סאכדעס האט געשריבן:יא יא, זאגסטעך גוט, יישר כוח פאר די דיטעילד ביאגראפיע. לויט ווי עס קוקט אויס, ביסטו גוט באקאנט אינ'ם עולם המנגנים, און היות, עס ווילט זיך הערן ביאגראפיעס פון נאך בעלי מנגנים, וואלט איך געוואלט בעטן אויב עס איז שייך, זאלט איר שרייבן פון נאך.
יאשר כוח למפרע..
טאקע נאך דער תגובה, און אויך נאכן ווערן קאנווינסד דורך מאשקע האבעך אנגעהויבן שרייבן וועגן אנדערע אין די עולם הנגינה, וווי: ישראל ווערדיגער, מאטי איללאוויטש, און בערי וועבער. פאר איך הייב אן וויל איך מיר פערזענליך באדאנקען פאר מאשקע, פאר מיר מאכן פילן היימיש דא אין קרעטשמע, אזוי אויך פאר וויכי און צייטליך וואס האבן אוועקגעגעבן אסאך צייט אויפצובויען די היכל הנגינה, און מיר אויסלערנען וויזוי מען מעלדט א נייעס. איך עפרישיעיט באמת ענקער ארבעט, און איך האף זיך נאך אסאך צו לערנען פון ענק.
אבער לאמיר גלייך צוגיין צום פוינט און באשרייבן אביסל דער געוואלדיגע TeeM.
די לעצטע שטיק צייט האט מען אסאך געהערט דעם נאמען TeeM Productions סיי אין די גאס אין בפרט דא אין קרעטשמע.
וואס איז דאס טים פראדוקשעןס?
ווען וויאזוי און פארוואס איז דאס געגרינדעט געווארן?
די שאלות און אלעס ארום טים פראדוקשעןס וועלן מיר פרובירן צו פארענטפערן און באשרייבן אין דעם אשכול, אזוי אויך ווען עס וועט כסדר צוקומען נייעס און בילדער.
קודם כל פאר די וואס ווייסן נאכנישט איז טים פראדוקשען'ס די וואס זענען געשטאנען אונטער די געוואלדיגע הצלחה פון לעצטיגע אלבום'ס ווי שלומי גערטנער'ס 'ניסים', ישראל ווערדיגער'ס 'בית נאמן בישראל', און שלומי טויסיג'ס 'מודים אנחנו'. טים באשטייט בעיקר פון צוויי געוואלדיגע טאלאנטן אין די עולם הנגינה: יוסי טיבערג און גרשי מאשקאוויטש. אזוי אויך זענען דא אנדערע נעמען וואס זענען כסדר אפיליעיטעד מיט טים ווי למשל יוסי גרין.
איך האב געכאפט א שמועס מיט יוסי טיבערג און מיט גרשי מאשקאוויטש, אזוי אויך מיט אפאר פון די זינגערס וואס האבן געארבעט מיט זיי, איך וועל שרייבן די ארטיקל געבויט אויף די תשובות וואס איך האב באקומען פון זיי.
צום אלעם ערשט ווען איז טים פראדוקשען'ס געגרינדעט געווארן?
אנגעהויבן האט זיך עס ביי שלומי גערטנער'ס אלבום, גרשי מאשקאוויטש פלעגט פראדוסן חתונות וכו', גרשי האט אנגעהויבן ארבעטן אויף אן אלבום צוזאמען מיט שלומי. גרשי איז דעמאלס געקומען צו יוסי טיבערג זייענדיג אן עקספערטיז אין דער פעלד, אז ער זאל פראדוסן די אלבום צוזאמען מיט אים.
יוסי טיבערג פלעגט אלץ ארבעטן אין סטודיא אלץ א פראדוסער, פאר עס איז געוועהן טים פראדוקשען'ס האט יוסי געארבעט צוזאמען מיט מבד, אברהם פריד, יודל ווערדיגער, שמעון קרעמער און נאך.
נאכן אנהייבן צו ארבעטן אויף די אלבום, האט יוסי מחליט געוועהן צו עפענען אן אייגענע סטודיא (Tee Studios), און דארט האט מען טאקע רעקארדירט רוב פון די וואקעל'ס פון דער אלבום. נאכן געוואלדיגע הצלחה פון דער אלבום האבן זיי איינגעזעהן (יוסי מיט גרשי) אז זיי מאכן א געוואלדיגע Team צוזאמען, און טאקע דעמאלס האבן זיי זיך א נאמען געגעבן (מיט א גרויסע קידוש) TeeM Productions. די נאמען טים איז צוזאמענגעשטעלט פון TeebergMoskowitz.
