דודי קאליש - הענטעלעך

[elmonsey]

preview hentelech

[יא יא]

עס איז שוין ארויס?

לויט ווי איך האב פארשטאנען, דארף עס היינט אדער מארגן ארויסקומען אין א"י. אין אמעריקא וועטעס נאך דויערן אביסל.

[יא יא]

למעשה נאכן אויסהערן די סי די, עלעך ענק זאגן חוות דעתי, עס איז א דיסק וואס רוב פון אונז דא וואלטן נישט אריינגענומען צו אונז אין שטוב. עס איז נישט געמאכט (מיינעך) פאר היימישע חסידישע אינגעלייט. סארי.

למעשה די מיוזיק איז שיין אין איך האב ליב די key אוף וואס ער זינגט.

דודי קאליש זינגט גאנץ שיין, ספעציעל די שטייטע ניגונים האבעך זייער שטארק ליב. אבער דער צווייטע וואס זינגט דארט האבעך נישט אזוי ליב זיין שטימע. די טעיפ אליין ווי איך האב געהערט, און ווי מען הערט אויף די פריוויו, איז נישט אונזער סטייל. צו להלכה איז דאס אסור? דאס האט מען שוין אסאך געשמועסט אין אנדערע אשכולות, אבער די היימישע סאסייעטי וועט לכאורה נישט קויפן דעם טעיפ, נישט קיין חילוק ווי שיין עס איז.

[פרעזידענט]

מדד טסה זינגט זייער שיין, ער איז גאר אינג

[פרעזידענט]

קרוץ מחומר זינגט מען שוין לאנג אויף חתונות אין א"י, מ'מעג עס ווען אימפארטירען קיין אמעריקע

[יא יא]

מדד טסה זינגט זייער שיין, ער איז גאר אינג

כאטאקע פארגעסן צו שרייבן, די סאולאו פון מידד טסה אויף דער סי די איז הערליך.

[יא יא]

קרוץ מחומר זינגט מען שוין לאנג אויף חתונות אין א"י, מ'מעג עס ווען אימפארטירען קיין אמעריקע

כאבעס שוין געהערט ביי חתונות דא, פון שלומי טויסיג, און אויך האבעך אמאל געהערט ווי מאטי מיללער (א מיוזישען) שפילטעס.

[1x1]

שוין אויך געהערט ווי יוחי בריסקמאן-נגינה צוזאמען מיט יאמי לאווי זינגענעס אין עטרת חי'.

[elmonsey]

אה איך האב געמיינט אז עס איז שוין דא איןא"י...

איך האב גראדע זייער ליב די סידי

[יא יא]

איך האבעס אויך אביסל ליב, אבער די היימישע עולם וועט על פי חשבון נישט קויפן דער סי די.

[elmonsey]

אויב עס וועט זיין א איסור קענסטי זיין זיכער אז יעדער וועט עס קויפן פינקט אזויווי די ערשטע סידי רעפ אין אידיש

[יא יא]

קודם כל איך בינאכנישט זיכער אז מען האט געקויפט רעפ אין אידיש, צווייטנס איך וואלט טאקע מייעץ געוועהן די חברה צו באקומען אן איסור, אזוי וועלן זיי מיסטאם פארקויפן מער.

[elmonsey]

אין א"י האבן עס זייער אסאך מענטשען געקויפט

[יא יא]

כאב יעצט אראפגעלייגט די טעלעפון מיט לוי טויסיג (די פראדוסער'ס), און ער האט מיר טאקע געזאגט אז אין די ערשטע טאג האבן זיי פארקויפט אסאך מער ווי געראכטן.

[bailout]

יא יא באמערקסט אז די לעצטע שטיק צייט פארקויפט זיך פון יעדע אלבום סאך מער ווי מ'האט זיך געראכטן...

[תמים]

יא יא באמערקסט אז די לעצטע שטיק צייט פארקויפט זיך פון יעדע אלבום סאך מער ווי מ'האט זיך געראכטן...

