הגיע זמן גאולתכם, ואם אין אתם מאמינים

[טהור-עיניים]

אקעי,

כ'בין געווען לעצטענס ביי די חתונה פון א נאנטן חבר'ס א זוהן, און עס איז דארט געזונגען געווארן א ניגון. דער ניגון האט מיך עפעס זייער געכאפט. און כאטש עס האט נישט געסאונד ווי עפעס אן אלטער חסיד'ישער זמר'ל, וועלכע חסידים פלעגן זיך נוהג זיין צו זינגען ביי א פארברענג, אדער נאך א ווארימען ליל שישי שמועס. און אוודאי נישט ווי עפעס וואס די אלטע רוסישע אידן פלעגן זינגען אין סיביר ביים אויסבאהאלטן זיך אין די פינסטערע ליכטיגע קעלערן פון די בייזע אויגן פון די צארישע נאטשאלניקעס, נאר איידער ווי עפעס וואס א היינטיגער זינגער האט מחדש געווען (כאטש איך בין חושש אז טראץ וואס די ווערטער רעדן עפעס פון ביאת המשיח, דאך וואלט ער נישט געוואלט באמת אז ער זאל שוין קומען, ווייל ווער וועט אים דען דאן אויסהערן). אבער פאר סאם ריזען האט מיך דער ניגון געכאפט.

לייג איך מיר אזוי צו אנויער, און איך טריי אויפצוכאפן די ווערטער פון דעם ניגון, און שטייצעך אז דעם ניגון אליינס טרייעך אויך אויפצוכאפן. אבער עס איז נישט אזוי לייכט געגאנגען. אבער, איר ווייסטעך, יגעת ומצאת... האבעך מיט גרויס מיה באוויזן אויפצוכאפן געציילטע ווערטער.

נו, וואס טוט מען אז מען איז געבליבן שטעקן מיט די עטליכע ווערטער, און ווייטער (און אזוי אויך פריער) קען מען נישט. זינגט מען נאר די ווערטער, און יעדעס מאל ווען מען זינגט, בלייבט מען שטעקן אזוי אינמיטן דערינען (ווי זעמל אין דעם לעצטן געדאנק), מילא, עס איז טאקע נישט עק וועלט, און פילו נישט נאנט דערצו (ניבאדע, מען איז דאך אזוי ווייט פון אינדיע) אבער דאך, געשמאק איזעס נישט.

אלזא האבעך מחליט געווען זיך צו ווענדן צו די געערטע חברי הקרעטשמע, וועלכע האבן מיר שוין מערערע מאל ארויסגעהאלפן אין זעלכע סיטשועישאנס, און בעטן אזויך היצטערט זאלן זיי מיך נישט לאזן פאלן.

אלזא, די ווערטער וואס כ'אב אויפגעכאפט זענען:

הגיע זמן גאולתכם, ואם אין אתם מאמינים, ואם אין אתם מאמינים..................

גראדע וועט זיין אינטערעסאנט אנצומערקן, אז ביים מצוה טאנץ האט דער בדחן, ערעב .... האלפערין פון מאנטריאל (א ברודער פון דעם שפילער ר' חיים ישראל) - וועלכער וואלט באמת ווערט געווען אן אשכול פאר זיך, ער איז, לדעתי, פון די בעסטע בדחנים היינט - אויפגערופן די חתן כלה אויף דעם זעלבן דערמאנטן ניגון, און איך געדענקט ווי ער האט געזאגט די ווערטער אזוי "הגיע זמן שמחתכם" אנשטאט גאולתכם.

עניוועי, אויב קענט איר אזוי גוט זיין, און ארויפשטעלן דא די ווערטער, און אזוי אויך דעם מקור, און אוודאי און אוודאי אויב איר קענט ארוישפטעלן דא דעם ניגון אליינס, וועל איך אייך אונוואונטשן בכל מילי דמיטב...

[עס עפעס]

בשעה שמלך המשיח בא היה עומד על גג בית המקדש ומשמיע לישראל ואומר ענוים הגיע זמן גאולתכם ואם אין אתם מאמינים ראו באורי שזורח

http://www.daat.ac.il/daat/olam_hatanah ... sh=shimoni

[טהור-עיניים]

גרויסער שערקויעח ערעב עס עפעס, ווער האט מחבר געווען דעם ניגון ווייסט איר אויך, ווער איז דער זינגער וועלכער האט אים דעליווערט פארן ברייטן ציבור, און אויף וועלכען רעקארד.

און אזוי אויך, וואו קען מען אים הערן.

