"אידלע" אין גוגל טאלק

[גרויזאמער]

כידוע פארמאגט גוגל טאלק פיר ערליי סימנים וואס צייגן די סטאטוס פון דעם אויפן אנדערן זייט שרייבל (ליין: טרייבל).

: הנני, איך בין דא. (עוועליבל)
: מוטשע נישט יעצט, נאר אויב סאינטערסאנט אדער וויכטיג. (ביוזי).
: רעד צום דופן עקומה, איך בין נישטא (אופליין - וואס מען שרייבט אריין גייט צו יענעם אין אימעיל)
והאחרון הכבוד
: איך בין אריינלאגירט אין גוגל טאלק, נאר איך האב שוין נישט אנגערירט די קאמפיוטער א שטיק צייט, דאס מיינט אז איך בין ארויפגעגאנגען עסן לאנטש, אדער כאפן א ציגרעטל ("אידלע")


קען מיר איינער ביטע שעהן, ערקלערן אביסל מער איבער דעם לעצטן? ווילאנג דארף מען "נישט-אנרירן" דעם קאמפיוטער, אז אויף גוגל טאלק זאל אזוי שטיין, און צו גלייך ווען מען רירט אן די קאמפיוטער ווערט עס צוריק גרין?

[מאשקע]

איך מיין אז צען מינוט.

[יאנאש]

מען זאגט עס ארויס אנעם 'אי' ביים סוף, עס הערט 'זיך איידל'.

און יא, ווען די כאפסט אן דעם מייזל ווערט ער גלייך אויס איידל.

[מאשקע]

איך האב געקלערט אז דער הסבר איז אזוי.
ס'איז באקאנט אז צניעות לערנט מען זיך פון א חתול, א קאץ. און א מייזל איז דאך פארקערט פון א קאץ. נו, אז דער קאץ איז איידל, איז דער מייזל מסתמא נישט איידל. דערפאר, ווען מ'רירט צו צום מייז, ווערט דער קאמפיוטער אויס איידל.
כנלע"ד.

[איך_הער]

מאשקע, נאט בעד.

[קרעמער]

באבילאן טייטשט דאס שוין גארנישט אזוי 'איידל' איבער: נאר "פויל, אומאקופירט, גרונטלאז, ווערטלאז, אומוויכטיג, צייט פארברענגעריי" וכדומה.

lazy; vain, futile; unoccupied, unemployed; groundless, without foundation; worthless, unimportant

v. loaf, lounge, do nothing, laze around; waste time; operate at minimum speed (of an engine or machine)

דאס נעמט אבער נישט אוועק די חן פון מאשקע'ס תוירעלע, אדער גרויזאמער'ס תגובה.

[סאכדעס]

און לכאורה ערגעץ ביי די סעטינגס קען מען אנשטעלן נאך וויפיל מינוט ער זאל איידל ווערן, - הלוואי אויף אונז געזאגט - חוץ מזה האביך ערגעץ אין באזיס א בילד וואו כ'רעדט מיט גרויזאמער'ן, און ער איז איידל אפילו רעדענדיג.

אויב כעל עס טרעפן, העליך עס אפירבראכן.

[מאשקע]

אזוי ווי סאכדעס איז פארנומען, האט ער געבעטן איך זאל דאס ארויפלייגן.

[3x0]

טייפען איידעלערהייט מיין איך איז נישט אזא חידוש, ווי טייפן אפליין.

[מאשקע]

איך האב מיך גראדע אויך געוואונדערט.

[מאשקע]

איך מיין אז צען מינוט.

תיקון טעות. כ'האב יעצט געמאכט א טעסט, ס'דויערט נאר פינף מינוט.

[סאכדעס]

אוקיי טריאו, כ'רעדט דא ערענסט, די גאנצע בילד וואס כאב געכאפט איז געווען צוליב די וואונדער מיינע.

[מאשקע]

סאכדעס: טריאו איז זייער ערנסט.

[יגרסהדותא]

טריאוי: אויך מאשקע

[גרויזאמער]

שכויעך.

[ראמני 08]

שכויעך.

[ווער בין איך?]

טריאו און מאשקע, וואס איז דער חידוש פון טייפן אפליין? יעדע קען זיך מאכן אינוויזיבל, אזוי אז יעדער זעהט אים אפליין, אבער מען קען זיך נישט מאכן איידל....

[אונגארישער]

איך האב געקלערט אז דער הסבר איז אזוי.
ס'איז באקאנט אז צניעות לערנט מען זיך פון א חתול, א קאץ. און א מייזל איז דאך פארקערט פון א קאץ. נו, אז דער קאץ איז איידל, איז דער מייזל מסתמא נישט איידל. דערפאר, ווען מ'רירט צו צום מייז, ווערט דער קאמפיוטער אויס איידל.
כנלע"ד.

טיפיקעל מאשקע