נאך די געוואלדיגע הצלחה פון די אלבום סעילס, איז גרשי נישט שטיל געבליבן קיין מינוט נאר האט גלייך אנגעהויבן ארבעטן אויף זיין נעקסטע פראדשעקט: ישראלי ווערדיגער'ס אלבום – בית נאמן בישראל, דא האט ער שוין אפילו נישט געטראכט נאר איז גלייך געגאנגען צו יוסי טיבערג ווי זיי האבן צוזאמען אויסגעארבעט אלע דעטאלן פון די דיסק פון א-ת.
נאך ארבעטענדיג אויף ישראלי ווערדיגערס טעיפ האט מען זיך אנגעהויבן ערנסט פארנעמען מיט שלומי טויסיג'ס אלבום – מודים אנחנו. און אזוי ווייטער מיט נאך פראדשעקטס.
זוממער ס"ז, נאכן זעהן די געוואלדיגע הצלחה פון די אלבום'ס און די איווענטס וואס זענען צוזאמענגעשטעלט געווארן דורך טים, זענען זיי געגאנגען א שריט ווייטער און געמאכט [פאר די ערשטע מאל ביי די היימישע עולם] א קומזיץ אויף די האדסאן, ווי אלע דא ווייסן שוין איז יענץ געוועהן א געלונגענע זאך, והראי' עס איז געוועהן נאך דריי נאכדעם.
וואס קענסטו אונז זאגן וועגן וועלכע פראדשעקטס טים ארבער יעצט אויף?
ערשטנס איז דא שלומי גערטנער'ס אלבום, מען האלט שוין דארט אינמיט רעקארדן די וואוקאלס, מען האפט אז עס זאל זיין אינדערויסן ביז אפאר חדשים. אזוי אויך האלט מען אינמיטן ארבערן מיט מענדי ווערדיגער אויף חברים 5, נאך א זאל וואס מען האלט שוין אינמיטן ארבעטן איז, שעידס אוו גרין פון יוסי גרין. ישראלי ווערדיגער האט שוין אויך אנגעהויבן ארבעטן אויף זיין צווייטע אלבום. אונז האבן אויך לעצטענס באשטעטיגט אז מען גייט אי"ה ארבעטן צוזאמען מיט די נייע זינגער שרגא געשטעטנער אויף א נייע אלבום. עס איז דא נאך פראדשעקטס און איווענטס אויף די טיש, אבער מען קען עס נאכנישט דורכשמועסן אין פובליק, אפשר ביי א צווייטע געלעגנהייט וועל איך ענק מודיע זיין.
וואס זעהט עטס אין טים פראדוקשען'ס פיוטשער?
אונז האף מיר צו סערווירן די היימישע עולם מיט הערליכע דיסקס, אזוי אויף לייג מיר אונז א שטארקע דגוש אז די דיסקס וואס אונז געבמער ארויס זאלן זיין אינטערסאנט פאר וואס מער מענטשן, אפילו עס איז א חסיד'ישע דיסק זאל עס זיין געשמאק צו הערן פאר איינער וואס הערט נישט געווענליך קיין חסיד'ישע מוזיק. אזוי אויך האפן אונז צוצושטעלן נאך אינטערסאנטע קומזיצן וכו' אויף אן אויסגעהאלטענעם פארנעם, אז די היימישע עולם זאל אויך קענען הנאה האבן דערפון.
ס"ה: טים פראדוקשען'ס פראדוסד סי די'ס, שאו'ס, קומזיץ'ן, עלעגאנטע חתונות, אדער סיי וואספארא סארט קלאסישע איווענט עס זאל נאר זיין וואס אינוואלווד מוזיק אדער זינגערס.
איך וויל נעמען דער געלעגנהייט זיך דא פערזענליך באדאנקען פאר יוסי טיבערג און גרשי מאשקאוויטש פאר אוועקגעבן פון זייער ביזי צייט פאר אונזערע טייערע ליינער.
איי עם יא יא, ריפארטינג לייוו פראם ברוקלין פאר ק.נ.א.
פי. עס. דא וועט מען כסדר אפדעיטן נייעס פון טים פראדוקשען'ס, אזוי אויך בילדער ווען עס איז דא.
המשך יבוא אי"ה