[עס עפעס]

כווייס נישט צו דו מיינסט צו מאכן ליצנות, ווייל דאס איז א באקאנטער ניגון אויף יוסי גרינ'ס לעצטע טעיפ "תו השמיני". יוסי האט דאס קאמפאזירט און מרדכי בן דוד זינגט עס

[צום זאך]

כ'הער אז ס'איז שוין דא אידישע גראמען ווערטער אויף דעם ניגון, איינער האט עס?

[גרוש]

ווען איך האב געהגרט די ניגון צום ערשטן מאל האב איך געטראכט אקוראט ווי טהור'ל אז אויב וויל ער אזוי שטארק משיח זאל קומען פארוואס זינגט ער די ניגון זאל ער גיין לערנען

[טהור-עיניים]

ניין, איך האב נישט געמאכט קיין ליצנות, איך הער ב"ה נישט די אלע טעיפס, (כאטש, האמת אודה, אז מרכדי'ן האב איך דוקא זייער ליב, איך האלט אז ער זינגט שענער פון די אלע אנדערע זינגערס, און פאר סאם ריזען האב איך געהאט א קלער אז ער זינגט דאס, ס'האט מיר עפעס געשמעקט פון אים) און ממילא האב איך נישט געוואוסט פון דעם ניגון ביז איך האב עס געהערט ביי מיין חבר'ס זון'ס חתונה, און אצינד בעט איך נאכאמאל, ווער עס האט דאס, ספעציעל אויב איינער האט דאס ווי מרדכי זינגט דאס, וואלט איך אים דאנקבאר געווען אויב ער קען דאס דא ארויפשטעלן

[צום זאך]

איך גלייב אז מען דארף האבן רשות עס אויב מ'וויל עס ארויפצלייגן דא (פונעם ארגינעלן אלבום)

[קרעמער]

בשעה שמלך המשיח בא היה עומד על גג בית המקדש ומשמיע לישראל ואומר ענוים הגיע זמן גאולתכם ואם אין אתם מאמינים ראו באורי שזורח

http://www.daat.ac.il/daat/olam_hatanah ... sh=shimoni

"היה" איז איבריג.

[גרויזאמער]

צום זאך, גראדע בין איך זייער ווארים פאר דעם ניגון, און איך האב געזען די ווידיאו ווי יוסי גרין זינגט עס ביי שוועקיס קאנצערט עס האט מיך ארויסגענומען פון די גלייזן, איז מיר זייער אינטערסאנט וועגן די אידישע גראמען פון וואס דו רעדסט, ווייסטו מער דעטאלן? גייט עס ארויסקומען אויף א אלבוים? וואס מיינסטו צו זאגן אז "עס איז דא", וואו עס איז עס?

[גרויזאמער]

קרעמער, היה איז א לשון שמחה, הער אויף מיט דיינע מעשיות.

[צום זאך]

גרויזי, די מעשה איז אזוי,
מיין חבר איז געווען לעצטענס ביי א קומזיץ צוזאמען מיט זיינע חברים, ער האט עס רעקארדירט, און צווישן די ניגונים וואס זיי האבן געזינגן איז געווען די "ענוים" ניגון, און זיי האבן געזינגן דערויף גראמען אין אידיש זייער שיין, כ'דענק שוין נישט די גראמען, און מיין חבר זאגט אז ער קען נישט טרעפן די ריקארדינג'ס, איך האלט אז ס'איז זייער גוט, און איך וויל וויסן ווער עס האט עס געמאכט.

וואס נאך ווילסטו וויסן? ווער שוועקי איז דארף איך דיר נישט זאגן, איא?

[קרעמער]

קרעמער, היה איז א לשון שמחה, הער אויף מיט דיינע מעשיות.

"והיה" איז א לשון שמחה, און אריינלייגן א ווארט וואס שטייט נישט אין חז"ל איז א לשון צער.

[גרויזאמער]

צום זאך, גראדע בין איך אויך געווען ביי יענע קומזיץ, אויב רעדסטו פון די עי טיים קומזיץ אויפן האדסאן, און קיינער האט נישט דארט געזינגען ענוים, סאו אדער ברענגסטו אהער דעם רעקארדינג, אדער וועט יעדער זען ווי אמת די מעשה איז.

אגב, אויב מיט בייזן וועט נישט העלפן וועל איך טרייען מיט גוטן, אבער קודם לאמיר זען. (זעסט? למשל קרעמער גיי איך יעצט איגנארירן, ווייל מיט אים האב איך שוין געטרייט מיט גוטן און מיט בייזן).

[צום זאך]

אה, זעהסט, כ'בין טאקע אביסל צומישט, מ'האט טאקע נישט געזינגן 'ענוים', מ'האט געזינגן עפעס אויף די ווערטער 'והימים ימי בכורי ענבים'...