איך האב עטליכע וואכן צוריק געהאט גערעט מיט עטליכע דיסטריבעטערס האבן זיי מיר געזאגט אז זייט די עקנאמיע האט אנגעהויבן גיין מיטן קאפ אראפ,פארקויפן זיך אסאך מער סידי'ס,די סיבה דערצו איז פשוט דער עולם איז איסל אנגעזעצט אין מען פראבירט זיך אויף צולעבן דורך די אלבום'ס וואס ערשיינען אויפן היימישן מארקעט

[יא יא]

תמים האט אריינגעהאקט, און ס'קען זיין אז ער איז גערעכט, אדער נישט, איך זאג נאך וואס יענע זאגט, און די לעצטע שטיק צייט רעדיך מער מיט מענטשן וואס זענען אינוואלווד. עס קען טאקע זיין אז זיי האבן גארנישט פארקויפט, אבער געזאגט האטער מיר אז ער האט פארקויפט מער ווי געראכטן.

[שמערי בערי]

כ'וויל נישט אוועק דרייען דעם אשכול, אבער אוודאי פארקויפן זיי מער, זייט ס'דא היכל הנגינה ווערן אלע טעיפס פאפולער נאך פאר ס'קומט ארויס...

[יא יא]

שמערי, איך שעמזיך באמת אז איך האניש געטראכט אזוי.
קודאס טו שמערי.

[ארעסטאנט]

די אלבוים איז נעכטען אנגעקומען אין די סטארס, אבער פאר סאם ריזען שטייט אויף די קאווער למכירה בארה"ב בלבד..

די מיקס איז געוואלדיג, די ניגונים זענען אויפגעשפילט מיט אסאך נייע קנייטשן... די אידישע ניגון איז נאטינג ספעשיל, אבער די הארא ניגונים איז עכט דודי קאליש!! אויך הערט מען מידד טסא אין די חנינא ניגון (וואס ווי שוין באוויסט גייט דאס זיין אויף יואלי שווארץ'ס אלבוים..) עס איז בכלל נישט די רעפ אין אידיש סטייל, עס איז דירעקט חסידישע ניגונים און לעצטערע קאמפאזאציעס.

[הענטעלעך]

פשוט מאד, כי חברת ההפצה קנתה את הזכויות לארה"ב בלבד

[וויכטיג מאכער]

בעילאוט, דו האסט א אינטערעסאנטע פוינט, אבער פארט א פאקט!

די לעצטע פאר יאר, זענען סעיל'ס פון אלבוים'ס שטארק געפאלן, מ'מאכט קאפי'ס און נאך סיבות, אבער די לעצטע יאר אליין, זענען געווען אסאאך סורפרייזעס.

משה גאלדמאן האט פארקויפט מער ווי די לעצטע 3 פאר די היי יאריגע.

שלומי טוסיג האט פארקויפט מער ווי געראכטן.

בערי וועבער האט פארקויפט מער ווי געראכטן.

מיכאל האט פארקויפט פון זיין יעצטיגע אלבוים מער ווי ער האט פארקויפט פון זיין ערשטע 3, מיכאל האט מיר געזאגט ווען איך ווייס ווען אז ס'גייט גיין אזוי סאך, אזוי שנעל, וואלט איך עס קיינמאל נישט פארקויפט. (פאר ניגון.)

לחיים טיש 5 איז געגאנגען בעסער ווי 4-3-2, (נישט ווי איינס..)

און נאך...

ס'איז זייער שווער אנצוווייזן די סיבה אויף די זאכן, צו ווייל מ'לייגט אריין מער עפארד, צו בעסערע עדוויטייזמענט, און ווי א חלק זאגן אז "אייוועלט" ברענגט ארויס סעיל'ס.

מיין אפיניען איז אז דאס איז וויבאלד ס'איז געווען אפאר שווערע יארן אין די אינדאסטרי, זענען די עקספעקטעישן'ס זייער געפאלן, סאו אז מ'רעכנט היינט אויף א סידי 5,000 שטיק, און ס'גייט 7-8,000, איזעס בעסער ווי ערווארטעט.

די באדדעם ליין איז, סעיל'ס זענען העכער ווי ערווארטעט!!!

(אינפערמעישן גענומען פון דיסטריביוטער'ס, און סטאר'ס..)

[1x1]

ווער ס'האט א קליפ צי א לינק פון די חתונה (וואס איז נעכטן פארגעקומען אין תפארת מרדכי אין ב"פ) וואס דודי קאליש איז דארט געווען מיט זיין (?) בענד, מיט מיכאל און ליפא - זאל עס ביטע אהערברענגען.

די חתן הייסט דאכצעך רובין און ער זינגט אויף 'הענטעלעך'.

[וואלוועלע]

1X1 נא זעה שוין צו פארשאפן א קליפ דערפון ס'דארף לכאורה צו זיין געוואלדיג