטאג מאי 03, 2009 2:25 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך יהיה כן »

מעהאמער שוין אן אשכול אויף די רענט פרייזן........ (מער ווייניגער די זעלבע רעזולטאטן..........)
אוועטאר
leiby
שר שלשת אלפים
תגובות: 3911
זיך איינגעשריבן אום: זונטאג נאוועמבער 16, 2008 11:08 pm
לאקאציע: צווישן אידן

  • ציטיר
  • צו לייגן א דאנק דארפט איר זיין אריינגעלאגט

תגובה דורך leiby »

איך רעד נישט פין דא, איך רעד פינעם די עולם אינדרויסן פין די קרעטשמע
שש מצות תמידיות: אהבת ה',יראת ה', יחוד ה', אמונה בה', שלילת ע"ז, ולא תתורו.
אוועטאר
גימעל
שר האלף
תגובות: 1110
זיך איינגעשריבן אום: זונטאג נאוועמבער 22, 2009 4:09 pm
לאקאציע: דערנעבן.

  • ציטיר
  • צו לייגן א דאנק דארפט איר זיין אריינגעלאגט

תגובה דורך גימעל »

וויכטיג מאכער האט געשריבן:יעצט צוריק צו יונגערמאן'ס פוינט.
פוירניטשער, איך האלט אז ס'איז א שאאאד יעדן דאללער, מ'דארף קויפן די ביליגסטע וואס איז שייך.


יא וויכי וואס זאל איך דיר זאגען ביזט %100 גערעכט.
איך האב חתונה געהאט אן קיין דיינונג רום סעט, און איך האב חרטה פארוואס א בעדרום סעט האט מען יא גע'קויפט (איך האב עס נישט פאלאנגט). ביים מופן האב איך געקויפט א ביליגע דיינונג רום טיש (בערך $450) און פשוטע - אבער זייער באקוועמע - בענקלעך. און ב"ה ס'פעלט גארנישט אין שטוב, ס'איז פאר יעדן באקוועם.

וויכטיג מאכער האט געשריבן:העמעדער וכד' איז אפשר יא אויסגעהאלטן צו קויפן מער, אבער קליידער פאר פרויען פאר א יאר/צוויי נאך די חתונה קען מען רואיג שניידן, סיי ווייל סייזעס טוישן זיך, און אפילו ווען נישט, ווערן די זאכן זייער שנעל "אוט אוו סטייל"... סאו ס'איז א שאאד צו קויפן.

אויך זייער א שטארקע פוינט.

אבער ווער בין איך אריינצורעדן אין די כלה'ס זייט?
בכלל האלט איך אז א גרויסע חלק פון די גאנצע פראבלעם, נעמט זיך פון די אינגווארג, די חתנים און כלות וואס פארשטייען נאך נישט די טייערקייט פון געלט, און די שוועריקייטן עס צו פארדינען, דערפאר פארלאנגען זיי פון די עלטערן וואס נאר זיי זע'ען ביי אנדערע, זיי ווילן פארט נישט זיין אנדערש ווי זייערע חברים/טעס.

(אז איך רעד שוין איז די זעלבע זאך מיט די דירות פראבלעם, אז די אינגע האלטן נישט ביים [אדער ווי אנדערע זאגן: קענען נישט] זיך טרעפן א ביליגע דירה און א ווייטערע פלאץ ווי די עלטערן וואוינען...)
ביים דורכפאלן דריי מאל דערלייגט מען ווייניגער ווי ביים פרובירן קיין מאל.
אוועטאר
לוסטיג
שר האלף
תגובות: 1138
זיך איינגעשריבן אום: דינסטאג דעצעמבער 23, 2008 1:56 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך לוסטיג »

קרעמער האט געשריבן:יישר כח טהור עינים. איך האף אז ביי די צייט וואס איך וועל אי"ה האלטן אין די צייט פון שידוכים, וועלן שוין זיין איינגעפירט תקנות בכל תפוצות ישראל.

איך ווייס נישט אין וועלכע פלאנעט דו לעבסט, אבער ווי איך לעב איז דא מעסאוו תקנות, אין ווער ס'האלט זיך דערצו שפארט א גיטע 25,000$,

ווי איד א נאנטער קרוב האט מיר געזאגט, אז ביי זיינע ערשטע פאר קינדער האט אים געקאסט אריבער 55,000$ פונעם ווארט ביזן לעצטן שבע ברכות, אין היינט ביי די יעצטיגע קינד וואס ער האט נארוואס חתונה געמאכט, האט דאס געקאסט א קנאפע 35,000$ אריינגערעכנט אלעס, אין נאך א נייעם שטריימל פאר זיך אויכעט.
אבער צום סוף לאכן מיר דיר אויס, הא..הא..הא..חחח...
אוועטאר
קרעמער
שר עשרים אלף
תגובות: 28338
זיך איינגעשריבן אום: זונטאג יוני 25, 2006 12:34 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך קרעמער »

זיי מדייק מיינע לעצטע ווערטער.
אוועטאר
סתם_אזוי
שר ששת אלפים
תגובות: 6112
זיך איינגעשריבן אום: מאנטאג מארטש 24, 2008 4:13 pm

  • ציטיר
  • צו לייגן א דאנק דארפט איר זיין אריינגעלאגט

תגובה דורך סתם_אזוי »

לוסטיג, מיין טאטע האט חתונה געמאכט פאר $30,000 א פאר יאר צוריק.
אז מען נעמט זיך אין די הענט אריין, קען מען שפארן אסאך.
איך האב עס געזאגט.... סתם אזוי. איך האב עס געפרעגט.... סתם אזוי.
אוועטאר
וויכטיג מאכער
Site Admin
תגובות: 32412
זיך איינגעשריבן אום: מיטוואך מארטש 12, 2008 6:21 pm
לאקאציע: צווישן טרעק 4 און טרעק 5.

  • ציטיר
  • צו לייגן א דאנק דארפט איר זיין אריינגעלאגט

תגובה דורך וויכטיג מאכער »

קרעמער, איך האב מדייק געווען.

אבער כ'וויל נישט גיין ווייטער.
דו האסט לייף אינשורענס אויף דיר און דיין ווייב?

ר' איד, דו האסט א פאלעסי, אבער נישט קיין אינשורענס!
אוועטאר
farshlufen
שר שלשים אלף
תגובות: 35239
זיך איינגעשריבן אום: פרייטאג נאוועמבער 16, 2007 8:26 am
לאקאציע: אויף די פאליצעס אין ספרים שאנק

  • ציטיר
  • צו לייגן א דאנק דארפט איר זיין אריינגעלאגט

תגובה דורך farshlufen »

דאע"ג דכבר למד הרבה פעמים כל התורה והמצות, מ"מ כשיגיע המועד חייב לשאול ולדרוש בהלכות כל מועד ומועד בזמנו [ב"ח]
שרייב תגובה

צוריק צו “צדקה וחסד”