וועגן די ריקארדינג, כ'וועל מוזן נאכמאל פרעגן מיין חבר (די ביסט עס אפשר?) דערוועגן.

[מבין נומ 1]

אויף 'מונה 5' האט ער אויך א ניגון (כמיין ס'די לעצטע אויפ'ן אלבום) אויף די ווערטער, געזונגען דורך ר' אהרן הלוי.
אבער ער זינגט יא "היה" עומד וכו'

[ליינער]

דא האט איר עס ווי מ. ב. ד. זינגט ענוים ענוים ביי די ברית פון מנחם טוקר'ס זון

[צייטליך]

אראפגענומען מיין תגובה נאך ליינער האט געטוישט זיין הודעה.

[ליינער]

איך האב געטראפן א קליפ ווי די מלך אליינס זינגט עס באט עס איז אויף יו טויב סאוי ווער עס קען עס איבערלייגען וועל איך קענען ארויפלייגן

[אלף בית]

איך האב אביסל אריינגעקוקט אינעם מדרש.
הפלא ופלא. כהאב עס נאך קיינמאל נישט געהערט.
קודם די ערשטע משל (קומט צו זאגן מיט ניגון פון די של"ש תורה) איינער וואס איז געגאנגען אין וועג, ווען די זון איז אונטערגעגאנגען האט ער נישט געקענט גיין ווייטער איז געקומען איינער און האט אים אנגעצינדן א ליכט, איז געקומען א ווינט און עס פארלאשן, איז געקומען א צווייטער און אים צוריק אנגעצונדן, איז געקומען א ווינט און ווידער פארלאשן. האט ער געזאגט, יעצט וועל איך שוין ווארטן ביז די זון וועט נאכאמאל אויפשיינען..
איי ווען דער רבי ז"ל וואלט ווען געהאט דעם מדרש וואלט ער געמאכט צימעס דערפון.

און וואס זאגט איר צו דעם שטיקל.

מלך פרס מתגרה במלך ערבי והולך מלך ערבי לארם ליטול עצה מהם וחוזר מלך פרס ומחריב את כל העולם וכל אומות העולם מתרעשים ומתבהלים ונופלים על פניהם

פרס איז איראן, ארם איז סיריע. (קרעדיט הערשל פ"מ)

אלף בית פארדריי נישט דעם אשכול.

צוריק צום ענין: דער ניגון איז א געוואלדיגע ניגון די ווערטער נישט פלעין.
און סאיז נישט סתם א ניגון און ארויסגעלייגט ווערטער דערויף, נאר די סטייל דערפון שטומט עפעס מורא'דיג מיט די די ווערטער.

אבער קרעמער האט אריינגעווארפן א פלאקן מיט די 'היה' אז די ניגון איז שוין ביי מיר עפעס.... עפעס.... איך ווייס נישט וואס צו זאגן..

[אלטעבחורל]

ווי איז די ארגינעלער אשכול פון יוסי'ס 8טע נאוט, דארט האמער אויסגעגעבן די שעפשעריי וואס די ניגון פארקויפט.

מיר האט זיך געפיקטשערט ווי די ניגון ווערט געזינגען פון א דאך. די ניגון רייסט ביים הארץ. א שטיק געפיל, יוסי איז די מעעען! לאמיר טאקע שוין אנצינדן די ניגון דא, איין מינוט נאר .... אקער ער ארבעט.

יוש... ווען קומט ער שוין ארויס מיט נאך עפעס? וויכטיג, ווי האלט זיין ווינדאוי שעיד טעיפ?

אימענאַטעם מאמינים! אימענאַטעם מאממממממינים! ראאו באארררי שזרווחחח.

[קרעמער]

איך האב שוין געהערט דעם ניגון מערערע מאל פון מערערע זינגער, און קיינמאל נישט באמערקט זיי זאלן אריינגליטשן א "היה" אינדערמיט. איך האב דאס פארשטאנען אלס א קרעכץ.

[שוועמל]

דער ניגון זינגט דאך עמית ליסטוואנד אין זיין נארוואס רעליסטע אלבום. טא גיי קויף עס.

[געלעגער]

ווען איך האב געזעהן די קעפעל האב איך מעך דערמאנט פון גרויזי,
איינער ווייסט פארוואס?

[גרויזאמער]

יא, ווייל בשעת דו האסט געליינט די קעפל האסטו געגעסן סושי.

אדער האסטו דיך דערמאנט ווי איך האב געזינגען פאר די מענטשן אין תפיסה: גנבים גנבים, הגיע זמן, הגיע זמן גאולתכם.